ئەڤرۆ نیوز،زنار تۆڤی:
ئەنداما پەرلەمەانێ عێراقێ یا خولا به‌رێ په‌ریزدا شه‌عبان بو ئەڤرۆ نیوز گوت: کو ل روژا چارشەمبێ 7 مووەلیدێن کارەبێ بو هێزێن پێشمەرگەی برینە میحوەرێ زومار ل گوندێ حەمەد ئاغا و خراب تبنێ.
په‌ریزاد شه‌عبان دیارکر: ئەو بەردەوام سەرەدانا به‌رۆكێن شه‌رى و هێزێن پێشمەرگەی دکەت وەکو پشتەڤانیەک بو ئەرکێ وان یێ پیروزهاریكاریان بۆ پێشمه‌رگه‌ى دبه‌ت.
ئەڤرۆ نیوز،زنار تۆڤی:
رێڤەبەرێ هوبا چاندنێ ل کانی ماسێ بو ئەڤرۆ نیوز دیارکر:کو د ماوێ 24 دەمژمێرێن بوریدا پێلەکا بەفرێ دەڤەرا کانی ماسێ ڤەگرت،د ئەنجامدا 4 سەنتیمەترێن بەفرێ ل ناڤەندا کانی ماسێ بارینە و ل سەر زێری و جهێن دیتر دو جاران پتر باریە،ژبەرکو رەوشا سەقای گەلەک ساربویە،ل گەلەک گوندا بەفر باریە،نوکەژی بەفر ل چیایان دباریت.
عەبدلعەزیز محەمەد تاهر رێڤەبەرێ هوبا چاندنێ ل کانی ماسێ زێدەتر گوت:ل شەڤا بوری هەتانوکە 39 ملیمێن بارانێ بارینە و سەرجەمێ بارانێ د ئەڤ سالەدا گەهشتیە 401 ملیمان،ناڤهاتی گوت:ژبەر بارینا بەفرەکا زور بو ماوەیەکێ درێژ رێیا باروخێ یاکو دچیتە سەنتەرێ ناحیا کانی ماسێ هاتبوو گرتن،لێ تیمێن رامالینا بەفرێ شیان رێکێ ژ بەفرێ رابمالن و رێیا هاتن و چوون ئاسایی بویە ڤە.
ئەڤرۆ نیوز، ھەیفا دۆسکی:
“س،ج” وەلاتیەکێ دھۆکێ یە نێزیکی ٣٥ سالایە دیارکر کو ھەڤژینا وی بۆ ماوێ سێ سالان حەبێن لاوازیا سکسی بۆ وی ب دزی ڤە دکرنە ناڤ خوارنێ و پاشان ژی خوە دا رەڤان.
ئەڤی وەلاتیێ کاسب بۆ ئەڤرۆ نیوز بەحس ل ژیانا خوە کر و گۆت: “پشتی بۆرینا چار سالان ھەڤژینا من ئەز ھێلام و خوە ل گەل ئێکێ دی دا رەڤان”.
زێدەتر گۆت: “گۆمان بۆ من ل سەر حەزژێکرنا وێ بۆ من چێبوو و من دایک و خووشکا خوە، ژوورا مە خرا راکر و دانا و پاشان مە ھژمارەکا حەبکێن لاوازیا سکسی د ناڤ بالیفکا ژوورا نڤستنێ ڤە دیتن”.
ئەڤی کەسی ئاشکەرا کر کو چەندین جاران ب مەرەما زارۆ نەبوونێ ئەم چووینە دەف نوشداران و وێ خوە بێ گونەھـ کریە کو زارۆ نەبوون نە ژ وێ یە و گۆت: ” پشتی ڤی ماوەیی ھەموویێ ژ نوو من زانی کو ئەڤە چار سال بوو وێ نەدڤیا زارۆ ھەبن و ئەز د خاپاندم”.
“س،ج” بەردەوام دمینیت و ھزرێن خوە دکەت کا بۆچی ھەڤژینا وی ئەڤە ب سەرێ وی ئینا و دبێژیت: “ئەز دبێژم دایک و بابێن وێ تاوانبارێن سەرەکی نە، ھەکە دزانی حەز ژ من ناکەت بۆچی ئەز شەرمزار کرم و ئەڤە ب سێ من ئینا؟”.
گۆتژی: “من چ ل گەل وێ ژنێ نینە، چونکو یا ئاشکەرایە کو ئێکێ دی یێ دژیانا خوە دا ھەیی، لەورا ئەڤ کارە یێ کری”.
ل دووماھیێ ژی گۆت: “نوکە ئەز یێ بۆ خوە ل ئێکا دی دگەریێم کو ژیانا ھەڤژینیێ ل گەل پێک بینم”.
