ناحیا باعه‌درێ دكه‌ڤیته ل سه‌ر جادا گشتی (دهۆك ـ هه‌ولێر) ژ دووریاتیا (33) كم ژ دهۆك، ژ لایێ كارگێری ڤه گرێدایه ب قه‌زا شێخان ڤه‌پارێزگه‌ها دهۆك)، پشتی روودانێن هه‌یڤا هه‌شت و هێرشێن چه‌تێن داعشێ وه‌ك هه‌می قه‌زا و ناحیێن ده‌ڤه‌رێ كه‌ڤیته بن فشارا هاتنا ژماره‌كا زۆر یا ئاواران، ل دووڤ دووماهی ئامارا ژمارا وان گه‌هشتیه (3816) خێزان سه‌رجه‌م (19877) كه‌س ئه‌ڤه دابه‌شكرینه و ئاكنجینه ل (سێ) جهان (سه‌نته‌رێ ناحیێ، گوندێ سه‌ر ب ناحیێ ڤه، گوندێن ناحیا ئه‌لقووش) ژ وان (80%) خه‌لكێ ده‌ڤه‌را شنگالێ نه و (20%) خه‌لكێ ده‌ڤه‌رێن باشیك و به‌حزانێ و گوندێن ده‌ڤه‌را تلكێفێ!!
بۆ ریخستنا كاری سێ لیژنه هاتنه پێكئینان ل ده‌ڤ مه ل ناحیێ ئێك بۆ پێشوازیێ و توماركرنێ، یا دی بۆ پارڤه‌كرنا هاریكاری و كه‌لوپه‌لان و یا سیێ بۆ دووڤچوونا كێشان و پێشكێشكرنا خزمه‌تێن رۆژانه. .
رێزداران، ئاواره‌یا نه‌خۆشه پتریا خه‌لكێ كوردستانێ ئه‌ڤ (شه‌ربه‌تا ته‌حل یا ڤه‌خواری) ملله‌تێ كورد ب ده‌هان جاران تووشی ده‌ربه‌ده‌ریێ و مالوێرانیێ بووینه، بێگومان هه‌ڤڕكیه‌كا نوویێ یه نه‌خۆشترین تشت د ژیارێ دا ئه‌وه ده‌مێ مرۆڤ هه‌ست ب بێئۆمێدیێ دكه‌ت و مێشك وه‌ستێن و ئاینده پێش چاڤێن وی ره‌ش بیت!! ل دووڤ ئه‌وا هاتیه‌كرن و كه‌تواری ئه‌ڤه د تشته‌كێ ره‌وایه ژ به‌ر ئه‌و تاوانێن هاتینه ئه‌نجامدان دوورندانه بوون، كۆژه‌ك بوون دووری مرۆڤاتی و مافێن مرۆڤی بوون و هه‌می ره‌وشت و پێڤه‌رێن ژیاری، له‌ورا جڤاك شێلا و ئالۆزكر بۆچوونا گشتی یا ناڤخوه‌ی و جیهانێ حێبه‌تی و مه‌نده‌هۆش مان. سه‌ركرداتیا كوردی ب رێزڤه هه‌ست ب مه‌ترسیا ڤان پیلانان كر و گه‌هشتنه وێ راستیێ كو مه‌ره‌ما ڤان دوژمنان تێكدانا ره‌وشا كوردستانێ یه ژ هه‌می لایه‌كی ڤه و باشه یا پێدڤی بهێته‌كرن بۆ پاراستنا ده‌ستكه‌فتان و ئاخا كوردستانێ یا پیرۆز، ل دووڤدا ئێكسه‌ر ئه‌نجوومه‌نێ وه‌زیران زنجیره‌كا كۆمبوونان سازكر و هایداری دا هه‌می پارێزگه‌هان و داموده‌زگه‌هێن میری بۆ یا پێدڤی و جێبه‌جێكرنا كۆمه‌كا ئارمانجان ژ وان (قورتالكرنا خه‌لكێ سڤیل ژ ده‌ستێن دوژمنی ـ پێشوازی و تۆماركرنا ئاواران ل گه‌ل ڤه‌حه‌واندنێ ـ دابینكرنا پێداویستێن ژیارێ یێن فه‌ر (خوارن ـ ڤه‌خوارن) چێكرنا چه‌ندین خیڤه‌تگه‌هان ژ به‌ر هاتنا وه‌رزێ زڤستانێ ـ هه‌ولدان بۆ جینۆسایدكرنا تاوانێن هاتینه‌كرن ب رییێن یاسایی بۆ دادگه‌ها نێڤده‌وله‌تی) ل دووڤدا به‌رنامێ پارێزگه‌هێ كه‌فته كاری و كه‌لوپه‌لێن خوارنێ ل گه‌ل هاریكاریان و پێداویستیان هاتنه دابه‌شكرن ل سه‌ر خیزانێن ئاواران ل بێ ژمارا خیزانێ و ژمارا كه‌سان، د ڤێ پرۆسیسێ دا پارڤه‌كرن كاره‌كێ هه‌را زه‌حمه‌ت بوو ژ به‌ر كو ئاواران بژاله‌بوون ل گه‌له‌ك جهان؟ دڤیا هه‌ر خێزانه‌ك بگه‌هیته (به‌هرا خوه) یا دورست ل دووڤ رێنمایان، ئه‌ڤه ژ لایێ حوكمه‌تێ ڤه هه‌ڤكارێ ل گه‌ل حوكمه‌تا فیدرال، ژ لایه‌كی دی ڤه چه‌ندین لایه‌ن و ریكخراوا و مرۆڤێن خێرخواز قه‌ستا ده‌ڤه‌را مه كریه و هاریكاری ئیناینه بۆ ئاواران ژ وان (ده‌زگه‌هی بارزانی یی خێرخوازیێ ـ ریكخراوا قه‌ندیل ـ یۆنسیف ـ ریج ـ ئه‌وقافا ئێزدیان ل به‌غدا ـ ئێكه‌تیا مامۆستاێن ئاینی شێخان ـ كه‌نیسا قوپتی ل وه‌لاتێ مسرێ ـ ده‌زگه‌هێ ئاغاپا ئیسلامی ل بریتانیا.. . هتد). چاره‌سه‌ركرنا كێشان و پارڤه‌كرنا هاریكاریان و پێشكێشكرنا خزمه‌تێن رۆژانه ئه‌م نه‌چار كرین ب شه‌ڤ رۆژ كار بكه‌ین ل گه‌ل هه‌می فه‌رمانبه‌ران. مه هه‌ست ب وه‌ستیانی نه دكر ژ به‌ر كو براێن مه یێن تووشی كاره‌ساته‌كا مرۆڤاتیا مه‌زن بووین و هاریكاریا وان ئه‌ركه‌كێ نیشتمانی یه، د هنده‌ك هه‌لكه‌فت و قیرانان دا بهێن فره‌هیێ د خه‌مخۆری و دادپه‌روه‌ری سه‌ركه‌فتی ئینن، خه‌لكێ دگه‌ل ئاواران دیت ئه‌م یێ خزمه‌تا وان دكه‌ین ب گیانه‌كێ كورده‌واری و دلسۆزی ب رێزڤه، ژ به‌ر ڤان ئه‌گه‌ران ئاوارێن ناحیا مه د ره‌وشه‌كا ئه‌رینی دا بوون و ژیار ب سروشتی برێڤه‌چوو و چ ئاریشه په‌یدا نه‌بوون، باشه د ڤێ هه‌لكه‌فتێ دیاركه‌م، كو ناحیا مه یا ئێكێ بوو ل سه‌ر ئاستێ پارێزگه‌هێ د وارێ ڤاله‌كرنا خواندنگه‌هان ئه‌ڤه جهێ دلخۆشیی بوو ژ به‌ر خواندن ل ده‌مێ خوه برێڤه چوو و ده‌رباره‌ی ئه‌و خێڤه‌تگه‌ها نوكه دهێته چێكرن د سنوورێ ناحیا مه‌دا (ئیسیان ـ باعه‌درێ)، ئه‌ڤه دێ بۆ ئاوارێن د ناڤ داموده‌زگه‌هێن میری دا بیت و دووڤدا بۆ ئاوارێن جهێ وان زێده نه‌خۆش؟
ل دووماهیی سوپاسیا هه‌ر لایه‌نه‌كی ـ ریكخراویه‌كێ ـ كه‌سانه‌كی دكه‌ین ب ئه‌ركێ خوه یێ مرۆڤاتیێ رابوویی ـ سوپاسیا خه‌لكێ ده‌ڤه‌رێ و خودانێن مال و هه‌یكه‌لان دكه‌م بۆ رۆلێ وان و خه‌لكێ پاریزگه‌ها دهۆكێ ژی بۆ هه‌لویستێ وان یێ جوان و مه‌ردانه د ڤێ قه‌یرانێ دا.. ده‌ست خوش حوكمه‌تا هه‌ریما كوردستانێ به‌رێز ـ پارێزگه‌ها دهۆك ـ داموده‌زگه‌هێن میری بۆ خه‌مخوریا هه‌وه ئه‌وا د شیاندا بیت هاته‌كرن زێده بارێ هندێ كو ئه‌م قیرانه‌كا دارایی یا مه‌زن دا بووین.
