ئەڤرۆ نیوز:
ئەڤرۆ ئەینیێ كۆمپانیا فڕۆكەڤانی یا توركیش ئەیرلاینز یا توركی ڕاگرتنا گەشتێن خوە بۆ عێراقێ و هەرێما كوردستانێ درێژ كریە و هەتا ڕۆژا 28 ڤێ هەیڤێ چ گەشتان ئەنجام نادەت، ب ئەگەرێ بەلاوبوونا ڤایرۆسێ كۆرۆنا.
پێشتر ڤێ كۆمپانیا فڕۆكەڤانی بڕیار دابوو هەتا رۆژا 16 ڤێ هەیڤێ گەشتێن خوە بۆ عێراق و هەرێما كوردستانێ راگرتبوون.
ئەڤرۆ نیوز، زنار تۆڤی:
ئەڤرۆ ئەینیێ ل سنورێ ناحیا سەرسنکێ ژ ئەگەرێ روودانەکا هاتنوچوونێ سێ کەس برینداربوون.
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ بۆ ئەڤرۆ نیوز دیار کر: ئەڤرۆ ئەینیێ ٦ ئادارا ٢٠٢٠ لسەر رێیا گشتی یا د ناڤبەرا سیارەتیکا بۆ سەرسنگێ، روودانەکا هاتنوچوونێ روودا یە و د ئەنجامدا سێ کەس بریندار بووینە.
ناڤهاتی گۆت ژی ژى، ئەڤ روودانە ژ جورێ لێکدان بوویە، هەرسێ بریندار بۆ نەخۆشخانا تەنگاڤیا ل سەرسنکێ هاتینە رەوانەکرن، هەروەسا زیانێن مادی یێن مەزن ب هەردو ترۆمبێلان کەفتینە، هەروەسا پۆلیسێن هاتنوچوونێ یێن ئامێدیێ گەهشتنە جهێ روودانێ و لاپەرێن ڤەکولینێ بۆ وێ روودانێ ڤەکرینە.
ئه‌ڤرۆ نیوز:
وه‌ك خۆ پاراستن ژ ڤایرۆسێ كورونا ب ئه‌گه‌رێ مه‌ترسیێن به‌لاڤبوونێ پێشانگه‌ها پازدێ یا په‌رتوكان ل هه‌ولێرێ بۆ ده‌مه‌كێ نه‌دیار هاته پاش خستن.
د راگه‌هاندنه‌كێ دا كارگێریا پێشانگه‌ها نێڤ ده‌وله‌تی به‌لاڤكر كۆ وه‌ك بجهكرنا رێكارێن خۆ پاراستنێ بۆ رێگرتن ژ به‌لاڤبوونا ڤایرۆسێ كورونا، ل كه‌ڤانێ دیتنا مه بۆ رژد بوون ل سه‌ر ساخله‌می و سلامه‌تیا میڤانان و ئه‌و كه‌سێن سه‌ره‌دانێ دكه‌ن، كارمه‌ندێن پێشانگه‌هێ، كارگێریا پێشانگه‌هێ بریار دا خولا پازدێ یا پێشانگه‌ها په‌رتوكان یا نێڤ ده‌وله‌تی بۆ ده‌مه‌كی نه‌دیار هاته پاش خستن.
كارگێریا پێشانگه‌ها نێڤ ده‌وله‌تی یا په‌رتوكان سوزدا دڤێ خولا پێشانگه‌هێ دا ل ده‌مه‌كێ دی و پاشه‌رۆژه‌كا نێزیك ئه‌نجام ده‌ن.
ئەڤرۆ نیوز:
ئەڤرۆ پێنجشەمبی حوکمەتا عیراقێ بڕیار دا دەمێ كاركرنا فەرمانگەهێن فەرمی ب رێژا 50% كێم بكەت، ئەڤە ژی وەك ڕێکارەکا نوویە بۆ خوە پاراستنێ ژ ڤایرۆسێ كۆرۆنا.
بڕیارا حوکمەتا عیراقێ هەردو دەزگەهێن ئاسایشێ و ساخلەمیێ ڤەناگریت، لێ سەرجەم دەزگەهێن دیتر ب دێ دەمێ دەواما وان ب نیڤی بیت.
