ئەڤرۆ نیوز:
وەزارەتا ساخلەمی و ژینگەها عیراقێ راگەهاند، ئەڤرۆ ئێکشەمبی شەش حالەتێن نوویێن توشبوون ب ڤایرۆسێ کۆرۆنایێ هاتنە تۆمار کرن، ب ڤێ چەندێ هژمارا توشبوویان د عیراقێ دا گەهشتە ٦٢ کەسان.
سەیف بەدر پەیڤدارێ وەزارەتا ساخلەمی و ژینگەها عیراقێ راگەهاند: ئەو شەش حالەتێن نوو یێن توشبوون ب کۆرۆنا یێ ل هەر ئێک ژ پارێزگەهێن موسەنا، ئەنبار، زیقار، نەجەف، بەغدا و میسان هاتنە تۆمار کرن.
ئەڤرۆ نیوز،عەلی حاجی :
ب بەرهەڤبونا لژنەیا بلندا کونترول کرنا ڤایروسێ کورونایێ ل زاخۆ تیمێن رەشاندنا دەرمانی ئەڤ هەوە دناڤ سەنتەرێ گشتی دا دەست پێکرن.
بوتان محسن قایمقامێ زاخۆ بۆ ئەڤرۆ نیوز گوت : پشتی لژنا بلندا کونترول کرنا ڤایروسێ کورونایێ ل پاڕیزگەها دهوکه بریارا رەشاندنا جهێن گشتی دناڤ سەنتەرێ باژێرێن پارێزگەها دهوکێ دەرکری،د ئێکەم پێنگاڤ دا دەست ب هەوا رەشاندنا دەرمانێن دژە ڤایروسێ کورونا ژ جورێ ڤێریدون دناڤ سەنتەرێ باژێرێ دا ل جهێن گشتی هاتە کرن و ئەڤ هەوە دێ بۆ ماوەیێ چەن روژەکان یا بەردەوام بیت ژبەر ئەڤ دەرمانە ب ئێکجاری دژی ڤایروسێ کورونایە،ئەڤ هەوە دێ ل سەنتەرێ باژێری و ناحیێن سەر ب قەزا زاخۆ ڤە بیت و هیڤیدارین ژی خەلکەک هاریکار بیت دا کو ب شێوەیەکێ باش ئەڤ هەوە بەردەوام بیت .
ئەڤرۆ نیوز:
وەزیرێ ناڤخوە یێ حوکمەتا هەرێما کوردستانێ راگەهاند، سوبەهی دوشەمبیێ دێ دەربارەی بهێنڤەدانا دەواما فەرمانبەران بڕیارێ دەین.
رێبەر ئەحمەد، وەزیرێ ناڤخوە یێ هەرێما کوردستانێ د کۆنفرانسەکێ رۆژنامەڤانی دا راگەهاند، بەردەوامن ل سەر گرتنەبەرا رێکارێن رێگرتنێ ژ بەلاڤبوونا کۆرۆنا یێ، سوبەهی ژی دێ لژنا روو ب رووبوونا کۆرۆنا یێ کۆمبیت و دێ دەربارەی بهێنڤەدان یان کێمکرنا دەمژمێرێن دەوامێ بڕیارێ دەن.
دەربارەی وان وەلاتیێن ب رێکێن قەچاغ ژ ئیرانێ هاتین، ناڤهاتی راگەهاند، هژمارەکا زێدە یا وان ب رێیا باژێرێن ناڤەراست و ژێریا عیراقێ هاتینە هەرێمێ، بەشەکێ دی ژی خوە رادەستکرینە و هندەک ژی ژ ئالیێ هێزێن ئێمناهیێ و تیمێن ساخلەمیێ ڤە هاتینە دیتن و هاتینە کەرەنتیکرن.
ئەڤرۆ نیوز، رەزوان ڕۆژبەیانی:
دوهی ل تۆرێن جڤاکی وەسا بەلاڤ ببوو، کو دو کەس ل قەزا بەرەڕەش توشی نەخۆشیا کۆرۆنا بووینە، لێ ساخلەمیا بەردەڕەش ئەف بابەتە ڕەتکریە.
دکتۆرە نارین عومەر موسا رێڤەبەرا کەرتێ ساخلەمیێ ل قەزا بەردەڕەش بۆ ئەڤرنیوز خویاکر، دوهی ب شەڤ ژبەر ڤایرۆسێ کۆرۆنا گومان ل دو کەس هاتنەکرن ، هەر دەمدەست کەرتێ ساخلەمی ل قەزا بەردەڕەش ب ئەرکێ خوە رابوون و کارێن پێدڤی بۆ وان کرن ، پاشی هەردو کەس هاتنە رەوانەکرن بۆ پارێزگەها دهۆکی پشکنین بۆ وان هاتنە ئەنجام دان.
