هه‌ر وه‌لاته‌كی دڤێت سه‌روه‌ریا خو هه‌بیت وخو بپارێزیت وخو پێش بێخیت به لێ ڤیان تشته‌كه وشیان تشته‌كێدیه هنده‌ك وه‌لات هه‌نه ئه گه‌ر نه بهاریكریا ده‌ره‌كی با نه‌دبونه ده‌وله‌ت هنده‌ك وه‌لات هه‌نه لجه‌نگا شكه‌ستن خاریه‌و وبنگه‌ه لێ هاتینه دانان وبوینه ئه‌گه‌رێ هندێ خو لسه‌ر پیا بگرن ودوباره پێشكه‌فتنێ بخوڤه ببینن بو نمونه زوربه‌ی وه‌لاتێت عه‌ره‌بی ونه‌خاسمه یێت كه‌نداڤی ئه‌گه‌ر بهاریكاریا ده‌ره‌كی نه‌با نه‌د شیان مێرنشینێت خو بپارێزن یان ببنه ده‌وله‌ت نوكه ژی ئه‌و ترسه لده‌ف وان هه‌یه له‌و به‌حرێن پشتی چل وسێ سالا ژڤه‌كێشانا بنگه‌هێ بریتانی لبه‌ره رێكه‌فتنه‌كێ دگه‌لدا موربكه‌ت بو دانانا بنگه‌هه‌كی لوه‌لاتێ خو
كویێت پشتی هاتیه داگیركرن ژلایێ له‌شكرێ سه‌ددامیڤه بنگه‌هێت ئه‌مریكی لوه‌لاتی خوهێلاینه وه‌لاتێت كه‌نداڤی تێنه پاراستن ژمه‌ترسیێت داگیركرنێ وداحویرانێ وژناڤبرنێ هنده‌ك ژڤان وه‌لاتا پێشكه‌فتنێت باش بخوڤه دیتینه وهنده‌ك ژوان بوینه نمونا ئاڤه‌دانیێ وخوشگوزاریێ وه‌كو ئیمارات وقه‌ته‌ر وكویێت
ئه‌لمانیا و یابان وكوریا باشور لپشتی جه‌نگێ جیهانی یێ ئێكێ بنگه‌هیێت ئه‌مریكی لێ هاتینه دانان وهه‌تا نوكه‌ژی ماینه ئه‌لمانیا لژێر هه‌بونا ڤان بنگه‌ها بویه وه‌لاته‌كێ بالا ده‌ست نه‌خاسمه لپشتی هه‌رفاندنا دیوارێ به‌رلینێ وئێكگرتنا ئه‌لمنیاروژهه‌لات وروژئاڤا لدیماهیا سالێت حه‌شتێیا وسه‌ره‌تا سالێت نوتا ژسه‌ده‌یێ بوری ئه‌لمانیا بویه 1(+) 5 دگه‌ل هه‌ر پێنج وه‌لاتێت زلهێز وخودان ڤیتو وئێكه ژكوما هه‌شت وه‌لاتێت پیشه‌سازی وئێكه ژكوما بیست وه‌لاتێت پێشكه‌فتی لجیهانێ یابان ژی دهه‌ردو كومێت دیماهیێ دایه وكوریا باشور ژی ژكوما ژبیست وه‌لاتێت پێشكه‌فتیه لجیهانێ
پێشكه‌فتنا ڤان وه‌لاتا یا به‌رده‌وامه ودبه‌ریكانێت پێشكه‌فتنێدانه‌لسه‌ر ئاستێ جیهانێ
ئه‌گه‌ر كورد شیابان لپشتی جه‌نگێ جیهانی یێ ئێكێ یان یێ دوێ پێگه‌هه‌كا هوسا بخو په‌یداكربا ره‌نگه توشی ڤان كاره‌ساتا نه‌دبون یێت بسه‌ری هاتین ره‌نگه كێشا كوردی هوسا ئالوز نه‌ببا
سامانیێت سروشتی یێت كوردستانێ هاتبانه به‌رهه‌مهێنان لوی ده می ژلایێ خودانێت بنگه‌هاڤه دا په‌ترول وسامانیێت وه‌لاتی به‌رهه‌م ئینن ودا فروشن راسته دا هنده‌كێ بخو هه‌لگرن به‌لێ یادی دا لخزمه‌تگوزاریێت وه‌لاتی خه‌رجكه‌ن(4500) گوند نه‌دهاتنه كاڤلكرن به‌لكو دا گه‌شه‌سه‌ندنێ بخوڤه بینن دا گه‌شت وگوزار ڤه‌ژینَی ببخوڤه بینیت داكارگه‌هیێت پیشه‌سازی په‌یدابن بو گوهرینا به‌رهه‌می داشه‌نگستێ ئابوری بهێز كه‌ڤیت وداژێرخانه‌كا ئابوری لڤی وه‌لاتی په‌یدابیت