ئەڤرۆ نیوز، ئەمیر ئەترووشی:
رێڤەبەرێ ئەوقافا دھۆکێ راگەھاند، ئەو کەسێ بەری چەند رۆژەکا ل نڤێژا سپێدێ دوعا بۆ داعش کرین یێ ھاتیە دەستەسەرکرن و ڤەگوھاستن بۆ دادگەھێ، بەلێ ئەو رەت دکەت کو مەبەستا وی ژ وان دوعایان داعش بیت.
مەلا جیھاد بێسفکی، رێڤەبەرێ ئەوقافا دھۆکێ بۆ ئەڤرۆ نیوز دیار کر، پشتی دووڤچوونا وی کەسی ھاتیە کرن دیار بوو ئەو کەسە نە مەلا و پیاوێ ئاینی یە و سەر ب چو پارت و لایەنان و ئەوقافێ ڤە نینە، ب تنێ کابرایەکێ دیندارە و دچیتە نڤێژێن ب جوماعەت و ریھێن خوە ژی بەرداینە و گۆت: وی کەسی نڤێژەکا سپێدێ ل مزگەفتا (ع) ب دەلیڤە دیتبوو کو کەس نەبوو نڤێژا سپێدێ بەری نڤێژکەران بکەت و د روکعەتا دویێ یا نڤێژێ دا د دوعایێن قنوتێ دا گۆتیە : “اللهم انصر اخواننا المجاهدين في العراق والشام”.
ناڤبری دیار کر کو پشتی ھینگی ئەڤ کەسە ئێکسەر ھاتیە دەستەسەرکرن و رەوانەکرن بۆ دەزگایێن ئێمناھیێ و پاشی بۆ دادگەھێ و دێ ھێتە دادگەھکرن و گۆت: ھەر چەندە ڤی کەسی رەتکریە کو مەبەستا وی ژ وێ دوعایێ داعش بیت، ب تنێ وی ئەو دوعاتیە گوھلێبوویە و ھوسا ڤەگێرایە.
مەلا جیھاد ئاماژە دا وێ چەندێ کو ژ بەر ڤێ چەندێ مە ل رۆژا پێنچشەمبی کومبوونەک ل گەل ماموستایێن ئاینی کر و تەکەست ل سەر ھندێ کر کو گرنگیێ ب ھزرێن نەتەوەیی ژی بدەن.
مووسل، بارزان سلێمان مزوورى
به‌رپرسێ لقا 14 مووسل ، عسمه‌ت ره‌جه‌ب ، بۆ ئه‌ڤرۆ نیوز دیار كر كۆ حه‌فت ئه‌میرێن مه‌زن یێن داعش ل به‌نداڤا مووسل هات بونه كوشتن هنده‌ك ژوان ره‌گه‌زنامێن وان ئوزبه‌كى و شیشانى نه 1/ ئه‌بو داود فه‌رماندێ له‌شكه‌رى بۆ 2/ ئه‌بو ده‌لال 3/ ئه‌بو به‌را توركى 4/ ئه‌بو ئه‌كرم توركى 5/ ئه‌بو مسلم توركى 6/ئه‌بو سومه‌یه توركى 7/ ئه‌بو عبدالحه‌مید توركى 8/ ئه‌بو محه‌مه‌د بێگ ئه‌لمسرى ،
ناڤبرى دیار كر كۆ ئه‌و هێرشا كریه سه‌ر هێزێن پێشمه‌رگه‌ى ل گوندێ سه‌هلج سه‌ر په‌رشتیا ڤان ئه‌میرا بۆ .
ئەڤرۆ نیوز، سالار دۆسکی:
رێباز محەمەد حەملان وەزیرێ دارایی و ئابووری ل حوکمەتا ھەرێما کوردستانێ دیارکر کو ئەڤرۆ رۆژا پێنچ شەبی 27 تشرینا دوویێ ھەموو پارە گەھشتیە ھەرێما کوردستانێ ، ئەڤە لدووڤ رێکەفتنا دناڤبەرا حوکمەتا ھەرێما کوردستانێ و حوکمەتا عیراقێ دا کو ژلایێ نێچیرڤان بارزانی، سەرۆکێ حوکمەتا ھەرێما کوردستانێ، عادل عەبدولمەھدی وەزیرێ پەترۆلا عیراقێ ھاتیە ئیمزاکرن، بریار بوو حوکمەتا عیراقێ 500 ملیۆن دۆلارا بۆ ھەرێما کوردستانێ فرێکەت، بەرامبەر ھەرَم رۆژانە 150 ھزار بەرمیلێن گازێ ب رێکا کۆمپانیا سومو فرێکەت.
