پشتی دەرکەفتنا عەمار کۆفی ژ پرۆگرامێ ئەرب ئایدول کەنالێ mbc پەیچێن فێسبووکێ بێ دەنگ نەبوون و ھەموویان بەرنامە ب خیانەت و غدەر ل قەلەم دا، بەرپەرێ ھونەری ب مەرەما نێزیکبوون ل سەر بابەتی ئەڤ دوڤچوونە بەرھەڤ کریە.
د دبداره‌كێ دا كو سالار دوسكى به‌رهه‌ڤكريه‌، عەمار کۆفی بۆرۆژناما ئەڤرۆ گۆت: بەری مەوالێ ل سەر پێشمەرگێ کوردستانێ بێژم 70% یێ پشست راسبووم دێ ژ پرۆگرامی دەرکەڤم، من قۆربانی دا بۆ وەلاتێ خوە و دڤێت نامەکێ بگەھینم چونکو وەلاتێ من گرنگترە ژ ناسناڤی، ھەکە من مەوال نەگۆت با دا گەھمە ناسناڤی و نوکە کەیف خوەشم و بتنێ من دڤیا وەلاتێ خوە کەیف خوەش کەم، چونکە کوردستانێ گەلەک شەھید داینە ومن ژ دلێ خوە گۆت و ئەڤە قۆربانی یە، من وەلات ڤیا و نە ناسناڤ.
کۆفی گۆتژی: بابەت نە sms بوو، پشتی دووماھی ھاتنا پرۆگرامی وائیل کەفۆری و حەسەن شافعی گۆتە من خەمگنین و بەرھەڤین بۆ ھەر پشتەڤانیەکێ و خەلک حەزژ تە دکەت و لژنە ھەموو تۆرەبوون ژبەر دەرکەفتنا من، لژنە ل گەل من بوویە، لێ وان نەڤێت کوردەک ببیتە ئایدولێ پرۆگرامی.
عەماری ھێشتا ژی گۆت: بەرھەم ھێنەرێن پرۆگرامی پێشتر دیارکربوون کو دێ گەھمە قۆناغێن باش و ژ من رازیبوون، لێ ب گۆتنا وێ مەوالێ من ھەست ب دەرکەفتنێ کر، نانسێی و ھەموو لژنێ کرە گری وائیلی گۆت ئەڤە غەدرە.
عەماری ھێشتا گۆت: دا ئاخڤم سۆپاسیا خەلکێ خوە کەم لێ تشتەکێ حێبەتی بوو و دەمێ لژنێ گۆتی مە ئاخفتن نینە، پرۆگرام بدووماھی ھات، گەلەک خەمگین بووم نەشیام باخڤم، حوکمەتا ھەرێمێ و کەنالێن کوردستانێ چو تەخسیری نەکر و ھەموویان بەحسێ من دکر و سوپاسیا ھەموو خەلکێ کوردستانێ دکەم.
محەمەد سالح کیڤی، بابێ عمار کۆفی دیارکر کو د دەمێ پرۆڤان دا ئەڤ مەوالە گۆتی ھەتا ناڤێ (سەرۆکی و نێچیرڤانی) ژی دگۆت لێ سەرپەرشتێ وی گۆتێ ئەڤێ نەبێژە، لێ ناڤێ پێشمەرگەی بێژە، بەری دەنگدانێ رێڤەبەرێ کەنالی چوو دەڤ عەماری و وی ھەست بترسێ کر، چونکو رێڤەبەرێ کەنالی ناچیتە دەف کەسێ و پرسیار کر ئەو چ ناڤێ پێشمەرگەی بوو؟! وی دیارکر و دووڤ دا ھاتە دەرئێخستن.
محەمەد سالحی گۆتژی: دپشت راست بووین کو دێ عەمار بیتە ستێرا پرۆگرامی، چونکە بەری سێ رۆژان کارگێریا کەنالێ mbc پەیوەندی ب مەکر و گۆت: ل سەر کێستێ مە وەرە پرۆگرامی و ئەڤە وێ رامانێ دگەھینت کو یێ ئێکێ ئان دوویێ یە، بابێ وی گۆت: ل گەل پسمامێ خوە دێ چمە پرۆگرامی و بژڤانین رۆژا چارشەمبی بچین، ئاشکراکر کو پشتەڤانی گەلەک دناڤ عەرەبان دا ھەبوو و گەلەک حەز ژێ دکر و دیسان ل کوردستانێ ژی گەلەک یا باش بوو ، دیسان وەلاتێ ئوردن و عەرەبان ئالایێ، کوردستانێ بلندکرینە، ھەتا وەلاتێ مسرێ ژی لێ حوکمەتێن عەرەب رەگەز پەرستینە و ب دلی نینە کوردەک بگەھیتە ڤێ قۆناغێ.
خالد دۆسکی وەزیرێ رەوشەنبیری و لاوان یێ حوکمەتا ھەرێما کوردستانێ دیارکر کو ب رێکا رێڤەبەریا گشتی یا رەوشەنبیری و ھونەری ھاریکاری بۆ ھاتبووکرن، مخابن ڤێ جارێ وەک پێدڤی ھاریکاری نەھاتەکرن ژبەر قەیرانا دارایی، جیھانا عەرەبی ژ 100 ملیۆنان زێدەترن و پتر ژ 20 دەولەتانە و ھەکە بابەت ببیتە sms گۆمان نینە دێ ھەڤرکێن وی پتربن، ھەرێمێ بتنێ پشتەڤانی کریە و دبیت ھەموو دەڤەرا بەھدینان بیت کو کورێ زاخۆیە، وەزیری گۆتژی: عەمار کوفی یێ سەرکەفتی یە و کوردەک بگەھیتە ڤێ قۆناغێ و دەسکەفتەکا مەزن و پەیامەک گەھاندە جیھانا عەرەبی و شیا پەیاما ھێزا پێشمەرگێ کوردستانێ بگەھینت، خالد دۆسکی گۆت ژی: ڤیابا بۆ قۆنەغا دی ژی سەرکەفت با، دیسان پرۆگرامێ چوویی لژنێ پەسنا وی دکر کو ڤیابا سەرکەفت با، نابینم ژبەر سترانا پێشمەرگە دەرکەت بیت و ئەوێ چو پەیوەندی پێڤە نینە، بتنێ مادەم بەرنامەکێ عەرەبی یە و بتنێ دبیت ئەڤێ چەندێ کارتێکرن ھەبیت.
وەزیری دەست خوەشی وسوپاسیێن خوە ئارستەیی ھەموو خەلکێ کوردستانێ کر یێ پشتەڤانی ل عەمار کوفی کری و گۆت: ل گەل رێڤەبەرێ گشتیێ رەوشەنبیری ل دھۆکێ ئاخفتینە و دێ ل وەزارەتا رەوشەنبیری پێشوازیی ل کەین.
ل دووماھیێ عەماری ئاشکراکر کو ژ کوردستانێ خریب بوویە و گەلەک حەزدکەت ڤەگەریتە کوردستانێ لێ سترانەک تۆمارکریە پێکڤە دڤێت ئامادەبب بۆ گۆتنێ بۆ پرۆگرانمی، عەماری گۆت: کۆمپانی و جھێن ھونەری پەیوەندی ب من کریە کو دێ کارێن ھونەری کەین و دیسا خەلکێ خوە ئاگەھدار دکەم کو بێمە کوردستانێ دێ ھندەک سترانێن نوو چێکەم.