كورد ڤێجارێ پێدڤی یه دوور هزربكه‌ت، پێدڤیه هزرا پۆست ـ داعش بكه‌ت. هێزه‌ك ژ داعشێ ژی دڕنده‌تر یا برێڤه بۆ گیانێ كوردان، هێشتا ب دروستی خوه تاقینه‌كریه بۆ هێرشكرنا سه‌ر ملله‌تێ كورد. ئه‌و هێرشێن د سه‌دسالیا چووییدا ل ئیراقێ هاتینه ئه‌نجامدان ل دژی كوردان پرانیا وان هێرشێن سووننه ـ دارشتی بوون. تا نها ئه‌و هێرشێن به‌رفره‌هێن داعشێ ئه‌نجامداین هه‌ر په‌نجه‌موورێن سوونیێن ئیراقێ ل سه‌ر مووركرینه. لێ ژ ئه‌ڤرۆ و پێدا هێزه‌ك دن یێ خوه بۆ گیانێ كوردان ئاماده دكه‌ت، ئه‌ڤ هێزه خودان پشته‌ڤانیه‌كا هه‌رێمی یه، هه‌روه‌سا ئه‌و هێزه نه‌ك تنێ خودان پشته‌ڤانیه، لێ به‌لێ یا بوویه به‌شه‌ك ژ ستراتیجیا وێ پشته‌ڤانیا هه‌رێمی، ئه‌م دشێین بێژین یا بوویه پشكه‌ك ژ كیانێ وێ پشته‌ڤانیێ. وێ هێزێ هه‌می پێدڤی یێن ئابووری بوو هاتینه دابینكرن، هه‌می فاكته‌رێن جیۆپۆلیتیك ژی ژێره یارمه‌تیده‌رن، ئه‌و هێزه پشكه‌ك گرنگ پێكدئینیت د به‌لانسا هێزا سه‌ربازیا سه‌رده‌ست ل رۆژهه‌لاتا ناڤه‌راست دا. ئێدی كوردۆ باش هزربكه، پێدڤیه ژ ئیرۆ پێدا خۆ ئاماده بكه‌ن بۆ جه‌نگێ پۆست ـ داعش، چونكی جه‌نگێ پۆست داعش چێدبیت جه‌نگه‌ك وێرانكه‌ر بیت، جه‌نگێ مان و نه‌مانێ بیت بۆ سته‌تیویا كوردی، ده‌ركه‌فتنا ڤێ هێزێ دوباره‌كرنا وێ هندابوونا دیرۆكیا وێ یه، ئه‌ڤرۆ هێدی هێدی یا ده‌ردكه‌ڤیته‌ڤه د ناڤ مه‌یدانا ململانێیه‌كا دژوار دا، لێ یا ب به‌رنامه دارێشتیه و خوه‌دان ئارمانجه، ئه‌ڤرۆ ڤێ هێزه هه‌بوونا خوه ل سه‌ر ئه‌ردی سه‌لماندیه، له‌ورا هه‌می چه‌مكێن سه‌ربازی، ئه‌وله‌كاری، سیاسی و ئیداری د ده‌ستێ خوه دا گرتینه، دبیت وه‌ك پێدڤی عه‌قلانیه‌تیا بزاڤا سیاسیا كوردی هزر بۆ ڤێ هێزێ نه‌كربیت. د ناڤا ڤێ هێزێ دا چه‌ندین ڕه‌وتێن توندڕه‌و، ره‌یسست و دوژمنكارانه په‌یدابووینه، ئێدی وه‌لێ هاتیه، كورد، پێدڤی ناكه‌ت گومانێ بێخته‌سه‌ر ڤێ هێزا توندڕه‌و. بۆ به‌رهنگاربوونا ڤێ هێزێ، بزاڤا سیاسیا كوردی هه‌رچو زووه پێدڤی ب لێكۆلین و لێگه‌ریانێن عه‌قلمه‌ندانه هه‌یه. هه‌ڵوێستێن سیاسی یێن گشتگیر و هه‌م یێن تایبه‌ت ل ئیراقێ دهێنه نه‌خشاندن په‌ی بیرو بۆچوونێن ڤێ هێزا تۆندڕه‌و. ب پشتیه‌ڤانی و رێنمایێن هیزا هه‌را مه‌زنا هه‌رێمی ڤێ هێزێ ده‌ستكاریا تێگه‌هێن