سلاڤ بۆ گیانێ شه‌هیدان و پێشمه‌رگێن قه‌رمان هه‌ر جهه‌كی، هه‌ر سه‌ركه‌فتی بن بۆ پاراستن و رزگاركرنا خاكێ پیرۆز.
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
زەعیم عەلی: پێشمەرگەی 30% شنگال کونترول کریە
ئەڤرۆ نیوز، ڤەگێر:
زەعیم عەلی بەرپرسێ میحوەرێ رۆژھەلات و رۆژاڤایێ دیجلە بۆ ئەڤرۆنیۆز دیار کر کو نوکە 30% ژ شنگالێ د دەستێن پێشمەرگەی دا یە و شەر یێ بەردەوامە.
زەعیم عەلی گۆت: “چەکدارێ داعش نەبتنێ ب قەناسان شەری دکەن، بەلکو پشتەڤانی یا بۆ وان ھاتی و شەر ب ھەموو رەنگێن چەکان بەردەوامە”.
ل دور وێ یەکێ کا بۆچی پێشمەرگەی د ماوێ 3 رۆژان دا 2700 کم کونترولکرن و کونترولکرنا سەنەتەرێ شنگالێ گیروبوو، زەعیم عەلی گۆت: “ئەو گرێدای پلانا مە یا لەشکریە”.
بەحسێ وێ یەکێ د ھاتە کرن کو سەنەتەرێ شنگالێ ناھێتە رزگارکرن ھەتا لەشکرێ عیراقێ ژی ھێرشێ بکەتە سەر بەعاج و تلەعفەر و ئەو دەڤەر ژی بھێنە رزگار کرن، ل دور ڤی بابەتی زەعیم عەلی گۆت: “ھەتا نوکە چ تشتێ وەسا نینە، د دو رۆژێن بھێت دا دێ بۆ مە دیار بیت کا دێ پلانا مە بۆ رزگارکرنا بتمامی یا شنگالێ چ بیت”.
دێ بارانا شانۆیان ل دھۆکێ باریت
ئەڤرۆ نیوز، سالار دۆسکی:
ب مەرەما پشتەڤانیکرن ل بزاڤا شانۆێێ ل باژێرێ دھۆکێ ،ژ بەرھەمێن رێڤەبەریا ھونەرێ شانۆیێ ل دھۆکێ سەر ب رێڤەبەریا گشتی یا رەوشەنبیری و ھونەری ڤە، ژڤانە رۆژێن بھێت سێ شانۆ بھێنە نمایشکرن.
میسەر عوبێد رێڤەبەرێ ھونەرێ شانۆیێ ل دھۆکێ بۆ مالپەرێ ئەڤرۆ نیۆز گۆت: سێ شانۆ دھێنە پێشکێشکرن و شانۆیەک ژ وانا ھەرسێ یان دو جاران دھێتە نیشادان و ھەموو دێ ل سەنتەرێ باژێرێ دھۆکێ بن.
میسەر ھێشتا ژی گۆت: شانۆگەریا (ئازارێن سترانەکێ) 25 و 26\12 دێ ھێتە نیشادان کو ژ دەرھێنانا (مەسعود عارف)ی، دیسا شانوگەریا (زیاتر ببینە) کو بەرھەمێ پەیمانگەھەکا ئەلمانی یە و مھێڤانن دێ ل دھۆکێ ھێتە نیشادان، 27\12، دیسا رێکەفتی 28\12 شانوگەریا (گیانەکێ بێ جە) ژ دەرھێنانا قاسم بەیاتی دھێتە نمایشکرن، ھەموو دەمژمێر پێنج ئێڤاری دێ ل ھۆلا چالاکیێن قوتابخانان ئانکو پەیمانگەھا ھونەرێن جوانا کەڤن ھێنە نیشادان، ئارمانج ەوە دووماھیا سالا شانۆیێ ل دھۆکێ ب دووماھی بینین، ئەڤە بەرسڤەکە بۆ دوژمنێن مللەتێ کورد کو کورێن ڤی باژێری خوە دەنە کوشتن ب وێ مەرەمێ کو ژیان ھەر یا بەردەوامە، چونکە کاودانێن دھۆک تایبەتبوون نەبوونا بودجێ و فشارا پەنابەران.
