گەلەک بکار ئینانا فیس بۆکی دناڤ مال دا دبیتە ئەگەرێ لاواز بوونا پەیوەندێن خێزانێ ھەردو ئەندامێن خێزانێ وەسا ھزردکەن کەسەک یێ دناڤبەرا وان دا ماموستایەک ئاشکەرادکەت: بارا پتریا زەلامان دگەل ژنان دئاخڤن بۆ مەرە مێن خوە ێن تایبەت.
ئەڤرۆ، ھەرھین محەمەد:
خانم زاھیدا مزوری ل نڤیسنگەھا قەرزێن بچوک ل ھەمبەری بابەتی گۆت:زێدە بکارئینانا فیس بۆکی دناڤ مال دا دبیتە ئەگەرێ زێدە بوونا ئاریشان دناڤ خێزانێ دا دبیتە ئەگەرێ لاواز بوونا پەیوەندێن خێزانێ لێ ئەگەر ھەردو لا دبەردەوام بن ل ب کار ئینانا فیس بۆکی دبینم ھەردوئالیی دێ وەسا ھزرکەن ھەڤالەک یێ ھەی دبینم بلا فیس بۆک بھێتە بکارئینان لێ نەگەلەک چونکو فیس بۆکی گەلەک مفاژی ھەنە لێ زێدە نە ھێتە ب کار ئینان بیتە جھێ ئاریشان زاھیدایێ ھێشتاژی گۆت:نەبتنێ ھەڤژین گۆمانێ ژئێک بەلکو گەلەک جاران کور ھەنە گۆمانێ ژ خویشکا خوە دبەت دەمێ دمینتە بتنێ وەسا ھزر دکەت کو خیشکا وی یا دگەل کورەکی دئاخڤیت ھەروەسا کچ ژی وەسا ھزر دکەن دەمێ برایێ وان دمینتە بتنێ گۆمانێ ژی دبەن
ل دور ھەمان بابەت ماموستایەکی نەخواست ناڤێ وی بھێتە دیارکرن گۆت:دەمێ ھەر تشتەکێ نو دھێتە دناڤ جڤاکێ مەدا دەست پێکێ دێ تەماشەکەین کادێ چەوا بکارئینی لێ مخابن گەلەک کەس ھەنە فیس بۆکی بۆ کارێن نەباش بکاردئینن بەلێ بارا پتریا زەلامان دگەل ژنان دئاخڤن بۆ مەرە مێن خوە ێن تایبەت لێ گەلەک ژن ھەنە دەمێ زەلامێ وێ دچیتە سەر فیس بۆکێ دێ گومانێ ژێ بەت دڤێت بزانیت ھەڤژینێ وێ دگەل کێ دئاخڤیت ھەروەسا ھندەک زەلام ژی ھەنە دەمی ژن ب تەلەفونێ دئاخڤیت یان ژی دچیتە سەر فیس بۆکی دێ گۆمانێ ژێ بەت ناڤبری ھیشتا ژی گۆت: گەلەک گەنج ھەنە دەمێ دچیتە سەر فیس بۆکی حەزدکەت بتنێ بیت بەلێ ئەگەر گەلەک ب چیتە سەر فیس بۆکی دێ گەلەک پێ ڤە ھێتە گریدان دێ مالاخوە ھەموو یان ژ بیرکەت .
ل دور ھەمان بابەت سالح مزوری ل رێڤەبەریا کار گۆت:گەلەک کەس ھەنە فیس بوکی ب کار دئینن بۆ ھەڤالێن خوە ل دەرڤەی وەلاتی بۆدەنگ و باسێن ئێک ودو دزانن لێ گەلەک کەس ھەنە فیس بۆکی بۆ کارێن خراب ب کاردئینن لێ ب کا ئینا نا فیس بۆکی بۆ وێ چەندێ دزڤریت کونە رەوشەنبیریەک ل وێ خێزانێ ھەیە لەورا گۆمانێ ژ ئێک و دو دبەن دبیت وێ ژنێ سەربور گولێ ببن لەوا گۆمانێ ژ زەلامێ خوە بەت سالحی ھێشتاژی گۆت: ئەگەر بەردەوام زەلامی یان ژی ژنێ فیس بۆک بکار ئینا دێ بەردەوام گۆمانێ ژ ئێک و دوبەن دبیت پەیوەندێن وان لاوازبن گەلەک جاران وێنە ھاتە سەر فیس بۆکی ژن وەسا ھزرکەت کو ڤێ ژنێ وینێ خوە بۆ ھەڤژینێ وێ ھنارتیە .
ڤەکولەرێ جڤاکی سەعدۆلا محەمەد ئەحمەد ل ھەمبەری بابەتی گۆت: ڤەکرنا فیس بۆکی بەردەوام دمال دا دبیتە ئەگەرێ ھندێ کو زەلام مژوول بیت ونە دەرکەڤیت دگەل خێزانا خوەلێ ئەگەر زەلام گەلەک بمینتە ل سەر فیس بۆکی دبیتە ئەگەر کۆ ژن گومانێ ژ زەلامێ خوە ببەت وبەردەوام چاڤدیریا وی بکەت مالا خوە پشت گۆە ڤە پاڤیت، ب تایبەتی دەمێ ژن ژی دچیتە سەر فیس بۆکی دو دلێ ل دەڤ زەلامی پەیدادبیت ودڤێت بزانیت ل سەر فیس بۆکی چ دکەت ب ڤێ چەندێ دی گەلەک ھزرێن خەلەت خوە ل سەرێ وی دەن ئەڤ چەندە ھەموو دبیتە ئەگەرێ ھندێ دل مان دناڤبەرا ژن و زەلامی دا پەیدا بیت سەعدۆلای ھێشتاژی گۆت: گەلەک جاران ب کار ئینا نا فیس بۆکی دبیتە ئەگەرێ ھندێ ئاریشە ناڤبەرا ژن و زەلامی دا مەزن بوویە ژنێ مالا بابێ خوە ھەموو ئاگادارکرینە ب ڤێ چەندێ کو زەلامێ وی پەیوەندێ ێن دگەل کەسەکا دی ھەین برێکا فیس بۆکی ب ڤێ گۆمانا نە دروست پەیوەندێن خێزانێ لاواز دبیت دبیت ئەڤ ژنە ل بەرچاڤێ زەلامێ خوە کێم بیت گەلەک ب کار ئینانا فیس بۆکی دمال دا کارەکێ باش نینە .
نيشاندان