نیوز،زنار توڤى:
ئاژانسا نووچه‌یێن عێراقێ دیاركریه،كو ئه‌ڤرۆ د ئوپه‌راسیونه‌كا هێزێن ئاسمانى یێن سوپایێ عێراقێ دا بو سه‌ر مولگه‌یێن داعش ل نێزیك باژێرێ سامه‌را،تیرورستێن داعش شیان فروكه‌یه‌كا سوپایێ عێراقێ دوێ ئوپه‌راسیونێدا بێخن ل نێزیك وى باژێرى،له‌ورا ڤێ چه‌ندێ ژى وه‌كریه،كو هێزێن ئاسمانى یێن سوپایێ عێراقێ پێداچوونه‌كێ دخودا بكه‌ن،ژ پێخه‌مه‌ت كو ئه‌ڤرۆ وێڤه فروكه‌یێن وان توشى ئێخستنێ نه‌بن و بشێن باشتر دربێن كوژه‌ك ل تیرورستێن داعش بده‌ن.
ئه‌ڤرۆ نیۆز:
وه‌زیرێ دارایى یێ عیراقا فیدرال هوشیار زێبارى د هه‌ڤدیتنه‌كێ دا ل گىل كه‌نالێ ئه‌سمانى (ئه‌لعه‌ره‌بیه) دا گۆت: ده‌مه‌كێ بۆ كونترۆلكرنا باژێرێ مووسل هاتیه دانان، به‌لێ ده‌مژمێرێن ده‌سپێكرنا شه‌رى بۆ ئازادكرنا مووسل نێزیكبوویه و حوكمه‌تا عیراقێ ژى پشته‌ڤانیا سونیان ل ده‌ڤه‌رێ دكه‌ت.
ژئالیه‌كێ دیڤه جڤاتا پارێزگه‌ها نه‌ینه‌وا ل رۆژا 11 ڤێ هه‌یڤێ راگه‌هاند بوو 20 هه‌زار چه‌كدار دێ پشكدارى كونترۆلكرنا باژێرێ مووسلێ بن، ئاماژه ب وێ ئێكێ چى دا بوو كو پلانا كونترۆلكرنا باژێرێ مووسل هاتیه راده‌ستكرن.
ل حه‌فتیا بۆرى ژى قه‌باره‌كێ چه‌كێ سڤك و ناڤه‌ندى گه‌هشته هه‌رێما كوردستانێ، وه‌زاره‌تا پێشمه‌رگه‌ى ژ ئالیێ خوه‌ڤه راگه‌هاند، كو ئه‌و چه‌ك بوو 5 هه‌زار پۆلیسێن پارێزگه‌ها نه‌ینه‌وا یه كو دێ بۆ كونترۆلكرنا مووسلێ هێنه بكارئینان و ل هه‌رێما كوردستانێ كارێ مه‌شق و راهێنان دكه‌ن.
ئه‌ڤرۆ نیۆز:
وه‌زیرێ دارایى عیراقا فیدرال هوشیار زێبارى راگه‌هاند، ل نیڤا بودجا سالا بهێت دا كێشا كوته‌ئینانێ پشكه‌كا هاتیه چاره‌كرن، كو ب 30 ترلیۆنان هاتیه راگرتن كو به‌رى نها 47 ترلیۆن دینار بوون.
هوشیار زێبارى وه‌زێرێ حوكمه‌تا حه‌یده‌ر عه‌بادى ل به‌غدا بۆ رۆژنامه‌ڤانان راگه‌هاند، كورته‌ئینانا سالا بهێت ب 30 ترلیۆن دیناران هاتیه راگرتن، كو به‌رى نها بڕگا وێ ب 47 ترلیۆن دیناران بوویه.
ئه‌و چه‌نده چى به‌رچاڤكر، كو پشتى پێداچوونه‌كا باش ژ مه‌زاختیێن زێدا هاتینه كرن دناڤ بۆدجا سالا 2015 دا كورته‌ئینان هاتیه كێمكرن.
ئه‌ڤرۆنیۆز:
ڤه‌كۆله‌ر و چالاكڤانى سیاسى ئارى هه‌ركى رگه‌هاند، ل سێ هه‌یڤێن بورى د شه‌رێ كوبانێ دا چه‌كدارێن تیرورى یێن داعشێ 26 كریارێن خوه‌كوشتنێ ئه‌نجامداینه، هه‌روه‌سا خوه‌یاكر 4 ژوان خوه‌كوژان كوردن و 3 ژوان خوه‌كوژن ژ خه‌لكێ كوردستانا باشۆر بوون.
ئارى هه‌ركى ل سه‌ر تۆڕ جڤاكیا خوه‌یا تایبه‌ت فێبسۆكى وێنه‌یێن وان چه‌كدارێن داعشێن كورد به‌لاڤكرن، و دبێژیت ئه‌م كورد چو جاره‌كێ هزر د رابورێ و پاشه‌رۆژا خوه‌دا ناكه‌ین، له‌ورا هه‌رده‌م وه‌ك ركابه‌ركێ دۆرایى د دیرۆكێ بێ ده‌وله‌ت و ژێر ده‌ست د مینن.