سیاسی و جڤاكی بو ره‌وشا رۆژهه‌لاتا ناڤێن ل دووڤ به‌رژه‌وه‌ندیێن خوه بۆ په‌یوه‌ندیێن جڤاكی و سیاسی و ئابووری و نیشتیمانی ل عیراقێ داڕشتینه. دیسا ڤێ هێزێ خالێن لاوازێن بزاڤا سیاسیا كوردی ده‌ستنیشان كرینه و به‌رده‌وام یا ئه‌كتیڤه بۆ پتر لاوازكرنا په‌یوه‌ندیان د ناڤ رێزێن بزاڤا سیاسیا كوردیدا و هه‌تا ڕادده‌یه‌ك مه‌زن سه‌ركه‌فتی بوویه. ئه‌ڤ هێزه یا سه‌ركه‌فتی بوو د ده‌مێ چه‌ند سالێن بووریدا بۆ مۆنۆپۆلكرنا قانوون و ریسایێن تایبه‌ت و گشتی، مۆنۆپۆلكرنا سامانێ گشتی، هیزا چه‌كداری و سیاسه‌تا گشتی ل عیراقێ.
پێدڤییه ژ نها پێڤه بزاڤا سیاسیا كوردی خوه ل ئاست ڕوودان و پێشهاتیاندا ببینیت، كاره‌ك دل ئێشه كو هه‌تا نها بزاڤا سیاسی ب تنێ یا ل پاش ڕوودانان دبه‌زیت، قه‌ت پێش ڕوویدانا نه‌كه‌تیه، ژ ئه‌ڤرۆ پێدا پێدڤیه عه‌قلێ ستراتیجیا بزاڤا سیاسیا كوردی د بنه‌ره‌تدا بێهته گهوڕین بۆ ئاسته‌كێ كو گرێدایی بیت ب پێشهاتیێن ناڤچه‌یی و نێڤده‌وله‌تی ڤه.
ئه‌م هه‌می دزانین كو د دژوارترین و تاڵترین كاودان و كاره‌ساتدا ب درێژاهیا سه‌د سالیا بیستێ هه‌تا سالا ٢٠٠٣ چو حوكمه‌ته‌ك ابه‌غدا بریارا مووچه بڕین و قوتكرنا بووجێ گشتی نه‌دابوو و ئه‌و هه‌نگاڤ نه‌نابوون، لێ به‌ره‌ڤاژی هه‌می وان گۆتگۆتكێن د ده‌مێ بیست هه‌تا سی سالێن چوویدا ده‌رباره‌ی هێزێن شیعی بوومه ڤه‌دچڕاندن كو ئه‌و هه‌ڤپه‌یمانێن مه‌نه، دوستێن مه‌نه، په‌یمانێن سیتراتیجی مه بهه‌ڤرا هه‌نه و دوستێن مه‌یێن ڕوژێن خه‌باتێ بوون دژی سه‌ددامێ گۆڕبگۆڕ. ل نازكترین و هه‌ستیارترین ده‌مدا، دوست و برایێن مه‌یێن شیعه ئه‌و كاره كرن كو هێشتا سه‌ددامێ گۆڕبگۆر ب هه‌می دوژمنداری و دڕندایه‌تیا خوه، هزرژی ژوێ چه‌ندێره نه‌كربوو ئه‌نجام بده‌ت به‌رانبه‌ر ملله‌تێ كورد، ژ ٢٠٠٣ یێ تا نها هه‌می حكومتێن شیعی ل ئیراقێ هه‌می هه‌وڵداینه بو پێشێلكرنا هه‌می مافێن گشت نه‌ته‌وه و گرۆپێن ئه‌تنیكی ل ئیراقی، هه‌ر وه‌خته‌ك بو وان ده‌رفه‌تك په‌یدا ببیت بێی ئێكودو ده‌ستێ خوه وه‌شاندیه دژی به‌رژه‌وه‌ندیین هه‌می نه‌ته‌وه و ئایین و مه‌زهه‌بێن ل ئیراقێ دژین، ئه‌ڤ ده‌ستوه‌شاندنێن هه د هه‌می بواراندا بوویه، د وارێ سیاسی و ئابووری، ئه‌وله‌هی، یاسایی و سیخوری و له‌شكری دا.. .. هتد.
