ئەڤرۆ:
ھەلبەستڤان حیکمەت مەلا یاسین ئاکرەیی د دیدارەکا تایبەت دا بۆ ئەڤرۆ گۆت: دەمێ بەرھەمێ دووماھیێ یێ ھونەرمەند عەبدولقەھار زاخۆیی بەلاڤبووی و د ناڤا وی بەرھەمی دا ئێک ژ ھەلبەستێن من ب ناڤێ “ھند نەمایە دێ ھێینەڤە” ل خوە گرتبوو، کو ئەڤ ھەلبەستە ل سالا 1982ێ وەکو سرۆد ب دەنگێ ھونەرمەندێ نەمر “ئەردەوان زاخۆیی” ھاتیە گۆتن، ئەو ژی پشتی کو مۆزیکژەنێ شەھید “عیماد ئاکرەیی” ئاواز ژێرا دانای و بۆ جارا ئێکێ ل ئیزگێ دەنگێ کوردستانێ بەلاڤبوو، پاشان بوو سرۆدەکا نەتەویی یا ناسیار، لێ ل ڤێ دووماھیێ ئەز مەندەھوش بووم دەمێ من دیتی کو ل سەر بەرھەمێ “عەبدولقەھار زاخۆیی” ئەڤ سرۆدە یا ب ناڤێ “ئەردەوان زاخۆیی” ھاتیە نڤیسین، ئەو ب خوە ژی ھونەرمەندێ نەمر ب تنێ دەنگ بێژ بوویە و نە ھەلبەستڤان و ئاوازدانەر بوو، لەورا ئەز دلگران بووم بڤێ چەندێ و من نەرازیبوونا خوە بەرامبەر ڤی کاری دەربڕی و من ل بەر بوو رێیێن یاسایی بگرمە بەر، لێ ب ئەگەرێ کارتێکرنا ھەڤالێن مە و ئاخفتنا قەھاری کو دگۆت من نەزانی یە ئەڤ ھەلبەستە یا کێ یە، پشتی ئەز پشت راست بوویم کو ئەڤ کارە ب مەبەست نە ھاتیە کرن من نەرمی بکارئینا و بەرامبەر ڤێ کێماسیا وی ژی قەھاری سۆزدا کو وێ سرۆدێ کلیپ بکەت و ل تەڤایا دیداران دا ژی ئاماژێ ب ناڤێ ھەلبەستڤانی و ئاوازدانەری بدەت، لەورا ل بەر ڤێ چەندێ من نەھێلا ئەو کار بکەڤیتە دچارچوڤێ یاسایی دا، پشتی سۆزا خۆ بجە ئینای و ھاتیە کلیپکرن، ئەز پێ خوشحالبووم و دەستخوشیێ لێ دکەم، ئاکرەیی ھیڤی خواستن کو دجارێن بھێن دا ھەر سترانبێژەک دەمێ سترانەکێ یان سرۆدەکا ھونەرمەندەکێ دی دبێژیت مافێ ھەلبەستڤانی و ئاوازدانەری نەخۆت.
نيشاندان