ئەڤرۆ نیوز:
سیاسه‌تمه‌داره‌كى كوردێ ئێزیدى بۆ جارا دویێ شیا ده‌نگێن پێدڤى د هه‌لبژارتنێن گشتی یێن گۆرجستانێ ب ده‌ست خوه‌ڤه‌بینیت و ببیته ئه‌ندام په‌رله‌مانێ وى وه‌لاتى.
هه‌لبژارتنێن په‌رله‌مانێ گۆرجستانێدوهى رۆژا شه‌مبى هاتنه كرن و ئیكسو داسنی سیاسه‌تمه‌داره‌كێ كوردێ ئێزیدیه ل سه‌ر لیستا پارتییا هیوا، شیایه بۆ جارا دویێ ل سه‌ر ئێك ده‌نگێن پێدڤى ب ده‌ستڤه بینیت و ببیته ئه‌ندام په‌رله‌مانێ وى وه‌لاتى.
ل گۆره‌ى ئه‌نجامێن ده‌سپێكى یێن كومسیۆنا بلندا هه‌لبژارتنان ل گۆرجستانێ،جاره‌كادى پارتیا ده‌ستهه‌لاتدار و پارتیا هیوا پتریا ده‌نگان ب ده‌ست خوڤه ئینایینه و پتریا كورسیان ل په‌رله‌مانى دابینكرینه،ژ به‌ر وان ئه‌نجامان ژى چاڤه‌رێ یه كابینا حكومه‌تێ ل وى ولاتى زوى بهێته پێكئینان.
ئیكسو داسنى،سیاسه‌تمه‌داره‌كى كوردێ ئێزدیه ل وه‌لاتێ گۆرجستانێ، بۆ جارا ئێكێ ل رۆژا هه‌شتى چریا ئێكێ ل سالا 2016 ل سه‌ر لیستا پارتیا هیوا،شیا سه‌ركه‌فتنێ ب ده‌ست خوه‌ڤه‌بینیت و ببیته ئه‌ندام په‌رله‌مان.
ئیسكو داسنى ل سالا 1958 ل باژێرێ تبلیسى یێ پایته‌ختێ گۆرجستانێ ژ دایكبوویه، ل سالا 1985كولیژا قانوونێ ل زانكۆیا تبلیسى ته‌مام كریه، ژ سالا هزار و نه‌هسه‌د و نۆت و سێیێ تا دوهزار و یازدێ ل 11داواكاریا گشتى ل گۆرجستانێ كاركرییه، پاشان ل سالا دوهزار و چاردێ ژى بوویه كونسۆلێ فه‌خرى كۆمارى ل وه‌لاتێ مالدۆف.
نيشاندان
