ئه‌ڤرۆ نیوز ، زنار تۆڤى:
سترانبێژ عسمه‌ت ئاواز، كو خه‌لكێ جزیرا بۆتانه ل باكورێ كوردستانێ و ئه‌ڤه چه‌ندین ساله مالباتا وى ل باژێرێ باتمانێ دژیت، بۆ ئه‌ڤرۆ نیوز دیار كر: ل سالا 1993 وى ده‌ست ب كارێ هونه‌رى و سترانگۆتنێ كریه، لێ هه‌ر زوو ده‌وله‌تا تورك سانسۆر ئێخستیه سه‌ر كارێ وى یێ هونه‌رى و چه‌ندین جاران هاتیه گرتن و زیندان كرن، له‌وما ئه‌و نه‌چار دبیت باتمانێ بجه دهلێیت و دچیته باژێرێ ئیسته‌نبۆلێ و نوكه ژى ل وى باژێرى دژیت.
ناڤهاتى گۆت ژى: ئه‌و ل به‌ر ده‌نگێ ستران و موزیكا هورنه‌مه‌ندێن كورد شڤان په‌روه‌رى و محه‌مه‌د شێخۆى و ئارامێ تیگران مه‌زن بوویه و هه‌رده‌م گوهداریا سترانێن وان دكه‌ت، هه‌روه‌سا هه‌تا نوكه وى هه‌شت كلیپ و سێ ئه‌لبۆمێن سترانان ب ناڤێ ” دۆنیا مرنه ، دۆزا دلێ من ئامارا، گۆڤه‌ند و دیلان” چێكرینه و به‌لاڤ كرینه، نوكه ژى ئه‌و مژوولى چێكرنا كلیپه‌كا نوو یه ب ناڤێ ” بۆك و زاڤا” ، پشتى نه‌ورۆزێ دێ وێ كلیپێ ژى به‌لاڤ كه‌ت.
عسمه‌ت هێشتا دبێژیت: گه‌له‌ك سانسۆر ژ ئالیێ ده‌وله‌تا تورك ڤه ل سه‌ر هونه‌رێ كوردى ل باكور هه‌یه و دیسان هێشتا نوكه ژى باندۆرا موزیكا توركى ل سه‌ر یا كوردى هه‌یه، هه‌ر چه‌نده هونه‌رمه‌ندێن تورك پرانیا موزیك و سترانێن كوردى دزینه و كرینه مولكێ خوه، لێ سه‌ره‌راى ڤێ چه‌ندێ ژى ئه‌م شیاینه به‌رده‌وامیێ بده‌ینه هونه‌رێ خوه و ئێدى گرتن و زیندان كرن ژى نه‌شێت هونه‌رێ مه راوه‌ستینیت و هندى د ژیانێ دا بم، دێ خزمه‌تا هونه‌رێ كوردى كه‌ین، چونكى ئه‌م ڤێ چه‌ندێ وه‌كو ئه‌ركێ ل سه‌ر ملێ خوه دزانین.
ئەڤرۆ نیوز:
بۆ رێگری کرنێ ل بەلاڤبوونا ڤایرۆسێ کۆرۆنا، جۆزێپی کۆنتی، سەرۆک وەزیرێن ئیتالیا قەدەغەیا هاتنووچوونێ ل هەموو ئیتالیا راگەهاند و گۆت، پێدڤیە هەموو کەس د مالدا بمینن و دەرنەکەڤن.
هەتا نوکە ڤایرۆسێ کۆرۆنا ل گەلەک باژێرێن ئیتالیا بەلاڤبوویە و چەندین کەسان ژی ژ ئەگەرێ ڤی ڤایرۆسی گیانێ خوە ژ دەستدایە.
ئەڤرۆ نیوز:
د ڤەکۆلینەکێ دا زانایێن زانکۆیا پەکین دیار کریە، کو دو جۆرێن کۆرۆنا یێ ل جیهانێ بەلاڤبووینە و ئێک یێ دژوارە ۆ یێدی تر نەیێ دژوارە.
