ئه‌ڤرۆ نیۆز:
جڤاتا ئاسایشا هه‌رێما كوردستانێ داخواز ژ داموده‌زگه‌هێن حكومى یێن تایبه‌تمه‌ند كر پرابونێن هاتنا د ناڤ هه‌رێما كوردستانێ دا توندتر بكه‌ن، پشتى په‌قینا هه‌ولێرێ كو ئه‌نجامێ وى 33 قوربانى هه‌بوون، ئه‌و ژه ب سه‌ده‌ما رێكگرتنا هه‌مبه‌رى دزه‌كرنا تیرۆرستا بۆ كوردستانێ و رێكگرتنا هه‌مبه‌رى هێرشێن تیرۆرى یێن وان.
هه‌ر د به‌یاننامێ دا هاتیه، پێدڤیه حوكمه‌تا هه‌رێما كوردستانێ پاراستنا گیانێ وه‌لاتیان لبه‌ر چاڤ بگریت داكو رێ ل هه‌مبه‌رى داڤدۆزیێ بهێته گرتن، ئه‌و كه‌سێن ب كریارا په‌قینى رابووین ده‌لیڤه رێخۆشكرنا بۆ ئاواره‌یان دهێته كرن بۆ كارێن خوه‌یێن چه‌په‌ل بكارئینان و بڤێ رێیێ داڤدۆزى هاتیه كرن.
زێده‌بارى وێ گۆت: هێرشا هه‌ولێرێ یا چه‌په‌ل یا چاڤه‌رێ كریبوویه ژ دوژمنه‌كێ تووشى شكه‌ستنێ بووى پشتى پێشمه‌رگه‌ى سه‌ركه‌فتنێن مه‌زن لبه‌رۆكێن شه‌رى ئه‌نجامداین و دربێن كوژه‌ك داوه‌شاندینه تیرۆرستان بتایبه‌ت پشتى ئه‌و نه‌شیاین بگه‌هنه كوردستانێ ده‌ست بڤێ كریارا هۆڤانه‌كرن.
هه‌روه‌سا جڤاتا ئاسایشا هه‌رێما كوردستانێ داخواز ژ خه‌لكێ هه‌رێمێ كر پشته‌ڤان و هاریكارێن ده‌زگه‌هێن ئێمناهیا هه‌رێمێ و گه‌هاندنا پێزانیان بۆ هه‌ر بزاڤه‌كا گۆمان تێدا هه‌بیت، دیاركر ئه‌ندامێن ئاسایش و پۆلیسان نها مل بملێ پێشمه‌رگه‌ى ل به‌رۆكێن شه‌رێ دژى تیرۆرێ نه.
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
ره‌وشا ئابۆری مێڤانێن فیسته‌ڤالا گه‌لاوێژ كێمكریه
ئه‌ڤرۆ نیۆز، ناجی به‌ده‌ل:
ئه‌ڤرۆ هه‌ژده‌مین فیسته‌ڤالا گه‌لاوێژ ل باژێرێ سلیمانیێ ل هولا ته‌لار ده‌ست ب كارێن كو كر لێ ئه‌ڤێ جارێ جودا بو ژ سالین چوی ژ ئه‌گه‌رێ بێ بودجه‌یا وێ و كیمیا میڤان و كاریگه‌ریا شه‌ری ل ره‌نگڤه‌دان ل سه‌ر ئه‌ڤێ جارێ دا بالكیشایه ل سه‌ر.
سه‌رپه‌رشتیارێ فیسته‌ڤالا گلاوێژ نه‌وزاد ئه‌حمه بو ئه‌ڤرۆ نیوز راگه‌هاند:ئه‌ڤ فیسته‌ڤالا جودای ژ یێن جارێن چوی و ره‌نگڤه‌دانا ره‌وشێ ل سه‌ر فیسته‌ڤالی زاله هه‌تا ژ درۆمێن وێ ژی خویا دبن كو ره‌وشا ئابۆری سیاسی و شه‌ر و جینوسایدا هه‌مبه‌ری ئیزدیان و شه‌رێ گه‌رمێ كوبانێ ئه‌گه‌ر بویه ئه‌و درۆشم بهێنه بكار ئینان .
سه‌رپه‌رشتیارێ فیشته‌ڤالێ دیاركر ژی ئه‌ڤ ساله هژماره‌كا مێڤان ل سه‌رانسه‌ر جیهانێ هاتینه مێڤانكرن لێ مێڤانێن ئه‌ڤێ جارێ كێمتر بوینه ژ سالین چوی ئه‌و ژی ب ئه‌گه‌رێ ره‌وشا ئابۆری وه‌كر خاندیێن 18 مین فیسته‌ڤالا گلاوێژ كێم ب بیت .
