ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 17\12\2014 بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1209 |
| 1 يۆرۆيێ ئه‌ورۆپى | 1500 |
| 1 ليرێ توركى | 515 |
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
رۆژا ئالايێ كوردستانێ ل ناڤ ئاوارێن سوريێ هاته ساخكرن
ساخكرنا رۆژا ئالايێ كوردستانێ ل كه‌مپا دۆميز قوتابخانا ژيان يا ئاوارێن سوريێ.
ره‌وشا كه‌شوهه‌وايێ سوبه‌هى
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ ب يێ نيڤ عه‌رو بيت و پاشان ژى دێ هێته گوهۆڕين بۆ په‌رێن ئه‌ورێن بچووك.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنا نزمبوونا هه‌ردو پاله‌په‌ستووريێن ده‌ريا سۆر و ده‌ريا ناڤه‌راست ل سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا پێنجشه‌مبى رێكه‌فتى 18\12\2014 ئه‌سمانێ دهۆكێ ب يێن نيڤ ئه‌ورى بيت و پاشان دێ هێته گوهۆڕين بۆ په‌رێن ئه‌ورێن بچووك.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ يا بلند دێ پيچه‌كێ بلندتر لێ هێت و يا نزم ژى هێته خوار هه‌مبه‌ر رۆژێن به‌رى نوكه ب ره‌نگه‌كى د ناڤبه‌را 6 هه‌تا 17 پلان دا بيت.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ د گۆڕانێ دا بيت ب ره‌نگه‌كى دێ يێ ناڤه‌ندى بيت د ناڤبه‌را پێنج بۆ 20 كليۆمه‌تر د ده‌مژمێره‌كێ و ماوێ ديتنێ ژى دێ 10 كيلۆمه‌تر بيت.
ل به‌رى ئازاد کرنا شەنگال ئاوارێن چیایى رزگار نەکەن دێ کارەساتێن مروڤایەیەتی پەیدا بن
ئەڤرۆ نیوز، بارزان مزووری:
بەرپرسێ مەشق و راھێنانێ یێن پێشمەرگەیێن خوبەخش ل چیایێ شەنگال، مەمێ مەمۆ، بۆ ئەڤرۆ نیوز دیار کر کو هه‌كه به‌رى ئازادکرنا شەنگال ئەو ئاوارەیێن چیایێ شەنگال رزگار نەکەن دێ کارەساتتێن مروڤایەتی روودەن پتر ژ 10 ھزار ژن و زارۆ و زەلام یێن شەنگال ل چیایی یێن ھەین چونکو مەترسیەکا مەزن یا ل سەر وان ئاوارەیان ھەيی.
بۆ زانین مەمێ مەمۆ فەرماندەیێ سەربازی یێن کوردێن ئیزدی ژ روسیا ھاتیە بۆ مەشق و راھێنانا پێشمەرگەیێن خوبەخش یێن بەروکێن شەری.
رۆژا ئالایی بێ ئاهه‌نگ دێ هاته پیرۆزكرن
به‌رپرسێ راگه‌هاندنا په‌روه‌رده‌یا رۆژهه‌لات نیوار ئه‌ترۆشی بو ئه‌ڤرۆ نیوز راگه‌هاند پیرۆزكرنا ئه‌ڤ ساله یا رۆژا ئالایی جوداهی تێدا هاتیه‌كرن ل چاڤ سالین چویی كو دێ به‌س هه‌لكرن و بلندكرنا ئالایی و سرۆدا نیشتمانی یا ئه‌ی ره‌قیب بیت بێ ئاهه‌نگ گێران.
ناڤری ئه‌و چه‌نده ژی دیاركر كو ب شیوه‌یه‌كێ گشتی ل سنورێ پاریزگه‌هێ ب ئاوایه‌كێ فه‌رمی وه‌ك په‌روه‌رده رێ و ره‌سمێن بلنمدكرنا ئالایێ كوردستانی ل ئاماده‌یا بژاره یا نمونه‌یی ل ده‌مژمێر 10:30 سپێدێ ب هوزان و سرۆدا نیشتمانی هێته گێران ب به‌رهه‌ڤبونا ریڤه‌رێ گشتیێ په‌روه‌رده‌یێ و و هه‌رۆ په‌روه‌رده‌یین رۆژهه‌لات و رۆژا ئاڤا هێته گێران.
