ئه‌ڤرۆ نیۆز:
ژێده‌ره‌كێ نێزیك ژ نڤیسینگه‌ها سه‌رۆك وه‌زیرێن عیراقێ حه‌یده‌ر عه‌بادى راگه‌هاند، پۆستێ شیره‌تكارا سه‌رۆك وه‌زیران بۆ كاروبارێن ساخله‌میێ د حوكمه‌تا به‌رێ ب سه‌رۆكاتیا نورى مالكى بۆ حه‌نان فه‌تلاوى نه‌هێلان.
ژێده‌رى هه‌روه‌سا گۆت: حه‌یده‌ر عه‌بادى بڕیاره‌ك ده‌رخست بۆ نه‌هێلانا كارێ حنان فه‌تلاوى وه‌ك شیره‌تكارا سه‌رۆك وه‌زیران بۆ كاروبارێن ساخله‌میێ د جوكمه‌تا مالكى دا.
هه‌ژى گۆتنێ یه‌ كو حه‌نان فه‌تلاوى د ژبلى كو دحوكمه‌تا به‌رێ دا په‌له‌مانتار بوویه‌، هه‌ڤده‌م ژ ئالیێ نورى مالكى ڤه‌ پۆستێ شیرتاكارا سه‌رۆك وه‌زیران بۆ كاروبارێن ساخله‌میێ ژى هه‌بوو، هه‌ر وه‌كى به‌رى نوكه‌ فه‌تلاوى ئاشكراكرى كو نورى مالكى ئێشا شه‌كرێ هه‌یه‌ و گه‌له‌ك كارتێكرنێ ل سه‌ر دكه‌ت.
هه‌ر سه‌رده‌مێ پێكئینانا حوكمه‌تا عه‌بادى حه‌نان فه‌تلاوى داخوازا پۆستێ وه‌زیرا ساخله‌میێ كر بوو، به‌لێ ئه‌و داخواز هه‌ر زوى هاتیه‌ ره‌تكرن، ئه‌ڤه‌ ژى ئه‌گه‌رێ وێ چه‌ندێ دیار دكه‌ت كا بۆچى حه‌نان فه‌تلاوى هێرش توند و دژوار دكه‌ته‌ سه‌ر حه‌یده‌ر عه‌بادى.

ئەڤرۆنیۆز ،سالار دۆسکی:

پشتی ئیمزاکرنا رێکەفتنێ دناڤبەرا بەغدا و ھەرێما کوردستانێ دا وەک پێنگاڤەکا دەسپێکی بۆ نێزیکبوونا ھەولێر و بەغدا دا کو رۆژانە ھەرێم 150 ھزار بەرمیلێن گازێ ب رێکا سومۆ فرێکەت و بەرامبەر بەغدا (500) ملیۆن دۆلاران ب ھنێریتە ھەرێما کوردستانێ و بریارە شاندەکێ بلندێ ھەرێما کوردستانێ سەردانا بەغدا بکەت. ژێدەرک ژ سەرۆکاتیا ئەنجوومەنێ وەزیران دیارکریە کو بریارە شاندنێ ھەرێما کوردستانێ کو ب سەرۆکاتیا نێچیرڤان بارزانی سەرۆکێ حوکمەتێ و قوباد تەلەبانی جێگرێ سەرۆکێ حوکمەتێ رۆژا ئێک شەمبی 30\11\2014 بچنە بەغدا ب مەرەما روونشتن و ئەنجامدانا کومبوونا دگەل مەزنە بەرپرسێن حوکمەتا عیراقێ.

ھەڤدەم ھەمان ژێدە ئاشکراکر کو پێشبینی دھێتەکرن کو شاند پێکھاتی بیت ژ سەرۆک و جێگرێ حوکمەتا کوردستانێ و ھەر ئێک ژ وەزیرێن (سامانێن سرۆشتی، دارایی وئابووری، پلاندانان).

ئه‌ڤرۆ نيوز، قائيد ميرۆ:

پشتی کو ڤێ حەفتیێ شاندەکێ ئێکەتیێ سەرەدانا بەغداکری بۆ دانوستانان ل دۆر پرسێن ھەلاویستیێن نێڤبەرا ھەولێر و بەغدا، کارڤەدانێن جۆدا لێ پەیدابوون و پەرلەمانتارەک دبێژیت، چوونا شاندێ ئێکەتیێ موزایەدەیا سیاسیە تێتەکرن.

بھار عەبدولڕەحمان، پەرلەمانتارا ئێکگرتوویا ئیسلامی بۆ ئەڤرۆ نیۆز دیارکر، چوونا شاندێ ئێکەتیێ بۆ بەغدا تنێ موزایەدەیە تێتەکرن، ئێک ژ ئاریشەیێن کورددا ئەڤە ھەتا نوکە ئێک رێزیا نیشتیمانی ناھێتە پاراستن و بۆیە ئەگەرێ پەیدابوونا قەیرانان، ئەم دگەل ڤێ چەندێ نینە چو شاندەکێ حزبی سەرەدانا بەغدا بکەت، بەلکۆ دڤێت شاندێ ھەرێمێ ب نوونەرایەتیا ھەموو لایەنان بچیتە بەغدا.

ژلایێ خۆڤەژی رەھێل جاف، کادرێ پێشکەفتیێ پارتی دیموکراتی کوردستان بۆ ئەڤرۆ نیۆز گۆت: ھەر شاندەکێ حزبی سەرەدانا بەغدا بکەت بۆ دانوستانان دەربڕینێ ژ سیاسەتا ھەرێما کوردستانێ ناکەت و تنێ حوکمەتا ھەرێما کوردستانێ نوونەرایەتیا ھەرێمێ دکەت و ھەموو پارتێن سیاسی تێدا پشکدارن، چوونا شاندێ ئێکەتیێ ژی چو بھایەک نینە، چونکو دێ سەنگا کورددان لھەمبەر عەرەبان لاوازکەت و بڕیارە ئەف شاندا ھەرێمێ کو بچیتە بەغدا دێ سەنگا وێژی ئێنیت خوار.