ژئه‌گه‌رێ دروشما سه‌روه‌ریا ئیراقێ كورد توشی مه‌رگه‌ساتابون ژنه‌چاری وبه‌رگریكرن ژهه‌بونا خ كورد یێ بشوره‌شا رابوین لدژی رژێمێت سته‌مكار ئێك لدیف ئێكێ وقوربانیێت داین ژئه‌گه‌رێ هیێزاخوراگریێ وقوربانیێت ڤی ملله‌تی رێكه‌فتنێت خیانه‌تكارانه یێ لسه‌ر هاتینه كرن ژلایێ دوژمن وداگیركه‌راڤه ژئه‌گه‌رێ رێكه‌فتنا جه‌زائیر جه‌نگێ هه‌شت سالیێ ئیراقێ وئیرانێ په‌یدابو وجنگێ كه‌نداڤیێ دووێ بدیفخودا ئینا ئه‌ڤا نوكه‌ژی دبیتن هه‌ر ڤه‌رێژا وان هوكارایه
په‌یڤا سه‌روه‌ریا وه‌لاتی بویه كه‌ره سته‌كێ لێك زێده‌كرنێ لهه‌لكه‌فتاو رێوره‌سما لده‌زگایێت راگه‌هاندنێ دیاره تێناگه‌هن یان خوتێناگه‌هینن كوعراق یا دگیركری لعه‌ردی وئاسمانی وده‌ریایێ
سه‌روه‌ریا ئیراقێ لكیڤه‌یه ولكیرێ دیاربویه لسه‌رده‌مێ رژێمێت مه‌له‌كی وهه‌تا دگه‌هیته حكومه‌تا عه‌بادی ؟
میلێت سه‌عه‌تێ یێ پاشڤه دزڤرن وهوشداریێ دده‌نه مه كو ئه‌و خه‌له‌تیێت ئه‌م توشبوینێ دوباره نه‌كه‌ینه‌ڤه و لدیف دروشمێت شاش نه‌چین ئه‌و تشتێ مه نه‌د زانی سه‌ربور بسه‌رمه‌دهاتینه ئه‌وا ئه‌م نه‌دشیاین بكه‌ین ئه‌ڤرو مه شیان هه‌نه پێتڤیه خو نه‌كه‌ینه ئێخسیرێت دروشم وپه‌یڤێت بریقدار پێتڤیه ئه‌م به رژه‌وه‌ندیا ملله‌تێ خو وپاشه روژا وه‌لاتێ خو لپێش هه ر تشته‌كێ دی لبه‌رچاف بگرین بومه گرنگی دئه‌نجامی دایه كومه‌به‌ستێ بده‌ستڤه بینین
چار ده‌وله‌تا كوردستان یا داگیر كری ویا دورپێچ كری پێتڤیه ئه‌م لرێیا بگه‌ریێین ورێیا ببینینه‌ڤه كادێ چاواخو ژ ڤێ دورپێچیێ ده‌رئێخین و وه‌لاتێ خو ژداگیركه‌را رزگاركه‌ین بپێنگاڤێت حه‌كیمانه پاڤێژین
ڤان وه‌لاتێت داگیركه‌ر چه‌ند ناكوكی لنافبه‌را وان هه‌بن ئایدیولوجیبن ئابوریبن یان ئێمناهیبن به‌لێ هه‌ر ده‌مێ دبیته به‌حسێ چاره نڤیسێ كوردا دگه‌ل ئێك دهاورانه ورێك دكه‌ڤن كوئه‌ڤه نه‌بیت چونكه لده‌ف هه‌میان سه‌ربه‌خویا كوردا هێلا سوره
ئه‌ڤا بده‌ستمه كه‌فتی وگه‌هشتینه ڤێ قوناغێ گه‌له‌ك گران لسه‌رمه راوه‌ستیایه پێتڤیه هه‌می كورد دهاورابن ویه‌ك هه‌لوێستبن دا ڤان ده‌ستكه‌فتا ژده‌ست نه‌ده‌ین
ئه‌گه‌ر لسالا 2011ێ هێزێت ئه‌مریكی بته‌مامی ژئیراقێ نه هاتبانه ڤه‌كێشان یان هنده‌ك بنگه‌هێت وان لجهێت گرنگ مابانه دویر ژدروشمێت نشتمانی داعش ژسوریێ نه‌دهاته ئیراقێ ئه گه‌ر بنگه‌هێت ئه‌مریكی لچیایێ شنگال ومه‌قلوب هه‌بانه تراجیدیایێت شنگال وزمٌار وقه‌ره‌قوش و باشیك وتلكێپ په‌یدانه‌دبون .
