ئه‌ڤرۆ نيوز:

ئه‌ڤرۆ نيڤرۆ پشكێشكانا قووناغا 16 يا شامپيۆن ليگ هاتنه‌ كرن و ب ديتنا چاڤدێران هه‌موو يارى د هه‌ڤسه‌نگن.

ئەڤرۆ نیوز، ھەژار مەعروف:
رێڤەبەرێ پیشەکارێ یانا دھۆک یێ کامیرونی ئەنیست ئینگا د داخویانیەکێ دا بۆ مالپەرێ ئەڤرۆ نیوز دیارکر یاریکەر یێ داخوازکری یە ژلایێ دو یانێن خولا پلا نایاب یا مسری ڤە و ل رۆژێن بھێت ئەو دێ بریارا دووماھیێ لسەر ئێک ژ ئەوان یانا دەت.
ئەنس حەمو ئەو چەندە ژی دیارکر یاریکەر نوکە ل وەلاتێ فەرەنسا یە داخوازیا مافێ خوە ژ یانێ کریە و بتنێ ھەڤبەستا ئینگای بوو چار ھەیڤان ھاتبوو ئیمزاکرن و ھەتانوکە ئەوی پشکا خوە یا ئێکێ ژ یانا دھۆک نە وەرگرتی یە و یاریکەری دیارکری یە ھەکە ماڤێ وی ل ماوێ بھێت نە دەنێ ئەو دێ سکالایەکێ لسەر یانا دھۆک تومارکەت.
ل دووماھیێ ناڤبری ئاماژە ب وێ چەندێ ژی کر ئەو ھەردو یانێن مسری ئەوێن داخوازیا ئینگای کری ئەوژی ھەر ئێک ژ وادی دیجلە و سموحە نە و یاریکەر پتر نێزیکی ئیمزاکرنا ھەڤبەستا وادی سموحە بووی یە.

ئەڤرۆ نیوز، ھەژار مەعروف:
نوێنەرێن باکورێ کوردستانێ دڤێ حەفتیێ دا ژ یاریێن خوە د خولێن تورکیا دا یێن تەپا پێ نەشیان سەرکەفتنێ توماربکەن .
د یاریێن خولا پلا دو دا یانا ئامەد سپور بەردەوامی دا ئەنجامێن خوە یێن لاواز ل وەرزێ ئەڤ سالە پشتی دڤێ حەفتیێ دا ژی وەکھەڤ بووی ل یاریگەھا خوە بەرامبەر یانا ساریار بێ گول و خالێن خوە گەھاندنە ١٨ خالان ل رێزا ١٣ دھێت و یانا مالاتیا سپور نەشیا مفای ژ ئەردو جەماوەرێ خوە بینت دەمێ خوسارەت بووی لسەر دەستێ یانا مەنامە بەلدیە سپور ب دو گولان بێ بەرامبەر و دەلیڤەیا سەرکێشا خولێ ژ دەست دا.
ژ ئەنجامێن یاریێن خولا پلا سێ کو سێ یانێن باکورێ کوردستانێ تێدا پشکدارن ئەوژی ھەر سێ یانا ب ئەنجامێ دو گولان بێ بەرامبەر خوسارەت بوون کو دیاربکر سپور ل باژێرێ ئیستەنبول خوسارەت بوو لسەر دەستێ مالتاپا سپور ب دو گولان بێ بەرامبەر و یانەیا باتمان ل گەل کیزلچە بولو و یانا وان سپور ب ھەمان ئەنجام خوسارەت بوو ل گەل یانا ئەزروم سپور .