هه‌ر چه‌نده ژ ئه‌نجامێ هه‌لبژاردنێن جڤاتا نوونه‌رێن عیراقا فیدرال یێن 30/4/2014 ل 8/9/2014 ب ره‌نگه‌كێ شه‌پرزه‌یی و ب له‌زوبه‌ز كابینا نوو یا حوكمه‌تا عیراقێ ب سه‌رۆكاتیا حه‌یده‌ر عه‌بادی هاته پێكئینان ، لێ به‌راوردكرن ل گه‌ل هه‌لبژارتنێن به‌رتر د ده‌مه‌كێ كورت دا حوكمه‌ت هاته پێكئینان، لێ بۆ كوردان هه‌تا راده‌یه‌كی پێكئینانا حوكمه‌تا نوو یا عیراقێ ب نه ژ خافلی بوو، چونكی ب تنێ چه‌ند ده‌مژمێره‌ك بووری بوون ل سه‌ر بریارا كوردان بۆ پشكداریكرنێ د ڤێ كابینا حوكمه‌تێ دا و هێشتا كورد د ناڤ خوه دا نه‌گه‌هشتبوونه‌كێ رێكه‌فتنه‌كێ بۆ ده‌ستنیشانكرنا به‌هرا خوه تێدا، لێ عه‌بادی یێ رژد بوو ل سه‌ر پێشكێشكرنا پێكهاتا حوكمه‌تا نوو د ده‌مێ خوه دا و خوه ل به‌ندا كوردان نه‌گرت، ئه‌ڤێ چه‌ندێ وه‌كر زۆر ژ كوردان چ ل سه‌ر ئاستێ جادێ یان ل سه‌ر ئاستێ نڤیسكار و ره‌وشه‌نبیران وه‌سا هزر بكه‌ن حوكمه‌تا نوو یا عیراقێ درێژه‌پێده‌را كابینا به‌رتر بیت ب سه‌رۆكاتیا نوری ئه‌لمالكی بۆ دژایه‌تیكرنا هه‌رێما كوردستانێ و زالبوون ب سه‌ر سازیێن ده‌وله‌تێ. لێ هێشتا سێ مه‌ه كێمتر بوورینه ب سه‌ر ژیێ حوكومه‌تێ دا، لێ نیشانێن باشیێ لێ دیاربوون و دیاره عه‌بادی حه‌زا چاره‌سه‌ركرنا كێشه و قه‌یرانا هه‌نه نه‌ك په‌یداكرنا وان مینا مالكی. .. ! ژ وان بریارا ره‌وانه‌كرنا بۆدجه و مۆچێ هه‌رێما كوردستانێ ب رێژه‌یا 17% پشتی ل گه‌ل هه‌رێما كوردستانێ گه‌هشتینه رێكه‌فتنه‌كێ دیسا ره‌وانه‌كرنا پێدڤی و هاریكاریێن پێشمه‌رگه‌ی، ل سه‌ر ئاستێ ناڤخوه‌یی حوكمه‌تێ وه‌كی حوكمه‌تا فیدرال ئاشكراكرن و ده‌ستنیشانكرنا هژماره‌كا زۆرا فه‌رمانبه‌ر و پۆلیس و سه‌ربازێن بن دیوار و ئاشۆپ و كێمكرنا رێژه‌یه‌كا به‌رچاڤ ل مۆچێ پله‌دارێن بلند، فاكته‌رێن حه‌زا گورانكاری و چاكسازیانه د حوكمه‌تا عیراقا فیدرال دا و نابیته درێژه‌پێده‌را كابینێن به‌رتر به‌لكی به‌رۆڤاژی وان گاڤێن باشن بۆ به‌رنگاربوونا گه‌نده‌لیێ. دبیت ره‌وشا سیاسی و ئه‌وله‌هی و دارایی ل عیراقێ سه‌رۆكێ حوكمه‌تا عیراقێ نه‌چار كربیت ڤان گاڤان بهاڤێژیت، یان ل بن گڤاشتنێن نیڤده‌وله‌تی بیت، چونكی هه‌رێما كوردستانێ به‌روڤاژی به‌شێن دیتر یێن عیراقێ شیان نه تنێ رێكێ ل پێشڤه‌چوونێن هێرشێن (داعش) بگرن، به‌لكی به‌رده‌وام د پێشڤه‌چوونێ دانه و دربێن هه‌ره مه‌زن ل ڤێ هێزا تیرۆرستیا پڕ چه‌ك دان و ژ ئالیێ سیاسی ژی پشتی شه‌رێ دژی ڤان تیرۆرستێن (داعش) هه‌رێما كوردستانێ سه‌ركه‌فتنێ، مه‌زن بده‌ستڤه‌ئینان و پشته‌ڤانیه‌كا نێڤده‌وله‌تی دابینكرن. ب هه‌ر حال ئه‌كه‌ر حه‌یده عه‌بادی سه‌رۆكێ حوكمه‌تا عیراقا فیدرال