ھەڤدەم قوباد تەلەبانی جیگرێ سەرۆکێ حوکمەتا ھەرێما کوردستانێ بۆ رووداو دیارکریە کو نێزیکترین دەم دێ شاندێ ھەرێما کوردستانێ بەر ب بەغدا چیت.
ئه‌ڤرۆ نيوز:
رێڤه‌به‌ريا گشتيا كه‌شناسيێ و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل هه‌رێما كوردستانێ ژ ئه‌نجامێ كه‌فتنه به‌ر شه‌پۆلێن نزم يێن ده‌ريا ناڤه‌راست رێژه‌كا زێده يا بارانێ ل هنده‌ك ده‌ڤه‌ران باريه، ب ڤى ره‌نگێ ل خوارێ زێده‌تر رۆهن دبيت:
رێژێن باران بارينێ ل هه‌رێمێ ب ڤى ره‌نگى نه:
دهۆك 37.6 ملم، رێژا گشتى 235.6 ملم.
زاخۆ 46 ملم، رێژا گشتى 255.3 ملم.
ئاكرێ 31.6، رێژا گشتى 292 ملم.
مانگێشك 36.2 ملم، رێژا گشتى 280 ملم.
بامه‌رنێ 38 ملم، رێژا گشتى 326.8 ملم.
هه‌ولێر 24 ملم، رێژا گشتى 134.3 ملم.
پيرمام 30.3، رێژا گشتى 283.6 ملم.
سۆران نه‌هاتيه تۆماركرن، رێژا گشتى 300.4 ملم.
خه‌بات 11.2 ملم، رێژا گشتى 134.2 ملم.
سلێمانيێ 19.3 ملم، رێژا گشتى 194.3 پله.
هه‌له‌بچه 17.6 ملم، رێژا گشتى 205.8 پله.
كه‌ركووك 7 ملم، رێژا گشتى 94.9 پله.
ئەڤرۆ، رێوار مزووری:
شڤێدی ژ ئەنجامێ باران بارینەکا زۆر ترۆمبێلەک کەفتە د دۆریانا کوردستان دا.
ئەڤی شوفێرێ ترۆمبێلێ بۆ ئەڤرۆ نیوز گۆت: “دوھی رۆژا چارشەمبی 26\11\2014 ب شەڤ دا بەر ب شقەیێن دابین ئێك ڤە دچم، بەلێ ترۆمبێلا من ژ نشکەکێ ڤە ما ئاسئ و کەفتە د ناڤ ئاڤێ دا”.
دووریانا کوردستان ماوەکێ زۆرە کار ل سەر دھێتە کرن و ب دووماھی نەھاتیە و چەند کۆمپانیەک ژی ژ بەر ئەنجامنەدانا کارێ وێ ھاتینە گوھۆڕین.
شەوکەت محەمەد ئەمین سەرۆکێ باژێرڤانیا دھۆکێ ژی د ھژمارا ئەڤرۆ یا رۆژناما ئەڤرۆ دا دیار کربوو کو دێ پرۆژە ب کۆمپانیەکا خۆمالی ھێتە دان دا کو ڤی کاری ب دووماھی بینیت.
ئەڤرۆ نيوز، مەحمود نھێلی
نھا ل سەنتەرێ قەزا ئامیدیێ بەفربارینێ دەسپێکریە و تا رادەیەکێ ژی ل ھند کولانان ئەرد سپیکریە و ئەگەر ب ڤی رەنگی یا بەردەوامبیت چێدبیت رێ بھێنە گرتن.
ھاشم یەحیا بەرپرسێ پشکا کەشناسیا قەزا ئامێدیێ بۆ ئەڤرۆ دیارکر، کو ل شڤێدی بەفربارینێ دەسپێکریە و ل ناحیا کانی ماسێ ٤ سەمتیم بەفر ھاتینە و گۆت: ( نھا ل سەنتەرێ قەزا ئامێدیێ بەفر دباریت و ل ھند جھان ژی ئەرد گرتیە و ل سەر بان و جامێن ترۆمبێلا ئەڤ یەکە باش دھێتە دیتن لێ نەھاتیە پیڤان کا رێژا وێ چەندە).
دەربارەی رێژا باران ژی ل دەڤەرێ ناڤبری دیارکر، کو دەھەیاما ئەڤر سالە ل ئامێدیێ ٤٠٠ ملم ، دێرەلۆک، ٣٦٩ و کانی ماسێ ٤١١، سەرسنکێ ، ٤٧٥ ملم، چەمانکێ ٣٧٥ و ل بامەرنێ ژی ٣٤١ ملیم باران باریە.
و ئاشکرا کر کو دماوێ ٢٤ دەمژمێرێن بوری دا بتنێ ل ناحیا چەمانکێ و سەرسنکێ ٦١ و ٦٢ ملیمێن بارینێ بارینە.
نيشاندان