ناڤبری ئه‌و چه‌نده ژی دناڤا فیسته‌ڤالی دا چه‌ندین به‌شێن پێشانگه‌ها شیوه‌كاری و پێشانگه‌ها په‌رتوكان و چه‌ندین بابه‌ت و ڤه‌كولین دانوستاندن ل سه‌ر هێنه كرن .
نه‌وزادی گوت ژی ته‌وه‌رێن ئه‌ڤێ جارێ جوداهیه‌ك هه‌یه وه‌ك ئایدولوژیا توندره‌و و ئاوارێن ناڤخو و پێكڤه ژیان و ئارامی و پێدڤی بونا پاراستنا كێمینه‌نه‌ته‌وه‌یێن نافخو و ئه‌ڤه فیسته‌ڤاله دێ بو ماوه‌یێ 5 رۆژان ڤه‌كێشیت و ئه‌و ته‌وه‌ر ب رۆنی هێنه شرۆڤه‌كرن .
عه‌بادى: ل گه‌ل توركیا دژى چه‌كدارێن داعشێ رێككه‌فتین
ئه‌ڤرۆ نیۆز:
سه‌رۆك وه‌زیرێن عیراقا فیدرال حه‌یده‌ر عه‌بادى د كونگره‌كێ رۆژنامه‌ڤانیێ هه‌ڤپشك ل گه‌ل هه‌ڤكیفێ خوه یێ توركیا دا گۆت: هه‌ردو وه‌لات ل سه‌ر شه‌رێ دژى چه‌كدارێن داعشێ رێككه‌فتن، زێده‌بارى هه‌ڤكارى و هه‌ماهنگیا ئێمناهى و هه‌والگیرى یا ته‌مان هه‌بیت.
پشتى ب دووماهیى هاتنا سه‌ره‌دانا به‌غدا لبه‌ر سه‌رۆك وه‌زیرێن عیراقێ داود ئۆغلو ب گه‌هیته هه‌لێرێ و ل گه‌ل مه‌زنه به‌رپرسێن هه‌رێما كوردستانێ كومبوونه‌كێ ئه‌نجام بده‌ت.
هه‌ژى گۆتنێ یه كو په‌یوه‌ندیێن د ناڤبه‌را به‌غدا و ئه‌نقه‌ره دا تووشى شله‌ژانه‌كا توند ببون ب سه‌ده‌ما وێ پێشڤه‌چوونا په‌یوه‌ندیێن دناڤبه‌ار هه‌ولێرێ و ئه‌نقه‌ره‌دا په‌یدا بووى ب تایبه‌تى دبیاڤێ هنارتنا په‌ترۆلا هه‌رێما كوردستانێ ب رێیا وه‌لاتێ توركیا بۆ بازارێن جیهانى.
تانه‌ر یلدز: 25 ملیۆن به‌رمیلێن په‌ترۆلا هه‌رێمێ هاتینه ره‌وانه‌كرن
ئه‌ڤرۆ نیۆز:
وه‌زیرێ وزه‌یا توركى تانه‌ر یلدز گۆت: هه‌تا نها 35 كاروانێن باركرنا په‌ترۆلێ كو 25 ملیۆن به‌رمیلێن په‌ترۆلا خاڤ بوون ب رێیا بوریا تایبه‌ت یا حوكمه‌تا هه‌رێما كوردستانێ بۆ توركیا هه‌ر ژ ده‌ستپێكا ڤێ حه‌فتیێ هاتینه ره‌وانه‌كرن.
ل گۆڕ ده‌نگۆباسێ ئاژانسا رۆیته‌رز، تانه‌ر یلدز ئه‌و داخویانى د كومبوونا جڤاتا ئىتلسى یا ل ئیسته‌نبولێ ده‌رخست ئه‌و ژى پشتى حوكمه‌تا هه‌رێما كوردستانێ ل گه‌ل حوكمه‌تا به‌غدا گه‌هشتینه رێككه‌فتنه‌كێ ل حه‌فتیا بۆرى پشتى ناكۆكیێن پتر ژ چه‌ندین سالان ڤه‌كێشاین سه‌باره‌ت پشككرنا داهاتێ په‌ترۆلێ.