به‌رده‌وامیێ ب ڤێ سیاسه‌تا خوه بده‌ت بۆ چاره‌سه‌ركرنا كێشه‌یێن د ناڤبه‌را هه‌رێما كوردستانێ و حوكمه‌تا ناڤه‌ند و كێشه‌یێن د ناڤبه‌را پێكهاتێن دیتر یێن جڤاكێ عیراقی دا مینا (شیعه و سونه) و به‌رهنگاربوونا گه‌نده‌لیێ. ره‌وشا عیراقێ و عیراقیان یا ئه‌وله‌كاری و ئابووری گوهۆرینێن باش دێ بسه‌ردا هێن و كه‌ربوكین و دو به‌ره‌كی د ناڤبه‌را واندا نامینیت. لێ هێشتا ئه‌ڤ گاڤه نه‌كه‌هشتینه وی ئاستی كو ئه‌م وه‌كی كورد لێ پشتراست ببین و وه‌سا هزر بكه‌ین عه‌بادی دێ كێشه و ئاریشه‌یێن مه چاره‌كه‌ت و دڤێت خوه ل هیڤیا ده‌می بگرین. چونكی د كه‌ڤندا كوردان گوتیه (پیرێ دووماهی خێربیت) و هه‌كه عه‌بادی د ڤان چار سالێن داهاتی دا شیا ره‌وشا عیراقێ ب ره‌نگه‌كێ ئه‌كتیڤ بگوهۆڕیت ب تایبه‌ت ژلایێ گه‌نده‌لیا ئیداری و دارایی پێدڤیه حوكمه‌تا هه‌رێما كوردستانێ مفای ژ سه‌ربۆڕا وی وه‌ربگریت و خوه بریارا سزادانا گه‌نده‌لكاران بده‌ت و بێ دو دلی قانوونێ ب سه‌ر بسه‌پینیت.
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
بۆ كوردستانه‌كا سه‌ربخوه
ژ بۆ كوردستانه‌كا سه‌ر بخوه پیدڤیه كورد ل سه‌ر سێ به‌ره‌یان كاربكه‌ن. كوردستان ب هه‌می پیكهاتێن خوه‌ڤه ئه‌ڤه سه‌دان ساله تووشی دڕنده‌ترین هێرش بوویه ژ لایێ دوژمنێن كوردستانێ ڤه ل به‌رانبه‌ر ئه‌ڤێ چه‌ندێ گه‌لێ كوردستانێ ب دریژاهیا میژوویێ به‌رگری ژ مافێن خوه‌یین ره‌وا كریه هه‌تا وی راده‌ی ئه‌ڤرۆ سه‌ربه‌خوه‌یا كوردستانێ نێزیك بوویه، له‌ورا ژبۆ سه‌رگرتنا ئه‌ڤێ پرۆسێ پێدڤیه كورد ل سێ به‌ره‌یان د سه‌ركه‌فتی بن. ئه‌و ژی
1ـ موكومكرنا به‌ره‌یێ ناڤخوه‌یی و پاراستنا نافمالا كوردی. ژ بۆ ڤێ چه‌ندێ پێدڤیه مه‌رجه‌عیه‌ته‌كا سیاسی ل كوردستانێ بهێته دامه‌زراندن و پێدڤیه كۆنگرێ نه‌ته‌وی بهێته ئه‌نجامدان و په‌یره‌وه‌ك بهێته نڤیسین كو هه‌می لایه‌ن پێ پابه‌ند بن وه‌كی ده‌ستووره‌ك ره‌فتار ل گه ل بهێته‌كرن. هه‌ر وه‌سا پێدڤیه سه‌رۆك بارزانی سه‌ركردایه‌تیا ڤێ قووناغێ بكه‌ت ژ به‌ر كو خودان سه‌نگه‌كا مه‌زنه د مه‌یدانا سیاسی و نێڤده‌وله‌تی دا و هه‌ر وه‌سا خودان كه‌ساتیه‌كا ب هێزه و خودان جه‌ماوه‌ره كێ ئیكجار زۆره ل سه‌رانسه‌ری وه‌لاتی. 2. رازیكرنا ده‌وله‌تێن ئه‌قلیمی. ژ بۆ ڤێ چه‌ندێ ب بۆچوونا من پێدڤیه كورد بشین به‌رژه‌وه‌ندیین ئابووری و سیاسی ل گه‌ل ده‌وله‌تێن جیران ب هێز بیخن كو چاره‌نڤیسێ سیاسی و ئابووری ده‌ڤه‌رێ بكه‌ڤیته سه‌ر موكمیا ڤان په‌یوه‌ندیان، هه‌روه‌سا كار ل سه‌ر وێ چه‌ندێ بكه‌ن ئاشتیا ده‌ڤه‌رێ بپاریزن كو ده‌وله‌تێن جیران هزر د وێ چه‌ندێ دا نه كه‌ن كو كورد دێ بنه مه‌ترسی ل سه‌ر.
