به‌رخودان و شۆره‌شا كوردان چ وه‌خته‌كی نه‌یا گرێدای كه‌توارێ پارچه‌كریێ كوردستانێ بۆ چار پارچان بوویه، ل هه‌ر جهه‌كی ژ پێخه‌مه‌ت ئازادی و نه‌ته‌وه‌یی قوربانی هاتینه‌دان، هه‌كه نه‌تێكه‌لیا خوینا كورێن هه‌رچار پارچێن كوردستانێ بایه ب دل پشكداری خه‌ما هه‌ڤدو نه‌دبوون، شۆره‌شا ئیلونێ نموونه‌كا زیندیه بۆ ده‌ربازكرنا وی كه‌توارێ كوردستان كریه چار پارچه، كو ژ ده‌رڤه‌ی حه‌زێن كوردان بوویه د ڤێ شۆره‌شێ دا چ سنوورێن ده‌ستكرد كاریگه‌ری نه‌كریه ل سه‌ر پشكداریكرنا كورێن كورد و سه‌رخستنا شۆره‌شێ و ئارمانجێن وێ. نها ژی ژ ئه‌گه‌رێ ڤی بارودۆخێ هاتیه پێش كوردستان پارچه‌كا گرنگ و خودان رۆله د روو ب رووبوونا تیرۆرێ دا ل ده‌ڤه‌رێ، هه‌ر كورده‌ك ب هه‌ستا نه‌ته‌وه‌یی خوه ب پێشمه‌رگه دزانیت و به‌ره‌ڤانیێ ژ هه‌ر بهۆسته‌كا ئاخا كوردستانێ دكه‌ت، وه‌ختێ كورده‌كێ پارچه‌یه‌كا كوردستانێ ل باشووری خوینا خوه پێكێش دكه‌ت بۆ پاراستنا ئه‌زموونا كوردستانێ، واتایه‌كا مه‌زنتر پێشكێی نه‌ته‌وه‌یی و ئارمانجێن نه‌ته‌وه‌یی دكه‌ت، ب هه‌مان شێوازی وه‌ختێ پێشمه‌رگێن باشوورێ كوردستانێ ب حه‌ماسه‌كا قه‌هره‌مانانه سنوورێ دو وه‌لاتا دبڕن و به‌رب كۆبانێ ل رۆژئاڤایێ كوردستانێ دچن سه‌روه‌ریه‌كا مه‌زنه بۆ نه‌ته‌وا مه.
د هه‌ڤدیتنا سه‌رۆكێ هه‌ریما كوردستانێ دا دگه‌ل وان پێشمه‌رگێن قاره‌مان ئه‌وێن ژ كۆبانێ ڤه‌گه‌ریاین سه‌رۆك بارزانی گۆته وان ((هه‌وه سه‌روه‌ریه‌كا مه‌زن بۆ خوه و خێزانێن خوه و وه‌لاتێ خوه تۆمار كر، شه‌ره‌فا هاریكاریا خووشك و برایێن مه ل پارچه‌یه‌كا دی یا كوردستانێ به‌رهه‌وه كه‌فتیه و ئه‌و سه‌روه‌ریه‌كا گه‌له‌ك مه‌زنه)) بێگومان مه‌زنیا ڤێ سه‌روه‌ریێ پشكه‌ك بۆ بریارا حه‌كیم و خه‌مخۆریا سه‌رۆك بارزانی ڤه‌دگه‌ریت، چونكی هنارتنا هێزا پێشمه‌رگه‌ی بۆ كۆبانێ ده‌رێخستنا مه‌زنترین بریار و مه‌زنترین وێره‌كی تێدابوو، مێژوویه‌كا هۆسا دروست كر هه‌می كورد ب ئێك ئاراسته شانازیێ پێ بكه‌ن و ببیته هێڤێنێ ئێكرێزیا نه‌ته‌وه‌یی و روو ب رووبوونا هه‌می نه‌حه‌ز و دوژمنێن كوردان. د وارێ سه‌ربازی دا. چوونا پێشمه‌رگه‌ی بۆ كۆبانێ دوژمنێن كوردان ب ره‌نگه‌كی بێ هیڤی كرن كو ئێدی نه‌شێن د ئێخستنا دوبه‌ره‌كیێ د ناڤ كوردان دا سه‌ركه‌فتی بن، چونكی پێشمه‌رگه‌ی و شه‌رڤانان پێكڤه سه‌ركه‌فتنا كۆبانێ تۆماركر و ب ئێك ده‌نگ به‌رسڤا تیرۆرستان و نه‌حه‌زێن كوردان دا. ئه‌ڤ سه‌روه‌ریا مه‌زنا كو سه‌رۆك بارزانی ئاماژه پێدای، هه‌ژی هندێ یه ببیته هۆكاره‌كێ دی یێ بهێزكرنا ئێكرێزیا هه‌می لایه‌نێن كوردستانێ ل هه‌ر پارچه‌یه‌كا كوردستانێ بن و نه‌خشێ سه‌ركه‌فتنا مه‌زن ل پێنگاڤا ئێكرێزی و ئێكده‌نگی و قه‌بوولكرنا هه‌ڤدو گه‌شتر بكه‌ن.