زانکۆیا پەکین د ئەنجامێ ڤەکۆلینەکێ دا کو ل سەر نووترین ڤایرۆسێ کۆرۆنا یێ بەلاڤکریە و تێدا هاتیە، د شیکاریێن وان دا بۆ پێکهاتا چەند نموونان ژ ڤایڕۆسێ کۆرۆنا، بۆ وان دەرکەفتیە ٧٠% ژ ڤایرۆسان ژ جۆرێ دژۆارن و ۳۰٪ ژ جۆرێ کێمتر دژوارن.
دیار کریە ژی، ڤایرۆسێ هەری کێم، ئێک جار گەشە ب خوە دایە و ب ئاوایەکێ سرۆشتی گوهۆرین تێدا پەیدابوویە، جۆرێ ئێکێ ئەوێ کو زێدەتر دژۆار، ب پیتا L هاتیە ناساندن و یێ کێمتر دژۆار ب پیتا s ناساندیە.
هەروەسا ل دەستپێکا بەلاڤبوونا ڤی ڤایڕۆسی، ئەو جۆرێ زێدە دژوار، پتر بەلاڤبوویە و پاشی بەلاڤبوونا وی کێمتر لێهاتیە.
هەروەسا بۆ وان دەرکەفتیە، کو ئەو جۆرێ کێمتر یێ دژوار، زێدەتر هەلگرێ سیفاتێن بەلاڤە ژ وی یێ کو زێدەتر یێ دژوار.
ئەڤرۆ نیوز:
رێكخراوا ساخلەمیا جیهانی دووماهی راپۆرتا خوە ل سه‌ر كۆرۆنا بەلاڤكریە و راگەهاندیە، مەترسیەكا زۆر هەیە كو كۆرۆنا ببیتە پەتایەكا جیهانی.
تیدرۆس ئەدهانۆم گیبریسۆس رێڤەبەرێ گشتی یێ رێكخراوا ساخلەمیا جیهانی راگەهاند، مەترسیا زۆر هەیە كو كۆرۆنا ببیتە پەتایەكا جیهانی، بەلێ هێشتا ئەگەرێ كۆنترۆلكرنا ڤی ڤایرۆسی هەیە.
راگەهاند ژی، ئەڤ ڤایرۆسە ل پتری 100 وەلاتان بەلاڤ بوویە و مەترسیەكا راستەقینەیە، لەوما دڤێت كار بۆ كێمكرنا كاریگه‌ریا ڤی ڤایرۆسی بهێتە كرن و ئەم یێ كار د‌كه‌ین بۆ رێگرتنێ ل بەلاڤبوونا زێدەتر یا ڤی ڤایرۆسی ل جیهانێ.
هه‌روه‌سا گۆتیە ، رێژا 77% یا توشبوویێن چینێ ژ ڤی ڤایرۆسی قورتالبووینە و چێبووینه.
ئەڤرۆ نیوز، عەلی حاجی:
ئەندامەکا پەرلەمانێ کوردستانێ د لژنەیا ساخلەمیێ و ژینگەهـ و مافێن بەکاربەر بۆ ئەڤرۆ نیوز دیار کر بەردەوام چاڤدێریێ ل سەر خالێن سنوری و فروکخانەیێن نێڤدەولەتی دکەین دا کو ئەو کێماسیێن د کەرتێ ساخلەمیێ دا هەین بهێنە چارەسەر کرن.
زێدەتر رۆژان ئیبراهیم گوت : پشتی مە سەرەدانا خالێن سنوریێن فەرمی و نەفەرمی و فروکخانەیێن نێڤدەولەتی کرین ل دور تیمێن ساخلەمیێ و چاوانیا ئەنجامدانا پشکنینان ل سەر وان کەسێن ب رێیا وان جهان سەرەدانا کوردستانێ دکەن دیار بوو هەتا رادەیەکێ باش کار د هاتە ب رێڤەبرن و ژ روویێ پێدڤیان دا چو کێماسی نەبون بەلێ کێماسی هەبون د میلاکێ وان دا پرانیا وان کەسان ژی خوەبەخش بون مە تێبینی ژی ل سەر وێ چەندێ هەبون،هەر دیسان ل خالا سنوریا ئیبراهیم خەلیل بتنێ پشکنین بۆ هاولاتیێن نەهـ وەلاتان دهاتە کرن و ڤێ چەندێ ژی مە داخاز ژ رێڤەبەریا گشتی یا ساخلەمیا پارێزگەها دهوکێ کر پێدڤی یە هەر کەسەکێ ب رێیا وان سنوران بهێتە کوردستانێ پشکنین بۆ بهێتە کرن و ئەڤ چەندە ژی ژ ئەڤرۆ پێڤە دێ هێتە ئەنجام دان.