گۆت ژی ئەڤرۆ ئەم هاتینە ئاگەهدارکرن کو پشکنینێ هەردو کەسان پاڤژ دەرکەفتینە و چو حالەتێ کۆرۆنا ل وان نینە.
دیار ژی کر کو پێدڤی یە خەلکێ مە باوەری ب وان پەیچ و ئەکاونتێن فەیسبوکێ نەکەت کو ئارمانجا وان بەلاف بوونا ترس و دو دلیێ یە دناڤ خەلکێ دا.
ئه‌ڤرۆ نیوز:
پشتى ئه‌وان هێرشێن له‌شكه‌رێ سوریا و روسیا كرینه سه‌ر له‌شكه‌رێ توركیا ل ناڤا ئاخا سوریا و چه‌ندین كوشتى داین له‌شكه‌رێ توركیا و ژبه‌ر وێ چه‌ندى زوربه‌یا هونه‌رمه‌ند و وه‌رزشڤانێن وه‌لاتێ توركیا وه‌كو پشته‌ڤانیا خوه دیاركرى ب رێیا راگه‌هاندنێ و تایبه‌ت یانێن وه‌رزشى كو ژ ئه‌وانا یاریزانێن پیشه‌كار ژى ل چه‌ند یانان هاتنه نه‌چاركرن سلاڤا له‌شكه‌رى بكه‌ن وه‌كو پشته‌ڤانى بۆ له‌شكه‌رێ توركیا .
چه‌ند ژێده‌رێن دژى وێ چه‌ندێ دیاركرینه ئه‌و رافتارا هژماره‌كا یانێن خۆلا سوپه‌ر لیگ و پلا ئێك یا توركیا ل گه‌ل چه‌ند یاریزانێن پیشه‌كار كرى نه یا جوان و گیانێ وه‌رزشى بوو ژبه‌ركو به‌رپرسێن ئه‌وان یانان بۆ ئه‌وان یاریزانێن نه ره‌گه‌ز تورك دیاركربوون هه‌كه هون سلاڤا له‌شكه‌رى نه‌كه‌ن ئه‌و دێ رافتاره‌كا دى ل گه‌ل ئه‌وان كه‌ن .
ئه‌یاز عوسمان یاریزانێ كورد و رۆژئاڤایێ كوردستانێ ل ڤه‌گوهاستنێن هاڤینا بورى هه‌ڤبه‌ستا یانا ئه‌ده‌نه ده‌میر سپور یا توركى ئیمزاكر كو ئێك ژ یانێن خۆلا پلا ئێك یا وى وه‌لاتى یه و ئه‌و یاریزانێ ناڤبرى خودان ره‌گه‌زنامه‌یا سورى و ئه‌لمانى یه ل هێرشێن له‌شكه‌رێ توركیا ل سه‌ر رۆژئاڤایێ كوردستانێ ل 15-9-2019 ده‌مێ دخوازى ژ وى هاتیه‌كرن سلاڤا له‌شكه‌رى بكه‌ت لێ وى یاریزانى وى ده‌مى ره‌تكر ژبه‌ركو ئه‌و خه‌لكێ رۆژئاڤایێ كوردستانێ بو هه‌ردیسان ره‌گه‌ز نامه‌یا وى سورى بۆ پاش به‌رپرسێن وێ یانێ رافتاره‌كا دور ژ گیانێ وه‌رزشى ل گه‌ل وى یاریزانى كر بۆ ماوێ دو هه‌یڤان موچه‌یێ وى نه‌دایێ و هه‌ردیسان ژ پێكهاتیێ یانێ دورخست بتنێ راهێنانان ل گه‌ل تیمێ كرن و پشت به‌ستن ل سه‌ر نه‌تكر و یانێ هوشدارى دابویێ هه‌ڤبه‌ستا ئه‌وى هه‌لوه‌شینت هه‌كه ئه‌وێ چه‌ندێ دوباره بكه‌ت ژبه‌ركو ئه‌وى پێگیرى ب هه‌ڤبه‌ستا یانێ نه‌كر چونكو د ناڤا هه‌ڤبه‌ستا یانێ دا خاله‌ك هه‌بوو پێدڤى یه یاریزان پێگیریێ ب هه‌مى به‌ندێن یانێ بكه‌ت بۆ ریكلام یان راگه‌هاندنێ .