3. كێشانا عه‌تفا جڤاكێ نێڤده‌وله‌تی. ژ بۆ ڤێ چه‌ندێ پێدڤیه كورد ل سه‌ر سیاسه‌تا نها د به‌رده‌وام بن د خۆشكرنا په یوه‌ندیێن خوه ل گه‌ل وه‌لاتێن جیهانێ و ب تایبه‌ت وه‌لاتێن زلهێز مینا و یلایه‌تێن ئێكگرت یێن ئه‌مریكی و بریتانی
ده‌میرتاش: كه‌سه‌ك نه‌شێت زمانێ ئوسمانى ل سه‌ر كچا من ب سه‌پینیت
ئه‌ڤرۆ نیۆز:
هه‌ڤسه‌رۆكێ پارتا(BDP) سه‌لاحه‌دین ده‌میرتاش گۆت: كه‌سه‌ك نه‌شێت خواندنا زمانێ ئۆسمانى ل سه‌ر كچا من ب سه‌پینیت خوه هه‌كه په‌نایێ بۆ له‌شكرێ توركى بكه‌ت.
ئه‌و داخویانیا سه‌لاحه‌ددین ده‌میرتاش هاتیه، پشتى سه‌رۆكێ توركيا ره‌جه‌ب ته‌یب ئه‌ردۆگان بڕیارا فیرَكرنا زمانێ ئۆسمانى د په‌یره‌وێن قوتابخانان دا ب شێوه‌كى فه‌رمى ل وه‌لاتى توركیا راگه‌هاندى و گۆت: هه‌ر كه‌سه‌كێ بڤێت یان نه‌ڤێت ئه‌ڤه كاره دڤێت بهێته بجهئینان.
سه‌لاحه‌دین ده‌میرتاش د هه‌ڤدیتنه‌كێ دا ل گه‌ل رێكخه‌رێ كاروبارێن به‌رفره‌هكرنا ئه‌ورۆپا جوهانس هانس، به‌حسێ په‌یوه‌ندیێن توركیا ل گه‌ل ئه‌ورۆپا و به‌رخودانا كوبانێ و پرۆسا ئاشتیێ و هه‌لبژارتنێن داهاتى، هه‌ده‌م پێگیریا توركیا ب ره‌شنڤیسا سه‌ركردێ حزبا كرێكارێن كوردستانێ عه‌بدوللا ئۆجه‌لان دیاركر، ئاماژه‌دا هندێ هه‌كه حوكمه‌تا توركیا ب خال و به‌ندێن ره‌شنڤیسێ رازى نه‌بیت چو هیڤى و ئۆمێدێن به‌رده‌وامیا ئاشتیێ نا مینن.
1700 باده‌كێن گه‌نده‌لیا مالكى هاتینه ڤه‌شارتین
ئه‌ڤرۆ نیۆز:
ژێده‌ره‌كێ ئاگه‌هدارێ ده‌سته‌یا پاكسازیێ ئاشكراكر، فه‌رمانبه‌ره‌كێ مه‌زنێ ده‌سته‌یا پاكسازیێ 1700 باده‌كێن تایبه‌ت ب كارێن گه‌نده‌لیا مه‌زنه فه‌رمانبه‌رێن جڤاتا وه‌زیران یا به‌رێ ل سه‌رده‌مێ نورى مالكى بۆ جهه‌كێ نه‌دیار ڤه‌گۆهاتسن.