ئه‌وا من دڤێت ئه‌ز بدمه خۆیاكرن ،ئه‌وه، كو هه‌می هێزێن شیعی، چه‌پڕه‌و و ڕاستڕه‌و، دیندار و عه‌لمانی، ره‌شنبیر و خێله‌كی، مه‌ده‌نی و عه‌سكه‌ری، یه‌كده‌نگن، هه‌ریه‌ك بجوره‌كی دژ ب هه‌می سروشته ـ مافێن گشت گرۆپێن دی ل ئیراقێ، نه‌خاسمه ملله‌تێ كورد. د ده‌مێ چه‌ند حه‌فتی و مه‌هێن بووریدا، ب تایبه‌تی ئه‌و هێزێن ملیشایی یێن شیعه هاتینه ده‌ڤه‌رێن كه‌ركووك و دیاله، چه‌ندین كار و چالاكیئه‌نجامداینه دژی به‌رژه‌وه‌ندی و دژی وان هه‌لویست و ساخله‌تێن ئه‌م وه‌ك ملله‌ت ل سه‌ر دهاتینه تێگه‌هاندن كو دوستێن سروشتێ ملله‌تێ كوردن. رێگه‌گرتن ل چوونا كوردان و ئوتومبێلێن وان بۆ ناڤچه‌یێن دی یێن عیراقێ، چه‌ندین كورد ب بارمه‌ته گرتینه و هنه‌ك ژ وان شه‌هیدكرینه و چاره‌نڤیسێ گه‌له‌كان ژی نه‌دیاره. ئه‌ڤ هێزێن شیعه مه‌زهه‌ب چه‌ندین جارا ڕۆبرۆبووینه ل گه‌ل هێزێن پێشمه‌رگه‌هی ل وان ده‌ڤه‌ران، چه‌ندین جاران بریندار داینه، چه‌ندین پێشمه‌رگه تا نها ده‌سته‌سه‌رن د ده‌ستێ وان هێزێن شیعی دا.
پێدڤیه ئه‌م كورد خوه بۆ جه‌نگێ پوست ـ داعش به‌رهه‌ڤك بكه‌ین، ب بۆچوونا من جه‌نگێ پۆست ـ داعش جه‌نگه‌ك گه‌له‌ك دژوارتره ژ جه‌نگێ دژی داعش، وه گه‌له‌ك به‌رفره‌هتر و چاره‌نڤسسازتره. ئه‌و جه‌نگه‌ژی، جه‌نگێ شێعه ل به‌رامبه‌ر كوردان، هێزێن شیعه ژ مێژوه‌ره خوه بۆ ڤی جه‌نگی به‌رهه‌ڤ دكه‌ن. جه‌نگێ كورد و شیعه جه‌نگه‌كێ حه‌تمیه و چ بیانوو نین كو بزاڤا سیاسیا كوردی هه‌ر ژنها ئاماده‌كاری و پێداویستیێن وی جه‌نگی به‌رهه‌ڤ نه‌كه‌ت. ئه‌م هه‌می دزانین كو ئه‌و هه‌نگاڤێن هێزێن شیعی هاڤێتین دژی كوردان، برینه‌ك گه‌له‌ك دژوار خستینه د ناڤ جه‌رگێ دپلۆماسیه‌تا كوردیدا، ئه‌م هه‌می ماینه حه‌یری كا چاوا ب چ ووژدان هێزێن شیعی ئه‌و كاره دژی دۆستێن خوه یێن دێرین ئه‌نجامدان، لێ تشتێ ژ وێژی حێبه‌تیتر ئه‌وه، كو چاوا بزاڤا سیاسیا كوردی هزرا روژه‌كا وه‌سا نه‌دكر، چاوا ئاماده‌كاری و هه‌نگاڤێن عه‌قلانی بۆ ڤان جۆره هه‌لویستێن نه‌مه‌ردانه نه دارشتن بوون، ئه‌م هه‌می دزانین كو ده‌روبه‌رێن ملله‌تێ كورد پڕن ژ ناحه‌ز و فێلبازان. پێدڤیه ستراتیجیا دپلوماسیا كوردی دارشتنه‌ك عه‌قلانی و