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
دا ڤێ ترۆمبێلێ ژى ب پێشمه‌رگه‌يى ڤه په‌قينن
ژێده‌ره‌كى ژ هێزێن پێشمه‌رگێ كوردستانێ راگه‌هاند كو ئه‌و شيان ده‌ست ب سه‌ر ڤێ ترۆمبێلێ دا بگرن كو ل به‌ر بوو ل گوندێ گرگامش ل ده‌مێ هێرشا پێشمه‌رگه‌يى پێڤه ب په‌قينن.
نيهاد فوئاد، پێشمه‌رگه‌كه ل گوندێ گرگامش بۆ ئه‌ڤرۆ نيوز دياركر كو ئه‌و شياينه ده‌ست ب سه‌ر ڤى تانكه‌رى دا بگرن كو يێ TNT كرى بوو ژ لايێ داعش ڤه و پێنج ته‌نێن TNT تێدا بوون و نه‌هێلان ب په‌قينن.
ئه‌ڤ وێنه يێ كو ژ لايێ وى ڤه هاتيه گرتن، وێ تانكا TNT كرى نيشا دده‌ت يا كو بار كرى ب پێنج ته‌نێن مادێ TNT كرى و دا ب پێشمه‌رگێ كوردستانێ ڤه په‌قينن.
گۆندێ گرگامش يێ نێزيك ناحيا زومار ئێك ژ وان گوندان بوو يێ د ئۆپه‌راسيۆنێن پێشمه‌رگه‌يى دا ئه‌وێن ب هه‌لكه‌فتا رۆژا ئالايێ كوردستانێ ب سه‌رپه‌رشتيا سه‌رۆكێ هه‌رێما كوردستانێ و فه‌رماندێ هێزێن چه‌كدار، مه‌سعود بارزانى ڤه هاتينه كۆنترۆلكرن.
بهێنڤه‌دانه‌كا دژى زێده بوو
ئه‌ڤرۆ نيوز، نيوار محه‌مه‌د سه‌ليم:
حوكمه‌تا هه‌رێما كوردستانێ راگه‌هاند كو ژبلى رۆژا 25\12 و 1\1 دێ رۆژه‌كا دژى بيته بهێنڤه‌دانا فه‌رمى كو ب هه‌لكه‌فتا ژ دايكبوونا پێغه‌مبه‌رێ خودێ محه‌مه‌د سلاڤێن خودێ ل سه‌ر بنه.
فاتح مه‌وله‌وى زاده، ئاخفتنكه‌رێ بناڤێ حوكمه‌تا هه‌رێما كوردستانێ راگه‌هاند كو ژ بلى رۆژا 25\12 و 1\1 دێ رۆژا 3\1 ژى بيته بهێنڤه‌دانا فه‌رمى كو ب هه‌لكه‌فتا ژ دايكبوونا پێغه‌مبه‌رێ خودێ محه‌مه‌د سلاڤێن خودێ ل سه‌ر بن.
پێشتر ژى حوكمه‌تا هه‌رێما كوردستانێ به‌رى دو رۆژان ژ زارده‌ڤێ ئاخفتنكه‌رێ خوه راگه‌هاندبوو كو هه‌ر دو رۆژێن 25\12 كو دبيته جه‌ژنا مه‌سيحيان و 1\1 كو دبيته سه‌رێ سالا زاينى دێ بهێنڤه‌دانا فه‌رمى بيت ل هه‌موو داموده‌زگه‌هێن حكومى، ب تنێ وه‌زاره‌تا خواندنا بلند و ڤه‌كۆلينێن زانستى و وه‌زاره‌تا په‌روه‌ردێ دێ ل دووڤ پێدڤيا خوه بڕيارێ ده‌ن.