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سه‌ره‌كى Twitter
ئێدی گاز ھەموو دێ ب بوریان چیت
ئه‌ڤرۆ:
ل دووڤ زانیاریێن دەست ب بەرپەرێ ئابووریێ رۆژناما ئەڤرۆ کەفتین کو ژ گرنگترین بابەتێن کونفرانسێ سیێ پەترۆلێ یێ ھەرێمێ دا ھاتینە بەحسکرن ئەوێ ژلایێ رێکخراوا NPA نەرویژی ب ھەڤکاری ل گەل پەرلەمانێ ھەرێما کوردستانێ و چەندین فەرمانگەھێن پەیوەندار ل رۆژێن بوری ھاتیە ئەنجامدان و ب بەرھەڤبوونا ئەندامێن پەرلەمانێ کوردستانێ و دیسا مامۆستا و کەسانێن بسپور و شارەزا دبیاڤێ ناڤبری دا.
د.بێوار خنسی ئەندامەکێ کونفرانسێ ناڤبری بۆ بەرپەرێ ئابووریێ رۆژناما ئەڤرۆ گۆت: پرۆژێ سندوقا داھاتێن کوردستانێ کو گەھشتیە پەرلەمانێ کوردستانێ و گەنگەشە ل سەر دھێتەکرن و ھەکە ب زووترین دەم بکەڤیتە کاری دێ کەرتێ پەترۆلێ باشتر ھێتە رێکخستن و دێ بیتە دەستپێکا نەھێلانا گازندێن پەترۆلێ، گەلەک ب ھووری دێ چاڤدێریا بەرھەم و داھاتێ پەترۆلێ ھێَتەکرن و دیسان داھات دێ ب رەنگەکێ رێک و پێک ھێتە مەزاختن بۆ پرۆژە و ژینگەھێ.
ھەڤدەم خنسی گۆت: ل دووڤ قانوونا پەترۆلا کوردستانێ و ژ تەوەرێن ھاتینە بەحسکرن پرۆژێ داھاتی بۆ نفشێ د دووڤ مە دا دھێت، کو پێدڤیە ئەڤ سندوقە بھێتەدانان و دیسا پرۆژەکێ ب رێک و پێک بھیـَتە دانان و ھاتبوو خواستن کو پەرلەمانێ کوردستانێ ئاڤا بکەت وەک دەزگەھەکێ سەربەخۆ و کاربکەت و ب کێمی ٢% ژ داھاتێ پەترۆلێ بچیتە دوێ سندوقێ دا و ھەموو بھێـتە کومکرن و مەزاختن بۆ نفشێ بھێت و قازانجی ژ ڤی داھاتی بکەن، ئەڤە دێ رۆلەکێ مەزن گێریت و ھەکە بھێتەکرن و ھەکە ھەتا دەسپێکا ٢٠١٦ بگەھیتە ملیۆن بەرمیلان ئانکو ل دووڤ ڤی سیستەمی ھەتا ١٠ سالان ھەتا ٧ ملیار دۆلاران دێ ھێنە کومکرن و دێ بنە داھاتەکێ باش بۆ چێکرنا پرۆژان بۆ نفشێ داھاتی.
خنسی بەردەوامی دا گۆتنێن خوە و ھێشتا ژی گۆت: تەوەرەکێ دیێ گرنگێ کونفرانسی کو ژ نەبوونا بوریێن ڤەگۆھاستنا پەترۆلێ نوکە گەلەک پەترۆلا دھێتە ڤەگۆھاستن ب رێیا تانکەران و ئەڤێ چەندێ فشارەکا مەزن ئێخستی یە سەر رێکێن ھاتن و چوونێ گەلەک روودانێن دلتەزین پەیدا دبن و دیسا کارتێکرن ل سەر ژینگەھێ دھێتەکرن و ھەتا ١٠٠ھزار بەرمیل ژ دھێنە ڤەگۆھاستن مرۆڤ پێدڤی ب ٥٥٠ تانکەران ل سەر جادا ھەیە و دیسا زیان دکەڤیتە سەر جادا و ل دووڤ راپورتێن دەرکەفتین نێزیکی ٨ ملیار دینار ژ چاکرنا جادان ژ کەتنێ دچن، چونکە گڤاشتنەکا مەزنا تانکەران ل سەر جادان ھەیە، ئەڤە ژ پرۆژێن باشە و چونکە جادە دھێنە پاراستن و ژینگەە دھێتە پاقژکرن و دبیتە ژێدەرەکێ دیێ ئابووری بۆ ھەرێمێ.
ھەڤدەم ئەوچەنە ژی گۆت: کێشا پترۆ دۆلار ل کەرکووکێ ھاتە بەحسکرن ل سالا ٢٠١١ ھەتا ٢٠١٢ و دیسا ٢٠١٣ پارێزگەھا کەرکووکێ بریار بوو ھەر بەرمیلەکی دۆلارەک بۆ وێ پارێزگەھێ بیت و سالانە د گەھشتە نێزیکی ٧٠٠ ملیار دیناران و ئەو داھات پتر بوو ژ داھاتێ بۆ کەرکووکێ ژ بەغدا دھات و پێشکەفتنەکا باش بوو، لێ ژبەر بێسەروبەریا ب رێڤەبەرن و کارگێری ل دەڤەرێن ڤەقەتیایی تایبەت وی باژێری و دیسان ھەبوونا تالانکرنا بوریێن پەترۆولێ و پەقاندنا بوریان، ل ئادارێ کەفتە دەستێن داعش و کونترۆل ل سەر نەما و پەترۆل ل کەرکووکێ ھاتە راوستاندن و دیسان پتر ژی پشتی بۆدجێ ھاتیەگرتن.