نیوار ئه‌ترۆشی دیاركر ژی كو پیرۆزركرنا لایی ئه‌ركه‌كێ پیرۆزه و ب پیرۆزی بهێته راگرتن و ل ىسالین چویی ئاهه‌نگ دهاتنه گێران لێ ئه‌ڤ ساله ئه‌و نابیت ژ به‌ر ئه‌و كاودانێن نها و خو گوریكرنا پێشمه‌رگه‌یێن كوردستانێ ناهێنه كرن لی به‌س ب بلندكرن و سرۆدا نیشتمانی هێته گێران .
ناڤبیری ئه‌و چه‌نده ژی دیاركر ئه‌وان وه‌ك په‌روه‌رده ده‌سه‌لات دایه هه‌مو قوتابخانه‌یان كو ئه‌ڤ رۆژه بهێته پیرۆزكرن ب ئاوایه‌كی كاریگه‌ری ل سه‌ر وانه‌یێن قوتابیان نه‌هێته‌كرن .
هێرشا پێشمه‌رگه‌يى ل شنگال ده‌سپێكر
ئه‌ڤرۆ نيوز:
ئه‌ڤرۆ سپێدێ هێزێن پێشمه‌رگه‌يى هێرشا خوه بۆ سه‌ر شنگال ژ سێ ميحوه‌ران ڤه ده‌سپێكر و د پێشره‌ويێ دانه.
پشتى دوهى ب دژوارى ئه‌و ده‌ڤه‌ر ژ لايێ فرۆكێن شه‌ركه‌ر ڤه هاتيه تۆپبارانكرن، ئه‌ڤرۆ سپێدێ هێزێن پێشمه‌رگێ كوردستانێ ژ هه‌ر سێ لايێن حوگنە و كارێز و كوبانكێ هێرش كريه سه‌ر چه‌كدارێن داعش.
ب گۆره‌يى ژێده‌رێن ده‌نگوباسان شه‌ره‌كێ دژوار يێ د ناڤبه‌را پێشمه‌رگه‌يى و داعش دا دهێته كرن و ب گۆره‌يى ژێده‌رێن وان، پێشمه‌رگه‌يى پلانه‌كا باش دانايه بۆ وێ چه‌ندێ سه‌ركه‌فتنێ د ڤى شه‌رى دا ب ده‌ست خوه ڤه بينن.
ب گۆره‌يى داخۆيانيه‌كا زه‌عيم عه‌لى ژى هه‌تا نوكه گۆندێن به‌شوور و هێلا هاتينه رزگاركرن ل رۆژئاڤايێ ديجله كو شه‌ش كيلۆمه‌تران ژ زۆمار د دوورن و بڕياره پێنج هه‌تا شه‌ش گۆندێن دژى ئازاد بكه‌ن.
ئابۆنێن مامۆستايان هاتنه كێمكرن
ئه‌ڤرۆ نيوز، نيوار محه‌مه‌د سه‌ليم:
ئێكه‌تيا مامۆستايێن كوردستانێ راگه‌هاند كو ئه‌وان ئابوونێن مامۆستايان ژ سێ هزار ديناران بۆ هزار ديناران كێمكرن كو دێ هه‌ر دو سالان جاره‌كێ ده‌نه.
ب گۆره‌يى نڤيساره‌كا فه‌رمى كو ئيمزايا عه‌بدولواحد محه‌مه‌د حاجى سه‌رۆكێ ئێكه‌تيا مامۆستايێن كوردستانێ ل سه‌ره و دانه‌ك ژێ بۆ ئه‌ڤرۆ نيوز هنارتيه د خالا ده‌هێ دا هاتيه كو ئابوونا مامۆستايان ژ سێ هزار ديناران دێ بيته هزار ديناران و هه‌ر دو سالان جاره‌كێ دێ 24 هزار ديناران ده‌ن.