رێڤه‌به‌رێ گشتيێ په‌وره‌دا پارێزگه‌ها دهۆكێ گۆت: “ده‌رباره‌يى بهێنڤدانێن ڤان رۆژان ل گه‌ل وه‌زيرێ په‌روه‌ردێ ئاخفتينه كو هه‌ر ئێك ژ رۆژێن 25\12 و 1\1 ببنه دواما فه‌رمى بۆ قوتابيان، ب تنێ بۆ قوتابيێن مه‌سيحى دێ بهێن ڤه‌دانا فه‌رمى بيت”.
عيراق دێ پێنج مليار دولاران قه‌ر كه‌ت
ئه‌ڤرۆ نيوز:
بڕيار ده‌رێ لژنا دارايى ل جڤاتا نوونه‌رێن عيراقێ راگه‌هاند كو حوكمه‌تا عيراقێ نيه‌تا فه‌ركرنا پێنج مليار دولاران يا ژ به‌فقا دراڤى يا نێڤده‌وله‌تى هه‌يى.
رۆژناما سه‌باح ئه‌لجه‌ديد ژ زارده‌ڤێ ئه‌حمه‌د ره‌شيد بڕيارده‌رێ لژنا دارايى ل جڤاتا نوونه‌رێن عيراقێ به‌لاڤكر كو عيراقێ نيه‌تا قه‌ركرنا پێنج مليار دۆلاران ژ سندوقا دراڤى يا نێڤده‌وله‌تى يا هه‌يى هه‌كه بودجێ عيراقێ گه‌هيته 15 ترليۆن ديناران.
ب گۆتنا وى په‌رله‌مانتارى د چه‌ند ده‌مژمێرێن بۆرى دا، به‌رميله‌كا په‌ترۆلا عيراقێ ب 53 دولاران هاتيه فرۆتن و هه‌ر ئه‌ڤه ژى بوويه ئه‌گه‌رێ وێ چه‌ندێ كو بودجا گشتيا عيراقێ نه‌كه‌ڤيته به‌ر دانوستاندنێ.
ژ لايه‌كێ دى ڤه سندوقا دراڤى يا نێڤده‌وله‌تى ئاماده‌يا خوه نيشادايه كو رێنمايى و هاريكاريا دارايى پێشكێشى عيراقێ بكه‌ت هه‌ر ده‌مێ توندوتيژيێن عيراقێ ب دووماهى ئينان.
نوشداره‌كى د روودانه‌كێ دا گيانێ خوه ژ ده‌ست دا
د روودانه‌كا ترافيكێ دا ئه‌ڤرۆ ل ده‌ڤه‌را شێخان نوشداره‌كێ نه‌خۆشخانا ئاكرێ گيانێ خوه ژ ده‌ست دايه پشتى ترۆمبێلا وى بۆ سێ مه‌تران ژ جادێ ده‌ركه‌فتى و ب ترۆمبێله‌كا كۆلانا بيرێن په‌ترۆلێ كه‌فتيه.
دلشاد محه‌مه‌د ژ راگه‌هاندنا بنگه‌هێ پۆليسێن هاتنوچوونا شێخان بۆ ئه‌ڤرۆ نيوز گۆت: “ئه‌ڤرۆ سپێدێ ئه‌و هاتينه ئاگه‌هداكرن ل سه‌ر روودانه‌كێ و پشتى به‌ر ب جهێ روودانێ چووين، ترۆمبێله‌كا كلايزه‌ر ره‌ش خوه ل ترۆمبێله‌كا تايبه‌ت ب كولانا بيرێن په‌ترۆلێ دايه كو سێ مه‌تران ژ ده‌رڤه‌يى جادێ بوويه”.
زێده‌تر گۆت: “د ئه‌نجاما ڤێ روودانێ دا، كه‌سه‌كى گيانێ خوه ژ ده‌ست دايه”، ئاماژه ب وێ چه‌ندێ ژى كر كو كه‌سێ گيانێ خوه ژ ده‌ست دايى نوشداره‌كێ نه‌خۆشخانا ئاكرێ يه.