ئه‌كادیمی بۆ بێهته كرن، سیاسه‌تا گشتی یا ڤێ بزاڤێ ل په‌ی ڤان به‌رژه‌وه‌ندیان بێهته دارشتن، مه كوردان پێدڤی ب دامه‌زراندنا ده‌زگه‌هێن ستراتیجی بۆ لێكۆلێنێن هزری، سیاسی، ئابووری، عه‌سكه‌ری، په‌روه‌رده‌یی و ب پله‌یه‌ك ئیداره‌یی هه‌نه، ئه‌ڤ ده‌زگه‌هێن هه ل ژێر چه‌تره‌كا زانستیدا بێهنه كومكرن، ئه‌و چه‌تره رابیت ب داڕشتنا سیاسه‌تێن گشتی یێن كوردستانی ل گۆر به‌رژه‌وه‌ندیێن كوردستانیان، نه‌ك تنێ كوردان، به‌لكو كوردستانییان.
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
نێچیرڤان بارزانى: كورد نه‌دبه‌رهه‌ڤن بۆ مووسلێ خوه بده‌نه كوشتن
ئه‌ڤرۆ نیۆز:
د هه‌ڤدیتنه‌كا تایبه‌ت دا ل گه‌ل روچژناما فاینایل تایمز یا به‌ریتانى، سه‌رۆكێ حوكمه‌تا هه‌رێما كوردستانێ نێچیرڤان بارزانى راگه‌هاند، چو ژ پێكهاتێن عیراقێ گیانێ ژێیاتیا ده‌وله‌تێ ڤێ نینه، هه‌روه‌سا دیاركر كورد نه‌دبه‌رهه‌ڤن بۆ مووسلێ خوه بده‌نه كوشتن.
سه‌روچكێ حوكمه‌تا هه‌رێما كوردستانێ هه‌روه‌سا به‌حسێ وان گرفتێن عیراق ل ژێر نالیت كر، و گۆت: كونفیدرالى باشترین ریێه بۆ چاره‌كرنا وان ئاریشان.
سه‌رۆكێ جڤاتا وه‌زیرێن هه‌رێمێ خوه‌یاكر، دبیت هون كه‌سه‌كى ل هه‌رێمێ نه‌بینن باوه‌رى ب قورتالبوونا عیراقێ ژ ڤان قه‌یرانان هه‌بیت، دوپاتكر، كورد دبه‌رهه‌ڤ نینه خوه بۆ سونان یان شیعان بده‌نه كوشتن، زێده‌بارى وێ گۆت: عیراقیان دوپاتكریه كو وانا چو ژێیایتا ده‌وله‌تێ عیراقێ نینه.
نێچیرڤان بارزانى ئاماژه‌دا هندێ، شیعه ژى نه‌دئاماده‌نه خوه بۆ مووسل بده‌نه كوشتن، و سونه نه‌دبه‌رهه‌ڤن خوه بۆ نه‌جه‌ف و كه‌ربه‌لا بدنه كوشتن.
بارزانى هه‌روه‌سا گۆت: وه‌لات نها پێدڤى ب میكانیزمه‌كا نوو هه‌یه، داكو پێكهاتێن وێ بشێن دناڤا جوگرافیه‌كێ دا بژین كو ناڤێ وێ عیراقه.
هاتة نووكرن:24 پێشمه‌رگه ل جه‌له‌ولا و سعدیه شه‌هیدبوون
د كونگرێ فه‌رمانده‌ێ میحوه‌رێ گه‌رمه‌سێر دا، مه‌حمود سه‌نگاوى راگه‌هاند، پشتى پێشمه‌رگه‌ى ژ چار ئالیان ڤه هێرشكرینه سه‌ر چه‌كدارێن داعشێ ب پلانه‌كا موكم ناحیا جه‌له‌ولا هاته رزگار كرن،هه‌تا نها دشه‌رێ جه‌له‌ولا و سعدیه دا 24 پێشمه‌رگه هاتن شه‌هیدكرن و 45 بریندار هه‌نه.