ژئالیه‌كێ دیڤه كۆمپانیا توبراس یا توركى كو تاكه كۆپانیا پالاوتنا په‌ترۆلێ یه ل توركیا راگه‌هاند، ئه‌و دێ ده‌ست ب كڕینا په‌ترۆلا خاڤا هه‌رێما كوردستانێ كه‌ت، جێگرێ رێڤه‌به‌رێ كۆمپانیا ناڤبرى حه‌سه‌ن تان گۆت: ئه‌و په‌ترۆلا خاڤ دێ هێته ره‌وانه‌كرن بۆ به‌نده‌رێ جیهان یا توركى.
وه‌زیرێ په‌ترۆلا عیراقێ هاته بێجى
ئه‌ڤرۆ نیۆز:
پشتى ده‌ڤه‌را بێجى ژ ده‌ستێن چه‌كدارێن داعشێ هاتیه رزگار كرن، بۆ جارا دوێ یه وه‌زیرێ په‌ترۆلا عیراقێ عادل عه‌بدولمه‌هدى سه‌را مه‌زنترین پارزنینگه‌ها په‌ترۆلا عیراقێ دا و ناڤێ وێ ژ پارزنینگه‌ها بێجى گوهوڕى بۆ پارزنینگه‌ها خوراگریێ.
وه‌زیرێ په‌ترۆلا عیراقێ عادل عه‌بدولمه‌هدى گه‌هشته پارزنیگه‌ها بێجى ب ئاماده‌بوونا پارێزگه‌رێ سه‌لاحه‌دین رائید ئه‌لجبورى و دناڤ ده‌زگه‌هێن وێ دا گه‌ریا پشتى هێزێن له‌شكرى یێن عیراقێ شیان ژ ده‌ستێن چه‌كدارێن داعشێ رزگار بكه‌ن، و لسه‌ر داخوازا پارێزگه‌رێ سه‌لاحه‌دین كو ناڤێ پارزنینگه‌هێ بهێته گوهۆڕین و وه‌زیرێ په‌رتۆلێ ژى ئه‌و داخواز بجهئینان.
هه‌ژى گۆتینێ یه پارزنینگه‌ها بێجێ مه‌زنترین ده‌زگه‌هێن په‌ترۆلا عیراقێ كو به‌رهه‌مێ وێ دگه‌هیته 300 هه‌زار به‌رمیلێن رۆژانه.
رۆژا جيهانيا مافێن زارۆيان هاته ساخكرن
ئه‌ڤرۆ نيوز:
بێوار ته‌حسين رێڤه‌به‌رێ پشكا چالاكيێن قوتابخانا راگه‌هاند كو ئه‌ڤرۆ ب هه‌لكه‌فتا رۆژا جيهانيا مافين زارۆيان، ئه‌وان چه‌ندين باخچه پێكڤه كۆمكرن و رۆژا جيهانيا زارۆيان ساخكر.
رێڤه‌به‌رێ پشكا چالاكيێن قوتابخانا ل په‌روه‌ردا رۆژهه‌لات بۆ ئه‌ڤرۆ نيوز گۆت: “ئه‌ڤرۆ ل ده‌مژمێر 10ى سپێدى ب هه‌لكه‌فتا رۆژا جيهانيا مافێت زارۆيان ئاهه‌نگه‌كا به‌رفره‌هـ بۆ زارۆيێن باخچان هاته گێران”.
زێده‌تر گۆت: “هه‌ر ئێك ژ باخچێن تيرۆشك، بژاره، هێلين، سازين، باگێرا، مانگێشك هاته گێران و هنده‌ك ژ وان زارۆيێن ئاواران ژى ل گه‌ل بوون”.
دا زانين ژى كو ئه‌ڤ بزاڤه ژ هه‌موويێن سالێن به‌رى نوكه يا جودا بوو چونكو هه‌موو گرێداى ره‌وشا نوكه و پشته‌ڤانيا هێزێن پشمه‌رگه‌ى بوو.
كوردان چ لیژنه‌یێن په‌رله‌مانێ عیراقێ ژ ده‌ست نه‌داینه
ئه‌ڤرۆ نيوز، ناجی به‌ده‌ل:
ل ده‌سپێكا پێكئانینا حوكوه‌تێ و ته‌ڤایا لژنێن په‌رله‌مانی ل گوری سیسته‌مێ هه‌ڤهاتنا هه‌موو لیستان هاتینه پارڤه‌كرن یێن ناڤا په‌رله‌مانێ عیراقێ و ئه‌و نووچێن دبێژن كو كوردان دو لژنه ژ ده‌ستدان ب ئه‌گه‌ری ململانێیا به‌ربژارێن كورد چ راستی بۆ نینه.