دا زانين ژى كو وه‌كو نياسێن وى دبێژن خه‌لكێ دڤه‌رێ قه‌سرۆكێ يه و دوهى ده‌مژمێر ئێكى شه‌ڤێ ژ كۆمه‌لگه‌ها چره‌يى ده‌ركه‌فتيه بێى كو ئه‌گه‌ران بزانن و گۆت: “ئه‌ڤ نوشداره ب ناڤێ زيره‌ك عيسا ئيسماعيله و ژ دايكبوويێ 1987 يێ يه”.
دووماهى داخۆيانيا سه‌رۆك بارزانى ل سه‌ر سه‌ربه‌خۆيا كوردستانێ
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ ئه‌ڤرۆ ل گه‌ل فێدريكا مۆگرينى، رێكخه‌را سياسه‌تا ژ ده‌ڤه‌ريا ئێكه‌تيا ئه‌ورۆپا كۆمبوو و پاشان ژى كۆنگره‌كێ رۆژنامه‌ڤانى سازكر و تێدا دووماهيا بۆچوونا خوه ل سه‌ر پرسا سه‌ربخۆيا كوردستانێ دياركر و موگرينى ژى گۆت: “هه‌موو وه‌لاتێن ئێكه‌تيا ئه‌ورۆپا د ئاماده‌نه، هه‌ڤكاريێن له‌شكرى و مرۆڤى يێن هه‌رێما كوردستانێ بن”.
سه‌رۆك بارزانى د كۆنگرێ رۆژنامه‌ڤانى دا ئاشكه‌را كر كو شه‌رێ داعش و هه‌ڤكاريا هه‌ڤپه‌يمانان و په‌يوه‌نديێن وان ل گه‌ل ئێكه‌تيا ئه‌ورۆپا ته‌ورێن كۆمبوونا وان ئه‌ڤرۆ بوون، رێكخه‌را سياسه‌تا ژ ده‌ڤه‌ريا ئێكه‌تيا ئه‌ورۆپا ژى گۆت: “شه‌رێ داعش يێ كوردان ب تنێ نينه، به‌لكو يێ هه‌موويانه”.
ئه‌وێ به‌رپرسا ئێكه‌تيا ئه‌ورۆپا ستايشا رۆلێ پێشمه‌رگه‌يى كر د روو ب رووى بوونا داعش دا و گۆت: “د پشت راستين كو داعش ل ڤان ده‌ڤه‌ران يا سه‌ركه‌فتى نابيت و ناڤه‌مينيت”.
موگرينى شه‌رێ پێشمه‌رگه‌يى ل گه‌ل داعش ب شه‌رێ كولتوورى” وه‌سفكر و ئاماژه ب سه‌ركه‌فتنێن ڤێ دووماهيێ يێن پێشمه‌رگه‌يى ل شنگال دا و گۆت: “هه‌رێما كوردستانێ سه‌لماند كو ڤێره ئه‌ردێ پێكڤه ژيانێ يه و سه‌ركه‌فتنا كلتوورى ب ده‌ست ڤه ئينا”.
گۆتژى: “هه‌موو وه‌لاتێن ئه‌ورۆپا د ئاماده‌نه هه‌ڤكاريا هه‌رێما كوردستانێ بكه‌ن د روويێ له‌شكرى و مرۆڤى و هه‌ر تشته‌كێ دى يێ دشيان دا بيت”.
ژ لايێ خوه ڤه ژى مسعود بارزانى سه‌رۆكێ هه‌رێما كوردستانێ ده‌رباره‌يى داعش گۆت: “دێ د به‌ردوام بيت ل سه‌ر گڤاشتنێن خوه بۆ سه‌ر داعش و چو داهاتيه‌ك ل ڤى وه‌لاتى نينه”.
د به‌رسڤا رۆژنامه‌ڤانان ژى دا، بارزانى گۆت: “سه‌ربه‌خۆيا كوردستانێ پرسه‌كا به‌رده‌وامه و مافێ مه‌يه، گه‌لێ كوردستانێ دێ بڕيارێ د وێ ده‌ربارێ دا ده‌ت”.
په‌روردێ بڕيارا خوه ل سه‌ر بهێنڤه‌دانێن 25\12 و 1\1 دان
ئه‌ڤرۆ نيوز، ناجى به‌ده‌ل:
ل گوری ئه‌وێ ده‌سه‌لاتا وه‌زراه‌تا په‌وه‌ردێ یا حوكمه‌تا هه‌ریما كوردستانێ دایه ریڤه‌به‌ریا به‌روه‌ردا گشتی یا پاریزگه‌ها دهۆكێ ل گوره‌يی هه‌ر پێدڤیه‌كێ ل سه‌ر چاوانیا ده‌وامێ و ده‌مێ تاقیكرنان ده‌سه‌لات پی هاتیه داین، ئه‌وان وه‌كو په‌روه‌ردا گشتيا پارێزگه‌ها دهۆكێ بڕيارا خوه دا.