هه‌روه‌سا پرسا مه‌زن ئه‌ڤه‌یه ئایا بۆچى ل هه‌زار سالێن بۆرى مه نه‌دیتیه ئیسلامیه‌كێ كورد بۆ دۆزا مافێن ره‌وایێن ملله‌تێ كورد و رزگاركرنا ئخا كوردستانێ به‌رانبه‌رى داگیركه‌ران خوه ب په‌قینیت؟؟.
ئه‌ڤرۆ نیۆز:
سه‌رۆكێ لیژنا سامانێن سروشتى و پیشه‌سازیا په‌رله‌مانێ هه‌رێما كوردستانێ راگه‌هاند، حوكمه‌تێ دڤێت ره‌وشا ئابورى ئاسایى ببیت پاشى بهایێ به‌نزینێ دێ هێته خار.
سه‌رۆكێ لیژنا سامانێن سروشتى و پیشه‌سازیا یا جڤاتا نوونه‌ران شێركۆ جه‌وده‌ت خوه‌یاكر، ئه‌م به‌رده‌وام بزاڤێن كێمكرنا بهایێ په‌نزینێ ل گه‌ل حومكه‌تێ به‌حس دكه‌ین، هه‌روه‌سا گۆت: به‌لێ حوكمه‌تێ ئه‌و بابه‌ت ل گه‌ل قه‌یرانا دارایى گرێدایه یا ل گه‌ل حوكمه‌تا عیراقێ و دبێژیت هه‌تا ره‌وشا ئابورى ئاسایى نه‌بیت بهایێ په‌نزینێ دێ وه‌كى خوه مینیت.
شێركۆ جه‌وده‌ت دیاركر، ب باوه‌ریا من بلندكرنا بهایێ په‌نزینێ په‌یوه‌ندى ب ره‌وشا ئابورى ڤه نه‌بوو، بتنێ بڕیاره‌ك بۆ ژ ئالیێ جڤاتا بلندا په‌ترۆل و غازێ ڤه یا هه‌رێمێ هاتیه دان، چونكى ئه‌و په‌یدابووى ب گرانكرنا بهایێ په‌نزینێ بتنێ 30 ملیۆن دۆلار بوویه هه‌مبه‌رى 750 ملیۆن دۆلاران كو مووچێ فه‌رمانبه‌رایه.
شێركۆ جه‌وده‌ت رونكر، نه‌ب بلندكرنا بهایێ په‌زنینێ شیان موچێ فه‌رمانبه‌ران دابین بكه‌ن و نه‌كارتێكرن ژى ل سه‌ر موچێ فه‌رمانبه‌ران كر.
ئه‌ڤرۆ نیۆز:
وه‌لاتێن خه‌لكێ باژێرێ كه‌ركووكێ وه‌شحالیا خوه بۆ ده‌سته‌سه‌ركرنا تیرۆرستێن كریارا خوه‌كوژیا چایخانا شۆرجه ئه‌نجامداین ده‌ربرین ، هه‌ڤده‌م داخوازكرن ل جهێ ئه‌نجامدانا وێ كریارا تێرۆرستى ئه‌و كه‌سه بهێنه سێداره‌دان.
ده‌زگه‌هێن راگه‌هاندنێ ل باژێرێ كه‌ركووكێ راگه‌هاندن، ئه‌ڤرۆ ب سه‌دان ژ خه‌لكێ كه‌ركووكێ ل نێزیكى چایخانا شورجه یا به‌رى چه‌ند رۆژان ب كریاره‌كا تیرۆرستێ هاتیه په‌قاندن خوه‌نیشادانه‌ك ئه‌نجامدان.
ل ده‌سپێكا وێ خوه‌نیشادانێ هنده‌ك ئاریشه ژى په‌یدابوون كو بۆ ده‌مكێ كورت رێیێن هاتن و چوونێ ژى هاتن بڕین یێن دكه‌ڤه هه‌مان تاخێ ناڤبرى، ب سه‌ده‌ما وێ چه‌ندێ كو خالكێ وى تاخێ داخوازا سێداردانا وان تیرۆرستان یێن كریارا خو كوشتنێ ئه‌نجامداین بهێنه سێداره‌ان.
ئه‌ڤرۆ نیوز ، نه‌وزاد زاده هلۆرى :
ئاژانسا ئیرو نیوز یا عه‌ره‌بى دیاركر كو باژێرێ ” لڤیڤ ” ئه‌وا دكه‌ڤیته رۆژئاڤایا ئوكرانیا ئاكنجیێن وێ 85% ژنن و به‌هرا پتریا كاروبارێن ڤى باژێرى د ده‌ستێ ژنان دانه و ئه‌و برێڤه دبه‌ن.