ژێده‌رى هه‌روه‌سا خوه‌یاكر، پشتى حه‌یده‌ر عه‌بادى هه‌لویسته‌كێ توند به‌رانبه‌رى گه‌نده‌لیێ د حوكمه‌تا عیراقێ دا وه‌رگرتى، نه‌خاسمه پشتى بڕیارا حوكمه‌تێ ب هه‌بوونا هه‌زار بندیواران د وه‌زاره‌تا به‌ره‌ڤانى و ناڤخوه‌یا عیراقێ دا، به‌رپرسێ ب ڤه‌كۆلینا ا ده‌سته‌یا پاكسازیێ ب ناڤێ (ع . ق ) 1700 باده‌كێن گه‌نده‌لیێ یێن تایبه‌ت ب فه‌رمانبه‌ر و شیره‌تكارێن جڤاتا وه‌زیران بۆ جهه‌كێ نه‌دیار هاتینه ڤه‌گۆهاستن، به‌رى ده‌سته‌یا ڤه‌كۆلینێ یا لیژنا پاكسازیا په‌رله‌مانى و فه‌رمانگه‌ها قانوونى یا جڤاتا وه‌زیران ده‌ست بكارێن خوه بكه‌ن.
سه‌ره‌راى كو نورى مالكى داخویانیێن عه‌بادى ره‌تكرینه و گۆتیه دڤێت پتر یێ هوربین بیت و باش دوڤچوونان بكه‌ت، به‌لێ حه‌یده‌ر عه‌باى به‌رسڤا وى دایه و گۆتیه ئه‌ز نه‌هنگێن فه‌زائى به‌رناده‌م و دێ هه‌ر هێنه دادگه‌هكرن خوه هه‌كه بهایێ وێ چه‌ندێ ژى ئه‌و گیانێ خوه ژ ده‌ست بده‌تن و بهێته ژناڤبرن.
ئه‌ڤه‌ژى وێ چه‌ندێ دیار دكه‌ت كو هه‌ڤڕكیا سه‌ركردێن حزبا دعوا یا توند بووى هه‌تا گه‌هشتیه وى راده‌ى كو ئێك ژ سه‌ركردێن مه‌زنێ حزبا دعوا (سامى عه‌سكه‌رى) دبێژیت حزبا ده‌عوا هوكارێ ژناڤبرن و ێرانكرنا عیراقێ یه.
ئاھەنگا دەرچوونێ بۆ قوتابيێن پەیمانگەھا تەکنیکی يا بەردەرەش ھاتە سازکرن
ئەڤرۆ نیوز، رەزوان رۆژبەیانی:
ئەڤرۆ د رێورسمەکێ فەرمی دا ل ژێر درويشمێ “ئەم ھەموو پێشمەرگەینه”، ٧٧ قوتابی ژ پەیمانگەھا تەکنیکی يا پەردەرەش دەرچوون و خواندنا خوە ب دووماھى ئینا و باوه‌رناما دبلۆم وەرگرتن.
ئەڤرۆ ل رێکەفتێ 1/\12\2014 ب ئامادەبوونا هژماره‌كا بەرپرسێن میری و حکومی ل قەزا بەردەرەش 77 قوتابی ل بەشێن کاگیری و کار و سیتەمێ کۆمپیۆتەر و بەشێن پەرستاری خواندنا خوە ب دووماھى ئینا و باوه‌رناما دبلۆم وەرگرتن.
پەیمانگەھا تەکنیکی بەردەرەش ل رێکەفتێ 1\7\2009 ھاتیە ڤەکرن و ھەتا نوکە 517 قوتابی ژێ دەرچووينه و باوه‌رناما دبلۆم وەرگرتینە و ئه‌ڤه خولا وێ يا چارێ يا ده‌رچوونێ بوو هاتيه گێران.
سه‌ليم جبۆرى سوزا دانا چه‌كى دايه عه‌ره‌بێن كه‌ركووكێ
ئه‌ڤرۆ نيوز:
ئه‌ندامه‌كێ جڤاتا نوونه‌رێن عيراقێ ل سه‌ر پارێزگه‌ها كه‌ركووك ته‌كست ل سه‌ر وێ چه‌ندێ دكه‌ت كو سه‌ليم جبۆرى سه‌رۆكێ جڤاتا نوونه‌رێن عيراقێ سۆز يا دايه عه‌ره‌بێن سونه ل كه‌ركووك كو بۆ دانا چه‌كى ب وان دێ ل گه‌ل سه‌رۆك وه‌زيران ئاخڤيت.
خالد مفره‌جى ئه‌ندامێ جڤاتا نوونه‌رێن عيراقێ ل سه‌ر پارێزگه‌ها كه‌ركووك راگه‌هاند كو دوهى د سه‌ره‌دانا خوه دا بۆ كه‌ركووك، سه‌ليم جبۆرى سه‌رۆكێ جڤاتا نوونه‌رێن عيراقێ سۆز دايه عه‌ره‌بێن سونه، ل دۆر دانا چه‌كى ب عه‌ره‌بێن سونه ل وى باژێرى ل گه‌ل سه‌رۆك وه‌زيرێن عيراقێ حه‌يده‌ر عه‌بادى باخڤيت.