خنسی گۆتژی” ھەکە ب زووترین دەم رێکەفتنا ھەولێرێ وبەغدا د ھنارتنا پەترۆلا کەرکووکێ دا بھێتە ھنارتن دێ بیتە پێنگاڤەکا باش و دێ رۆژانە بەرامبەر وێ پەترۆلێ کو ھەر بەرمیلەکێ دۆلارەکە دێ بۆ وی باژێری ھێتە رەوانەکرن، دیسا گەلەک ئاوارە ھەنە پێدڤی ب پارەیی ھەیە دێ بۆ وان بنە مەزاختی.
پێشمه‌رگه و راگه‌هاندن د رزگاركرنا مووسلێ دا
گومان تێدا نینه د هه‌ر كاودانه‌كێ له‌شكری دا ده‌ما رزگاركرنا هه‌ر جهه‌كێ پلانێن توكمه نه‌بن د ئه‌نجامدا ڤه‌رێژ و شكه‌ستن دێ یا مسۆگه‌ر بت هه‌لبه‌ت ل ده‌مێن بووری، ده‌مێ هاتنا چه‌كدارێن توندره‌وێن ده‌وله‌تا ئیسلامی ل عێراقێ و شامێ شه‌ڕ د گه‌ل پێشمه‌رگه‌یی كری مه‌زنترین شاشی هاتنه ژ ئه‌نجامێ نه رێكوپێكیا پێشمه‌رگه‌یی، دیسا راگه‌هاندنه‌كا شاش كوپتر خزمه‌تا چه‌كدارێن داعش دكر، ل ڤێره راستیه‌ك نه‌ڤه‌شارتی راسته مێرخاسی و چاڤنه‌ترسیا پێشمه‌رگه‌یی ناڤوده‌نگێ خوه هه‌بوویه و داستانێن مه‌زن توماركرینه لێ هه‌كه ب پشته‌ڤانیا هێزێن هه‌ڤپه‌یمان نه‌بایه ره‌نگه زیانێن مه‌زن ب پێشمه‌رگه‌یی كه‌فتبان و بالانس هاتبا گوهۆرین، مه گه‌له‌ك نموونه ژ وان چوونا پێشمه‌رگه‌یی بۆ كۆبانێ چڕكه چڕكه مه‌دیا كوردی ب ره‌نگه‌كێ راسته‌وخوه ڤه‌دگوهاست هه‌لبه‌ت ئه‌و پێشوازیا ل باشۆر و باكۆر بۆ پێشمه‌رگه‌یی هاتیه كرن هه‌سته‌ك نه‌ته‌وی بۆ دیسا پالپشتیه‌ك مه‌زن بوو ژبۆ مورالا پێشمه‌رگه‌یی لێ شاشیه‌كه مه‌زن بوو ده‌ما ژ سنۆرێ روهایێ به‌ر ب كۆبانێ ڤه چووین پرانیا كه‌نالان و سازیێن راگه‌هاندنێ راسته راست ڤه‌دگوهاست هه‌لبه‌ت مه‌زنترین شاشیه ل هه‌مبه‌ر قانوونا له‌شكری دا كو نهێنیێن وان بهێنه به‌رچاڤكرن كو ده‌م و جه و چوون بهێنه ئاشكه‌را كرن چونكو ڤێ چه‌ندێ خزمه‌تا لایه‌نێ به‌رامبه‌ر دهێته كرن و د زانیاریێن له‌شكری دا ب هیچ ره‌نگه‌كێ نابیت ئه‌ڤ چه‌نده بێته به‌حسكرن، ئه‌ڤجا ژ به‌ر ڤێ چه‌ندێ پێدڤیه وه‌زاره‌تا پێشمه‌رگه‌یی ل سه‌رده‌مێن بووری بۆ خوه بكه‌ته ئه‌زمۆنه‌ك و بكه‌ته د قووناغاپراكتیكی دا داكو بشێن بێ كو زیان و زانیاری بگه‌هنه لایه‌نێ به‌رامبه‌ر وه‌كی دیار جاده‌یا كوردی و راگه‌هاندن ل ڤان رۆژان گه‌له‌ك به‌حسا رزگار كرنا مووسل و ده‌ڤه‌رێن ده‌ردورا وێ مینا شنگال و ده‌ڤه‌رێن ب سه‌رڤه دهێته كرن بوویه ده‌نگوباسێ رۆژانه هه‌تا ل بازار و د ناڤا مالان دا دبیت هنده‌ك لایه‌ن یان هه‌تا سه‌ركرداتیا كوردی ژی د گه‌ل هندێ دا نه‌بن پێشمه‌رگه دگه‌ل سوپایێ عێراقێ پشكدای رزگاركرنا مووسلێ بن لێ د یا حوكمه‌تا عه‌باددی یا رژده هه‌كه پێشمه‌رگه پشكداری شه‌رێ رزگاركرنا مووسلێ نه‌بیت دبیت حوكمه‌تا ناڤه‌ندی هه‌رێمێ وه‌كی جاران به‌هرا هه‌رێمێ ژبودجه‌یا گشتی ببریت و تووشی قه‌یرانا دارایی ببیت و ژ لایه‌كێ دیڤه ئه‌م یێ دبێژن مووسل یا كوردانه پرانیا مێژوونڤیسان ئه‌ڤ چه‌نده دوپاتكریه و به‌رپه‌رێن مێژوویێ ئاماژه‌یێ ب كوردبوونا مووسلێ دده‌ن ئانكو ئه‌ڤ چه‌نده كوردان و پێشمه‌رگه‌یی نه‌چار دكه‌ت پێشمه‌رگه پشكدارببیت ل ڤێره گه‌له‌كا گرنگه وه‌زاره‌تا پێشمه‌رگه‌یی یا ل سه‌رخوه بت ب تایبه‌تی د بیاڤێ راگه‌هاندنێ دا پێدڤیه