هه‌ر ژ ده‌مێ كو ئه‌م د بچووك هه‌كه‌ ناڤێ پێشمه‌رگه‌ی دهات ل ناڤ جڤینێن مه‌ یێن خێزانی و هه‌لكه‌فتێن جڤاكی، مه‌ زانی كو ئه‌ڤ ناڤه‌ ئاماژێ دده‌ته‌ قاره‌مانی و فیداكاریێ. ب راستی ژی ئه‌و هه‌ژینه‌ كو ببنه‌ هێمایێ قاره‌مانیێ و فیداكاریێ نه‌ك تنێ ل سه‌ر ئاسته‌كێ مللی بێ ل سه‌ر ئاستێ هه‌می گه‌لێن جیهانێ یێن خه‌باتێ ل دژی سته‌م و دكتاتۆریێ ژ پێخه‌مه‌ت ئازادیێ و كه‌رامه‌تێ. له‌ورا پێشمه‌رگه‌ یێ چه‌كدار ب كه‌لوپه‌لان و چه‌كێ ساده‌ ب به‌راوردی ل گه‌ل دژومنێ خوه‌ لێ ژ لایێ گیانێ ڤه‌ یێ چه‌كدار ب باوه‌ریا دۆزا خوه‌ یا دادوه‌رانه‌، شیا و ب هه‌می شانازی ڤه‌ كو له‌شكرێن سته‌م و هۆڤاتیا رژێما به‌عسا رۆخیای بشكێنیت، له‌ورا قاره‌مانێن پێشمه‌رگه‌ مه‌زنترین سه‌ركه‌فتن تۆماركربوون و داستانێن فێداكاریێ ب درێژیا دیرۆكا خۆراگریێ ل دژی رژێمێن سته‌مكار یێن داگیركه‌ر ل سه‌ر مافێن كوردی. پشتی كو گه‌لێ كورد ل كوردستانت عیراقێ شیایی و ب ئانه‌هیا خودێ و خوها پێشمه‌رگه‌ی و خوینا وی یا پاك و حیكمه‌تا سه‌ركردا وی و حیكمه‌تا سه‌ركرده‌یا وی و كوڕێن گه‌لێ وی كو پشكه‌كی ژ مافێن وی یێن دابری كو بده‌ستڤه‌بینته‌ ڤه‌ بۆ هه‌می جیهانێ سه‌لماند بۆ دوژمنان به‌ری ده‌وستان كو ئه‌و ملله‌ته‌كێ زێندی یه‌ داهێنه‌ره‌ ب ره‌وشته‌ و شیا كو هه‌رێمه‌كێ بدامه‌زرینیت میناكێ پێشكه‌فتن و پێشڤه‌چوونێ یه‌ ژ لایێ سیاسی و جڤاكی ڤه‌، كوڕێ نوی خوه‌جی ئاسته‌كێ باش ژ رفاها ئابووری و جڤاكی و ئازادیێن سیاسی. كو ببوو ئه‌گه‌رێ حه‌سه‌د و كه‌روبكینا دوژمنێن كوردان ئه‌وێن كو پشتی كو كه‌ره‌ستێ نه‌ته‌وی ل جه‌م وان ژكاركه‌فتی په‌نا برنه‌ چه‌كێ ئایینی بۆ شه‌ركرنا گه‌لێ كورد یێ موئمن ب خودێ و حه‌زژێكه‌رێ خێر و ئاشتێ. ل هه‌وه‌ ناڤه‌شێرم كو ده‌مێ تیرۆرستێن داعشێ هێرشكرینه‌ سه‌ر هه‌رێما كوردستانێ و سه‌ركه‌فتنا وان بۆ كونترۆلكرنێ ل شه‌ر پشكه‌كێ ژ ئه‌ردێن كوردستانێ كو ل ده‌رڤه‌ی ئیدارا هه‌رێمێ بوو، دترسام نه‌كو ژیانا ره‌فاهیه‌تێ و پێشكه‌فتنێ یا گه‌لێ كورد ل هه‌رێمێ تێدا دژیت ب