هه‌روه‌سا دیاركر تیرۆرستێن داعشێ زۆربه‌یا مالێن جه‌لولا په‌قاندندینه، زێده‌بارێ وێ داخواز ژ وه‌لاتیێن كوردستانێ كر، نها كه‌س نه‌ڤه‌گریت باژێرێ جه‌له‌ولا و سعدیه هه‌تا هه‌موو دهێته پاقژكرن ژ مین و بومبێن چاندى ..
فه‌رماندێ سپیلك هاته گوهورین
ئه‌ڤرۆ نیوز، چه‌كدار ئه‌ترووشى:
ژێده‌ره‌كێ ژ فه‌رمانده‌یا گشتى یا پێشمه‌رگێ كوردستانێ تایبه‌ت بو ئه‌ڤرۆ دیاركر كو ب بریاره‌كا فه‌رماندێ هێزێن چه‌كدار فه‌رماندێ فه‌رمانده‌یا سپیلك هاته گهورین.
ژێده‌ره‌كێ پله بلند ژ فه‌رمانده‌یا گشتى یا گوردستانێ بو ئه‌ڤرۆ نیوز دیاركر كو تارق هه‌رنى وه‌كو فه‌رمانده هاته دانان و گوت” ب بریاراه‌كا سه‌روكێ هه‌رێما كوردستانێ كو دهه‌مان ده‌م دا فه‌رماندێ گشتى یێ هێزێن چه‌كداره تارق هه‌رنى هاته دانان ل شوینا عه‌بودلره‌حمان كه‌ورینى وه‌كو فه‌رماندێ فه‌رمانده‌یا سپیلك”.
هه‌مان ژێده‌ر ئاماژه ب وێ چه‌ندێ كر كو دێ ئه‌ڤ گهورینه دبه‌رده‌وام بن و گوت” گوهورین دێ دبه‌رده‌وام بن و ب دویر نابینم ل ڤان نێزیكان چه‌ندین گوهورینێن دى بهێنه كرن”.
ئه‌ڤرۆ نيوز ژڤانێن به‌لاڤكرنا مووچێ هه‌يڤا ئيلۆنێ يێن ماين به‌لاڤ دكه‌ت
ئه‌ڤرۆ نيوز:
بڕياره د سێ رۆژێن بهێت دا، وه‌زاره‌تا دارايى و ئابوورى ل حوكمه‌تا هه‌رێما كوردستانێ، مووچێ هه‌يڤا ئيلۆنێ يێ پێنج وه‌زاره‌ت و خانه‌نشينكريان به‌لاڤ كه‌ت.
ب گۆره‌ى ئه‌و پێزانينێن ب ده‌ست ئه‌ڤرۆ نيوز كه‌فتين، بڕياره رۆژا دوشه‌مبى و سێشه‌مبى هه‌ر ئێك ژ وه‌زاره‌تێن باژێرڤانى و گه‌شتوگۆزار و كاره‌ب و كاروبارێن شه‌هيد و ئه‌نفالكريان و چاندن و ژێده‌رێن ئاڤێ ل گه‌ل خانه‌نشين كريان مووچێ خوه وه‌ربگرن.
هه‌ر ب گۆره‌ى وان پێزانينان، بڕياره رۆژا چارشه‌مبى ژى مووچێ هه‌موو كارمه‌ندێن وه‌زاره‌تا ناڤخۆ يا حوكمه‌تا هه‌رێما كوردستانێ هێته دان.
ل دۆر ڤێ چه‌ندێ ئه‌ڤرۆ نيوز بۆ پشتراستكرنا ڤى نووچى په‌يوه‌ندى ب وه‌زاره‌تا دارايى و ئابوورى يا حوكمه‌تا هه‌رێما كوردستانێ كر، به‌لێ ئه‌وان ره‌تكر كو ئاشكه‌ران كه‌ن چاوان و كه‌نگى دێ مووچێ ڤان وه‌زاره‌تان هێته به‌لاڤكرن.