ئاژانسا ئیرو نیوز دیاردكه‌ت ژى كو باژێرێ ناڤهاتى د هێته نیاسین ب باژێره‌كێ گه‌شتیارى و ناڤه‌ندا ئابوورى و ره‌وشه‌نبیرى ل وه‌لاتێ ئوكرانیا وب گرنگترین وه‌لاتێ گه‌شتیارى ل ئه‌وروپا دهێته هژمارتن و ئاكنجیێن وێ 725 هزار كه‌سن و 88% ژ وان خه‌لكێ ئوكرانیا بخونه واته ب ره‌گه‌ز ئوكرانینه و 9% ژى رووسینه و 1% ژى پوله‌ندى نه و ئه‌ڤ باژێره دهێته نیاسین ب باژێرێ ئوپیرا و یانه‌یێن له‌یزینێ و یانه‌یێن له‌شفروشیێ و ژلایێ نه‌ته‌وه‌یێن ئێكگرتیێن ئه‌مریكا ب باژێره‌كێ مێژوویى دهێته هژمارتن.
هه‌ر ل گور زانیاریێن ئاژانسا ناڤهاتى تشتێ سه‌یر دڤى باژێرى دا به‌هرا پتریا دام و ده‌زگه‌هێن حكومى و حزبى و رێكخراو و بازار و هێزێن سه‌ربازى و هه‌تا دوماهیێ ژلایێ ژنان بخوڤه دهێنه برێڤه‌برن ژ به‌ركو ژن دڤى باژێرى دا ب رێژه‌یا 85% بخوڤه دگریت ، و جوانترین و نازكترین كچێن جیهانێ دكه‌ڤنه ئه‌ڤى باژێرى.
ل سالا 1200 ئه‌ڤ باژێره بناڤێ كورێ ئه‌میر دانێلو ” لێڤ ” هاتیه بناڤكرن به‌لێ پاشى بوویه باژێرێ ” لڤیڤ “.
مووسل، بارزان سلێمان مزوورى:
به‌رپرسێ لقا 14 مووسل ل میحوه‌رێ باشیك ، عصمت ره‌جه‌ب بۆئه‌ڤرۆنيوَز دیار كر، چه‌كدارێن تیرورستێن داعش بریاره‌ك ده‌رئیخست لدور وان كوتارخوینێن روژا ئه‌ینى رێنماییێن داعش بحهـ نه ئینان ده‌مێ خاندنا وتارا ئه‌ینیێ ده‌ست پێكا بریارا داعش 50 ده‌رگه‌هێن مزگه‌فتا دا ئیخستن نڤێژ كرن لێ قه‌ده‌غه‌كر ئه‌و مزگه‌فتێن لدوڤ مه‌رجێن وان وتار نه‌خاندى هنده‌ك ژوان مزگه‌فتا هێلان ئه‌وێن مه‌رجێن وان جێ به جێ كرین،
ناڤبرى دیار كر كۆ داعش وتارخوینێ مزگه‌فتا نه‌بى ئیبراهیم ل ده‌ڤه‌را غزلان بناڤێ شێخ نه‌عمان فایق سێداره‌دا ته‌رمێ وى به‌رامبه‌رى خه‌لكى رائیخست ژبه‌ر كو وى وتارخوێنى ل وتارا ئه‌ینیێ دا ئه‌و مالێ داعش یێ خه‌لكى برى ل سه‌ر وان حه‌رام كر .
ناڤبرى دیار كر كۆ رێكخراوا چه‌كدارێن ئازاد ل ناڤ باژێرێ مووسل هێرش كره سه‌ر ترومبێله‌كا جورێ كه‌یه بارهه‌لگر یێن چه‌كدارێن تیرورستێن داعش ترومبێلا وان په‌قاند 3 داعش تێدابون هاتن كوشتن ئه‌و ترومبێل یا پربو ژ لاپتوب و كومپیوته‌رێن دامو ده‌زگه‌هێن حكومه‌تێ بون ئه‌وێن ل ناڤ باژێرێ مووسل بۆ روژئاڤا مووسل دچو.
ئه‌ڤرو نیوزَ،زنار توڤى:
رێكخراوا ته‌ندروستیا جیهانى كو خزمه‌ته‌كا مه‌زن و به‌رچاڤ پێشكێشى خه‌لكێ جیهانێ كرینه و هه‌رده‌م خوه لێ كریه خودان و ل هه‌وارا وان هاتیه،له‌ورا رێكخراوا ناڤبرى د سایتێ خوه دا به‌لاڤه‌كریه،ژبه‌ر هاتنا رێژه‌یه‌كا مه‌زن یا ئاواره‌یان بو هه‌رێما كوردستانێ و ژبو خزمه‌تكرنا وان و باشتركرنا ره‌وشا وان یا ته‌ندورستى،رێكخراوا ته‌ندورستیا جیهانى دێ 8 نه‌خوشخانێن گه‌روك لڤان نێزیكان هنێریته كوردستانێ،ژ پێخه‌مه‌ت ئه‌ڤ نه‌خوشخانه بشێن هاریكاریا ئاواره‌یان بكه‌ن و چاره‌سه‌ریا ئێشێن وان بكه‌ن و نه‌هێلن ئێشێن ڤه‌گر دناڤ خه‌لكێ ئاوا ره‌دا به‌لاڤه ببن و كونترولێ لسه‌ر بكه‌ن.
نيشاندان