ره‌نگه‌كێ نه‌رێنێ كارتێكرنێ بكه‌ته‌ سه‌ر شیانێن گه‌لێ كورد ب گشتی و پێشمه‌رگه‌ی ب تایبه‌تی د قوربانیدان و فیداكاریێ دا پێخه‌مه‌ت وه‌لاتی، له‌ورا هنده‌ك بیردۆزه‌ هه‌نه‌ د مه‌یدانا سیاسی و جڤاكی دا داكۆكێی دكه‌ت ل سه‌ر وێ ئێكێ كو شیانێن ملله‌تان بۆ شه‌ركرنێ و قوربانیدانێ ل كێمێ دده‌ت ده‌مێ دگه‌هنه‌ راده‌یێ رفاهیه‌تێ. لێ پێشمه‌رگێ قاره‌مان ب زیره‌كیا خوه‌ یا به‌رز ئه‌و شاشیا وان بیردۆزان كو زیره‌كیا وان و حه‌زژێكرنا وان بۆ وه‌لاتێ وان و خوه‌به‌رهه‌ڤی بۆ قوربانیدانێ دبیت هه‌ر بیردۆزه‌ك راڤه‌بكه‌ت چونكو ئه‌و ل ده‌رڤه‌ی بازنێ هه‌می پیڤه‌رانه‌. چونكو قاره‌مانێن پێشمه‌رگه‌ی به‌رسنگێ دوژمنی گرت سه‌ره‌رای ژێكجوداهیێ ب وان شیانێن چه‌كسازیێ ب هه‌می هێز و خۆراگریێ ل به‌رامبه‌ر چه‌تێن (ئه‌لبه‌غدادی) ئه‌وێن په‌نا برینه‌ هزر و ئادیۆلۆژی و ره‌فتاره‌كا گه‌له‌ك دوور ژ ئایینێ كو بۆ پێغه‌مبه‌رێ مه‌ (س) هاتیه‌ خار، له‌ورا ئه‌لبه‌غدادی و خۆفرۆشێن وی سته‌م و كوشتن و كۆله‌دای و وێرانكاری بۆ خه‌لكی ئینان و ژیانا خه‌لكی تێكدا، نه‌خاسمه‌ دینێ ئیسلامێ هاتیه‌ بۆ خه‌لكی ب دادوه‌ری و دلۆڤانی و ئازادیێ و داكۆكیێ ل سه‌ر لێبۆرینێ و چاكیا ئه‌ری دكه‌ت و ڤه‌ژاندنا وی، له‌ورا ئیسلام دینه‌كی ئارامی و پشتراستیێ بۆ ده‌وونی َ پێشكێش دكه‌ت، لێ ئه‌لبه‌غدادی و دینێ وی عه‌شقا سه‌ربرینێ ل جه‌م هه‌یه‌، له‌ورا چو جوداهی هه‌یه‌ د ناڤبه‌را وان دا، له‌ورا پێشمه‌رگێن قه‌رهره‌مان شه‌ری دكه‌ن نها زێده‌باری به‌رگریكرنا وان ژ ئه‌ردێ وان و نامووسا وان، شه‌رێ دوژمنێن خودێ دكه‌ن ژ ئه‌و كه‌سێن ده‌ركه‌فتین ژ سه‌رده‌می كو ئیسلام پێشێلكری و دیمه‌نێ وی یێ جوان تێكدای. له‌ورا پیرۆزه‌ ناڤێ پێشمه‌رگه‌ی هێمایێ فیداكاری و قوربانیدانێ پێخه‌مه‌ت ئاین و نشتیمانی. ل دووماهیێ ل سه‌ر گه‌لێ كوردستانی فه‌ره‌ ب هه‌می چین و پێكهاته‌ و نه‌ژاد ڤه‌ و ب هه‌ر كه‌س ل جهێ خوه‌ كو هه‌ر تشتێ دشیان دابیت بكه‌ت و هه‌می شیانێن خوه‌ بمه‌زێخیت بۆ پشته‌ڤانیا پێشمه‌رگێ قاره‌مان ل به‌رۆكێن