ئه‌ڤرۆ نيوز:

هه‌رسێ سه‌رۆكاتيێن هه‌رێما كوردستانێ، سه‌رۆكێ وه‌زيرێن عيراقێ و سه‌رۆكێ جڤاتا نوونه‌رێن عيراقێ د ڤێ حه‌فتيێ دا دێ سه‌ره‌دانا توركيا كه‌ن و پشكه‌ك ژ سه‌ره‌دانێ به‌حسكرنه‌ ل سه‌ر ره‌وشا نوكه‌ يا عيراقێ.

عيماد يوخه‌نا ئه‌ندامێ جڤاتا نوونه‌رێن عيراقێ د به‌ياننامه‌كێ دا كو به‌لاڤكريه‌ ئاماژه‌ ب وێ چه‌ندێ كريه‌ كو د ڤێ حه‌فتيێ دا، سه‌ليم جبۆرى سه‌رۆك جڤاتا نوونه‌رێن عيراقێ دێ د ڤێ حه‌فتيێ دا سه‌ره‌دانا توركيا كه‌ت و پاشان ب ره‌نگه‌كێ فه‌رمى بۆ ئيرانێ هێته‌ داخوازكرن بۆ به‌حسكرنێ ل سه‌ر كۆمه‌كا پرسێن سياسى.

ئه‌و چه‌نده‌ ژى ئاشكه‌را كريه‌ كو بابه‌تێ دانوستاندنێ دێ ل سه‌ر په‌يوه‌نديێن عيراقێ و وه‌لاتێن هه‌ڤسۆ بن كو پشكه‌كا دى ژى دێ دانوستاندن بيت ل سه‌ر ره‌وشا ئه‌منى و چاوانيا روو ب رووى بوونا تيرۆرێ و دێ به‌حس ل بابه‌تێن ئابوورى ژى هێته‌ كرن.

هه‌ڤده‌م سه‌رۆك وه‌زيرێن عيراقێ ب ره‌نگه‌كێ فه‌رمى بۆ وه‌لاتيێ توركيا هاتيه‌ داخوازن و بڕياره‌ د ڤێ حه‌فتيێ دا به‌ر ب وى وه‌لاتى برێ بكه‌ڤيت.

د ڤێ ده‌ربارێ دا، ئايدن مه‌عرۆف ئه‌ندامێ په‌رله‌مانێ كوردستانێ بۆ باسنيوز راگه‌هاند د چارچوڤێ ئه‌و په‌يوه‌نديا تله‌فۆنى دا، ئه‌حمه‌د داود ئوغلۆ سه‌رۆكێ وه‌زيرێن توركيا داخوازا هه‌ر ئێك ژ سه‌رۆكێ هه‌رێما كوردستانێ و حه‌يده‌ر عه‌بادى بۆ توركيا كريه‌.

ب گۆره‌ى زانياريێن باسنيوز به‌لاڤكرن هه‌رسێ سه‌رۆكاتيێن هه‌رێما كوردستانێ، سه‌رۆكێ وه‌زيرێن عيراقێ و سه‌رۆكێ جڤاتا نوونه‌رێن عيراقێ دێ د ڤێ حه‌فتيێ دا ل توركيا ل گه‌ل سه‌رۆكێ وه‌زيرێن توركيا كۆم بن.

ئه‌ڤرۆ نيوز:

سۆپاسالارێ وه‌زاره‌تا پێشمه‌رگه‌يى ئاماژێ ب وێ چه‌ندێ دكه‌ت كو پێدڤى ب گۆره‌يى دستوورێ عيراقێ هێزێن پێشمه‌رگه‌يى هاتبانه‌ ب چه‌ككرن، به‌لێ نه‌هاتنه‌ كرن و ئه‌ڤه‌ ژى پشتگوهـ خستنا داخوازيێن كوردايه‌ و دژى دستوورى يه‌ ژى.