پشتى یاریزان ڤه‌گه‌ریا ناڤا پێكهاتیێ یانێ ئه‌و یاریزان شیا ب هێز ڤه‌گه‌ریت و چه‌ندین گول د یاریێن قوناغا دوێ دا توماركرین و پشتى ئه‌وان هێرشێن چه‌ند رۆژێن بورى جاره‌كا دى هه‌موو یانێن توركى وه‌كو پشته‌ڤانى بۆ له‌شكه‌رێ توركیا سلاڤا له‌شكه‌رى كر و ئه‌و یاریزان نه‌چار بوو سلاڤا له‌شكه‌رى بكه‌ت ژبه‌ركو هه‌كه ئه‌وى یاریزانى ئه‌و چه‌نده نه‌كربا دا هه‌ڤبه‌ستا ئه‌وى هێته هه‌لوه‌شاندن نه‌شیا داخوازیا مافێ خوه بكه‌ت ژبه‌ركو یانێ به‌نده‌ك هه‌یه د هه‌ڤبه‌ستێ دا پێدڤى یه پێگیریێ ب هه‌موو بریاریێن یانێ دا بكه‌ت وه‌كو ریكلاما یانێ .
ئه‌یاز عوسمان یێ 25 سالى كورده و خه‌لكێ باژێرێ قامشلو یا رۆژئاڤایێ كوردستانێ یه ل ڤه‌گوهاستنێن هاڤینا بورى هه‌ڤبه‌ستا ئه‌ده‌نه ده‌میر سپور ئیمزاكر پشتى ژ یانا دینامو دێرسن یا ئه‌لمانى په‌یوه‌ندى ب وێ یانا توركى كرى و یارى بۆ هه‌لبژارتیێ سوریا یێ ئێكێ ژى كریه و ل 12 یاریێن دووماهیێ یێن وێ یانا توركى شیا 7 گولان توماربكه‌ت
ئه‌ڤرۆ نیوز، بارزان مزووری:
پیر ئه‌ودی سلێمان به‌رپرسێ رێكخراوا ئێسڤنێ یا خێرخازی بۆ ئه‌ڤرۆ نیوز گۆت: (ئه‌ڤ درینگه‌هه دگه‌ل كارگه‌ها ته‌حینێ و بنگه‌هێ ساخله‌میێ یا ده‌روونی و جوانكاریا خانما پرۆژه‌كێ مه‌زنه یێ خێرخوازی ئه‌ڤ پرۆژه ژلایێ رێكخراوه‌كا ئه‌لمانی ڤه هاتیه دروست كرن ل سه‌ر رووبه‌ره‌كێ مه‌زن یێ عه‌ردی دناڤ سه‌نته‌رێ شێخان).
ناڤهاتی خویاكر د نها دا چار كچێن شه‌هره‌زا دبوارێ دروارێ دا دگه‌ل دیزاینه‌ره‌كێ به‌رده‌وام ب شه‌ڤ و رۆژ كاردكه‌ن بۆ دروست كرنا جلوبه‌رگێن جوراو جور تایبه‌ت یێن كوردی و جلوبه‌رگێن بیكا د نها دا وه‌رزێ بهارێ یه سه‌دان ده‌ستێن جلكێن كوردی یێن دروست كرین دهێنه فرۆتن دناڤ بازاری دا داهاتیێ وان ژی بۆ رزگاربویێن ده‌ستێ داعش و كه‌سێن بێ سه‌میان یێن ده‌یك و بابێن وان ل سه‌ر ده‌ستێ داعش هاتینه كوشتن دهێت دابین كرن ئه‌و كه‌سێن ناڤێن وان ده‌ف مه هاتینه توماركرن.
ناڤهاتی ئەو یەک ژی نەڤەشارت کو ژ بلی درینگه‌هێ داهاتێ كارگه‌ها ته‌حینێ و جوانكاریا خانمان ژی بۆ وان دهێتە مەزاختن.
ئەڤرۆ نیوز:
پشتی گەنگەشەکرن و دووڤچوونەکا هوور بۆ داخستنا هندەک جهێن گشتی هاتیە کرن، ئەندامێن ژوورا عەمەلیاتا یا بەرھنگاربوونا ڤایروسێ کۆرۆنا ل پارێزگەها دهۆکێ بفەردیت، ژبۆ بەرژەوەندیا گشتی و پاراستنا ساخلەميا وەلاتيان ژ نەخۆشیا کۆرۆنا یێ، ( کافی و جھێن مەیڤەخوارنێ) ژ ئەڤرۆ 8/3/2020 ل سەرانسەری پارێزگەھا دھۆکێ بھێنە گرتن، ھەتا دەمەکێ نەدیار.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا ترافیکێ دا چار ترۆمبێلان لێکدا.
ناڤهاتی زێدەتر دیار کر: ئەڤرۆ ئێکشەمبی 2020/3/8 ل دەمژمێر 3:30 ئێڤاری ل سەر رێیا سێمیل زاخۆ، چار ترۆمبێلان لێکدا، ترۆمبێلەک ژ وان ژ جۆرێ کیا دوتەن بوویە، یادویێ ژجۆرێ نيسان و ياسیێ مارسیدس بارهەلگر بوویە و ترۆمبێلا چارێ دێر بارهەلگر بوویە، د ئەنجامدا سێ کەس بریندار بوون، هەروەسا زیانێن مادی ب هەموو ترۆمبێلان کەفینە.