شه‌ری ب مادی و مه‌عنه‌وی، كو حوكمه‌ت و په‌رله‌مانێ كوردستانێ كاربكه‌ت ل سه‌ر دابینكرنا هه‌ر تێكۆشانه‌كێ بۆ پشته‌ڤانیا پێشمه‌رگێ قاره‌مان ژ لاێ دابینكرنا چه‌ك و ته‌قه‌مه‌تی و ده‌رخستا قانوونێن پێدڤی بۆ خۆشكرنا ژیانا وان ب ره‌نگه‌كێ خۆش و ئارام بۆ وان و خێزانێن وان، یا گرنگتر ژی ئه‌وه‌ كو گه‌ل و حوكمه‌ت و په‌رله‌مانێ كوردستانێ كورێن شه‌هیدێن پێشمه‌رگه‌ یێن بێگونه‌ه ژبیر نه‌كه‌ن. تشته‌كێ شه‌رمه‌ ل سه‌ر مه‌ كو پشكه‌كا بچووك ژ ده‌ینێ وی كه‌سی نه‌ده‌ین یێ خوه‌ كریه‌ قوربان خوینا گیانێ خوه‌ ل سه‌رخاترا مه‌، چونكو چه‌ندی ئه‌م خوه‌ ب تێكۆشین ب مالی ناگه‌هیته‌ پله‌یا شه‌هیدان یێن گیانێ خوه‌ بۆ مه‌ پێشكێش كری، دێ شه‌هید هه‌ر مینن ژ مه‌ ب كه‌ره‌متر و تاجێن سه‌رێن مه‌.
و: ئه‌ڤرۆ

ب دروستی ئه‌ز نزانم كانێ كه‌نگی عه‌ره‌ب ئایدل ده‌ستپێكریه‌ لێ یا ئه‌ز دزانم عه‌ره‌ب ئایدل كوپیكرنا به‌رنامێ (ئه‌مریكان ئایدله‌). عه‌ره‌ب ئایدل ب رێكه‌ك سایكولوچی خاله‌ك گه‌له‌ك نه‌رێنیه‌ ل سه‌ر كێشا نه‌ته‌وا كورد و كێشا وی یانه‌ته‌وی كو ئه‌و ژی ده‌وله‌تبوونه‌.
به‌ری بچمه‌ ناڤ بابه‌تی دا ل ده‌ستپێكێ ئه‌ز پیرۆزباهیا وان كه‌سان بكه‌م یێن كو پشكداری د ڤی به‌رنامه‌ی دا كری مینا په‌روازێ و عه‌ماری و گه‌له‌كێن دی. پشكداربوون د ڤی به‌رنامه‌ی دا ب تایبه‌تی ل كاودانه‌ك وه‌كو ئه‌ڤرۆ كو كورد گاڤ پێنگاڤا خوه‌ بۆ سه‌رخوه‌بوونێ ئاماده‌ دكه‌ن گه‌له‌ك ب خاله‌كا ترسناك دهێته‌ ژمار ژبه‌ر كو گه‌لێ مه‌ ب رێیا چاند و موزیك و پرسێن جودا جودا گه‌له‌ك دهێن پێڤه‌ نیسیانه‌ كو وه‌سا كو سوبه‌ گه‌ر ریفراندومه‌ك وره‌ كرن دوور نینه‌ ئه‌ڤ جۆره‌ بابه‌ته‌ ببن رێگر كو كورد نه‌ شێن ده‌نگێن مینا ش پێدڤی ببین و سه‌ره‌رای هندێ كو ئه‌ڤرۆ ئه‌م گه‌له‌ك ژ خوه‌ پشتراستین كو رێژه‌یه‌ك بلند و ئێده‌نگی بده‌ن بۆ سه‌رخوه‌بوون. لێ ژبیر نه‌كه‌ن كو ل ده‌مێ ده‌نگدانێ هه‌موو رێك وێوه‌رن بكارئینان كو سه‌رنه‌گریت باشترین نموونه‌ وه‌لاتێ كه‌نه‌دا كه‌ ده‌ڤه‌را (كۆبك) ژخوه‌ پشتتراستبوو كو