ژۆرێن راگه‌هاندنێ بێنه دروستكرن و كه‌سێن بسپۆر د بیاڤێ میدیایێ دا و بسپۆر د له‌شكری دا بهێنه دانان و ب تنێ وان ماف هه‌بیت داخویانیان بده‌ن بۆ سازیێن راگه‌هاندنێ ب هیچ ره‌نگه‌كێ نه‌هێلن زانیاریێن له‌شكری بهێنه ئاشكه‌را كرن و بۆ كه‌سێن سڤیل و ده‌زگه‌هێن میدیایێ پێدڤیه وه‌زاه‌رتا پێشه‌مه‌رگێ هه‌ماهه‌نگی هه‌بیت ل گه‌ل كۆمپانیێن بازرگانی و حكومی یێن ته‌له‌فونان و هێلێن ئنته‌رنێتێ و بكارئینان ته‌كنولوژیایێ و موبایلێ ل به‌ره‌یێن شه‌ری ب ئێكجاری بێته قوتكرن و توماركرنا دیمه‌نێن جه و ده‌ڤه‌رێن شه‌ر و پێكدادان لێ هه‌بیت بێنه قه‌ده‌غه‌كرن ژبه‌ركو گه‌له‌ك جاران هنده‌ك دیمه‌ن دێ كارتێكرنه‌كا نیگه‌تیڤ د چاڤێن نه‌ته‌ویێن ئیگگرتی و رێكخراوێن جیهانی یێن مافی مرۆڤ دا ل سه‌ر كوردان و پێشمه‌رگه‌یی بنه مال، بۆ پێشڤه‌چوون و لڤینێن له‌شكری بلا هه‌می پێشمه‌رگه نه‌زانن دێ چ ده‌م پێشڤه‌چوونێ كه‌ن ب تنێ هه‌والگێری یا له‌شكری ببیته جهێ بریارێ ژ به‌ر كو زۆربه‌یا جاران ل ده‌مێن بووری دا مه ل مال دزانی كا پێشمه‌رگه دێ گه‌نگێ چیته شه‌ری و كه‌نگی د ئاماده‌باشیێ دایه ئه‌ڤجا هیڤیدارین ژ وه‌زاره‌تا پێشمه‌رگه‌یی هه‌كه پشكداری شه‌ڕێ رزگاركرنا مووسلێ ببیت ب به‌رنامه‌یه‌كێ رێكوپێك و ب پراكتیك ره‌فتار و لڤینێن له‌شكریانه بكه‌ت نه‌خاسمه د گه‌ل راگه‌هاندنێ هه‌كه به‌روڤاژی بیت ره‌نگه قوربانیه‌ك مه‌زن شكه‌ستنه‌كا نه‌چاڤه‌رێ كری بهێته پێش و مه باوه‌ریه‌كا مه‌زن ب پێشمه‌رگه‌یی هه‌یی.
پارێزگار ل رۆژا ئالايى ل گه‌ل زارۆيێن باخچێ چيمه‌ن بوو
ئه‌ڤرۆ نيوز:
ب بلندكرنا ئالایێ كوردستانێ و گۆتنا سترانا پێشمه‌رگه و سروودێن نیشتیمانی، زاڕۆیێن باخچێن دهۆكێ ئه‌ڤرۆ 17\12\2014 رۆژا ئالایێ كوردستانێ ساخكر.
باخچێ چیمه‌ن ئه‌ڤ رۆژه ب به‌رهه‌ڤبوونا فه‌رهاد ئه‌ترووشی پارێزگه‌رێ دهۆكێ و عه‌بد یوسف احمد رێڤه‌به‌رێ گشتیێ په‌روه‌رده پارێزگه‌ها دهۆكێ و عومه‌ر ئه‌حمه‌د قاسم رێڤه‌به‌رێ په‌روه‌ردا دهۆك رۆژئاڤا و وه‌هبی یونس سه‌رۆكێ لقێ دهۆك یێ ئێكه‌تیا مامۆستایێن كوردستانێ و نوونه‌رێن هژماره‌كا لایه‌نێن په‌یوه‌ندیدار ساخكر.
د ڤان رێوره‌سمان دا كو هه‌موو زاڕۆیێن باخچه‌ی ب جلكێن پێشمه‌رگه‌یان خۆ راپێچابوون، هژماره‌كا بزاڤ و چالاكیان ئه‌نجامدان و لایه‌نێن ئاماده‌بووی ژی ده‌ستخۆشی ل وان كرن و خواستن كو ئه‌و هه‌ر دپێشكه‌ڤتنێ دا بن.
ل دووڤ دا پارێزگه‌رێ دهۆكێ و به‌رهه‌ڤبوویێن رێوره‌سمان گه‌ڕیانه‌گ د ناڤ باخچه‌ی دا كرن.
پێدڤی گۆتنێیه كو رۆژا ئالایێ كوردستانێ ل هه‌موو قوتابخانه و باخچه‌یان گرنگییه‌كا مه‌زن پێ هاته دان و ئالایێ كوردستانێ ل سه‌ر سازیێن په‌روه‌رده‌یی بلند هاته راگرتن.
محه‌مه‌د عارفێ جزیری
كه‌سێن بیانی ئه‌ڤێن كو عه‌ره‌بیێ نوزانن، نه‌شێن جوداهیێ بێخنه د ناڤبه‌را سترانا تركی و كوردی و مسری دا، ل ڤێره هه‌ڤبه‌ندییه‌ك د ناڤبه‌را وان هه‌میان دا هه‌یه، ل ڤێ دووماهیێ من گوهێ خوه دا سترانبێژه‌كێ كورد، ناڤێ وی (محه‌مه‌د عارفێ جزیری) یه، دێ هه‌ست پێكه‌ی هه‌ر ب وێ كارتێكرن و ڤیانا ته گوهێ خوه دایه (محه‌مه‌د عه‌بدولوه‌هاب)ییه.
