ئەڤرۆ:
ل دووڤ زانیاریێن دەست ب رۆژناما ئەڤرۆ کەفتین رێڤەبەریەکا نوو ل سەر میلاکێ رێڤەبەریا گشتیا پەروەردا پارێزگەھا دھۆکێ زێدەبوویە و بڕیارا ھەردو وەزارەتێن دارایی و پەروەردێ ژی ل سەر ڤەکرنا وێ ھاتیەدان.
عەبد یوسف، رێڤەبەرێ گشتیێ پەروەردا پارێزگەھا دھۆکێ ئەڤ نووچە بۆ رۆژناما ئەڤرۆ پستراستکر و گۆت: “پشتی ھەوا نەھێلانا نەخوێنەواریێ ل ھەرێما کوردستانێ دەستپێکری، پشکا نەھێلانا نەخوێندەواریێ ل رێڤەبەریا گشتی ھاتبوو ڤەکرن، لێ نوکە ئەو پشکە وەکو رێڤەبەریا نەھێلانا نەخوێندەواریێ سەر ب رێڤەبەریا گشتیا پەروەردا دھۆکێ ڤە ھاتە ڤەکرن و پشکێن وێ ل ھەموو پەروەردێن قەزایێن سەر ب دھۆکێ ڤە ھەنە”.
ئاشکرا ژی کر، ھەتا نوکە ١٣ رێڤەبەری سەر ب رێڤەبەریا گشتیا پەروەردا دھۆکێ ڤە نە و ھەر ئێکێ ژی ئاڤاھیێ خوە ھەیە.
ھەڤدەم ژێدەرەکێ ھایدار ژی خویا کر، بەری نوکە پشکا نەھێلانا نەخوێندەواریێ سەر ب پشکا پلاندانێ و ھاریکارێ رێڤەبەرێ گشتیێ پەروەردێ بۆ کارۆبارێن تەکنیکی ڤە بوو، گۆت: “ئەگەر دست ب کاری ھاتە کرن دێ چیتە سەر ب ھاریکارێ رێڤەبەری بۆ کارۆبارێن کارگێری ڤە”.
ئاشکرا ژی کر، خواندنا بلەز، پەروەردا تایبەت و باغچێن زارۆیان دێ کەڤنە سەر ب رێڤەبەریا نەھێلانا نەخێندەواریێ ڤە.
رێڤەبەریەکا نوو ل پەروەردا گشتیا دھۆکێ زێدەبوو
نيشاندان