زانكۆیا ئارتۆكلۆ تۆمه‌تان ره‌ت دكه‌ت
ئه‌ڤرۆ نيوز، ناجی به‌ده‌ل:
قوتابيه‌كێ پشكا كوردولۆژى ل زانكۆيا ئارتۆكلۆ يا ماردينى دياركر كو ئه‌و تۆمه‌تێن سه‌رۆكێ زانكۆيێ و مامۆستايێن وێ پشكێ پێ هاتينه گرتن د سياسى بوون و چو په‌يوه‌ندى ب گه‌نده‌ليێ ڤه نه‌بوو.
سه‌عيد ئوسمان، قوتابيێ پشكا كوردولۆژى ل زانكۆيا ئارتۆكلۆ يا ماردينى د داخۆيانيه‌كێ دا بۆ ئه‌ڤرۆ نيوز گۆت: “حزكمه‌تا توركيا قه‌درى يه‌لدم، جێگرێ سه‌رۆكێ زانكۆيا ئارتۆكلۆ يا ماردينى و سه‌رۆكێ پشكا كوردولۆجى ل گه‌ل 50 مامۆستايێن دى ب تۆمه‌تا گه‌نده‌ليێ ده‌سته‌سه‌ركرن، پاشان پشتى پێنج رۆژان هاتنه ئازادكرن”.
ئه‌ڤى قوتابيێ ماسته‌رێ زێده‌تر گۆت: “بابه‌تێ ئه‌ڤ مامۆستايه پێ هاتينه گرتن چو په‌يوه‌ندى ب گه‌نده‌ليێ ڤه نه‌بوو، بابه‌ته‌كێ سياسى بوو، به‌لێ ل ژێر په‌ردێ گه‌نده‌لێ هاتبوونه ده‌سته‌سه‌كرن، ب مه‌ره‌ما ژناڤبرنا ڤێ پشكێ”.
ئاشكه‌را كر كو ژ به‌ر سه‌ركه‌فتنا ڤێ پشكێ د نێزيككرنا كوڕێن كوردان ژ هه‌ر چار پارچێن كوردستانێ و گه‌له‌ك وه‌لاتێن دى يێن جيهانى، حوكمه‌تا توركيا بزاڤ كرن كێشان ل هه‌مبه‌ر دروست بكه‌ن دا كو بهێته داخستن.
سه‌عيد ئوسمان دا زانين ژى كو سوبه‌هى ئێڤارى بڕياره د كۆنگره‌كێ رۆژنامه‌ڤانى دا، ل به‌ر ده‌رێ زانكۆيا ئارتۆكلۆ يا ماردينى، د پرێس كۆنفرانسه‌كى دا، قه‌درى يه‌لدم به‌ياننامه‌كێ ب خوينيت و تێدا ئه‌و تۆمه‌تێن ئاراسته‌يى وى هاتينه كرن ب گۆره‌ى به‌لگه‌يێن پێدڤى ره‌تكه‌ت.
ئه‌ڤى قوتابى ته‌كست ل سه‌ر وێ چه‌ندێ كر كو ئه‌ڤه زێده‌ترى بابه‌ته‌كێ سياسى چو تشتێ دا نينه، دێ به‌رده‌وامى ژى ب كارێ پشكێ هێته دان و خواندن ل وێرێ دێ يا به‌رده‌وام بيت
دەرچوویێن دھۆکێ دێ ل پەروەردا شێخان ھێنە دامەزراندن
شێخان، بارزان مزووری:
رێڤەبەرێ پەروەردا قەزا شێخان دیار کر کو 70 فۆرمێن گرێبەست یێن بۆ پەروەردا وان ھاتینە دابینکرن و گۆت “رەنگە دەرچوویێن دھۆکێ ل پەروەردا شێخان ب گرێبەست بھێنە دامەزراندن و ئەڤە ژی نە دبەرژەوەندا شێخان دایە”.