فه‌ريق جه‌مال محه‌مه‌د سۆپاسالارێ وه‌زاره‌تا پێشمه‌رگه‌يى د داخۆيانيه‌كێ دا بۆ باسنيوز راگه‌هاند كو پێدڤى بوو ب گۆره‌يى دستوورێ عيراقێ د ماوێ بۆرى دا حوكمه‌تا عيراقێ چه‌ك دابايه‌ پێشمه‌رگه‌يى، به‌لێ نه‌ به‌غدا ب تنێ هه‌ڤكاريا له‌شكرى يا پێشمه‌رگه‌يى نه‌كريه‌، به‌لێ مووچه‌ ژى ژ خه‌لكێ كوردستانێ بريه‌ و گۆت: “د ماوێ بۆرى دا، پاره‌كێ مه‌زن وه‌كو بودجا سيادى يا هه‌ردو وه‌زاره‌تێن ناڤخۆ و به‌ره‌ڤانيا عيراقێ مه‌زاختى نه‌ و چو ژ وان هاريكاريان نه‌گه‌هشتينه‌ ده‌ستێ پێشمه‌گه‌يى و پشكا وان نه‌دايێ”.

ئه‌و ئێك ژى ئاشكه‌را كر كو ل سه‌ر ده‌مێ حوكمێ مالكى مه‌زنترين تاوان دژى پێشمه‌رگه‌ و خه‌لكێ كوردستانێ هاتيه‌ كرن ب برينا پارێ خه‌لكێ كوردستانێ و ئابلۆقه‌دانا پێشمه‌گه‌يى د ده‌مه‌كى دا ئه‌گه‌ر د ماوێ بۆرى دا حوكمه‌تا عيراقێ چه‌ك ب پێشمه‌رگه‌يى دابايه‌، كاودان وه‌كو نوكه‌ لێ نه‌هاتن.

نه‌ڤه‌شارت ژى كو تێكشاندنا تماما سۆپايێ عيراقێ ل مووسل رێ خۆشكر كو ب سه‌دان هزار پارچێن چه‌كێ گران و سڤك بكه‌ڤيته‌ ده‌ستێ داعش.

ئه‌ڤرۆ نیۆز، سالار دۆسكى:
ئه‌ندامه‌كا لیژنا دارایى ل په‌رله‌مانێ عیراقێ ل سه‌ر لیستا زه‌ر ژ هه‌ڤپه‌یمانیا كوردستانێ دیاركر كو ژڤانه‌ ئه‌ڤرۆ 29 /11/ 2014 حه‌یده‌ر عه‌بادى سه‌رۆك وه‌زیرێن عیراقێ دهێته‌ په‌رله‌مانى و دێ به‌حسێ قه‌یرانا دارایى و بۆدجێ كه‌ت، دیسا دێ راپووت ل سه‌ر شه‌رێ دژى داعش و ئاواران هه‌بیت، دیسا دڤێت رونكرن هه‌بیت ل سه‌ر ره‌وشا له‌شكه‌رى و به‌حسێ گه‌نده‌لیا دهێته‌كرن.
نه‌جیب نه‌جیبا هێشتا ژى بۆ مالپه‌رێ ئه‌ڤرۆ نیۆز گۆت: هه‌تا نوكه‌ كارێ په‌رله‌مانى نه‌هاتیه‌ دیاركرن و سه‌رۆكێ وه‌زیرێن عیراقێ حه‌یده‌ر عه‌بادى ل په‌رله‌مانێ عیراقى و بۆدجه‌ ل گه‌ل دایه‌ و بابه‌ت دهێنه‌ به‌حسكرن.
نه‌جیبایێ گۆت: سه‌ردانا شاندێ هه‌رێمێ یا نێزیكه‌ چونكه‌ ئاخفتن ل سه‌ر بۆدجه‌ هه‌یه‌ و دڤێت بهێته‌ به‌حسكرن و ئه‌ڤه‌ كێشێن هه‌لاویستى گرێدان ب بابه‌تى ڤه‌ هه‌یه‌.
ناڤبریێ گۆتژى: چاڤه‌رێرى هاتنا شاندێ هه‌رێما كوردستانێ دكه‌ین بۆ به‌غدا ب مه‌ره‌ما چاره‌سه‌ركرنا كێشێن هه‌لاویستى كو پێدڤى ب دانوستاندنانه‌ و رێكه‌فتنا هه‌ولێرێ یا وه‌ختى بوو و بهیڤى نه‌ ئێكا درێژتر بهێته‌كرن.