ب راستی من نه‌دزانی چ دبێژیت، به‌لێ هه‌سپێكرن نه‌پێدڤی ب زانینا زمانییه، كوردان و توركان ب ره‌نگه‌كێ تایبه‌تی كارتێكرنه‌كا گه‌له‌ك مه‌زن ل مسرێ كرییه و كارتێكرنا كوردان به‌رییا وان بوو. چونكی ده‌وله‌تا (صلاح الدین ئه‌یوبی) ده‌وله‌ته‌كا خۆسه‌ر بوو، هه‌روه‌سا ده‌وله‌ته‌كا توركا چار چه‌رخان ل مسرێ ژیایه و مسریان دگۆتنێ (ده‌وله‌تا ڕۆمیان)، ل بن سیبه‌را ده‌وله‌تا توركان بزاڤا شعر و ئه‌ده‌بیاتان هاته ڤه‌مراندن، به‌لێ بزاڤا ستران و سه‌مایێ گه‌له‌ك گه‌ش ببوو، هژمارێن مه‌زن ژ سترانبێژان په‌یدا بوون، ژ بلی پتر زێده‌بوونا سه‌ماكه‌ران ـ یێن ژن ـ ئه‌وێن سه‌ما دكرن و ب پێچه و عه‌با بوون. سه‌ما زكی(رقص البگن) نه‌یا ب شه‌رم بوو، به‌لێ خوه‌یاكرنا سه‌روچاڤان، هه‌كه زانیبا یا ب فهێتی و گونه‌هه‌كا مه‌زن بوو، به‌لێ محه‌مه‌د عارفێ جزیری، ڤێ ل ڤێ دووماهیێ من گوهێ خوه ددایێ، كورده‌كێ عیراقییه، ل جه‌م ته‌ڤ كوردێن توركیا و ئیرانێ یێ ب ناڤوده‌نگه، هه‌ر چه‌نده ب كوردی سترانان دبێژیت، به‌لێ یێ خۆشتڤی یه ل جه‌م هه‌می گوهدارێن عه‌ره‌ب و تورك، هه‌روه‌سا وێ میۆزیكا سترانێ ل سه‌ر دبێژیت، میۆزیكه‌كا رۆژهه‌لاتیه، هه‌ر وه‌ك ژ دانانا (عه‌بدولوه‌هاب)ی بیت، یانژی ژ دانانا (فرید الاگرش)ی، ده‌نگێ وی ژی گه‌له‌ك وه‌كهه‌ڤیه‌كا ده‌نگێ (محه‌مه‌د ئه‌مین) ی خودانێ سترانا (نور العیون یا شاغلنی) تێدا هه‌نه.
ب هزرا من كه‌ڤنه پیره‌مێرین گوندان هه‌تا نوكه ژی حه‌ز ژ ده‌نگێ وی دكه‌ن و سترانێن وی دئیننه بیرا خوه، به‌لێ من ل كیڤه گوهێ خوه دایه محه‌مه‌د عارفێ جزیری. د گه‌ریانا خوه یا دووماهیێ دا بۆ یه‌مه‌نێ من گوهێ خوه دایێ، ل وێرێ گۆته من كورد یه‌مه‌نی نه، زمانێ وان زمانێ (حومیری) یێن كه‌ڤنه، ژ وان عه‌شیره‌تانه ئه‌ڤێن كو پشتی هه‌ڕافتنا (سكرێ مه‌ئره‌ب) به‌ر ب ژۆرییا وه‌لاتی چۆین و ل وان پارچێن ل پشت مه ل سه‌ر توخیبێن عیراق و توركیا و ئیرانێ ئاكنجی بوون.
ئه‌و براده‌رێ یه‌مه‌نی، ئه‌ڤێ كو من ل نك وی گوهێ خوه دایه محه‌مه‌د عارفێ جزیری، ژ به‌ر وی ده‌نگێ زه‌لال، دله‌رزی، ژ ڕاستگۆیێ دكره هه‌وار، ژ ئێش و ژانا تێك دچوو، پاشی بۆ من ئاشكرا بوو كو ئه‌و ژی وه‌كی من په‌یڤه‌كێ ژ زمانێ كوردی نزانیت، به‌لێ هونه‌ری چ زمان نینن و چ ناسنامه ژی نینن، داكو ل توخیبان پێ ده‌رباز ببیت.
تێبینی
ئه‌ڤ نڤیسینه ل رۆژنامه‌یا (السیاسه) یا كوه‌یتی هژمار (7859) یا رۆژا 16/6/1990ێ دا هاتیه به‌لاڤكرن، نڤیسه‌رێ وێ برایێ هونه‌رمه‌ندێ ناڤدار (صه‌لاح ئه‌لسه‌عده‌نی) یێ مسریه، كو ب گۆتنا وان خوه ب كورد دهژمێرن، د سالێن هه‌شتیان دا ل فیسته‌فالا (مه‌ربه‌د) ئه‌وا ل به‌سرا دهاته گێران د دیداره‌كێ دا ل گه‌ل رۆژناما (هاوكاری) هونه‌رمه‌ندێ ناڤبری گۆتبوو ئه‌م كوردین ژ باژێرێ سلێمانیێ ینه.. . !!