ئاماژه ب وێ چه‌ندێ ژى كريه كو ئه‌ڤ بڕياره دێ ژ سه‌رێ سالا نوو هێته په‌يره‌و كرن و ناسنامێن نوو ژى دێ بۆ مامۆستايان ب ره‌نگه‌كێ جودا ژ يێن به‌رى نوكه هێنه چێكرن و بۆ وێ مه‌ره‌مێ ژى دێ هزار ديناران ده‌ن ئانكو دێ كۆژمێ 25 هزار ديناران بۆ دو سالان ل گه‌ل چێكرنا ناسنامێ ده‌ن.
زارۆيێن دهۆكێ ب جلكێن پێشمه‌رگه‌يى چوونه ده‌وامێن خوه
ئه‌ڤرۆ نيوز، ناجی به‌ده‌ل:
وه‌كو وه‌فاداريى بۆ پێشمه‌رگێ كوردستانێ د رۆژا ئالايێ كوردستانێ دا، زارۆيێن كوردان ب جلكێن سه‌ربازى ئه‌ڤرۆ به‌ر ب باخچه و قوتابخانێن خوه ڤه چوون.
نازدار عه‌بدولا رێڤه‌به‌را باخچێ روكه‌ن سێ بو ئه‌ڤرۆ نیوز راگه‌هاند: “هه‌ر زارۆيه‌كێ بابه‌ته‌كێ نها ل به‌ر ڤه‌كه‌ی دێ ئیكسه‌ر ئیته سه‌ر ره‌وشا نها و خوراگریا پێشمه‌رگه‌يی و بۆ پیرۆز راگرتنا په‌یڤا پێشمه‌رگه و جوانكرنا ئه‌و جلكێن ل به‌ر خوه كرین كو ئه‌و نها ل بن سیبه‌را ئالايی و ئه‌وان جلكان ب ئازادی دهێنه باخچه‌یێن خوه”.
نازدارێ ئه‌و چه‌نده ژی دیاركر كو ئه‌ڤ رۆژه نه ب نه‌چارى يه، ڤان جلكێن سه‌ربازی ل به‌ر خوه بكه‌ن، به‌لكو هه‌ر كه‌سه‌ك يێ ئازاده ل به‌ر خوه بكه‌ت يانه نه.
ناڤبریێ ئه‌و چه‌نده ژی دیاركر كاودانێن نها وه‌كریه ئه‌و ژی وه‌كو هه‌موو ته‌خێن دیێن جڤاكێ بكه‌ڤنه بن ئه‌وێ كاریگه‌ریێ و باخچه ژی بۆ زارۆيه‌كی ده‌رازینكا وی یه بۆ پاشه‌رۆژێ یه و دڤێت زارۆ هایدارى پیرۆزیێن ملله‌تی بیت و گۆت: “له‌ورا مه ژی ئه‌و چه‌نده كریه “.
نازدارخانێ ئه‌و چه‌نده گۆتژى: “فه‌ره كار و كریاره‌كا ب ڤی ره‌نگى ب هه‌ستا نه‌ته‌وه‌ایه‌تی و خوراگریا ملله‌تی ڤه هه‌بیت، دڤێت باخچه ل هه‌مبه‌ر ده‌ر بكه‌ڤیت و نیشا زارۆيی بده‌ت ده‌ما مه‌زن دبیت ئه‌و پیرۆزی ل ده‌ڤ هه‌بن و هه‌ر پێنگاڤه‌كا ب ڤی ره‌نگى ب ئاگه‌هداریا لایه‌نێن په‌یوه‌ندیدار يهێته‌كرن”.
دووماھی ڤەگوھاستنێن زڤستانی یێن خولا عیراقێ
ئەڤرۆ:
پشتی دەرگەھێ ڤەگوھاستنێن زڤستانی بۆ یانێن پشکدار دخولا عیراقێ دا ھاتیە ڤەکرین، چەند یانا ھەر زوو مفا ژ ڤی بابەتی دیت تایبەت ئەوێن ئاستێ وان بەر ب لاوازیێ دچوو.