به‌نگین شه‌وكه‌ت عابد ئه‌ندامێ په‌رله‌مانێ عیراقێ و ئیك ژ ئه‌وان به‌ربژاران بوو يێن بۆ لژنێن بۆ كوردان هاتینه دانان بۆ ئه‌ڤرۆ نیوز گۆت: “لێكتێنه‌گه‌هشتن درۆست ببوو د دو لیژنان دا، به‌لێ ژ ده‌ست نه‌داینه و دێ هه‌ر بۆ كوردان بن”.
ئه‌ندام په‌رلبه‌مانێ عیراقێ خۆيا كر ژی كو لایه‌نێن دی داخوازا رێكه‌فتنه‌كێ كر، وه‌ك ده‌وله‌تا قانوونێ و گۆت: “به‌لێ مه نه كر، مژوولی كۆمبوونا هه‌ڤپه‌یمانیا كوردی بووین و هه‌تا چووین ئه‌وان د ناڤ خوه دا كه‌سه‌كێ كورد ده‌ستنیشان كر بوو كو ژ لیستا ده‌وه‌له‌تا قانوون بوو ئێك ژ لیژنه‌یێن هاتینه دیاركرن بۆ لایه‌نێ كوردی ب بهانا ئه‌وێ چه‌ندێ كو ئه‌و كه‌سه ژی كورده”.
به‌نگین شه‌وكه‌ت دا زانین لێك تێنه‌گه‌هشتنه‌ك هه‌بوو ل گه‌ل هه‌ڤاله‌كا دی كو خوه بژاركر بوو، بۆ لژنان پاشی پشتی رۆهنكرنێ لایه‌نێن دی بێ كوردان پرانیا ده‌نگان بر ئه‌وا رێكه‌فتن ل سه‌ر كری و بێ ده‌نگ دانه مه و كه‌سه‌كێ ته‌یاری سه‌دری هات ئه‌و مه‌حزه‌ر دراند و گۆت ئه‌ڤه چه‌نده چینابیت ئه‌ڤه یا لایه‌نێ كوردی یه”.
به‌نگين شه‌وكه‌ت گۆتژى: “پشتی چووینه ده‌ڤ جێگرێ ئێكێ یێ سه‌رۆكێ په‌رله‌مانێ عیراقێ هه‌مام حه‌مودی و چاوانیا راستیا ئاریشێ بۆ هاته رۆهنكرن ئه‌وی ژی نه‌رازیبوون ده‌رخستن و دڤێت لایه‌نێ كوردی د ناڤ خوه دا كه‌سه‌كی بۆ ئه‌وێ لژنه‌یێ ده‌ست نیشان بكه‌ن چونكو حوكمه‌ت ب هه‌ڤهاتنێ یه و دێ جاره‌كا دی هه‌لبژارتن هێنه‌كرن، مافی لیستا هه‌ڤپه‌یمانیا كوردستانێ یه دێ ئه‌و ئیكێ ده‌ست نیشان كه‌ت”.
هژماره‌كا زۆرا چالاكيێن قوتابخانه ئه‌ڤ ساله ناهێنه ئه‌نجام دان
ئه‌ڤرۆ نيوز، ناجی به‌ده‌ل:
زیاد عابد رێڤه‌به‌رێ چالاكیێن قوتابخانان ل پارێزگه‌ها دهۆكێ بۆ ئه‌ڤرۆ نیوز دياركر كو ب گۆره‌ی نڤیساره‌كا فه‌رمی ژ لایێ په‌روه‌ردا گشتیا پارێزگه‌ها دهۆكێ ڤه ئه‌و هاتينه ئاگه‌هداكرن كو ژ به‌ر ئه‌و ره‌وشا ل سه‌ر پارێزگه‌هێ دا هاتی بڕیار هاتیه داین پرانیا چالاكیان د ئه‌ڤ ساله دا بهێنه راوه‌ستاندن.
ریڤه‌به‌رێ چالاكیێن قوتابخانان دیاركر ژی كو مه‌ره‌م ژێ مفا وه‌رگرتنه ژ ده‌می ژ به‌ر كو پرۆسا خواندنێ ل ده‌ڤه‌رێ گیرۆ بوویه، راوه‌ستاندنا ئاهه‌نگێن هه‌ڤنیاسینا قوتابیان و سه‌یرانێن قوتابخانا و ئه‌و چالاكیێن د ناڤ قوتابخانان دا ل گشت په‌روه‌ردێن سنوورێ پارێزگه‌ها دهۆكێ هاتينه راوه‌ستاندن كو ئه‌و ژی پێخه‌مه‌ت مفا وه‌رگرتنێ يه ژ ده‌می.