ب هه‌لكه‌فتا بیرهاتنا وه‌غه‌ركرنا هونه‌رمه‌ندێ ناڤدار (حه‌مه‌د عارفێ جزیری)، مه ب فه‌ر دیت و جاره‌كا دی ڤێ گوتارێ به‌لاڤ بكه‌ینه‌ڤه چونكی به‌ری (19) سالان مه ل هه‌فتیناما (په‌یمان) به‌لاڤكر بوو.
وه‌رگێر
ئالایێ كوردستانێ,هێمایێ هه‌موو نه‌ته‌وا ملله‌تێ كورده
ئالا ئه‌و هێمایێ هه‌ر نه‌ته‌وه‌یه‌كێ یان دینه‌ك ین قه‌واره‌یه‌كێ رامیاری یه یان دچارچووڤێ رێكخستنه‌كا ده‌ست نیشان كریدا و هه‌ر وه‌لاته‌كێ ب روودان و هزرێن جودا جودا ئالا بخوی چێكرینه و هه‌ر وه‌لاته‌كێ یان هه‌رێمه‌كێ ب ئالایێ خوه دهێته نیاسین و ئالایی پیرۆزی و گرنگیه‌كا مه‌زن هه‌یه د ناڤ هه‌ر ده‌وله‌ته‌كێ دا چونكی هه‌ر رێزگرتنه‌ك و ته‌قدیره‌ك یان هه‌ر بێ رێزیه‌ك و رێسواركرنه‌ك بۆ وی ده‌وله‌تێ یان وی قه‌وارێ رامیاری ئالا دبیته ئارمانجا سه‌ره‌كی. هه‌ر وه‌سا ئالایی رۆله‌كێ مه‌زن هه‌یه د مێژوویا هه‌ر مرۆڤه‌كێ دا یا جڤاكی و رامیاری كو هه‌رده‌م د ناخ و هزرا مرۆڤیه و جهێ رێزگرتنێ یه ل ده‌ف هه‌ر تاكه كه‌سه‌كێ وی وه‌لاتی و د مێژوویا نه‌ته‌وان دا.
گه‌له‌ك روودانێن مه‌زن رووداینه كو گرێدایی ئالایی ڤه بوون و ب گه‌له‌ك شێوازان ره‌فتار د گه‌ل ئالایی هاتیه كرن و ل هه‌موو وه‌لاتێن جیهانێ گرنگیه‌كا مه‌زن دده‌نه ئالایێ وه‌لاتێ خوه و ل پرانیا وه‌لاتێن جیهانێ یاسایێن تایبه‌ت ب ئالایی ڤه ده‌ركرینه و ئه‌و رۆژا ساخكرنا ئالایێ وه‌لاتێ خوه پرۆژه‌ك پر پیرۆز و گرنگ ددانن و ل سه‌رانسه‌ری وه‌لاتێ خوه ئاهه‌نگ و كار وچالاكیان دگێرن و ئالایی ل هه‌موو داموده‌زگهێن حوكمه‌تێ نوو دكه‌نه‌ڤه و ژ به‌ر پیرۆزیا وی ئالایی هه‌ر كه‌سێ وی ئالایی بسۆژیت یان بدورینیت ب توندی سه‌رپێچیكه‌ران سزا دده‌ن, ئالایێ كوردستانێ ژی كو هێمایێ هه‌موو نه‌ته‌وا ملله‌تێ كورده ل ژێر وی ئالایێ پیرۆز دژین كوردێن باكۆر و باشۆر و رۆژهه‌لات و رۆژ ئاڤا و ئه‌رمینیا.
ئالا بۆ جارا ئێكێ ل ده‌ستپێكا سالێن بیستان دا بوو, و ئێكه‌م جار پارته‌كا كوردستانی ل رۆژهه‌لاتێ كوردستانێ, بكارئینایه ده‌مێ داخوازا مافێ چاره‌نڤیس كری,ئه‌و ژی پارتا (خویبوون) بوو كو ب زمانێ كوردی (الاستقلال)پاشی ئه‌ڤ ئالایه پێشكێشی ئه‌ندامیێن شاندا نێڤده‌وله‌تی كر د كۆنگرێ پاریسێ دا یێ ئاشتیێ وپلانه‌ك دانا ژ بۆ سه‌ربه‌خوه‌بوونا كوردستانێ وه‌كو پارچه‌یه‌ك ژپه‌یمانناما سیڤه‌ر د گه‌ل توركێن عوسمانی ل سالا 1920ێ,گه‌له‌ك ژێده‌ر بۆ مه دیاردكه‌ن,كو گه‌له‌ك ژ كه‌ڤندا كوردان ئالا هه‌بووینه,وه‌كو ئالایێ كاوه‌یێ ئاسنگه‌ر و ئالایێ زه‌رێ سه‌لاحه‌ددینێ ئه‌یووبی ل سالا (1175 1193)ێ و گه‌له‌ك ئالایێن دیتر.
لێ ئه‌و ئالایێ كوردستانێ,ئه‌وێ نوكه بۆ هه‌ر چار پارچێن كوردستانێ, بۆ ئێكه‌م جار و به‌ری69سالانو د رۆژه‌كا وه‌كو ئه‌ڤرۆ دا17/12/1945ێ,د ئاهه‌نگه‌كا جه‌ماوه‌ریا به‌رفره‌هدا و ل كوردستانا رۆژهه‌لات هاته بلندكرن. لێ ده‌مێ كۆمارا كوردستانێ هاتیه راگه‌هاندن,ب شێوه‌یه‌كێ فه‌رمی و ل سه‌ر ده‌ستێ شه‌هیدێ پێشه‌وا قازی محه‌مه‌د ل رێكه‌فتی 22/1/ 1946 ێ ل كۆمارا كوردستانێ مهابادێ ئالایێ كوردستانێ هاته بلندكرن، پاشی پێشه‌وا قازی محه‌مه‌د,ئه‌و ئالا راده‌ستی بارزانیێ نه‌مر كر.