ئەسعەد محیەدین رێڤەبەرێ پەروەردا قەزا شێخان بۆ رۆژناما ئەڤرۆ دیار کر کو ئەو پێدڤی ب 482 پلێن دامەزراندنێنە و گۆت “ئەڤ فۆرمە بەس بۆ دەرچوویێن کۆلیژا پەروەردا بنیات و پەیمانگەھێن پەروەردێ نە، ل دەمەکی ئەم پێدڤی ب دەرچوویێن ئاداب و زانست و کارگێری و ئابوورینە، چونکی پتریا دەرچوویێن دەڤەرێ ئەڤ دەرچوویەنە”.
ناڤبری دیار کر ژی چێ دبیت دەرچوویێن دھۆکێ بۆ پەروەردا شێخان بھێنە دامەزراندن و دەرچوویێن دەڤەرا شێخان بێ بەھر ببن ژ ڤان پلێن گرێبەست و گۆت “ھەکە دەرچوویێن دھۆکێ ل سەر پەروەردا بھێنە گرێبەست چ مفای ناگەھینتە مە، چونکی دێ داخوازا ڤەگوھاستنێ کەن و دێ بیتە بارگرانیەک بۆ پەروەردا قەزا شێخان”.
زانکۆیا سەلاحەدین دێ ڤەکۆلینان ل شوونوارێن بەردەرەش دکەت
ئەڤرۆ نیوز، رەزوان رۆژبەیانی:
شاندەکێ بسپۆرێن دیرۆکی و شوونواری ل زانکۆیا سەلاحەدین سەرەدانا قایمەقامیا قەزا بەردەرەش کر ژ بوو ڤەکۆلین و لێگەریانێن زانستی ل شوونوارێن دەڤەرا بەردەرەش کو ژ نەمان و ناڤچوونێ بھێتە پاراستن.
حکمه‌ت مه‌ولود بەرپرسێ راگەھاندنا قایمەقامیا قەزا بەردەرەش بۆ ئەڤرۆنیوز خویاکر کو ئەڤرۆ ل رێکەفتێ 23\11\2014 شاندەکێ بسپۆرێن دیرۆکی و شوونواری ل زانکۆیا سەلاحەدین ب سەرپەرشتیا شوونوارناس دکتور نه‌عمان جومعە ئيبراھیم سەرەدانا قایمەقامیا قەزا بەردەرەش کرژ بوو لێگەریان و ڤەکۆلینێن زانستى ل سەر شوونوارێن دەڤەرێ.
حکمه‌ت مولۆد گۆتژی: “گەلەک جھێن دیرۆکی و شوونواری ل دەڤەرا بەردەرەش ھەنە، بەلێ ھەتا نوکە نەھاتینە ناساندن و وەکو پێدڤی لێگەریان و ڤەکولینێن زانستی ل سەر نە ھاتینە کرن گەلەک ژ وان ژی بەرەف نەمانێ دچن، ئەگەر پتر گرنگی پێ نەھێتە دان”.
حکمه‌ت مولود دیار ژی کر کو قایمەقامێ بەردەرەش ژ لایێ خوه ڤە ھاریکار و پشتەڤان دبیت بۆ سەرخستنا وان ڤەکۆلینان کو ل سەر شوونوارێن بەردەرەش بھێنە کرن.
عيراقێ دێ كه‌ساتيێ 2014 هه‌لبژێرێت
ئه‌ڤرۆ نيوز:
عيراق دێ ب رێيا ئه‌نترنێتى كه‌ساتيێ سالا 2014 هه‌لبژێريت نوكه سه‌رۆكێ هه‌رێما كوردستانێ مه‌سعود بارزانى و سه‌رۆك كۆمارێ عيراقێ دكتور فوئاد مه‌عسوم د پێشيا رێزبه‌ندێ دانه.
چه‌ند چالاكڤانێن مه‌ده‌نى ل عيراقێ 19 كه‌س ده‌ستنيشان كرينه كو بڕياره كه‌ساتيێ سالا 2014 ل عيراقێ هه‌لبژێرن.