ئه‌ڤرۆ نیوز، بارزان مزووری:
جوان رۆژبیانی سه‌رۆكا لژنا ناوچه‌یێن كوردستانی یێن ده‌رڤه‌ی ئیدارا هه‌رێما كوردستانی بۆ ئه‌ڤرۆ نیوز گۆت:رێكخراوا تیرۆرستی یا داعش رۆژ ب رۆژێ ل ده‌ڤه‌رێن ده‌رڤه‌ی ئیدارا هه‌رێما كوردستانێ بهێزتر دكه‌ڤیت گیانێ ئاكنجیێن وان ده‌ڤه‌را ب چ ره‌نگا یێ ب سلامه‌ت نینه ره‌وشا وان گه‌له‌ك یا خرابه نوێنه‌رێن وان ده‌ڤه‌را به‌رده‌وام سه‌ره‌دانا مه دكه‌ن داخازیا وان یا سه‌ره‌كی ڤه‌گه‌ریانا هێزێن پێشمه‌رگه‌یه ژ به‌ر كو بتنێ پێشمه‌رگه دشێت به‌رگریێ ل ده‌ڤه‌را وان بكه‌ت رێگریێ ژ هێزبونا داعش بكه‌ت نه‌هێلیت دوباره ئه‌و ده‌ڤه‌ر بكه‌ڤنه لبن ده‌ستهه‌لاداریا داعش.
ناڤهاتیێ خۆیاكر ژ به‌ر نه پاراستنا گیانێ وان كوردان یێن وان ده‌ڤه‌را دژین ناچارن عه‌ردێ خۆ و خانیێن خۆ ب زوری بفرۆشنه عه‌ره‌بێن وان ده‌ڤه‌را ئه‌ڤه ژی مه‌ترسیه‌كا مه‌زنه بۆ كوردا بویه ئه‌گه‌ر كۆ رێژا كوردا ل وان ده‌ڤه‌را كێم بیت ژبلی ته‌عریبكرنێ یا به‌رده‌وامه تایبه‌ت ل پارێزگه‌ها كه‌ركوك ژبه‌ر ده‌ستهه‌لاتداریا وی پارێزگه‌هێ رێكا بۆ عه‌ره‌با خوشكری بۆ ده‌ست ڤه ئینانا عه‌رێن كورد پتریا عه‌ردێ كوردا كوردا یێن چاندین ژ به‌رهه‌مێ گه‌نمی وان عه‌ره‌با ب زوری ب وێ چاندنێ ڤه ژێ ستاندینه ل پێش چاڤێن وان كوردان به‌رهه‌مێ وان بخۆ دبه‌ن دفرۆشن.
ناڤهاتیێ گۆت: (ئه‌ز وه‌كو نوونه‌را لژنا ناوچه‌یێن كوردستانی دگه‌ل هه‌موو لایه‌نێن سیاسی كومبووینه ل كه‌ركۆك وان داخاز كریه یاداشنامه‌ك به‌رهه‌ڤكریه د وێ یاداشنامێ دا داخاز كریه ئه‌و كێشه ب رێكا هه‌رێما كوردستانێ بهێت چاره‌سه‌ركرن ژبه‌ركۆ بێ هیڤی بوینه ژ ئیدارا به‌غدا ب هیڤیا ئیدارا به‌غدا رۆژ ب رۆژ كێشه‌یێن نوی سه‌رهه‌لده‌ن وان ده‌ڤه‌را ئه‌و یاداشنامه‌ك به‌رهه‌ڤكریه دێ پێشكێشی هه‌رسێ سه‌روكاتیێن كوردستانێ كه‌ن ئێكه‌م جار ئه‌و یاداشنامه بۆ سه‌رۆكاتیا په‌رله‌مانی دهێت ره‌وانه‌كرن ئه‌م ژی دێ كومبونێ ل سه‌ر خالێن وان كه‌ین به‌لێ ئێك ژ خالێن وان ڤه‌گه‌ریانا هێزێن پێشمه‌رگه‌یه و خالا دووێ پارێزگه‌هێ كه‌ركوك بهێن گهورتن ئێكێ كورد بهێت دانان ژبه‌ركۆ به‌هرا كوردایه و چه‌ندین خالێن دی 14 حیزبێن كوردی به‌شداری د وێ یاداشنامێ نه هه‌موویا ب ئیمزایا خۆ ئه‌و یاداشتنامه ئیمزا كریه).
نيشاندان