ل ڤان ده‌ڤه‌ران به‌فر بارى
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل گه‌له‌ك ده‌ڤه‌رێن هه‌رێما كوردستانێ به‌فر بارى.
ب گۆره‌يى راپۆرتا پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل حوكمه‌تا هه‌رێما كوردستانێ د ماوێ 24 ده‌مژمێرێن بۆرى دا ل هه‌ر ئێك ل ده‌ڤه‌رێن بارزان، جاجى ئومه‌ران، سۆران، چۆمان، سیده‌كان، سه‌فین،كۆره‌ك،ئه‌زمه‌ڕ،كیوه ڕه‌ش، قه‌ڵادزێ.
دايه زانين ژى كو به‌فر ل سه‌نته‌رێ ڤان قه‌زا و ناحيا نه‌هاتيه، به‌لكو ل سه‌رێ چيا و جهێن بلند باريه.
ئه‌مريكا چه‌ند پاره ل شه‌رێ داعش مه‌زاختيه؟
ئه‌ڤرۆ نيوز:
ب گۆره‌يى به‌ياننامه‌كا وه‌زاره‌تا بره‌ڤانيا ئه‌مريكا (په‌نتاگۆن) هه‌تا نوكه ل شه‌رێ دژى چه‌كدارێن داعش زێده‌ترى مليار دۆلاران مه‌زاختينه و هێرشێن وێ يێن ئه‌سمانى كارتێكرنه‌كا باش ل لاوازكرنا داعش هه‌بوويه.
وه‌زاره‌تا به‌ره‌ڤانيا ئه‌مريكا د به‌ياننامه‌كێ دا كو ل سه‌ر مالپه‌رێ خوه به‌لاڤكريه دياركريه كو شه‌ش هه‌يڤ ب سه‌ر داگيركرنا باژێرێ مووسل باژێرێ دويێ يێ عيراقێ ب مه‌زاناتيا خوه.
ئاماژه ب وێ چه‌ندێ ژى كريه كو ژ وى ده‌مێ ئه‌مريكا و هه‌ڤپه‌يمانان ده‌ست ب هێرشێن خوه بۆ سه‌ر وێ باره‌گايێن وێ رێكخستيێ كرى و هه‌تا نوكه شياينه كارتێكرنه‌كا مه‌زن ل وێ رێكخراوێ بكه‌ن و بووينه ئه‌گه‌ر كو ب ره‌نگه‌كێ گه‌له‌ك به‌رچاڤ لاواز ببيت.
ده‌رباره‌يى ئه‌و پارێ ئه‌مريكا هه‌تا نوكه ل وێ رێكخراوا تيرۆرستى مه‌زختى ب رێيا تۆپبارانكرنا فرۆكێن خوه، گه‌هشتيه زێده‌ترى مليار دۆلاران.
سه‌رێ سالێ رۆنالدۆ دێ ل گه‌ل كێ بۆرينيت؟
ئه‌ڤرۆ نيوز، ره‌ڤين سالح له‌وه‌ند:
كرستيانۆ رۆنالدۆ يێ پرتۆگالى و ياريكه‌رێ يانا ريال مه‌دريد يا ئسپانى بڕيار دا د بهێنڤه‌دانا زڤستانێ يا ڤى وه‌رزى كو يا هه‌لكه‌فته ل گه‌ل سه‌رێ سالا زاينى ل شوونا پرتۆگال ل گه‌ل خێزانا خوه، ل دوبه‌يى ب سه‌ر ببه‌ت، ئه‌و ژى ل گه‌ل هه‌ڤالا خوه يا رۆسى ئيرينا شايك نمايشكه‌را ناڤدارا جلكان.
د راپۆرته‌كێ دا، كو ده‌زگه‌هێن راگه‌هاندنا جيهانى به‌لاڤكريه كو ئاگره‌كێ مه‌زنێ غيرێ د ناڤبه‌را هه‌ر ئێك ژ دايكا رۆنالدۆيى و هه‌ڤالا وى ئيرينا شايك دا په‌يدابوو ژ ئه‌گه‌رێ بۆراندنا سه‌رێ سالێ كا دێ رۆنالدۆ ل گه‌ل كێ بۆرينيت، هه‌ر ئێكێ حه‌ز دكر سه‌رێ سالێ ل گه‌ل وێ بيت.