مفره‌جى ئاماژه ب وێ چه‌ندێ ژى كر كو بۆ پشته‌ڤانيكرنا پێشمه‌رگه‌يى د شه‌رێ ئازادكرنا ده‌ڤه‌رێن كه‌ركووك دا، عه‌ره‌بێن سونه داخواز ژ جبۆرى كريه، حه‌يده‌ر عه‌بادى رازى بكه‌ت كو چه‌كى ب وان بده‌ت و د به‌رامبه‌ر ژى دا جبۆرى سۆز دايه داخوازيا وان بجهـ بينيت.
ئه‌وى ئه‌ندامێ جڤاتا نوونه‌رێن عيراقێ گۆتژى: “مه دڤێت حوكمه‌تا عيراقێ چه‌كى بده‌ته عه‌شيره‌تێن عه‌ره‌بێن سونه ل كه‌ركووكێ دا كو ل گه‌ل پێشمه‌رگه‌يى ده‌ڤه‌رێن خوه رزگار بكه‌ين و به‌ره‌ڤانيێ ژێ بكه‌ين”.
ل دووماھیا عادەیا ھەیڤانە باشترە ژن ترۆمبێلێ نەھاژۆت
ئه‌ڤرۆ:
عادەیا ھەیڤانە روودانەکا سروشتی یە و کچان ژ کوران جودا دکەت، عادەیا ھەیڤانە ئانکو روودانەکا تشتەکێ گرنگ دژیانا کچان دا ئەوژی پێگەھشتنا وێ یە و گیروبوونا ژڤانێ وێ نیشانێ ب دوگیانبوونا ژنێ ددەت.
کەیفا گەلەک کچان ناھێت ل دەمێ ئێکەم جار دکەڤنە د عادەیا ھەیڤانە دا، سەرەرای وێ چەندێ کو عادەیا ھەیڤانە ئێک ژ نیشانێن ساخلەمیێ دژیانا وان دا و کژان دئێخیتە د قوناغا زاروبوونێ دا، عادەیا ھەیڤانە دگەل ژنان دژیت دژیێ دوازدە ھەتا پێنجی سالیێدا و رەنگە ھەر ژنەک دژیانا خوە دا ٤٥٠ جاران بکەڤیتە عادەیا ھەیڤانە.
عادەیا ھەیڤانە ئەو ماوەیە یێ ڤەدکێشیت دناڤبەرا رۆژا ئێکێ یا ھاتنەخوارا خوینێ ھەتا رۆژا ئێکێ یا ھاتنە خوارا خوینێ بۆ جارا دیتر، ئانکو بۆ دەمێ ٢٨ رۆژان و دڤێ قوناغێ دا گەلەک گوھورین دێ دلەشێ ژنێ دا پەیدابن، ئەوژی ژئەنجامێ ھندەک ھورمونانە، ئەو ھورمون رادبن ب گوھورینا سیما و مەزاج و چالاکی و وەستیان و خوشی و نەخوشی و ھێزا بیردانکێ ل دەڤ ژنان.
ل ڤێرێ دێ نیشانێ ب ھندەک تێبینی و رێنمایان کەین ل دور سروشتێ گوھورینێن ژن ددەمێ عادەیا ھەیڤانەدا ھەست پێدکەت:
قۆناغا ئێکێ:
ژ رۆژا ئێکێ ھەتا یا نەھێ: ئەڤە دەمێ بێنڤژیێ یە و خوین دەردکەڤیت و ھەر ژنەک دڤی ماوەی دا نێزیکی ١٠٠ گرامێن خوینێ دبینیت، دگەل ھندەک تیڤکلێن دیوارێ مالبچووکی و سەرەای ھێکەکا نە ڤاکسین کری.
گەلەک ھاتنا خوینێ چ پەیوەندی ب شێواز و قەوارێ لەشێ ژنێ ڤە نینە، بەلکو فاکتەرێن زکماکی پەیوەندی ھەیە و پشتی بورینا سێ رۆژان خوین کێم دبیت و دڤێ قوناغێ دا ھێکەکا دیتر دەست ب پێگەھشتنێ دکەت.
دێ چ پەیدابیت؟
دێ گەلەک دلێ تە چیتە شریناھیان، ب شێوەیەکێ ھەڤسەنگ بخو ژبەرکو گەلەک کانزا دناڤدا ھەنە و ھاریکارن بۆ بلندکرنا رێژەیا ھورمونێ ( سیرتونین) و دێ مفای ل دلێ تە کەن، بەلێ ھشیاری سەنگێ خۆ بی.
