ئه‌و ده‌نگوباسێ هه‌موو حه‌ژێكه‌رێن یانا دهۆك پێ دلته‌نگ دبن!

30/12/2014 20:29

338

ئه‌ڤرۆ نیوز، قه‌یس ئیسماعیل
پشتى ئه‌و قه‌یرانا دارایى ئه‌وا سه‌ر كوردستانێ دا گرتى و كارتێكرنه‌كا مه‌زن ل سه‌ر ره‌وشا كوردستانێ كرى و ب تایبه‌ت وه‌رزشا كۆردستانێ ، یانا دهۆك ئێك ژ وان یانا بوو ئه‌ڤێن زیان گه‌هشتیێ و بوو ئه‌گه‌ر راهینه‌رى خوه‌ ل خۆلا عیراقێ و چه‌ندین یاریكه‌رێن خوه‌ ژ ده‌ست بده‌ت، زێده‌بارى چه‌ندین هه‌یڤه‌ كارمه‌ندێن وێ موچێ خوه‌ نه‌وه‌رگرتیه‌ ، ئه‌ڤرۆ و پشتى هه‌مى ده‌رگه‌ه هاتینه‌ گرتن به‌رامبه‌ر به‌رپرسین یانێ، نه‌چار بوو ده‌رگه‌هى خوه‌ بگرن و چالاكیێن خوه‌ هه‌میا ب راوه‌ستین.
ژێده‌ركێ بۆ سایتێ ئه‌ڤرۆ نیوز دیاركر یانا دهۆك بڕیار دا هه‌مى یاریێن خوه‌ براوه‌ستینیت ژ ئه‌گه‌رێ نه‌مانا پاره‌ى و پشته‌ڤانیێ بۆ یانێ.
دهێته‌ زانێن رێڤه‌به‌رێ گشتێ یێ وه‌رزشى ل وه‌زاره‌تا ره‌وشه‌نبیرى ولاوان بڕیار دا هه‌ر یانه‌كا پشكدار د خۆلا كۆردستانێ دا 100 ملیون دینارا وه‌ك به‌خشین بده‌تێ به‌لێ وه‌سا دیاربوو ئه‌ڤ كوژمه‌ سه‌روكێ به‌روه‌ختێ یانا دهۆك كاوه‌ فه‌یسه‌ل رازیى نه‌كریه‌ له‌وا نه‌چار بوو ده‌رگه‌هێن یانێ بگرن.

ئه‌ڤرۆ ئێڤارى ل مووسل چه‌ند داعش هاتینه‌ كوشتن؟

30/12/2014 20:08

212

ئه‌ڤرۆ نیۆز ، بارزان سلێمان مزوورى
به‌رپرسێ لقا 14 یێ مووسل ، عصمه‌ت ره‌جب ، بۆ ئه‌ڤرۆ نیوز دیار كر ئه‌ڤرۆ ئێڤارى فرۆكه‌یێن شه‌رى یێن هه‌ڤپه‌یمانان بنگه‌هێن چه‌كدارێن تیرۆرستێن داعش ل ناڤ باژێرێ مووسل تاخێ ( حى وحده‌) و مووسلا نوو، بوردومانكرن و ل دووڤ پێزانینان 42 داعش هاتینه‌ كوشتن.
ناڤبرى خویاكر كۆ نه‌خوشیه‌كا ئاشكرابووى ل نه‌خوشخانه‌یێن مووسل ژبه‌ر هاتنوچونێن داعش و ئه‌وێن بیانى دهێن بۆ مووسل و ئه‌و نه‌خوشیه‌ لگه‌ل وان دهێته‌ ڤه‌دگوهاستن بۆ هه‌ر وه‌لاتیان، ئه‌گه‌ر بله‌ز چاره‌سه‌ریا وێ نه‌خوشیێ نه‌هێته‌كرن، دێ ل ناڤ باژێرێ مووسل به‌ربه‌لاڤ بیت .