دەستەیا کارگێریا یانا تەلەبە ب ھێز ھاتە دناڤا بازاری دا و ھەڤبەستا چەند یاریکەران ئیمزاکری یە و ب فەرمی گەھشتی یە رێککەفتنێ ل گەل ھەر ئێک ژ یاریکەران حەیدر عەسکری و ویسام زەکی ژ یانا نەفت و محەمەد جەبار رباد ژ یانا مینا و ھەتا رادەکی رێککەفتی یە ل گەل ھەر ئێک ژ یاریکەران موستەفا نازم یاریکەرێ یانا جەویە و ئەحمەد دونی و سالح سەدیر یاریکەرێن یانا دھۆک و یانا نەفت وەست ژی ھەڤبەستا شەشێ یاریکەران ئیمزاکریە و دوھی ب فەرمی ھەڤبەستا سەعید موحسن ئیمزاکر پشتی یاریکەرێ ناڤبری دەست بەردانا خوە ژ یانا خوە یا بەرێ نەفت ئەلجنوب وەرگرتی و یانا نەفتا بەغدا ھەڤبەستا گولچیێ ھەلبژارتیێ عیراقێ عەلی حسێن ئیمزاکر ئەوێ یانا نەفت ئەلجنوب ب جە ھێلای.
ژلایەکێ دی ڤە یانا کەھرەبا ل گەل ئیمزاکرنا ھەڤبەستا راھێنەرێ خوە یێ نوو شاکر مەحمود ھەڤبەستا چار یاریکەرێن نووی ئیمزاکر ئەوژی ھەر ئێک ژ یاریکەران سەباح کەریم، عەلی مالک، ئەرکان عەمار و عەباس عەبدرزاق.
ژڤانێ چوونا عومرێ ھاتە دیارکرن
ئەڤرۆ، سالار دۆسکی:
رێڤەبەرێ حەج و عومرێ ل پارێزگەھا دھۆکێ دیار کر کو گوھۆرین کەفتینە د پێدنا موولەتان دا بۆ کۆمپانیێن حەج و عومرێ و مەرجێن ڤەکرنا کۆمپانیان ب زحمەت کەفتینە.
شێخ شەمسەدین تاھر، رێڤەبەرێ حەج و عومرێ ل پارێزگەھا دھۆکێ بۆ رۆژناما ئەڤرۆ ئاشکرا کر، بۆ دانا دەستووریێن کۆمپانیێن حەج و عومرێ ماوەکێ دیارکری ھاتیە دانان، کو بەری نوکە ھاتبوونە راگەھاندن و ژ 8\12 ھەتا 18\12 دێ ھێنە تەندەرکرن و ئەڤان تەندەران ژی مەرج تێدا ھەنە و بۆ ھەولێرێ دھێنە ھنارتن و ل دووڤ وان مەرجان دەستووردان دێ بۆ ھێنەدان.
ناڤھاتی خویا ژی کر، گوھۆرین دێ کەڤیتە کاری و ل دووڤ مەرجێن نوو دەرگەھێ دەلالان ئێدی نامینن و دێ ھێنە دائێخستن، دیسا گوھۆرین کەفتینە دمەرجێن ڤەکرنا کۆمپانی و تەندەران دا، سۆزنامەک ل دادگەھێ دێ ژێ ھێتە وەرگرتن ل سەر بابەتێ برنا وەلاتیان بۆ حەج و عومرێ و گۆت: “ھەموو مەرجێن ڤەکرنا کۆمپانیێن حەج و عومرێ د بەرژوەندیا وەلاتیان دانە، دیسا ئەڤ سالە چو کۆمپانی نەکەفتینە د لیستا رەش دا”.
رێڤەبەرێ حەج و عومرێ گۆتژی: “رەنگە 1\2\2015 دەست ب گەشتێن عومرێ بھێنە کرن”.
نيشاندان
WP Facebook Auto Publish Powered By : XYZScripts.com