وهه‌ر ل وی ده‌می و تا نوكه ب سه‌دان گه‌نجێن كوردان قوربانی ب ژیانا خوه دایه ژ بوونا بلند راگرتنا ئالایێ كوردستانێ,لێ مخابن هه‌رده‌م دوژمنێن ره‌گه‌زپه‌رستێن ملله‌تێ كورد رێ نه‌دایه ئالایێ جوانێ كوردستانێ بهێته بلندكرن وه‌كو كوردستانا رۆژهه‌لات و رۆژئاڤا و باكۆر،بۆ نموونه ل رێكه‌فتی 26/8/2014ێ,حوكمه‌تا ئیرانێ وه‌لاتیه‌كێ كوردێ رۆژهه‌لات ب شه‌ش هه‌یڤان حوكم كر,ژبه‌ر كو وی هاولاتی,ئالایێ كوردستانێ دانابوو ل سه‌ر گورێ كوڕێ خوه یێ شه‌هید, به‌لێ ئه‌ڤرۆ ئه‌و رۆژ هات ئالایێ كوردستانێ بهێته بلند كرن,ل هه‌رچار پارچێن كوردستانێ و ل هه‌موو ئه‌و ئه‌ردێن كورد لێ دژین ل هه‌موو جیهانێ و دێ هه‌ر یێ به‌رزو بلند بیت.
ئالایێ كوردستانێ ب سێ ره‌نگان پێك دهێت ئه‌و ژی ره‌نگێ سۆر كو هێمایێ فیدایێ و خوینێ یه و ژ بوونا ئازادیێ و سه‌ربه‌خوه‌بوونێ و هه‌ر د به‌رده‌وامبوونێ دایه, ره‌نگێ سپی هێمایێ ئاشتیێ و ئه‌مانه‌تێ یه, ره‌نگێ كه‌سك هێمایێ سروشتێ كوردستانێ یه و درووشمه‌ك ل نیڤا ئالاییه وه‌كو چاڤێ رۆژێ ب ره‌نگێ زه‌ر كو هێمایێ ئاینێن كه‌ڤن دده‌ت یێن كوردان و چاڤێ رۆژێ 21 تیشك هه‌نه كو ژمارا 21 نیشانا 21ێ ئادارێ دده‌ت كو رۆژا جه‌ژنا ملله‌تێ كورده، هه‌روه‌سا ژمارا 21 ژ ژمارێن پیرۆزن د ئاینێ زه‌رده‌شتیان دا.
په‌رله‌مانێ كوردستانێ ل رێكه‌فتی 17/12/ ل هه‌ر ساله‌كێ ده‌ست نیشان كر بوو رۆژا ساخكرنا ئالایێ كوردستانێ ل 11ێ چریا دووێ یا سالا 1999 ده‌نگدان ل سه‌ر بریارا رۆژا بلندكرنا ئالایێ كوردستانێ هاته دان, هه‌ر سال ب ڤێ هه‌لكه‌فتێ رۆژا ئالایێ كوردستانێ دهێته ساخكرن ب چه‌ند كار و چالاكیان ژ لایێ گرۆپ و تیمیێن تایبه‌تمه‌ند ب ئالایی ڤه ل كوردستانێ, به‌لێ ب هزرا من و ژ به‌ر پیرۆزیا ئالایی گه‌له‌كا فه‌ر و پێدڤیه هه‌رده‌م بایه‌خ و گرنگیێ بده‌ینه ئالایێ كوردستانێ نه‌به‌س ب ڤێ رۆژێ,چونكی مخابن هه‌تا نوكه ژی دێ بینی ل گه‌له‌ك فه‌رمانگه‌ه و قوتابخانا و ل هه‌ر جهه‌كێ دیتر ئالا به‌روڤاژی دهێته هه‌لاویستن یان هاتیه دوراندن یان پیس بوزیه بێ كو ئه‌و هه‌ستا نه‌ته‌وی ل ده‌ف مه هه‌بیت ئه‌م بگوهۆرین یان ل جهه‌كێ ژ هه‌ژی دانین, ژبه‌ر ڤێ ئێكێ ئه‌نجوومه‌نێ وه‌زیران ل رێكه‌فتی 22/10/2013ێ گۆت فه‌رمانگه‌ه نزانن ئالایی دروست بلند بكه‌ن و بریار دا ئالایێن ل سه‌ر بانیێن هه‌موو فه‌رمانگه‌هان بهێنه وه‌كهه‌ڤكرن و ب پێدڤی زانی رێنومایی بۆ دروست بكارئینانا ئالایی بهێنه ده‌ركرن و ئه‌گه‌رێ ده‌ركرنا رێنوماییان بوو وێ چه‌ندێ ڤه‌گه‌راندن ئه‌نجوومه‌نێ وه‌زیران كو تا نوكه پرانیا داموده‌زگه‌هێن حوكمه‌تێ ئه‌ته‌كێتێن دروست بكارئینانا ئالایی نزانن, هه‌روه‌سا خراب بكارئینان,پیسبوون, نه‌وه‌كهه‌ڤیا ئالایان, دانانا وان ل جهێن نه ژ هه‌ژی ڤه‌گه‌راند و خواست ژی كو هه‌موو داموده‌زگه‌هێن حوكمه‌تێ ب به‌رپرسیارانه سه‌ره‌ده‌ریێ لگه‌ل ئالایی بكه‌ن.