هه‌یڤا بهێت دێ چه‌ند ده‌مژمێران كاره‌با نیشتمانى هێنه‌ دابینكرن؟

30/12/2014 16:37

151

كارەب — 17 ده‌مژمێرێن كاره‌بێ ل هه‌یڤا 12 دهاتنه‌ دابینكرن

ئه‌ڤرۆ نیوز:

رێڤه‌به‌رێ گشتى یێ كونترۆل و گه‌هاندنا كاره‌با هه‌رێما كوردستانێ راگه‌هاند بۆ هه‌یڤا ئێك، ره‌نگه‌ دانا كاره‌با وه‌كى هه‌یڤا 12 بیت، د ده‌مه‌كى دا، ئه‌گه‌رێن پلێن گه‌رمایێ زێده‌تر نه‌هێنه‌ خوار.
ئومێد محه‌مه‌د رێڤه‌به‌رێ گشتى یێ كونترۆل و گه‌هاندنا كاره‌بێ دیاركر كو د ڤێ هه‌یڤێ دا ئه‌و یێن شیاین ژ وێ سێ هزار میگاواتێن ل به‌رده‌ست، نێزیكى 17 ده‌مژمێران كاره‌با نیشتیمانى بده‌نه‌ وه‌لاتیان.

وه‌لاتیه‌كێ سێمێل ل به‌رده‌ره‌ش بریندار دبیت

30/12/2014 16:27

165

ترومبيل — سێ و 35 ده‌قیقه‌ى شڤێدى، ئه‌ڤ ترۆمبێله‌ وه‌رگه‌ریایه‌

ئه‌ڤرۆ نیوز, ره‌زوان رۆژبه‌یانى:
ل سه‌ر رێیا گشتى یا د ناڤبه‌را قه‌زا به‌رده‌ره‌ش و ناحیا كه‌له‌ك ترومبێله‌كا بارهه‌لگر وه‌رگه‌ریا و د ئه‌نجام دا شوفێرێ وێ بریندار بوو.
كۆمیسه‌ر حازم محه‌مه‌د ژ راگه‌هاندنا هاتن چوونا قه‌زا به‌رده‌ره‌ش بۆ ئه‌ڤرۆ نیوز خویا كر كو ل شه‌ڤا چوویى ل ده‌م ژمێر (3:35) د ره‌نگێ شه‌ڤێ ل رێكه‌فتێ 30/12/2014 ل سه‌ر رێیا گشتى یا ناڤبه‌را قه‌زا به‌رده‌ره‌ش و ناحیا كه‌له‌ك نێزیك گوندێ قادسى، ترومبێله‌كا بارهه‌لگر ژ جۆرێ ترێله‌ تانكه‌ر داف وه‌رگه‌را و د ئه‌نجام دا شوفێرێ وێ بریندار بوو و هاته‌ ره‌وانه‌ كرن بۆ نه‌خوشخانه‌ به‌رده‌ره‌ش و ترومبێل ژى ب ته‌مامى هاته‌ سووتن.
كۆمیسه‌ر حازم دیاركر ژى كو شوفێرێ وێ خه‌لكێ قه‌زا سێمێله‌ و ئه‌گه‌رێ روودانێ ژى بۆ نه‌پێگیریكرن ب یاساو رێنمایێن هاتن و چوونێ ڤه‌دگه‌ریت.

وێنه‌یى: خوشترين جهێن دلڤه‌كه‌ر ل دونیایێ

30/12/2014 15:30

1785

1 of 6

جوداهيا باران بارينێ ل گه‌ل سالا بۆرى

30/12/2014 14:57

138

ئه‌ڤرۆ نيوز:

رێڤه‌به‌ريا گشتيا كه‌شناسيا هه‌رێمێ ئامارێن جوداهيا رێژا باران بارينێ ل گه‌ل سالا بۆرى به‌لاڤكرن و ئاماژه‌ ب وێ چه‌ندێ كر كو ل ئه‌ڤ ساله‌ هه‌تا ئه‌ڤرۆ 30\12\2014 نێزكى 140 ملم بارانێ زێدترى سالا بۆرى باران باريه‌.

پشكا پێشبينيان ل رێڤه‌به‌ريا گشتيا كه‌شناسيا هه‌رێمێ د نڤيساره‌كێ دا راگه‌هاند كو ل سالا بۆرى هه‌تا ڤى ده‌مى ئانكو 30\12\2014 ل دهۆكێ 206.5 ملم باران باريه‌، به‌لێ ئه‌ڤ ساله‌ 343.8 ملم باران باريه‌.

دايه‌ زانين ژى كو ل هه‌ولێر ژى ل سالا بۆرى 87.1 ملم باران باريبوو، به‌لێ ئه‌ڤ ساله‌ 193.9 ملم باران باريه‌ و ل سلێمانيێ كو ئه‌ڤه‌ ژى دبيته‌ ب جوداهيا زێده‌ترى 100 ملم بارانێ كو ئه‌ڤ ساله‌ زێده‌تر بارينه‌.

