ئه‌ڤرۆ نیۆز:
سه‌رۆكێ حزبا ئوممه‌ یا عیراقى میسال ئالوسى دوپاتكر، باشترین چاره‌ بۆ عیراقێ سیسته‌مێ كونفیدرالى یه‌ و مافێ هه‌رێما كوردستانێ یه‌ چه‌كه‌كێ گران بۆ هیزَا پێشمه‌رگه‌ى هه‌بیت ب مه‌ره‌ما پاراستنا سنورێن خوه‌ ژ تیرۆرستان، نوكه‌ هێزێن پێشمه‌رگه‌ى پێش هه‌موو جیاهنێ ڤه‌ یێن شه‌رێ دژێ چه‌كدارێن داعشێ دكه‌ن، كو پێدڤیه‌ ئه‌و شه‌ر ب چه‌كه‌كێ پێشكه‌فتى و گران بهێته‌ كرن، داكو هه‌رێما كوردستانێ و عیراقێ ژ وان تیرۆرستان بهێنه‌ پاقژكرن.
میسال ئالوسى بۆ مالپه‌رێ پارتى دیموركاتى كوردستان گۆت: ل عیراقێ دورهێله‌ك هه‌یه‌ و دڤێت ئه‌م دانپێدانێ پێ بكه‌ین، پڕانیا عه‌ره‌بى و پڕانیا كوردى یه‌ و ئه‌ز نابێژم كێم نه‌ته‌وه‌ى چونكه‌ كورد پڕانیا دوێ یه‌ ل عیراقێ كو دیروكه‌كا دێرینا ل سه‌ر ئاخا عیراقێ هه‌ى، ئانكو هه‌ر ب هه‌روه‌ى نه‌ هاتینه‌ و نموونه‌كا نوو نه‌بوویه‌ ل وه‌لاتى،به‌لكى كورد ل سه‌ر ئاخا وێ و دیروكا وێ و هه‌بوونا كوردان هه‌تا به‌رى عه‌ره‌بان ژى ل ده‌ڤه‌رێ هه‌بووینه‌.
میسال ئالوسى خوه‌یاكر، هه‌كه‌ مه‌ ناسناما عیراقێبڤێت، دوباره‌ دێ بێژم یا من به‌رى 8 و 9 سالان گۆتى كونفیدالیه‌ت چاره‌یا دورسته‌، جوانترین تشت د ناسناما عیراقێ دا ناسنامه‌كا خوبه‌شى تێدا هه‌بیت نه‌ك یا نه‌چاریێ، مرۆڤ دڤێت ب حه‌زا خوه‌ كارى بكه‌ت، ئه‌و حه‌ز ژى ناهێته‌ هه‌تا ئازادیا تاكه‌ كه‌سى ب هێز نه‌بیت، ژ ئالیه‌كێ دیڤه‌ هه‌ڤڕكى و ناكوكیێن په‌رتۆلێ دناڤبه‌را به‌غدا و هه‌ولێرێ دایه‌.
ئالوسى گۆت: راتسیا وێ چه‌ندێ ژى كوردان ئازادیا ئابوورى و راگه‌هاندنێ و جڤاكى و په‌رله‌مانى هه‌یه‌ ئانكو پێدڤیه‌ ل سه‌ر حوكمه‌تا عیراقا فیدرال و یان ل سه‌ر مه‌ عه‌ره‌بان دانپێدان و رێزگرتنێ ل وێ ئازادیێ بگرین، داكو براینى و پێگڤه‌ژیان دناڤبه‌را مه‌دا موكم ببیت، به‌لى هه‌ر كاره‌كى ل دۆر خستنا كوردان بن چاڤدێریا عه‌ره‌بان بزاڤه‌كا فاشله‌ و سه‌رناكه‌ڤیت و نه‌یا ره‌وشتى یه‌.

ئه‌ڤرۆ نیۆز:
ژێده‌ره‌كێ نێزیك ژ سه‌رۆكێ لیژنا دارایى یا په‌رله‌مانێ عیراقێ ئاشكاركر، كو هه‌ر سێ جێگرێن سه‌رۆك كۆمارێ عیراقێ كوژمێ 5 ملیار دیناران هه‌یڤانه‌ ژ بودجا گشتى یا وه‌لاتى وه‌ردگرن.
ژێده‌رێ نێزیكى لیژنا دارایى یا په‌رله‌مانى هه‌روه‌سا رونكر، (ئه‌یاد عه‌لاوى و نورى مالكى و ئوسامو نوجێفى) هه‌ر سێ جێگرێن سه‌رۆك كۆمارى هه‌یڤانه‌ 5 ملیار دیناران ژ خزینا ده‌وله‌تا عیراقێ دبه‌ن، ئه‌و ژى ب مه‌ره‌ما مووچێ پاسه‌وان و كرێ و سه‌ره‌دانان زێده‌بارى هه‌ر ئێك ژوان فه‌وجه‌كا پاسه‌وانیێ هه‌یه‌ كو ژ 200 كه‌سان پێكهاتیه‌ و سه‌ره‌راى پاره‌یێ ته‌شریفات و پاسوانێن تایبه‌ت ژى هه‌نه‌.
ئه‌و چه‌نده‌ ژى نه‌ڤه‌شارت ئه‌و پۆسته‌ نه‌پۆستێ بهجئینانا یه‌ پۆسته‌كێ گرانه‌ ل سه‌ر ملله‌ێن ده‌وله‌تێ.