دڤی ماوەی دا دێمێ تە دێ پتر بەرئاتافی پنیێن رەنگا و رەنگ بیت.
بۆ زانینا ئەڤە نەباشترین دەمە بۆ ژێڤەکرنا موویان ژبەرکو دێمێ تە دێ گەلەک یێ ھەستیار بیت.
دبیت زەحمەتێ ببەی ھەتا سپێدێ ژخەو ھشیارببی و دبیت شەڤێن تە دئارام نەبن و باشترە بەری نڤستنێ تو سەرێ خۆ بشووی دا ھاریکاریا تە بکەت بۆ نڤستنێ.
دبیت تو ھەست ب وەستیان و ئالوزیێ بکەی، تو دشێی ڤان نیشانان نەھێلی ب ئەنجامدانا وەرزشەکا سڤک وەکو برێڤەچوونێ، رێڤەچوون و وەرزشا سڤک ھاریکارن بۆ کێمکرنا ژانێن مالبچووکی، ھەروەسان کێمکرنا ڤەخوارنا قەھوێ و خوارنێن تویر و شرین دیسان ژانێن مالبچووکی سڤک دکەن.
نوشدار دبێژن باشترە تشتێن پاقژ بھێنە ب کارئینان بۆ پاراستنا کوئەندامێ سێکسی ژ نەخوشیان.
قۆناغا دوێ
ژ رۆژا ھەشتێ ھەتا رۆژا دوازدێ ڤەدکێشیت: قوناغا بەری ھاتنە خوارا ھێکانە، ھورمونێ مێیاتیێ ( ئەستروجین) دەست ب بلندبوونێ دکەت ب تایبەت ل دەمێ قوناغا ھێکان دا و ئەڤە باشترین قوناغا پویتکرنێ یە و پلا گەرماتیا لەشی پیچەک بلندتر لێ دھێت.
دێ چ پەیدابیتَ ؟
ژن پتر ھەست ب ( غیرێ) دکەت.
دبیت ئالێ راستێ یان یێ چەپێ ژ بنێ زکی بئێشیت و ھندەک جاران ژ چەند خولەکان ھەتا چەند دەمژمیران ئەڤ ئێشانە یا بەردەوامە.
باشترین ماوەیە بۆ پووتاندنێ و ئەگەر تو و ھەڤژینێ خۆ رێککەفت بن بۆ ھەبوونا زارویان ئەڤە دەمەکێ باشە.
ھندەک دەرھاڤێیژێن چرَ ژ ئەندامێ سێکسی یێ ژنێ دەردکەڤن و ئەڤە ھاریکارن بۆ گەھاندنا حەیمەنێن زەلامی بەرەف ھێکێن ژنکێ بۆ ڤاکسینکرنا وان.
ژن پتر شارەزای پەیڤان دبیت و بیردانکا وێ ب ھێز دکەڤیت.
دێ ھەست گەلەک یا رێک و پێکە و د کاودانەکێ دەروونی یێ گەلەک باش دا دژیت.
قۆناغا سیێ:
ژ رۆژا پێنجێ ھەتا رۆژا بیست و ئێکێ – پشتی ماوێ ھێلدانکێ: دڤێ قوناغێ دا ھێک ژ کەنالێ فالوب دچیتە د مالبچووکی دا و رێژا ھورمونێ ئەستروجین کێم دبیت و رێژا ھورمونێ پروجیسترون زێدە دبیت.
دێ چ پەیدابیت:
دبیت دڤێ قوناغێ دا نیشانێن بێ ئارامیا بەری بێنڤێژیێ پەیداببن وەک تێکچوونا گێولێ ژنێ و وەرمینا لەشێ وێ و نەدەرکەتنا شلەمەنیان دلەشێ وێ دا.
ژ شیرەتێن گەلەک گرنگ دڤێ قوناغێ دا ئەوە کو ژن زوو خۆ ژ غازاتێن د زکی دا کومڤە دبن قورتال بکەت.
بلا دانێن خوارنا تە گوشت دگەل کاربوھیدرات و زەرزەوات و فێقی دناڤدا ھەبن داکو لەشێ خو بەرھەڤ بکەی بۆ ژڤانێ ھاتنا خوینێ.
ئەگەر تە ئێشان دلەش دا ھەبوون، دەرمانێن ئێشکێمکرنێ وەکو پاراسیتامول ب کاربین و تو دشێی چایێ و شوربا زەرزەواتان ژی بخوی بۆ ڤێ مەرەمێ.