پشتى ب ده‌ستڤه‌ئينانا ناسناڤێ كاسا كيشوه‌ران يا يانان ژ لايێ ريال مه‌دريد ڤه، رۆنالدۆ ل وه‌لاتێ خوه ئاماده بوو، د هه‌مان ده‌م دا كو په‌يكه‌ره‌كێ برۆنزى ل سه‌ر وێنێ وى هاتبوو چێكرن، لێ ئيرينا ل وى ده‌مى نه‌شيابوو ل پرتۆگال ئاماده ببيت و ئه‌ڤه ببوو ئه‌گه‌رێ وێ چه‌ندێ كو دايكا رۆنالدۆيى هه‌ست ب وێ چه‌ندێ بكه‌ت كو ئه‌و حه‌ز ژ خێزانا رۆنالدۆى ناكه‌ت و نه‌ڤێت ل پرتۆگال ئاماده ببيت، به‌لێ ژێده‌ره‌كێ نێزيك ئيرينايێ راگه‌هاند كو ئه‌و گه‌له‌ك حه‌ز ژ خێزانا وى دكه‌ت، به‌لێ گرێدانا وێ ب كارى ڤه بوويه ئه‌گه‌ر كو پتريا جاران نه‌شێت ل گه‌ل رۆنالدۆيى بچيته مالا وى ل پرتۆگال.
ل دووماهيێ رۆنالدۆ به‌ربژێرێ خه‌لاتێ باشترين ياريكه‌رێ جيهانێ و كه‌ساتيێ ئێكێ د گۆره‌پانا وه‌رزشى دا، ب گۆره‌يى رۆژنامه‌يێن جيهانى، بڕيار دا كو سه‌رێ سالێ ل گه‌ل هه‌ڤالا خوه ئيرينا شايك نمايشكه‌را رۆسى با جلكان ببه‌ته سه‌ر.
د ئەڤ سالەدا ھەلوەشاندنا گرێبەستا ھەڤژینیێ پترە ژ گرێدانا وێ
ئەڤرۆ نيوز، نەوزاد زادە ھلۆری:
ل گور ئامارەکا ئەنجومەنا دادوەریێ ل ھەرێما کوردستانێ کو د ٩ ھەیڤێن بوری دا ھاتیە تومارکرن تێدا ھاتیە کو ژمارا بەردانێ گەلەک پترە ژ ھژمارا گرێدانا گرێبەستا ھەڤژینێ و بەھرا پتریا وان ژی ژ ئەگەرا قەیرانا دارایی بوویە.
ل گور ئامارا ئەنجومەنا دادوەریێ یا ھەرێما کوردستانێ د ماوەیێ ٩ ھەیڤێن بوری دا ل ھەرێما کوردستانێ ٣ ھزار ٦٨٨ گرێبەستێن ھەڤژینیێ ھاتینە تومارکرن و د بەرامبەر دا ٦ ھزار ٨٥ بەردان ژی ھاتینە تومارکرن ل دادگەھێن بارێن کەسایەتی ، و ل بارسال ٥٢ ھزار ٧٤٩ گرێبەستێن ھەڤژینیێ و ٦ ھزار ٤١٦ بەردان ھاتینە تومارکرن.
دڤی واریدا کەژال ھادی جێگرا سەروکێ لیژنا داکوکیکرن ل مافێن ئافرەتان ل پەرلەمانێ کوردستانێ دیارکر کو بەھرا پتریا ئەگەرێن بەردانێ دزڤریت بوو نەجێگریا بارودوخێ ئابووریێ کوردستان و جیھانێ و بو ئەڤرۆ نیوز گۆت: “نەدانا پێشینەیێن ئاڤاھیان و ھەڤژینیێ و نەھاتنا بودجە و برینا موچەیان و گرانبوونا پێدڤێن داوەتان و ب زەحمەت پەیداکرنا پاریێ ژیانێ و ب گشتی نەخوش بوونا بارودوخێ سیاسی و ئابوریێ کوردستانێ بوویە سەدەم کو پرۆسەیا ھەڤژینیێ کێم بیت و د بەرامبەر دا رێژەیا بەردانێ زێدە ببیت”.
زێدەتر گۆت: “پێدڤی یە کو جھێن شولەژێ بزڤرنەڤە بوو ، و کار بوو گەشەپێدانا خێزانێ بکەن”.
