ئەڤرۆ نیوز، ئومێد وەلاتی:
پشتی کو هێزێن پێشمەرگەيی چوویە د ناف قەزا شنگال دا چیرۆکێن جودا دهێنە بیستن .
‌ژێدەرەکى ژ هێزا زێرەڤانی کو نەڤیا ناڤێ وی بهێته‌ ئاشکرا کرن بۆ ئەڤرۆ نیوز دیار کر کو ئەڤرۆ هێزەکا پێشمەرگان ل ناف قەزا شنگال د گەل سێ کەسێن تیرورستێن داعش تووشی شەرەکێ گران بوون، پشتی دەمەکێ درێژ دو کەس ژ وان تیرورستان هاتنە کوشتن پاشێ هێزێن پێشمەرگەیان چوونە د وی خانیێ ئەو تیرورست تێدا ژنەکا دو گیان د وی خانی دا بوو، ئێک ژ تیرۆرستان ب رێيا وێ ژنێ ژ لایێ پێشمەرگەیان ڤە هاتە دەستەسەرکرن.
و‌ی تیرۆرستی وەسا دا دیارکرن کو ئەو ژنا دو گیان هەڤژینا وی یە، به‌لێ ژنا ناڤبری ئەو چەندە رەتکریە و وەسا دایە دیارکرن کو دەمەکێ درێژە وان هەر سێ تیرورستان ئەو دەستەسەرکریە و چەند جاران ژ لایێ وان تیرۆرستێن داعش ڤە کریارا سکسی د گەل هاتیەکرن.
‌ب گۆره‌يى زانياريان هەر د وی دەمی دا ژ بەر کو ئەو ژن یا دو گیان بوو ل دەمێ زارۆک بوونێ دا گیانێ خوه‌ ژ دەست دایە.
‌هەروەسا ئەوی ژێدەرێ سەربازی دیارکر ژ بەر کو زۆر گومان ل سەر وی تیرورستێ داعشێ ئێزدی هەنە، هەتا نها د بن ڤه‌کولینێن چر دایە و دبیت زۆر تشت ب رێيا وی بهێنە ئاشکرا کرن.

ئه‌ڤرۆ نيوز:

به‌رپرسێ مه‌كته‌با سياسيا ئێكه‌تى نشتيمانى كوردستان د ديداره‌كێ دا بۆ مالپه‌رێ نيقاش به‌حس ل كاودانێن ناڤخۆ يێن ئێكه‌تيێ دكه‌ت و ئاماژێ ب وێ چه‌ندێ دكه‌ت كو هه‌ر تايه‌كێ ژ ئێكه‌تيێ جودا بوويى، شكه‌ستن يا خوارى و گۆڕان ئێكه‌ ژ وان.

مه‌لا به‌ختيار، به‌رپرسێ ده‌سته‌يا كارگێرى يا مه‌كته‌با سياسيا ئێكه‌تى نشتيمانى كوردستان، ل دۆر هه‌بوونا تايێن جودا د ناڤ ئێكه‌تيێ دا گۆت: “ئه‌م ژ جودابوونا چو تايێن دى ناترسين، چونكو هه‌موو ئه‌و جودابوونێن د مێژوويا ئێكه‌تيێ دا شكه‌ستن يا خوارى، ب گۆڕان ڤه يێن كو دڤيا ئه‌لته‌رنه‌تيڤا ئێكه‌تيێ د ياريگه‌ها سياسى دا لاواز بكه‌ن و چو پێ نه‌كه‌ن، چونكو چو ده‌رنه‌چوو، ئه‌ڤه‌ ل سه‌ر ئاستێ عيراقێ ئێكه‌تى خودانا 21 كورسيانه‌ و بزاڤا گۆڕان 9 كورسى يێن هه‌ين كو جوداهى 13 كورسه‌”.

ل دۆر كاودانێن ئێكه‌تيێ ژى ئاماژه‌ ب وێ چه‌ندێ كر كو ئێكه‌تيێ كێشه‌ يێن هه‌ين و گرێدايى رێڤه‌برنێ نه‌ و چاوانيا ئه‌نجامدانا كۆنگره‌يى و هه‌ڤالێن وان ژى د نه‌رازى نه‌ و گۆت: “به‌لێ ئاراسته‌ك هه‌يه‌ بۆ چاره‌كرنا كێشان”.

ده‌رباره‌يى سيسته‌مێ هه‌ڤسه‌رۆكيێ ژى بۆ ئێكه‌تيێ، هه‌كه‌ هات و پۆستێ سكرتێكرێ گشتى و جێگرێن وى نه‌ما، مه‌لا به‌خيتار گۆت: “مه‌رج نينه‌ سيسته‌مێ هه‌ڤسه‌رۆكيێ بيت، سيسته‌مێ هه‌ڤسه‌رۆكيێ ئێكه‌ ژ هه‌لبژاتنان، چونكو پۆستێ

مه‌لا به‌ختیار: “مه‌رج نیه‌ سیسته‌می‌ هاوسه‌رۆكی‌ بێت، سیسته‌می‌ هاوسه‌رۆكی‌ یه‌كێكه‌ له‌بژارده‌كان، چونكو پۆستێ سكرتێر ب ئاليه‌ته‌كا تازه‌ يان ب ره‌نگێ خول يان كونسۆ هه‌بيت بۆ سه‌ركرداتيا ئێكه‌تيێ كو هه‌ر كونسۆيه‌ك سه‌رپه‌رشتيا پشكه‌كا كاروبارێن ئێكه‌تيێ بكه‌ت، بۆچوونێن جودا يێن هه‌ين، كيشك ژ وان ل كۆنگره‌يى بهێته‌ ساخكرن، ئێكه‌تى دێ وێ هه‌لبژێرن”.