ئەڤرۆ نیوز، ھەژار مەعروف:
دوھی یاریێن گەرا دوێ ژ قارەمانیا کوپا تورکیا یێن قوناغا کومان ب دووماھی ھاتین و دڤێ قوناغێ دا دو یانێن باکورێ کوردستانێ پشکدارن پشتی ژ یاریێن خوە یێن قوناغا ڤاڤارتنا دەربازبووین.
د یاریێن کوما حەفتێ دا تیما تەپا پێ یا ئامەد سپور یا بەردەوامە لسەر ئەنجامێن خوە یێن لاواز و ئەڤ جارە توشی خوسارەتیێ بوو لسەر دەستێ یانا ئەسکیشەھیر سپور ب سێ گولان بێ بەرامبەر ل باژێرێ ئەنقرە و دھەمان کوم دا گەلاتەسرای سەرکەفتنەکا مەزن لسەر یانا بالکوکا سپور تومارکر ب ٩ گولان بەرامبەر گولەکێ.
ژلایەکێ دی ڤە نوونەرا دوێ یا باکورێ کوردستانێ ئەوا دخولا بالیگی لیگ دا یاریێ کەت شیا حنێرەکێ ل ڤێ حەفتیێ توماربکەت ل وەلاتێ تورکیا پشتی شیای سەرکەفتنێ لسەر یانا گیروسوس سپور یا خولا پلا ئێک توماربکەت ب دو گولان بەرامبەر گولەکێ ل یاریگەھا تیما گیروسوس و تیما جزیرا پوتان خالێن خوە گەھاندنە سێ خالان ژ دو یاریان و د ھەمان کوم دا تیما گەنچلیبەر سپور سەرکەفت لسەر یانا کونیا سپور ب دو گولان بێ بەرامبەر.

ئه‌ڤرۆ نيوز:

ئه‌ڤرۆ رێكه‌فتى 18\12\2014 سێ یارى ژ گەرا شەشێ يا خولا پلا نایابا ھەرێما کوردستانێ هاتنه‌ ئەنجامدان، د گرنگترين ياريى دا دهۆك ژ ده‌رڤه‌يى ياريگه‌ها خوه‌ ل گه‌ل يانا ئارارات بێ گول وه‌كهه‌ڤ بوو.

د ياريا دێربيێ سلێمانيێ ژى دا ل ياريگه‌ها پێشمه‌رگه‌يى سلێمانى هه‌ردو يانێن پێشمه‌رگه‌ و سلێمانيێ ب گۆله‌كێ وه‌كهه‌ڤ ده‌ركه‌فتن كو ئه‌ڤه‌ دبيته‌ گۆلا ئێكێ تيما سلێمانيێ ل ڤى وه‌رزى تۆمار دكه‌ت.

ياريا سيێ ژى ب خوساره‌تيا تيما شێروانه‌ ل كه‌لار ب دووماهى هات پشتى تيما هه‌ولێر سه‌ركه‌فتنا ئێكێ ل ڤى وه‌رزى ل سه‌ر تۆماركرى ب دو گۆلان به‌رامبه‌ر گۆله‌كێ.

سوباھی ژى بڕياره‌ بەردەوامی ب یاریێن ڤێ گەرێ بھێتەکرن و تیما تەپا پێ یا زێرەڤانی سەرکێشا خولێ دێ ل یاریگەھا خوە بەرامبەر یانا کەرکووک ياريێ کەت و نوونەرا سیێ یا پارێزگەھێ تیما زاخۆ دێ یاریەکا ب زحمەت بەرامبەر یانا نەوروز کەت ل یاریگەھا وێ ل باژێرێ سلێمانیێ و دووماھیی یاری ژ ڤێ گەرێ بریارە دناڤبەرا پێشمەرگە یا ھەولێرێ و یانا ھندرین دا بھێتە ئەنجامدان.