ئەڤرۆ نیۆز، سالار دۆسکی:

ل وەلاتێ ئەندەونسیا ب پشکداریا چەندین وەلاتێن جودا و ئیسلامی، ھەلبژارتنێن شاهـ جوانا وەلاتێن ئیسلامی ھاتە ئەنجام دان و دووماھیێ کچەکا تونس بوو خودانا ناسناڤی
فاتما بن جوشریفە ئەو کچا تونسی یە ئەوا د ھەڤرکیێن جوانترین کچ دا وەلاتێ ئەندونسیا ب سەر کەفتی و ئەڤە دناڤ 25 کچان دا ژ وەلاتێن جودا جودا ئیسلامی و ئورۆپی و ئەفریقی و ئەمریکی .
ئەڤە لدووڤ دەنگ و باسێن ھاتینە بەلاڤەکرن کو مەرجێن ھەڤرکیێ دڤێت ژیێ کچێ د ناڤبەرا 18 سالی ھەتا 25 سالی دا بوویە، دیسا ئەڤ ھەڤرکیە ل پەرستگەھەکا ھدوسی ھاتەکرن وەک ھێمایەک بۆ پیکڤە ژیانێ و ھەموو نەتەوە و ئاینێن جودا، دیسا دڤێت یا پەردە پووش کربیت و و دیسا جلکێن وێ د گەل ئاینێ ئیسلامێ ب گونجن.
ھەڤدەم ھاتەزانین کو ئەڤە چوار سالە ل دووڤ ئێک ئەڤ ھەڤرکیە ل وەلاتێ ئەندەنۆسیا دھێتەکرن، ئەڤ سالە ژی فاتما بن جوشریفە شیا ناسنافی سالا 2014 ب دەست بێخیت.

ئەڤرۆ نیوز ، نەوزاد زادە ھلۆری :
پێشمەرگەکی وێنەکێ سرۆشتیێ سەرنجراکێش ل بەروکێن شەری گرتیە و بۆ ئەڤرۆ نیوز ھنارت و دبێژیت: “من نەشیا ژێ ببوورم و وێنەیەکێ بۆ نەگرم”.
دەشتی سالح ئەو پێشمەرگەیەیێ وێنەگرتی دیارکر کو نھا ئەو ل بەروکێن شەری یە و گۆت: “ئەڤ وێنە وێنەیێ گولەکا جەھی یە کو من ل بەروکێن شەری ل دەڤەرا تلسقووف ب موبایلێ گرتیە و کو 16 دندکێن پێڤە و ھەر 16 دەندک ژی ل سەر بنێ خوە شووون بووینە کو گەلەکا جوان و سەرنجراکێشە”.
دەشتی زێدەتر دبێژیت: “د ھەوا پاقژکرنا تلسقوفێ ژ چەکدارێن داعش ل رۆژانێن بوری ئەڤ وێنەیە ل بەرچاڤێن من کەفت ل جھەکێ ب مەترسی من دلنەدا ژێ ببوورم و وێنەیەکێ بوو نەگرم، ئەڤی وێنەی وانەیەکا زورا مەزن د دلێ من دا چاند ئەو ژی نیشانا دلسووزی و وەفاداریا پێشمەرگێ قارەمانە کو ئەو ژی ئەوە دەمەکێ دا چەکدارێن داعش ل چوو مروڤان نابوورن ئەگەر نەکوژن و ل چو جھـ و واران نابورن ئەگەر تالاون و وێران نەکەن و ھەموو ژێدەرێن ئاڤێ و ژینگەھێ خرابکرینە و د بەرامبەر دا پێشمەرگێ قارەمان ب سینگەکێ بەرفرەە و نیەتەکا دلسووز د گەل ھەموو تشتەکێ خەباتێ دکەت چو رزگارکرنا مروڤان بیت یان ژی پاراستنا ژینگەھێ بیت و ئینا بیرا من ئەو پێشمەرگێ ل تشتەکی َھوسا نەبووریت چەوا دێ دلدەتن کەسەکێ کوژیت بێ حەق”.