نووترين پێزانين ل سه‌ر شه‌رێ ئه‌ڤرۆ ل شنگال
ئه‌ڤرۆ نيوز، نيوار محه‌مه‌د سه‌ليم:
ئه‌ڤرۆ سپێدێ ده‌مژمێر چار سپێده‌هيا رۆژا چارشه‌مبى رێكه‌فتى 17.12.2014 ب سه‌رپه‌رشتيا سه‌رۆك بارزانى هێزێن پێشمه‌رگه‌يى ل دو ميحوه‌ران ل به‌نداڤا مووسل و زۆمار هێرشه‌كا به‌رفره‌هـ كره سه‌ر چه‌كدارێن داعش و هه‌تا نوكه پێنج گۆند و چواريانا عوه‌ينات كۆنترۆل كرينه.
ژێده‌ره‌كى ژ پێشمه‌رگێ زێره‌ڤانى ل سكرێ مووسل بۆ ئه‌ڤرۆ نيوز گۆت: “ئه‌ڤرۆكه پێشمه‌رگێ كوردستانێ گۆندێ عوه‌ينات ل گه‌ل چواريانا وێ كو سێگۆشا سه‌ره‌كى يا ره‌بيعه و شنگال و سوريا و مووسله ئازاد كرن”.
زێده‌تر گۆت: “هه‌ر ديسا پێشمه‌رگێ كوردستانێ ب پشته‌ڤانيا فرۆكێن شه‌رى يێن هێزێن هه‌ڤپه‌يمانان شياينه پێنج گۆندێن وێ ده‌ڤه‌رێ ژى ئازاد بكه‌ن كو هه‌ر ئێك ژ گۆندێن (كارێز و كۆبانێ و حوگنه و گلگامش و ته‌لمه‌رگ) ن”.
ب گۆره‌يى پێزانينێن ئه‌ڤرۆ نيوز نوكه چه‌كدارێن داعش ل شنگال و تلكێف هاتينه ئابلۆقه‌دان و د رزگاركرنا وان گوندان ژى دا لاشێ ب ده‌هان چه‌كدارێن داعش ب ده‌ست پێشمه‌رگه‌يى كه‌فتينه.
بهايێ زێر و زيڤێ ل بازارێن دهۆكێ
فلمه‌كێ نوو يێ دیكومێنتاری ل سه‌ر كۆمكوژیا ئه‌رمه‌نیان هاته دروستكرن
فلمه‌كێ نو ژ به‌رهه‌م ئینانا كومپانیا Multi Cinema Studio پشكه‌كا كێم ژ نه‌خوشیێن ئاكنجیین ئه‌رمه‌نی ل سه‌ر ده‌مێ ئیمبراتوریه‌تا ئوسمانیا كو ئێكه ژ رۆپه‌لێن دیرۆكا ره‌شا وان ب ئه‌وێ كومكوژیی ڤه دیاره.
فلم ب هه‌لكه‌فتا بۆرینا سه‌دسالیا ژناڤبرنا كوم یا ئه‌رمه‌نیان ب ده‌ستێ جه‌نده‌رمه‌یێن توركی یێن ئوسمانیا به‌ری كوشتنێ ده‌ست درێژی ل سه‌ر ژنان دهاته‌كرن و تا نها ب ئاوایه‌كێ فه‌رمی ئه‌و وه‌لات به‌رهه‌ڤ نینه دان پیدانێ ل سه‌ر ئه‌وێ كومكوژیی بكه‌ت.
وێنەیی: ھەموو قوتابێن گوندەکێ رۆژا ئالايی ساخکر
ئه‌ڤرۆ ينوز، بالندا، نەوزاد زادە ھلۆری:
ھەموو قوتابیێن قوتابخانەکا گوندەکێ دەڤەرا بارزان رۆژا ئالایێ کوردستانێ ب جلوبەرگێن پێشمەرگەی ساخکر.
ماجد ئیبراھیم رێڤەبەرێ قوتابخانا بالندا یا بنەرەتی دیارکر کو ھەموو قوتابیێن وان ئەڤرو 17\12 ب جلوبەرگێن پێشمەرگان دەوامکر و بو ئەڤرۆ نیوز گوت : “ھەر چەندە کرنا جلوبەرگان ب ئارەزو بوو بەلێ قوتابیێن مە ھەموان ئەڤێن کو جلوبەرگێن پێشمەرگان بوو وان د باش کربوونە بەرخوە ژ بەرکو ل دەڤەرا بارزان ب گشتی و گوندێ بالندا ب تایبەتی ھەر مالەکێ دوو سێ پێشمەرگە تێدا ھەنە و دەسکەفتنا جلوبەرگان بوو وان یا ب ساناھی بوو”.
زێدەتر گۆت : “ل قوتابخانا گوندێ بالندا وەکو ئێکەم گوند زێدەتری ٩٠% قوتابیێن وێ جلوبەرگێن پێشمەرگان کربوونە بەرخوە و رۆژا ئالایێ کوردستانێ و رۆژا پێشمەرگان ساخکر و ئەڤێن جلوبەرگێن پێشمەرگان نەکرینێ بوو وان د مەزن بوون و بەری وەخت ژی جلوبەرگێن تایبەت بخوە پەیدانەکربوون”.
نيشاندان
WP Facebook Auto Publish Powered By : XYZScripts.com