زێدەتر ناڤهاتیێ گوت : مە سنورەکێ درێژ دگەل وەلاتێ ئیرانێ هەیە کونترول کرنا وان سنوران ژی یا ب زەحمەتە و گەلەک کەس ب رێیا رێکێن قاچاخ دخازن سنوران ببرن و وەکو ئەم هاتینە ئاگەهدار کرن ژی کەسەکێ ئیرانی ب رێیا رێکێن قاچاغ دخاست بچیتە وەلاتێ تورکیا بەلێ ژلایێ هێزێن ئاسایشێ ڤە هاتە دەستە سەرکرن و پێدڤی یە زێدەتر کار ل سەر توندکرنا خالێن سنوری بهێتە کرن ب تایبەتی ژی دگەل وەلاتێ ئیرانێ،مە داخاز کری یە ژی ئەڤ کێم و کاسیێن دناڤ تیمێن ساخلەمیێ د کەرتێ ساخلەمیێ دا هەین پێدڤی یە بهێنە چارەسەر کرن و ئەم بەردەوامین ژی دا کو ب شێوەیەکێ بلەز هەمی کێشە بهێنە چارەسەر کرن.
ئەڤرۆ نیوز، رەزوان ڕۆژبەیانی:
ئەڤرۆ ئێڤاری زارۆیەکی حەفت سالی ل گوندێ بەنێنان کەفتە بن تەرەکتەرێ و جانێ خوە ژدەست دا.
کەسەکێ نزیک ل جهێ روودانێ کو نەڤیا ناڤێ خوە ئاشکرا بکەت بۆ ئەڤرنیوز خویاکر ، ئەڤرۆ ئێڤاری دوشەمبی رێکەفتێ 9 /3/2020 زارویەکی حەفت سالی ب ناڤێ سەنگەر عارف عباس کو ئاکنجیێ گوندێ بەنێنان ،ێ سەر ب ناحیە دارەتوو ل سنوورێ قەزا بەردەڕەش، دچیتە سەر تەرەکتەرەکێ کو ل نزیک مالێ وان هات بوو راوەستاندن دەست کاری دکەت و ژ نشکەکێڤە ئەو تەرەکتەر بووش دبیت و دکەڤیتە ناف نەهالەکێ دا و ئەو زارو دکەڤیتە بن و ئێکسەر جانێ خوە ژ دەست ددەت.
ئەو ژێدەر گوت ژی تەرمێ وی هاتێە رەوانەکرن بۆ پارێزگەها هەولێرێ و ژبۆ نۆشداریا داد.
ئەڤرۆ نیوز، عەلی حاجی:
ل تاخێ سێمالکا ل زاخۆ ژ ئەگەرەکێ نەدیار ئاگر بەردایە لەشی خوە و رێژەیو سوتنا وێ ژی ١٠٠٪.
ئەمیر عەلی بەرپرسێ راگەهاندنا ساخلەمیا زاخۆ بۆ ئەڤرۆ نیوز دیار کر، بەری دەمژمێرەکێ نێزیکی دەمژمێر ٧:٣٠ شەڤ ژنەکێ د ژیێ ٢٣ سالیێ دا ل تاخێ سێمالکا ل باژێرێ زاخۆ ژ ئەگەرەکێ نەدیار ئاگر بەردا خوە و رێژا سوتنا وێ ١٠٠٪ یە و پشتی تیمێن ساخلەمیێ گەهشتینە جهێ روودانێ ئێکسەر لەشێ وێ دهێتە رەوانەکرن بۆ نەخوشخانویا سوتنێ ل باژێرێ دهوکێ و ئەو ئافرەتا ٢٣ سالی د بن چافدێریا تیمێن نوشداری دایە و رەوشا وێ یا تەندروستی ژی یا خرابە و جێگیر نینە،ئەگەرێن خوە سوتنا وێ ئافرەتێ هەتا نوکە نەهاتینە زانین و پولیسان ژی د ڤێ دەربارێ دا پەرێن ڤەکولینێ دەست پێکرینە.
نيشاندان