ئەڤرۆ نیوز:
بۆ رێگری کرنێ ل بەلاڤبوونا ڤایرۆسێ کۆرۆنا، جۆزێپی کۆنتی، سەرۆک وەزیرێن ئیتالیا قەدەغەیا هاتنووچوونێ ل هەموو ئیتالیا راگەهاند و گۆت، پێدڤیە هەموو کەس د مالدا بمینن و دەرنەکەڤن.
هەتا نوکە ڤایرۆسێ کۆرۆنا ل گەلەک باژێرێن ئیتالیا بەلاڤبوویە و چەندین کەسان ژی ژ ئەگەرێ ڤی ڤایرۆسی گیانێ خوە ژ دەستدایە.
ئەڤرۆ نیوز:
د ڤەکۆلینەکێ دا زانایێن زانکۆیا پەکین دیار کریە، کو دو جۆرێن کۆرۆنا یێ ل جیهانێ بەلاڤبووینە و ئێک یێ دژوارە ۆ یێدی تر نەیێ دژوارە.
زانکۆیا پەکین د ئەنجامێ ڤەکۆلینەکێ دا کو ل سەر نووترین ڤایرۆسێ کۆرۆنا یێ بەلاڤکریە و تێدا هاتیە، د شیکاریێن وان دا بۆ پێکهاتا چەند نموونان ژ ڤایڕۆسێ کۆرۆنا، بۆ وان دەرکەفتیە ٧٠% ژ ڤایرۆسان ژ جۆرێ دژۆارن و ۳۰٪ ژ جۆرێ کێمتر دژوارن.
دیار کریە ژی، ڤایرۆسێ هەری کێم، ئێک جار گەشە ب خوە دایە و ب ئاوایەکێ سرۆشتی گوهۆرین تێدا پەیدابوویە، جۆرێ ئێکێ ئەوێ کو زێدەتر دژۆار، ب پیتا L هاتیە ناساندن و یێ کێمتر دژۆار ب پیتا s ناساندیە.
هەروەسا ل دەستپێکا بەلاڤبوونا ڤی ڤایڕۆسی، ئەو جۆرێ زێدە دژوار، پتر بەلاڤبوویە و پاشی بەلاڤبوونا وی کێمتر لێهاتیە.
هەروەسا بۆ وان دەرکەفتیە، کو ئەو جۆرێ کێمتر یێ دژوار، زێدەتر هەلگرێ سیفاتێن بەلاڤە ژ وی یێ کو زێدەتر یێ دژوار.
ئەڤرۆ نیوز:
رێكخراوا ساخلەمیا جیهانی دووماهی راپۆرتا خوە ل سه‌ر كۆرۆنا بەلاڤكریە و راگەهاندیە، مەترسیەكا زۆر هەیە كو كۆرۆنا ببیتە پەتایەكا جیهانی.
تیدرۆس ئەدهانۆم گیبریسۆس رێڤەبەرێ گشتی یێ رێكخراوا ساخلەمیا جیهانی راگەهاند، مەترسیا زۆر هەیە كو كۆرۆنا ببیتە پەتایەكا جیهانی، بەلێ هێشتا ئەگەرێ كۆنترۆلكرنا ڤی ڤایرۆسی هەیە.
راگەهاند ژی، ئەڤ ڤایرۆسە ل پتری 100 وەلاتان بەلاڤ بوویە و مەترسیەكا راستەقینەیە، لەوما دڤێت كار بۆ كێمكرنا كاریگه‌ریا ڤی ڤایرۆسی بهێتە كرن و ئەم یێ كار د‌كه‌ین بۆ رێگرتنێ ل بەلاڤبوونا زێدەتر یا ڤی ڤایرۆسی ل جیهانێ.
هه‌روه‌سا گۆتیە ، رێژا 77% یا توشبوویێن چینێ ژ ڤی ڤایرۆسی قورتالبووینە و چێبووینه.