ل ب گۆره‌يى ئامارێن هه‌مان رێڤه‌به‌رى ل سلێمانيێ جوداهيه‌كا مه‌ز هه‌يه‌ كو هه‌تا نوكه‌ رێژا سالا بۆرى ژ يا ئه‌ڤ ساله‌ زێده‌تر بوويه‌ ب ره‌نگه‌كى سالا بۆرى 336.8 ملم باران باريبوون، به‌لێ ئه‌ڤ ساله‌ 335.7 ملم باران باريه‌.

وێنه‌ و ڤيديۆ: پرتێن فرۆكا ئه‌ندنوسى ب سه‌ر ئاڤێ كه‌فتن

30/12/2014 13:39

258

ئه‌ڤرۆ نيوز:

تيمێن هه‌وارهاتنا ئه‌ندونوسى ده‌ست ب كۆمكرنا كه‌روپرتێن ئه‌وێ فرۆكا “فرۆكه‌ڤانيا ئاسيا” كر ئه‌وا ل رۆژا ئێكشه‌مبى به‌رزه‌ بوويى و هه‌لگرا 162 كه‌سان.

فرۆكێن لێگه‌ريانێ كه‌روپرتێن ڤێ فرۆكا به‌رزه‌ ل ده‌مژمێرێن ده‌سپێكى يێن رۆژا سێشه‌مبى د ناڤ ده‌ريا گاوه‌ ل سه‌ر كه‌نارێن ئه‌ندونسيا ل گزيرتا بۆرنيۆ ديتن.

هه‌تا نوكه‌ ب گۆره‌يى ژێده‌را نێزيكى 40 ته‌رمان ژ ئاڤێ ئيناينه‌ ده‌ر و ده‌رخستن و لێگه‌ريان يا به‌رده‌وامه‌ كو هنده‌ك ژ وان ته‌رمان ب سه‌ر ئاڤێ كه‌فت بوون.

فرۆكا به‌رزه‌ ژ جۆرێ ئيربس A320-200 بوو ل ده‌مێ گه‌شتا خوه‌ ژ سورابايا يا ئه‌ندونوسى بۆ سه‌نگافۆرا پشتى تووشى گه‌رده‌لوله‌كێ بوويى.

1 of 4

هه‌يڤانه‌ به‌غدا دێ ڤى كۆژمێ پاره‌يى بۆ هه‌رێمێ هنێريت

30/12/2014 12:19

230

ئەڤرۆ:

ئەندامەکا لیژنا دارایی ل پەرلەمانێ عیراقێ دیار کر کو د ھەیڤا بھێت دا ھەیڤانە و ب ئاوایەکێ رێکوپێک دێ پارە بۆ ھەرێمێ ھێنە رەوانەکرن و گۆت “ھەتا بۆدجە پەسەند بیت ھەیڤانە دێ ترلیۆنەک و ٢٠٠ ملیار دینار بۆ ھەرێمێ ھێنە ھنارتن”.
نەجیبا نەجیب ئەنداما لیژنا دارایی ل پەرلەمانێ عیراقێ دیار کر پشتی خواندنا ئێکێ بۆ پرۆژێ بۆدجا ٢٠١٥ ‌ھاتیەکرن، سەرۆکایەتیا پەرلەمانی لیژنا دارایی ‌و لیژنێن پەیوەندیدار ڕاسپاردن کو راپۆرتەکێ ل سەر پرۆژێ بۆدجێ بەرھەڤ بکەن و گۆت “ھەکە راپۆرتا لیژنا مە و لیژنێن دی ھەتا ٧یکانوونا دویێ ٢٠١٥ تمام ببن، دێ خواندنا دویێ بۆ ھێتەکرن و ب دیتنا من ھەر د ھەمان ھەیڤێ دا دێ بۆدجا ٢٠١٥ێ ھێتە پەسەندکرن”.
نەجیبا خانێ ئاشکرا ژی کر کو ل گۆر پرۆژێ قانوونا بۆدجا گشتی یا سالا ٢٠١٥ یا عیراقێ ١٢٣ ترلیۆن دینارە و پشکا ھەرێمێ زێدەترە ژ ١٦ تلیۆن دیناران و رێژا ١٧%ێ پشکا ھەرێما کوردستانێ د بۆدجا عیراقێ دا ھاتیە بجھکرن و گۆت “چ ئاریشە ل سەر پرسا بۆدجەی نەماینە و ئێدی پاشکەفتنا مووچێن فەرمانبەران نامینیت”.

