ئه‌ڤرۆ نيوز، نه‌وزاد زاده‌ هلۆرى:

وەلاتێن جیھانێ نھا کەفتینە د بەریکانەیا برنەڤا ناسناڤێ چێکرن و خەملاندنا جوانترین دارا دایکبوونا مەسیح ل جیھانێ و لیژنەکا تایبەت دێ ەرکێ دیارکرنا جوانترین دار خەملینیت ئەو ژی ل گور چەند پیڤەرەکان ژ وان پیڤەران درێژی ، جوانی ، ژمارا تەماشەڤانان.
ژ وان داران
١- دارا سەرئاڤێ کەفتی ئەڤا دکەڤیتە باژێرێ ” رێودی جانێرور ” کو درێژاھیا وێ دگەھیتە ٢٧٩ پێیە و د ناڤا رووبارێ رودریگودا فریتاسە ل ریودی جانێرویا بەرازیلی ھاتیەدانان کو ب درێژترین دارا سەرئاڤی َدھێتەدانان و نێزیکێ ٣،١ ملیوون گلوپێن روناھیێ پێڤەکرینە.
٢- دارا بەروڤاژی ھەلاویستی ل پاریسێ کو بو ئەڤ سال دارا پاریسێ ب درێژاھیا ٨٢ پێیان ھاتیە بەرھەڤکرن و بەروڤاژی ھاتیە ھەلاویستن.
٣- دارا مرویی ل ھندوراسێ ، ئەڤ دارە وەسا ھاتیە دیزانیکرن کو بچیتە د پرتوکا گنێسێ دا ژ بەرکو د خەملاندنا ڤی َدارێ دا ھزار ٩٤٥ کەسان پشکداری کریە.
٤- دارا حەلوا ل سەنگافورێ کو ژ حەلوایی َھاتیە چێکرن.
٥- دارا رەنگوراو ل مەدریدێ کو ل گورەپانا کولون ل ناڤەراستا مەدریدێ ھاتیە دانان.
٦- دارا کونگرێستا ئەمریکا کو بلنداھیا وێ دگەھیتە ٨٨ پێیان ل یاریگەھا کونگرێست ل واشنتوون ھاتیە دانان.
٧- دارا ل داری ھاتیەدروستکرن ل باژێرێ راکفیرا ھەرێما فێرما یا رۆژئاڤا کو ژ پاشماوەیێن داران ھاتیە دروستکرن و بلنداھیا وێ دگەھیتە ٣٣ پێیان.

ئەڤرۆ نیوز، زنار توڤی:

ئەو قوتابیێن کو بەردەوام خوارنێن ب لەز دخون د تاقیکرنان دا نمرێن کێم وەردگرن، ل دووڤ گۆتنا ڤەکولەرێن ئەمریکی: ئەو زارۆیێن کو رێژەیەکا زۆر یا خوارنێن ب لەز دخون، ژ ئەگەرێ کێمبوونا ئاستێ ھزر و بیرێن وان، نمرێن کێمتر د تاقیکرنان دا وەردگرن بەراورد د گەل قوتابیێن دیتر، ھەروەسا خوارنێن ب لەز ب ئەگەرێ سەرەکی یێن ھەموو کێشێن ساخله‌ميێ دھێنە ھژمارتن و د ناڤ وان دا قەلەوی.

ئەنجامێ دووماھیێ یێ ڤەکولەرێن شارەزا ل زانکۆیا (ئوھایو) ل وەلاتێ ئەمریکا دیارکریە کو خوارنێن ب لەز دشێن شانێن مێشکی کێم بکەن، ئه‌گه‌ران بۆ وێ چەندێ ڤەدگەرینن کو رێژەیەکا کێما ماددێن ئاسنی د ناڤ ماددێن خوارنێ دا ھەیە، ئەڤە دبیتە ئه‌گه‌ر ھێدی وەرگرتنا ئاستێ شیانێن ھزر و بیرا.

ھەروەسا سیستەمێ خوارنێن ب لەز کو رێژەیەکا زۆر ژ قەلەوی و شەکرێ پێکھاتیە کو ئەڤە کاریگەریا نەرێنی ل سەر ئاستێ شیانێن فێربوونێ دکەت.

ھەروەسا زانایێن زانکۆیا (نیو ساوت وێلز) ل ئوسترالیا پشتی ئەنجامدانا تاقیکرنەکێ ل سەر وان مێشکێن کو سیستەمێ خوارنێ تێدا دەولەمەندە ب قەلەوی و شەکرێ، تووشی ھەودانا (ئیلتیھابا)، (ھیپوکامپ)دبن، ھیپوکامپ ناوچەکا مێشکیە کو پەیوەندی ب ژبەرکرنا زمانی و ئەو تشتێن کو تێدا دھێنە ژ بەر کرن، ئەنجام ددەت، ھەروەسا قەلەوی دشێت ببیتە ئەگەرێ گورانکاریان د مێشکی دا.