ئەڤرۆ نیوز، عەلی حاجی:
ئەندامەکا پەرلەمانێ کوردستانێ د لژنەیا ساخلەمیێ و ژینگەهـ و مافێن بەکاربەر بۆ ئەڤرۆ نیوز دیار کر بەردەوام چاڤدێریێ ل سەر خالێن سنوری و فروکخانەیێن نێڤدەولەتی دکەین دا کو ئەو کێماسیێن د کەرتێ ساخلەمیێ دا هەین بهێنە چارەسەر کرن.
زێدەتر رۆژان ئیبراهیم گوت : پشتی مە سەرەدانا خالێن سنوریێن فەرمی و نەفەرمی و فروکخانەیێن نێڤدەولەتی کرین ل دور تیمێن ساخلەمیێ و چاوانیا ئەنجامدانا پشکنینان ل سەر وان کەسێن ب رێیا وان جهان سەرەدانا کوردستانێ دکەن دیار بوو هەتا رادەیەکێ باش کار د هاتە ب رێڤەبرن و ژ روویێ پێدڤیان دا چو کێماسی نەبون بەلێ کێماسی هەبون د میلاکێ وان دا پرانیا وان کەسان ژی خوەبەخش بون مە تێبینی ژی ل سەر وێ چەندێ هەبون،هەر دیسان ل خالا سنوریا ئیبراهیم خەلیل بتنێ پشکنین بۆ هاولاتیێن نەهـ وەلاتان دهاتە کرن و ڤێ چەندێ ژی مە داخاز ژ رێڤەبەریا گشتی یا ساخلەمیا پارێزگەها دهوکێ کر پێدڤی یە هەر کەسەکێ ب رێیا وان سنوران بهێتە کوردستانێ پشکنین بۆ بهێتە کرن و ئەڤ چەندە ژی ژ ئەڤرۆ پێڤە دێ هێتە ئەنجام دان.
زێدەتر ناڤهاتیێ گوت : مە سنورەکێ درێژ دگەل وەلاتێ ئیرانێ هەیە کونترول کرنا وان سنوران ژی یا ب زەحمەتە و گەلەک کەس ب رێیا رێکێن قاچاخ دخازن سنوران ببرن و وەکو ئەم هاتینە ئاگەهدار کرن ژی کەسەکێ ئیرانی ب رێیا رێکێن قاچاغ دخاست بچیتە وەلاتێ تورکیا بەلێ ژلایێ هێزێن ئاسایشێ ڤە هاتە دەستە سەرکرن و پێدڤی یە زێدەتر کار ل سەر توندکرنا خالێن سنوری بهێتە کرن ب تایبەتی ژی دگەل وەلاتێ ئیرانێ،مە داخاز کری یە ژی ئەڤ کێم و کاسیێن دناڤ تیمێن ساخلەمیێ د کەرتێ ساخلەمیێ دا هەین پێدڤی یە بهێنە چارەسەر کرن و ئەم بەردەوامین ژی دا کو ب شێوەیەکێ بلەز هەمی کێشە بهێنە چارەسەر کرن.
ئەڤرۆ نیوز، رەزوان ڕۆژبەیانی:
ئەڤرۆ ئێڤاری زارۆیەکی حەفت سالی ل گوندێ بەنێنان کەفتە بن تەرەکتەرێ و جانێ خوە ژدەست دا.
کەسەکێ نزیک ل جهێ روودانێ کو نەڤیا ناڤێ خوە ئاشکرا بکەت بۆ ئەڤرنیوز خویاکر ، ئەڤرۆ ئێڤاری دوشەمبی رێکەفتێ 9 /3/2020 زارویەکی حەفت سالی ب ناڤێ سەنگەر عارف عباس کو ئاکنجیێ گوندێ بەنێنان ،ێ سەر ب ناحیە دارەتوو ل سنوورێ قەزا بەردەڕەش، دچیتە سەر تەرەکتەرەکێ کو ل نزیک مالێ وان هات بوو راوەستاندن دەست کاری دکەت و ژ نشکەکێڤە ئەو تەرەکتەر بووش دبیت و دکەڤیتە ناف نەهالەکێ دا و ئەو زارو دکەڤیتە بن و ئێکسەر جانێ خوە ژ دەست ددەت.