قۆناغا چوارێ:
ژ رۆژا بیست و ئێکێ ھەتا رۆژا بیست و ھەشتێ: ئو ھێشتا ئاستێ ھورمونێ پروجیستیرون د زێدەبوونێدایە.
دێ چ پەیدابیت؟
دبیت ژن دژوار ببیت و تووشی خەموکیەکا سڤک و سەرئێشانێ ببیت، حەز دکەت بکەتە گری و مەمکێن وێ دئێشن و یا ئالوزە.
دلێ وێ گەلەک دچیتە خوارنێ و ب تایبەت نانی و برنجی و رژدەیان و شریناھیان، دبیت ئەڤە گروڤێ ھندێ بیت کو شەکر دخوینێ دا کێم دبیت و باشترە ژن ھەڤسەنگیا خوارنا خو ب پارێزیت ب خوارنا زەرزەوات و فێقی و نیسکێ و نانێ رەش و برنجێ رەش.
دڤێ قوناغێ دا دێ زێدەتر روین دێمێ ژنێ دگەل پرچا وێ گریت.
دبیت نەشێت جلکێن خو ل بەرخو بکەت ژبەر نەدەرکەتنا شلەمەنیان ژلەشێ وێ و زێدەبوونا سەنگێ وێ و ھندەک جارا بەری بێنڤێژیێ سێ کیلو ژ سەنگێ وێ زێدەدبن.
خوێ نەخو داکو غازات دزکێ تەدا کومڤە نەبن و گەلەک ئاڤێ ڤەخوو.
سپێدێ زوو ژخەو ھشیارببە و پاشی تو دشێی ب رۆژ خەوەکا دی بکەی.
ھندەک وەرزشێ ئەنجام بدە بۆ کێمکرنا سەرئێشانێ و ئێشانا مەعیدەی و نەھێلانا وەستیانێ.
باشترە دڤێ قوناغێ دا ترومبێلێ نەھاژوی.
سوبه‌هى ياريێن خولا نايابا كوردستانێ دێ هێنه كرن
ئه‌ڤرۆ نيوز:
سوبه‌هى رۆژا پێنجشه‌مبى رێكه‌فتى 11\12\2014 ياريێن گه‌را حه‌فتێ ژ خولا نايابا كوردستانێ ب ئه‌نجامدانا سێ ياريان دێ ب رێڤه چن.
د ياريا ئێكێ دا، تيما ته‌پا پێ يا يانا زاخۆ خودانا رێزا چارێ ب 11 خالان دێ مێڤانداريا پێشمه‌رگا سلێمانيێ كه‌ت خودانا رێزا 12 ب سێ خالان و برايه‌تى خودانا رێزا شه‌شێ ژى دێ خودانا ناسناڤى تيما زێره‌ڤانى مێڤان كه‌ت ئه‌وا نوكه ل رێزا دويێ ب 12 خالان دهێت و پێشمه‌رگا هه‌ولێر ژى خودانا رێزا هه‌شتێ ب پێنج خالان دێ بيته مێڤانا سلێمانيێ خودانا رێزا پێنجێ ب 10 خالان.
د ياريێن رۆژا ئه‌ينى ژى دا، دێ دێربيێ هه‌رێمێ د ناڤبه‌را هه‌ردو تيمێن هه‌ولێر خودانا رێزا 10ێ ب چار خالان يانا دهۆك خودانا رێزا سيێ ب 11 خالان مێڤان كه‌ت، كه‌ركووك ژى دێ شێروانه مێڤان كه‌ت كو يا ئێكێ ل رێزا نه‌هێ و يا دويێ ل رێزا 11ێ دهێن و ياريا دووماهيێ ژى خودانا ئاراراتا خودانا رێزا حه‌فتێ كه‌فته مێڤاندارا خودانا رێزا دووماهيێ كو يانا هندرينه.
عه‌بادى داخوازا چه‌كێ زێده‌تر بۆ شه‌رێ داعش دكه‌ت
ئه‌ڤرۆ نيوز:
سه‌رۆك وه‌زيرێن عيراقێ داخوازێ ژ وه‌زيرێ به‌ره‌ڤانيا ئه‌مريكا دكه‌ت هێرشێن ئه‌سمانى بۆ سه‌ر داعش دژوارتر لێ بكه‌ت و چه‌كێ زێده‌تر ژى بگه‌هينيته سۆپايێ عيراقێ بۆ دژى داعش.