بكوژێ دو وه‌لاتێن بيانى هاته‌ ده‌سته‌سه‌ركرن

30/12/2014 12:15

149

ئه‌ڤرۆ نيوز:

ئه‌ڤرۆ رۆژا شه‌مبى د كۆنگره‌كێ رۆژنامه‌ڤانى كو بۆ ليوا عه‌بدولخالق ته‌لعه‌ت، رێڤه‌به‌رێ گشتيێ پۆليسێن هه‌ولێرێ هاتبوو رێكخستن، تێدا راگه‌هاند تاوانبارێ ب كوشتنا دو وه‌لاتيێن بيانى ل هه‌ولێر رابوويى، هاته‌ ده‌سته‌سه‌رسكرن.
ئاماژه‌ ب وێ چه‌ندێ كر كو دو هه‌ڤژينێن لوبنانى كو زه‌لامى كارێ ئه‌نده‌زياريێ دكر، تێكه‌لى ل گه‌ل هنده‌ك هه‌ڤالێن كورد دروست ببوو، پاشان كێشه‌ كه‌فتبوونه‌ ناڤبه‌را وان دا كو ئه‌و ب خوه‌ ژى ئه‌نده‌زيار بوو.

رێڤه‌به‌رێ گشتيێ پۆليسان گۆت: “ئه‌و ئه‌نده‌زيار ل شه‌ڤا 23 ل سه‌ر 24ى ڤێ هه‌يڤێ ب مه‌ره‌ما برنا شرينى بۆ مالا وان دچيته‌ ژوور و ب چه‌كه‌كێ پێشكه‌فتى ژ جورێ (ويزه‌) هه‌ردو ژن و مێران دكوژيت و دبه‌ته‌ ژوورا وان و ئاگرى ب سوپێ به‌ردده‌ته‌ مال دا بێژن يێن تێدا هاتينه‌ سوتن، به‌لێ پشتى ته‌رمێن وان بۆ نوشداريا داد هاتينه‌ ره‌وانه‌كرن، ديار بوو كو ئه‌و به‌رى بهێنه‌ سوتن يێن هاتينه‌ كوشتن”.

زێده‌تر گۆت: “بكوژێ وان ژى بزاڤ دكرن بچيته‌ ژ ده‌رڤه‌يى وه‌لاتى به‌لێ هاته‌ ده‌سته‌سه‌ركرن و ته‌رمێن وان ژى دێ ب رێيا په‌يوه‌نديێن ژ ده‌رڤه‌ بۆ وه‌لاتێ وان هێنه‌ ره‌وانه‌كرن”.

ليوا عه‌بدولخالق ته‌لعه‌ت دا زانين ژى كو بكوژێ دو وه‌لاتيێن لوبنانى خوجهێ پارێزگه‌ها هه‌ولێره‌ و هه‌لگرێ باوه‌رناما ئه‌نده‌زيارى يه‌، بابێ وى ژى خودانا باوه‌رناما دكتورايه‌ ب زانستێن ده‌روونى و دايكا وى ژى مامۆستايه‌، ئه‌وى ئه‌و تاوان ژى ب چه‌كێ بابێ خوه‌ يێ ژ جۆرێ (ويزه‌) ئه‌نجامێ دايه‌.

وێنێ ئه‌و ژنا ل سه‌ر 25 هزار دينارى ژنه‌كا زاخۆ يه‌

30/12/2014 12:05

1569

ئه‌ڤرۆ:
پشتی بەنکا مەرکەزی یا عێراقي 25000 ھزارێ نوو خستیە د ناڤ بازاری دا ل سەر وی دراڤی وێنێ ژنەکا کورد هه يه بۆ زانین ئە و ژنە خەلکا باژێرێ زاخویە وێنێ وێ ل سالا 17\5\1917 ھاتیە گرتن و وێنه ل لبن پرا سه‌عدونى ئه وا ل نيك مزگه‌فتا حه‌جى بره‌هيمى.

وێنەگرێ ڤى وێنه‌يى albert khan، خەلکێ وەلاتێ ئەلمانیا یە ناڤێ پەرتوکا وی(The Wonderful World) کودبیتە پرتووکا ئێكانه‌ يا وێنێن رەنگا و رەنگ ل سەر ئاستێ جیھانێ ھاتیە بەلاڤکرن.

ژێده‌ر په‌يجێ فه‌يسبۆكى Bîrhatnêt ZAxO ka Mîn

نيشاندان 1...2,270 3,270 4,270 4,2754,2764,277...4,558 زێده‌تر

لاپه‌ر 4,276 ژ 4,558