د ڤێ به‌ريكانێ دا، چار كه‌ساتيێن كورد هه‌ڤركيێ ل سه‌ر به‌ريكانێ دكه‌ن كو ژ وان ژى هه‌ر ئێك ژ سه‌رۆكێ هه‌رێما كوردستانێ مه‌سعود بارزانى و سه‌رۆك كۆمارێ عيراقێ دكتور فوئاد مه‌عسوم و نه‌وشيروان مسته‌فا سه‌رۆكێ بزاڤا گۆڕان و ڤيان ده‌خيل ئه‌نداما جڤاتا نوونه‌را د پێشره‌ويێ دانه.
ب گۆره‌ى رێكخه‌رێن ڤێ به‌ريكانێ، سه‌ركه‌فتيێن وێ دێ ل حه‌فتيا ئێكێ ل سالا نوو هێنه راگه‌هاندن.
د ڤێ راپرسيێ دا ئه‌ڤ كه‌سه د پشكدارن:
مه‌سعود بازرانى سه‌رۆكێ هه‌رێما كوردستانێ.
فوئاد مەعسوم، سەرۆك كۆمار.
حەیدەر عەبادی، سەرۆكێ وه‌زيران.
عەمار حەكیم، ئەمیدارێ جڤاتا بلندا ئیسلامی.
سەلیم جبوری، سه‌رۆكێ جڤاتا نوونه‌ران.
ئیبراهیم جەعفەری، وەزیری دەرڤە يێ عێراقێ.
ئوسامە نوجیفی، جێگرێ سەرۆك كۆمارى
ئەیاد عەلاوی، جێگرێ سەرۆك كۆمارى.
نوری مالیكی، جێگرێ سەرۆك كۆمارى.
ساڵح موتلەگ، جێگرێ سەرۆك وەزیران.
نەوشیروان مستەفا، رێكخەرێ گشتی بزاڤا گۆڕان.
ماجدە تەمیمی، ئه‌نداما جڤاتا نوونه‌ران.
ڤیان دەخیل، ئه‌نداما جڤاتا نوونه‌ران.
هادی عامری، وه‌زير په‌يوه‌ندى و ڤه‌گوهاستنێ.
قەیس الخزعلی، ئه‌ميندارێ گشتيێ عه‌صايب ئه‌هل ئه‌لحه‌ق.
تورهان مفتی، سه‌رۆكێ پارتا حه‌ق يا توركمانى.
خالد مەلا شێخ، سه‌رۆكێ كۆمه‌لا ئيسلامى يا عيراقى.
شێخ مەلیك سەعدى، موفتيێ عيراقێ.
جێگرێ سه‌رۆكێ هه‌رێمێ سامانێ خوه ئاشكه‌را كر
ئه‌ڤرۆ نيوز:
ده‌سته‌يا ده‌سپاكيێ ل هه‌رێما كوردستانێ راگه‌هاند كو جێگرێ سه‌رۆكێ هه‌رێما كوردستانێ فۆرما ئاشكه‌راكرنا سامانێ خوه بۆ ده‌سته‌يا ده‌سپاكيا هه‌رێمێ ڤه‌گه‌راند.
گۆره‌ى نووچه‌يه‌كى كو ل سه‌ر مالپه‌رێ تايبه‌تێ ده‌سپاكيێ به‌لاڤبوويه، كوسره‌ت ره‌سۆل عه‌لى جێگرێ سه‌رۆكێ هه‌رێما كوردستانێ فورما ئاشكه‌راكرنا سامانێ خوه بۆ ده‌سته‌يا ده‌سپاكيا هه‌رێما كوردستانێ ڤه‌گه‌راند.
ل دووڤ بڕيارێن ڤێ ده‌سته‌يێ سامانێن ئه‌و كه‌سێن فۆرمێ بۆ ده‌سته‌يا ده‌سپاكى دهنێرن ناهێنه ئاشكه‌را كرن و دێ ل ده‌ف وان د پاراستى بن.
ب گۆره‌ى رێنمايێن ده‌سته‌يا ده‌سپاكى ل هه‌رێمێ هه‌ر كه‌سێ ئه‌وان فورمه بۆ هنارت و د ماوێ سێ هه‌يڤان دا ئاشكه‌را نه‌كر دێ ناڤێ وى هێته به‌لاڤكرن و ب كۆژمه‌كێ پاره‌ى هێته سزادان.
نيشاندان
WP Facebook Auto Publish Powered By : XYZScripts.com