سه‌ركه‌تنێ بده‌ست بینیت ل سالا 1995، لێ وه‌سا ده‌رنه‌چوو هه‌رچه‌نده‌ سه‌ركردێن پارتا ناسیۆنالا كو ب كێ گه‌له‌ك یا ژ خوه‌ پشتراستبوو كو ئه‌نجامان بده‌ستخوه‌ڤه‌بینن. كه‌نه‌دا چ بكارئینان كو ئه‌ڤ ئێكسه‌ر نه‌گره‌ دو خال بكارئینان. ئێك.. زه‌نگینێن كه‌نه‌دا و دو.. مشه‌ختێن كه‌نه‌دا. له‌وا نوكه‌ نه‌ ته‌نێ عه‌ره‌ب ئایدل و چاند بۆ مه‌ ئاریشه‌یه‌ لێ گه‌ر زه‌نگینێن مه‌ ژی سوبه‌ بچنه‌ ناڤ عێراقێ ئه‌و ژی خاله‌ك گه‌له‌ك ترسناكه‌.. لێ بابه‌تێ مه‌ ل سه‌ر عه‌ره‌بئایدله‌. نزانم كه‌نگی وه‌سا تازه‌ عه‌ره‌ب ب رێیا پرۆگرامێ خوه‌ بوونه‌ خه‌مخۆرێن مه‌ و ئه‌م ژی ب چاڤ و ده‌ڤێ خوه‌ دهاڤێژینه‌ ناڤ. ئه‌ز نه‌ كه‌سه‌ك شۆڤێنی مه‌ و مه‌ هه‌موو ملله‌ت دڤێن لێ عه‌ره‌بان وه‌كو پێدڤی خوه‌ ل كوردان نه‌ كریه‌ خودان ئه‌ڤجا ئه‌ڤرۆ به‌رنامه‌ك مینا عه‌ره‌ب ئایدل بێ تو وه‌كو خاله‌ك نه‌گه‌تیڤ كارتێكرنێ ل كێشا كوردان بكه‌ت. وه‌سا بزانم بلا كورد د ڤه‌كری بن لێ نێرینا وان هه‌رده‌م د چارچووڤێ بیرا نه‌ته‌وی دا پشكدار ژ به‌ر كو خوه‌دان كێشه‌نه‌. راسته‌ كو سوێب بینن زمان كو ئه‌ڤه‌ ره‌وشنبیریه‌ و چ په‌یوه‌ندی ل گه‌ل سیاسه‌تێ نینه‌. لێ بۆ كوردان هه‌ر تشت په‌یوه‌ندی ب سیاسه‌تێ ڤه‌ هه‌یه‌ و یێن به‌رامبه‌ر بكاردوئینن گه‌رنه‌ ئه‌ڤرۆ سوبه‌ كاریگه‌ریا وێ هه‌یه‌..
ب بۆچوونا من پشكداربوون د عه‌ره‌ب ئایدل باشێین خوه‌ هه‌نه‌ وه‌كو ساده‌ و ساكار ته‌ماشا بكه‌ی، لێ خالێن وێ یێن نێگه‌تیڤ گه‌له‌ك زۆرترن د دووربینیه‌كا پتر كوورتر. له‌وا ئه‌ز مینا كورده‌ك و نڤێسه‌ره‌ك داخوازێ ل پێشیێ خورت و كه‌چێن كورد دكه‌م و پاشی ژ ده‌سته‌لاتا كوردستانێ كو تاكه‌ كه‌سێ كورد ئێدی پشكدار نه‌بن ل ڤان پرۆگرامان نه‌ ژ بیركرنه‌كا تانه‌ك به‌لكی ژبیر كرنه‌كا پتر به‌رپرسانه‌، هه‌ست ب هه‌بوونا خوه‌ كرن و پاراستنا كیانێ مللی یێ كوردی و هێدی هێدی رێكا راستا خوه‌ یا تایبه‌تمه‌ندیكه‌ ب چارچووڤێ كوردی ڤه‌ یێ گرێدای بیت ئه‌گینا گه‌لێ عه‌ره‌ب هه‌ر مینا برا و دوست ئه‌م یێن ل ئێ ته‌ماشا بكه‌ین.