نیوار ئه‌ترووشی به‌رپرسێ راگه‌هاندنا په‌روه‌ردا رۆژهه‌لات یا پارێزگه‌ها دهۆكێ راگه‌هاند: “ل گوری ئه‌وێ ده‌سه‌لاتا وه‌زاره‌تێ ب ریڤه‌به‌ریا گشتی یا پاریزگه‌ها دهۆكێ دايی ل سه‌ر ئه‌وی بنه‌مایی بریار دایه 25\12 و 1/1 نه بیته بهێنڤه‌دان بۆ كه‌رتێ په‌روه‌ردێ ل پارێزگه‌ها دهۆكێ”.
ناڤبری ئه‌و چه‌نده ژی دیاركر ژ به‌ر ئه‌گه‌رێ پاشكه‌فتنا قوتابیان ل وانه‌یان و نه ده‌ركه‌تنا ئاواران ژ قوتابخانه‌یان كو ده‌وام دره‌نگ ده‌ست پی بكه‌ت له‌ورا بریار هاته داین بهێنڤه‌دانێن هاتینه دیاركرن ل حوكمه‌تا هه‌رێمێ ژ پارێزگه‌ها دهۆكێ ناگرن و دێ ده‌واما فه‌رمی بیت بۆ كه‌رتێ په‌روه‌ردێ ل پارێزگه‌ها دهۆكێ.
حوكمه‌تا هه‌رێما كوردستانێ به‌رى دو رۆژان ژ زارده‌ڤێ ئاخفتنكه‌رێ خوه راگه‌هاندبوو كو هه‌ر دو رۆژێن 25\12 كو دبيته جه‌ژنا مه‌سيحيان و 1\1 كو دبيته سه‌رێ سالا زاينى دێ بهێنڤه‌دانا فه‌رمى بيت ل هه‌موو داموده‌زگه‌هێن حكومى، ب تنێ وه‌زاره‌تا خواندنا بلند و ڤه‌كۆلينێن زانستى و وه‌زاره‌تا په‌روه‌ردێ دێ ل دووڤ پێدڤيا خوه بڕيارێ ده‌ن.
ئه‌ڤ بهێنڤه‌دانێن كو هاتينه ره‌تكرن ژ لايێ په‌روه‌ردا حوكمه‌تا هه‌رێما كوردستانێ دێ ب تنێ ژ قوتابخانان گرن و ئه‌و رێڤه‌به‌ريێن سه‌ر ب وى كه‌رتى ڤه دێ د بهێن ڤه‌دانێ دا بن.
ڤيديۆ: نووترين سترانا عه‌مار كوفى
ره‌وشا كه‌شوهه‌وايێ سوبه‌هى
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ ساهى بيت و پلا گه‌رماتيا بلند دێ بلند بيت.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ به‌رده‌وامبوونا فشارێن بلند يێن ده‌ريا ناڤه‌راست ل توركيا كو هه‌وايه‌كێ هشك و سار ل گه‌له بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا چارشه‌مبى رێكه‌فتى 24\12\2014 ئه‌سمانێ دهۆكێ ساهى بيت ل گه‌ل په‌يدابوونا هنده‌ك ئه‌ورێن بچووك و دێ ل سپێدێ مژ ژى هنده‌ك ئه‌ردان گريت.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ يا بلند دێ بلندتر بيت و يا نزم ژى دێ هێته خوار ب ره‌نگه‌كى د ناڤبه‌را پێنج بۆ 18 پلان دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى باكورێ رۆژئاڤا بيت ب ره‌نگه‌كى دێ يێ ناڤه‌ندى بيت د ناڤبه‌را پێنج بۆ 10 كليۆمه‌تر د ده‌مژمێره‌كێ و ماوێ ديتنێ ژى دێ هه‌شت بۆ 10 كيلۆمه‌تر بيت ل ده‌مێ مژێ ژى دێ بيته پێنج بۆ حه‌فت.
رێژێن باران بارينێ ل هه‌رێمێ
نيشاندان
WP Facebook Auto Publish Powered By : XYZScripts.com