زیاد عابدی ئه‌و چه‌نده ژی ئاشكه‌را كر كو پشكێن چالاكیان ل په‌روه‌ردێن قه‌زایان تنێ دێ پیشانگه‌ها شێوه‌كاری یا سالانه یا سه‌رانسه‌ری ڤه‌كه‌ن و فیستڤالا سالانه یا (9)ێ یا چالاكیێن هۆنه‌ری ئه‌وا ل مه‌ها نیسانێ دهێته كرن یا تیپ و گرۆپێن چالاكیان.
یانا بەرشەلۆنا دێ ھەڤکاریا ئاوارێن کوردستانێ کەت
ئه‌ڤرۆ نيوز، نه‌وزاد زاده هلۆرى:
ئیبراھیم سەمین بەرپرسێ راگەھاندنا دەزگەھێ خێرخوازیێ بارزانيێ نەمر دیارکر کو یانا بەرشەلۆنا يا ئیسپانى ب رێیا دەزگەھێ بارزانیێ نه‌مر رەزامەندی ل سەر ھنارتنا ھەڤکاریێن دارایی بۆ ئاوارەیان دا و بۆ ئەڤرۆ نیوز گۆت: “یانا بەرشەلۆنا يا ئسپانی دێ سوبەھی رۆژا ھەینی رێکەفتی 21\11\2014 ل کەمپا ھەرشەم ل باژێرێ عەنکاوە د کونگرەیەکێ رۆژنامەڤانی دا جور و قەبارێ ھەڤکاریێن خوە یێن دارایی بۆ ئاواران دیار کەت و د ھەمان رۆژ دا دێ وان ھەڤکاریان ل سەر ئاواران دابەشکەتن”.
زێدەتر گۆت: “یانا بەرشەلۆنا يا ئیسپانی ل سەر رەزامەندیا دەزگەھێ بارزانی ئەڤ یەک کریە و دبیت ھەڤکاریێن وان پێدڤیێن خوارن و زڤستانێ و ھندەک ھەڤکاریێن دن بن”.
پێكئینانا سندوقا داهاتێ ب خوه‌نیشانا زه‌لاليێ یه
ئه‌ڤرۆ نيوز، ناجی به‌ده‌ل:
شاره‌زايه‌كێ وارێ ئابوورى دا زانين كو ئێكئينانا سندوقا داهاتێ په‌ترۆلێ ب خوه نيشانا زه‌لاليا وێ يه و هه‌ر وه‌لاته‌كێ په‌ترۆل لێ ده‌ردكه‌ڤيت ئاليه‌ته‌كێ بۆ خوه ددانيت دا بزانيت كا چاوان كار برێڤه دچيت.
د.بێوار خنسی شاره‌زا د بیاڤێ په‌ترۆلێ دا بۆ ئه‌ڤرۆ نیوز گۆت: “ئه‌ڤه پێنگاڤه‌كا بهێزه بۆ ئالیه‌تێ رۆهنی و زه‌لالیا داهاتێ په‌ترۆلێ و خرڤه‌كرن برێڤه‌برنا سه‌ربه‌خوه هه‌بیت ئه‌ڤه باشترین رێيه بۆ داهاتێ كوردستانێ”.
شاره‌زایێ په‌ترۆلێ ئه‌و چه‌نده ژی ئاشكه‌را كر كو ده‌ما ل هه‌ر وه‌لاته‌كی په‌ترۆل هه‌بيت دڤێت ب رێيێن زانستی ده‌ربینیت ئه‌و ژی پیدڤی ب گرێبه‌تسێن په‌ترۆلێ هه‌یه وه‌ك یا هه‌رێمێ ل گه‌ل كومپانیێن بیانی كری دڤێت ئالیه‌تێ خرڤه‌ركنێ ژی هه‌بیت و بزانیت چه‌نده داهات ژێ دهێت و ل پێدڤیین ده‌وله‌تی بهێته خه‌رجكرن.
د .بێوار خنسی ئه‌و ئێكه ژی دازانین كو ئه‌ڤه ده‌ست پێكا پێنگاڤا به‌ره‌ف زه‌لالیا داهاتێ پترۆلێ يه و رێيه‌كه ژ چاوانیا داهاتی ل گوری بنه‌ماكێن ئابووری و دڤێت ب له‌ز بهێته په‌سه‌ندكرن و بكه‌ڤیته د بیاڤێ بجهكرنێ دا دا كو گۆتگۆتكين نه دیاربوونا داهاتی نه‌مینیت و هه‌ر كه‌سه‌ك ب زانیت چ هه‌یه.
نيشاندان
WP Facebook Auto Publish Powered By : XYZScripts.com