ئه‌ڤرۆ نیۆز:
ل گۆڕ پێزانینێن هوور بین یێن ژئالیێ ئێك ژ پێشمه‌رگه‌یێن هه‌رێما كوردستانێ ڤه‌ هاتینه‌ ئه‌نجامدان و پشتى دڤچوونه‌كا باش، دیار بوو كو 5 پێشمه‌رگه‌ د شه‌رێ ته‌لوه‌ردێ ل گه‌ركووكێ ژ ئالیێ داعشێ ڤه‌ پشتى بریندار بوونێ ب ده‌ست هاتینه‌ گرتن و ره‌وانه‌ باژێرێ حوێجه‌ كرینه‌.
پێشمه‌رگه‌ ئۆمێد وه‌لاتى كو نها ل به‌رۆكێن شه‌رێ دژى داعشێ یه‌ ل سه‌ر توڕا فێسبۆكا خوه‌ به‌لاڤكر، ودبێژێت هیڤیدارم ڤان پێزانینان به‌لاڤ بكه‌ن كو بگه‌هنه‌ سه‌رۆك بارزانى و به‌رپرسێن وه‌زاره‌تا پێشمه‌رگه‌ى، چونگى ده‌مێ كومبوونا سه‌رۆك بارزانى ل گه‌ل به‌رپرسێن میحوه‌رێن شه‌رى ئه‌و په‌یامه‌ هاتیه‌ په‌رده‌پۆشكرن و راستى بۆ سه‌رۆك بارزانى نه‌هاتینه‌ گۆتن.
بۆ پتر پێزانینان ڤى لینكێ ڤه‌كه‌..

https://www.facebook.com/photo.php?fbid=813788428673060&set=a.111561108895799.26386.100001257308562&type=1&theater

ئه‌ڤرۆ، ناجی به‌ده‌ل:

لیستا ئێكگرتوویا ئیسلامی كوردستان ل جڤاتا پارێزگه‌ها دهۆكێ داخوازا پوستێن ئیداری دكه‌ت ل گوره‌يی ئه‌وێ رێژه‌یا كورسیێن ب ده‌ست ڤه‌ ئینايی ل پارێزگه‌هێ.

سه‌باح عه‌لی شه‌ریف ئه‌ندامێ جڤاتا پارێزگه‌ها دهۆكێ و سه‌رۆكێ لیستا ئێكگرتوو بۆ ئه‌ڤرۆ نیوز گۆت: “ل ده‌مێ كۆمبوونا جڤاتا پارێزگه‌ها دهۆكێ هاتیه‌ كرن، ئه‌م وه‌كو ئێكگرتوویا ئیسلامی به‌رهه‌ڤی كۆمبوونێ نه‌ دبووین، كا دڤێت چاوان حوكمه‌ت ل سه‌ر بنياتێ بنكه‌فراوان بيت، وه‌سان پارێزگه‌هـ ژى بهێته‌ به‌لاڤكرن، مه‌ بۆ ڤێ چه‌ندێ سوزه‌ك ژ پارێزگارێ به‌رى نوكه‌ و يێ نوكه‌ ژى وه‌رگرتبوو”.

زێده‌تر گۆت: “ل سه‌ر وی بنگه‌هی مه‌ پشكدارى كر و ده‌نگ ل سه‌ر بۆ پارێزگار و سه‌رۆكێ جڤاتا پارێزگه‌هێ دا، به‌لێ هه‌تا نها د ناڤبه‌را جڤاتا پارێزگه‌ها دهۆكێ ب شیوه‌یه‌كێ فه‌رمی دا، دانوستاندن ل سه‌ر نه‌ هاتینه‌كرن، ب تنێ هنده‌ك ئاماژه‌ هه‌نه‌ كو سه‌رۆكێ حوكمه‌تا هه‌رێما كوردستانێ و پارێزگاری دهۆكێ ل رۆژێن بهێت دێ دانوستاندنێ ل سه‌ر كه‌ن”.

سه‌باح عه‌لی ئاماژه‌ ب وێ چه‌ندێ ژى كر كو دڤێت ل گوری پیڤه‌رێ ده‌نگ ب ده‌ست ڤه‌ ئینانا كورسیێن جڤاتێ بیت كو ئێكگرتوو ژی لیستا دويێ یه‌، مافێ وێ يه‌ ئێك پۆستێن ئیداری وه‌رگریت .

سه‌رۆكێ ليستا ئێكگرتوو ل جڤاتا پارێزگه‌ها دهۆكێ ئاشكه‌را كر كو ئه‌و وه‌كو ئێكگرتوو پێشنیازا وێ چه‌ندێ دكه‌ن كو جێگره‌كێ پارێزگارى ل گه‌ل چه‌ند پۆستێن ئيدارى و رێڤه‌به‌رێن ناحيا و قايمقامان هه‌بن.