ئەو ژێدەر گوت ژی تەرمێ وی هاتێە رەوانەکرن بۆ پارێزگەها هەولێرێ و ژبۆ نۆشداریا داد.
ئەڤرۆ نیوز، عەلی حاجی:
ل تاخێ سێمالکا ل زاخۆ ژ ئەگەرەکێ نەدیار ئاگر بەردایە لەشی خوە و رێژەیو سوتنا وێ ژی ١٠٠٪.
ئەمیر عەلی بەرپرسێ راگەهاندنا ساخلەمیا زاخۆ بۆ ئەڤرۆ نیوز دیار کر، بەری دەمژمێرەکێ نێزیکی دەمژمێر ٧:٣٠ شەڤ ژنەکێ د ژیێ ٢٣ سالیێ دا ل تاخێ سێمالکا ل باژێرێ زاخۆ ژ ئەگەرەکێ نەدیار ئاگر بەردا خوە و رێژا سوتنا وێ ١٠٠٪ یە و پشتی تیمێن ساخلەمیێ گەهشتینە جهێ روودانێ ئێکسەر لەشێ وێ دهێتە رەوانەکرن بۆ نەخوشخانویا سوتنێ ل باژێرێ دهوکێ و ئەو ئافرەتا ٢٣ سالی د بن چافدێریا تیمێن نوشداری دایە و رەوشا وێ یا تەندروستی ژی یا خرابە و جێگیر نینە،ئەگەرێن خوە سوتنا وێ ئافرەتێ هەتا نوکە نەهاتینە زانین و پولیسان ژی د ڤێ دەربارێ دا پەرێن ڤەکولینێ دەست پێکرینە.
ئەڤرۆ نیوز:
ئەڤرۆ بهایێ ئێک بەرمیلا پەترۆلێ ل بازارێن جیهانی گەهشتە ٣٢ دۆلاران و بسپۆرێن ئابووری ژی دیار دکەن کو ژ بەر ڤایرۆسێ کۆرۆنا و قەیرانا ئابووری بهایێ پەترۆلێ هاتیە خوارێ لێ ئەو یەک بەروەختە و دێ جارەکا دی بهایێ پەترۆلێ بلند بیت.
بسپۆرێن ئابووری دیار دکەن کو بهایێ پەترۆلێ پشتی دەمەکێ دی دێ جارەکا دی گەهیتە ٥٠ هەتا ٦٠ دۆلاران، ژ بەر کو نها سەقامگیری د بازاری دا نینە و ژ بەر هندێ بهایێ پەترۆلێ هاتیە خوارێ و ئەو یەک ژی بەروەختە.
ئەڤرۆ نیوز:
دادگەها بلند یا تورکیا سزایێ ٩ سال و ٤ مەه زیندان ل سەر هەڤسەرۆکێ بەرێ یێ باژێرڤانیا ئامەدێ سەلجوک میزراکلی سەپاند.
ئەڤرۆ دادگەها بلند یا تورکیا ب تومەتا ئەندامەتی د پارتەکا ل دژی تورکیا دا سزایێ ٩ سال و ٤ مەه زیندان ل سەر هەڤسەرۆکێ بەرێ یێ باژێرڤانیا ئامەدێ سەپاند.
هەژی ئاماژەپێدانێ یە کو ناڤهاتی ١٤٠ رۆژن د زیندانێ دایە و ب جهێ وی ژ ئالیی وەزارەتا ناڤخوە یا تورکیا ڤە کەسەک دی وەکو قەیوم هاتبوو دانان.
هەتا نها گەلەک هەڤسەرۆکێن باژێرڤانیێن باکورێ کوردستانێ یێن سەر ب هەدەپێ ژ ئالیێ وەزارەتا ناڤخوە یا تورکیا ڤە ژ کاری هاتینە دوورخستن.
نيشاندان