هەروەسا حوکمەتێ بریار دایە گۆژمێ 500 هزار دیناران هەیڤانە وەكو پاداشت دەتە وان فەرمانبەرێن راستەوخۆ مامەلێ ل گەل روو ب رووبوونا ڤایرۆسێ كۆرۆنا یێ دكەن.
ئەڤرۆ نیوز:
سەرۆک کۆمارێ تورکیا و سەرۆکێ رووسیا ل سەر ئاگربەستێ ل ئدلبێ رێککەفتن و ل دەمژمێر ١٢ ئەڤ شەڤە ئەو رێککەفتن دێ کەڤیتە د وارێ جێبەجێ کرنێ دا.
پشتی کۆمبوونا شاندێ بلند یێ تورکیا و رووسیا ل کۆچکا کرملین ل رووسیا، د کۆنگرەکێ هەڤبەش یێ رۆژنامەڤانیێ دا، ڤلادیمێر پۆتین سەرۆکێ رووسیا راگەهاند، رەوشا نوکە یا ئدلبێ پێدڤی ب کۆمبوونەکا ب ڤی رەنگی هەیە و گۆت ژی، پێدڤیە ئەڤ ڕەوشا نوکە بهێتە دەربازکرن و نەهێتە دوبارەکرن، و لگۆرەی وێ رێککەفتنێ دێ ئاگربەست هێتە راگەهاندن و رێکێن ئارام دێ ل ئدلبێ هێنە دروستکرن.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز گۆت: د روودانەکا ترافیکێ دا وەلاتیەک بریندار بوو.
ناڤهاتی زێدەتر دیار کر: ئەڤرۆ پێنجشەمبی 2020/3/5 ل دەمژمێر (7:30) شەف ل سەر جادا سـەرەکی یا بێزهێ و بێتاسێ ل نێزیک گوندێ ئەرمشتێ ترۆمبێلەکا کرێ تەکسی تۆیۆتا کۆرۆلا ل ژێر کونترۆلا شوفێری دەرکەفتیە و وەرگەریا یە، د ئەنجامدا کـەسەک بریندار بوویە و زیانێن مـادی یێن مـەزن ب ترۆمبێلێ کەفتینە.
ئەڤرۆ نیوز:
ئەڤرۆ وەزارەتا ساخلەمیا عیراقێ سێ حالەتێن نوو یێن توشبوون ب کۆرۆنا یێ ڕاگەهاندن، کو دو ژوان ل کەرکوکێ نە و ئێکی دیتر ژی ل پارێزگەها واست بوویە.
سەیف بەدر، پەیڤدارێ وەزارەتا ساخلەمیا عیراقێ د پرێس کۆنفرانسەکێ دا راگەهاند، تیمێن ساخلەمیێ ب هووری چاڤدێریا وان توشبوویان دکەن یێن کو ئەڤرۆ هاتینە تۆمار کرن و هەموو بۆ جهێن دیارکری هاتینە رەوانەکرن.
ئەڤرۆ نیوز، رەزوان رۆژبەیانی:
سترانبێژێ باکورێ کوردستانێ سەرتاچ دلدا نووترین کلیپا خوە ب ناڤێ دلۆ بەلافکر.
د داخۆیانیەکێ دا سترانبیژێ گەنج سەرتاچ دلدا ل دۆر کلیپا خوە بناڤێ دلۆ بۆ ئەڤرۆ نیوز خویاکر، ئەڤ کلیپە کۆکتێلە و ژ پێنج سترانێین فلکلۆری پێک دهێت تنێ سترانبێژەک کوسترانێ راپێ دبێژیت ب ئێک ستران ل گەل من پشکدارە د کلیپێ دا ،گۆت ژی ژلایێ دەرهێنەر سەعید جەی ل باژاری ئەستەمبۆلێ و باژارێ ئاگری کارێ وێنە گرتن بۆ هاتیە کرن.
ئاشکراژی کرهەتا نوکە چوو سی دی تۆمار نەکرینە، تنێ ئەو سترانێن تەک تەک تۆمار و کلیپ دکەت و ئەف کلیپە دبیتەکلیپا هەشتێ کو دهێتە بەلاڤ کرن گوت نوکە حەفت سترانێن من ئامادەنە بۆ کلیپ کرنێ بەلێ هەموو پێکڤە ئەزکلیپ ناکەم من ل بەرە کو هەر هەیڤ ئێک ژێ کلیپ بکەم و بەلاڤ بکەم
نيشاندان