ره‌وشا كه‌شوهه‌وايێ سوبه‌هى
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ ب تمامى بيته ئه‌ور و پاشان كێم بيت هه‌تا دبيته ساهى.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ به‌رده‌وامبوونا فشارێن بلند يێن ده‌ريا ناڤه‌راست ل توركيا كو هه‌وايه‌كێ هشك و سار ل گه‌له بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا پێنجشه‌مبى رێكه‌فتى 25\12\2014 ئه‌سمانێ دهۆكێ ئه‌ور بيت و پاشان هێته گوهۆڕين هه‌تا كو دبيته ساهى.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ دێ هێته خوار وه‌كو هه‌ڤبه‌ركى ل گه‌ل رۆژا به‌رى وێ ب ره‌نگه‌كى د ناڤبه‌را هه‌شت بۆ 10 پلان دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى باشوورێ رۆژهه‌لات بيت ب ره‌نگه‌كى دێ يێ ناڤه‌ندى بيت د ناڤبه‌را پێنج بۆ 20 كليۆمه‌تر د ده‌مژمێره‌كێ و ماوێ ديتنێ ژى دێ هه‌شت بۆ 7 كيلۆمه‌تر بيت ل ده‌مێ مژێ ژى دێ بيته پێنج بۆ حه‌فت.
ل دووماهيێ ژى رێڤه‌به‌ريا گشتيا كه‌شناسيێ ل هه‌رێما كوردستانێ ئاماژه ب وێ چه‌ندێ كر كو دێ باران باريت ب رێژا 6.6 ملم.
سلێمانيێ ب هه‌لكه‌فتا سه‌رێ سالێ 10 رۆژ كرنه بهێنڤه‌دانا فه‌رمى
ئه‌ڤرۆ نيوز:
ب هه‌لكه‌فتا هاتنا جه‌ژنا ژ دايكبوونا حه‌زره‌تێ مه‌سيح (س.خ) و سه‌رێ سالا زاينى، زانكۆيا سلێمانيێ 10 رۆژ كرنه بهێنڤه‌دانا فه‌رمى.
سه‌لاحه‌دين سه‌عيد، سه‌رۆكێ زانكۆيا سلێمانيێ بۆ NNA راگه‌هاند ژ ئه‌ڤرۆ رۆژا چارشه‌مبى رێكه‌فتى 24\12 هه‌تا 3\1 دێ بهێنڤه‌دانا فه‌رمى بيت ل زانكۆيا سلێمانيێ و گۆت: “ئه‌و كوليژ و پشكێن بايكوتا خواندنێ ژى كرين دشێن ئه‌ڤرۆ ده‌وامێ بكه‌ن و بهێنڤه‌دانا وان دێ ژ پێنجشه‌مبيا بهێت ده‌ست پێ كه‌ت”.
سه‌رۆكێ زانكۆيا سلێمانيێ ئاماژه ب وێ چه‌ندێ ژى كر كو بهێنڤه‌دانا سه‌رێ سالا زاينى بۆ ماوێ 10 رۆژايه، ژ سێ ى هه‌يڤا داهاتى كو رۆژا شه‌مبى يه، ده‌واما فه‌رمى يه.
ژ لايه‌كێ دى ڤه فوئاد عه‌لى ئاخفتنكه‌رێ ب ناڤێ وه‌زاره‌تا خواندنا بلند و ڤه‌كۆلينێن زانستى ل حوكمه‌تا هه‌رێما كوردستانێ ئاشكه‌را كر كو وه‌زاره‌تا خواندنا بلند يا پابه‌نده ب وان بهێنڤه‌دانێن فه‌رمى يێن ژ لايێ سه‌رۆكاتيا جڤاتا وه‌زيران دهێنه دياركرن و ئه‌و ژى رۆژێن 25\12 و 1\1 و ده‌باره‌يى زانكۆيان ژى گۆت: “ئه‌و ژى ب تنێ دێ وان رۆژان وه‌رگرن، بۆ مامۆستايان و قوتابيان ژى ل زانكۆيێن سه‌ر ب وه‌زاره‌تێ، زانكۆ د سه‌رپشكن د رێكخستن و دياركرنا رۆژێن بهێنڤه‌دانێ دا ب گۆره‌يى سالناما زانكۆيان”.
وێنهيى: باوه‌ر ناكهيى مرۆڤان يێن چێكرين
نيشاندان
WP Facebook Auto Publish Powered By : XYZScripts.com