د ماوێ سه‌ره‌دانا خوه يا ژ نشكه‌كێ ڤه يا چاك هيگل وه‌زيرێ به‌ره‌ڤانيا ئه‌مريكا يێ كاربرێكه‌ر بۆ عيراقێ د كۆمبوونه‌كێ دا ل گه‌ل سه‌رۆك وه‌زيرێن وى وه‌لاتى، حه‌يده‌ر عه‌بادى داخواز ژ هيگل كر كو هێرشێن ئه‌سمانى يێن هه‌ڤپه‌يمانان دا بۆ سه‌ر داعش دژوارتر لێ بكه‌ن و چه‌كێ زێده‌تر ژى بگه‌هيننه سۆپايێ عيراقێ بۆ به‌رسينگگرتنا داعش.
ئاژانسا فرانس پرێس ل سه‌ر ده‌ڤێ عه‌بادى به‌لاڤكريه كو هێزێن له‌شكرى و ئه‌منى يێن عيراقى پێشڤه‌چوونێن مه‌زن يێن كرين به‌لێ پێدڤى ب چه‌كێ ئه‌سمانى يێ زێده‌تر و چه‌كێ گرانن د هه‌مان ده‌م وه‌زيرێ به‌ره‌ڤانيا ئه‌مريكا يێ كاربرێكه‌ر ژى راگه‌هانديه كو چه‌كدارێن داعش د پاشڤه‌چوونێ دانه و شيانێن وان لاواز بووينه.
ل 22 وەلاتێن جیھانێ بێ ڤیزە بگەريێ
ئەڤرۆ نیوز، نەوزاد زادە ھلۆری :
پشتی ژ ناڤچوونا رژێما بەعس ل سالا 2003 رێیا چوونا پرانیا وەلاتێن جیھانێ خوشبوویە ژ بوو سەردانکرنا وان کو ھندەک ژ وان وەلاتان سەرەدانکرنا وان بێ ڤیزەیە.
ئەو وەلاتێن کو سەرەدانکرنا وان بێ ڤیزە دھێتەکرن ھەر ئێک ژ وەلاتێن (یەمەن، ئوکەندا، تورکیا، توکو، ھەرێما تامورا ئاڤی، تەنزاڤیا، سریلانکا، سومال، رواندا، ھەرێمی مەنسروسیای باشوورێ ئەفریقیا، موریتانیا، مەدەغەشقەر، دومەنیکا، مالیزیا، سومال، لاس، لبنان، ھایتی، ئیکوادور، دومەنیکا، جیبوتی و کامیرون) سەرەدانکرنا ھندەک ژ ئەڤان وەلاتان بوو دەمەکێ دیارکریە و ھندەک ژی مەرجدارکرینە ژ وان تورکیا کو دڤێت ئەو کەسێ سەرەدانێ بوو بکەت ب رێژا 70% پشکداریێ د ھاندانا ئابووریا تورکیا ب کرینا مولکەکێ کو کێمترنەبیت ژ 70 ھزار دولاران بکەت.
سەبارەت وەلاتێ لوبنانێ ئەو کەسانێن کو دڤێت سەرەدانێ بو بکەن دڤێت بەری وەخت ب ڤیزە سەرەدانەکا گەشتیاری بو کربیت و بوو جارا دوویێ و وێڤە دێ سەرەدانکرن بێ ڤیزەیە بیت و بتنێ بوو مەرەمێن گەشتیاری بیت.
لدور وەلاتێن (ئوکەندا، توکو، ھەرێما تامورا ئاڤی، تەنزاڤیا، سریلانکا، سومال، رواندا، ھەرێمی مەنسروسیا باشوورێ ئەفریقیا، موریتانیا، مەدەغەشقەر، دومەنیکا، مالیزیا، سومال، لاس، ھایتی، ئیکوادور، دومەنیکا، جیبوتی و کامیرون) سەرەدانکرن بێ ڤیزا و بێ مەرجە ژ بلی وەلاتێ موریتانیا کو دڤێت بوو دەمێ 80 رۆژان بتنێ ب مینی ئەو ژی ب مەرەما بازرگانی کرنێ بیت، و سەرەدانکرن بوو وەلاتێ مالیزیا ژی بێ ڤیزە دڤێت گرێبەستا خواندنێ بوو سەرەدانا ئێکێ ھەبیت، بەلێ بوو سەرەدانا دوویێ پێدڤی ب ڤیزێ نینە بتنێ دڤێت لسەر پاسەپورتێ ڤیزا نه‌هـ وەلاتێن جیھانێ لێدابیت و چوو ئاریشەژی ل وان وەلاتان نەکربیت.
د نھا ژی دا کومارا ئیسلامیا ئیرانێ و عیراقێ ل بەرە سالا بھێت ڤیزەیێ د ناڤبەرا خوە دا نەھێلن.
نيشاندان
WP Facebook Auto Publish Powered By : XYZScripts.com