ژ كه‌ڤندا هاتیه گۆتن (هێز د ئێكرێزیێ دایه) راسته چه‌ند پیته‌كێن رسته‌كا ساده پێكئینایه، لێ د ناڤه‌رۆكێ دا رامان و وانه‌یێن مه‌زن تێدانه و روودانێن مێژوویی دوپاتكرینه ئێكرێزیێ چه‌ند گرنگیا خوه هه‌یه د ژیانێ دا چ ل ئاستێ تاكه كه‌سی بیت یان خێزانێ یان گوند و ده‌وله‌تێ و د هه‌می واران دا (سیاسی ـ ئابووری ـ له‌شكری ـ ئێمناهی) له‌ورا كۆمه‌لگێن مرۆڤاتیێ سه‌ره‌رای جوداهیا سیسته‌مێ سیاسی و ئاستێ ره‌وشه‌نبیری و ئابووری گرنگی دایه ئێكرێزیا نشتیمانی ژبه‌ر باوه‌ریا وان كو جڤاك ئارام و پێشكه‌فتی نابیت ل به‌ر سیبه‌را دوبه‌ره‌كیێ و جوداهیێ و ئێكرێزی بنیاتێ وه‌رار و پێشڤه‌چوونێ یه و ئه‌زمونێن جیهانێ سه‌لماندیه هه‌ر گه‌فه‌كا ل سه‌ر ئێكرێزیا نشتیمانی ئێمناهیا ئه‌وی وه‌لاتی د ئێخیته د مه‌ترسیێ دا و خۆراگریا وی لاواز دبیت و د ئه‌نجام دا ئێكرێزی گرنگترین شه‌نگه‌سته بۆ ئاڤاكرنا هه‌ر قه‌واره‌كێ سیاسی و پێدڤیه‌كا زێندی یه و ئێكرێزی ب رامان خورتكرنا په‌یوه‌ندیانه د ناڤبه‌را پێكهاتیێ جڤاكی ل سه‌ر بنیاتێ ڤیانا وه‌لاتی و پێكڤه‌ژیانێ زێده‌باری گرێدانا قانوونێ و چه‌ندین رێیێن (جڤاكی ـ ره‌وشه‌نبیری ـ ئابووری ـ مێژوویی) هه‌نه بۆ ب ده‌ستڤه‌ئینانا ئێكرێزیا نشتیمانی و وه‌راركرنا هه‌ستا نه‌ته‌وه‌ی. ب ئه‌ڤێ چه‌ندێ دیار دبیت ئێكرێزی پێدڤیه‌كا سه‌رده‌مانه‌یه و گرنگه و ل به‌رسیبه‌را وێ سه‌نگا هه‌ر جڤاكه‌كی و پێشكه‌فتنا وی دهێته هه‌لسه‌نگاندن ژ به‌ركو پێكڤه‌ژیان و ئازادیا ده‌ربرینێ و دابه‌شكرنا دادپه‌روه‌رانه ۆ داهاتی و ده‌لیڤه‌یێن كاری بۆ بنیاتن. ئێمناهی داخوازیه‌كا مرۆڤاتیه و ئارمانجا ژیانێ یه و هه‌ستكرن ب ئارامیێ و نه‌مانا ترسێ یه و مه‌رجێ ئێك و یێ سه‌ره‌كی یه بۆ ژیانا مرۆڤی و ب هه‌بوونا وێ جڤاك دێ هه‌بیت و پێشكه‌ڤیت و خۆراگربیت به‌رامبه‌ر مه‌ترسیێن ناڤخوه و ده‌رڤه.
دیاره جیهان د روودانێن ب له‌ز و مه‌ترسی دا دبۆریت پشتی ژێده‌رێن مه‌ترسیێ ب ژماره و جۆر به‌ر ب زێده‌بوونێ دا و ئاستێ مه‌ترسیا ئه‌وان هاتیه گوهۆرین، ئه‌ڤجا پێدڤیه ل سه‌ر حوكمه‌تان كاربكه‌ن بۆ ب هێزكرنا به‌ره‌یێ ناڤخوه ب ئاسته‌كی، د شیان دا بیت به‌رامبه‌ر گه‌ف و هه‌ڤركیێن دژی ئێمناهیا ئه‌وی وه‌لاتی دهێنه دارشتن براوه‌ستین.
گه‌لێ كورد و ژ ئه‌نجامێ وان قووناغ و بارودۆخێن هاتینه پێش ل كوردستانێ ل سالێن بۆری و كوردستان هاتیه دابه‌شكرن بۆ چه‌ند پارچان ب بریارا ده‌وله‌تێن زلهێز ل دووڤ به‌رژه‌وه‌ندیێن خوه و ژ به‌ر جهێ جوگرافیێ كوردستانێ و هه‌بوونا سامانێن سروشتی و تایبه‌ت گازێ، كوردستان بوویه ئارمانج بۆ هه‌می وه‌لاتان و ژ به‌ر ئه‌ڤێ چه‌ندێ گه‌لێ كورد ژ هه‌میان پتر بهایێ ئێكرێزیێ دزانیت ژ به‌ر تالیا دو به‌ره‌كیێ و جوداهیێ، بۆ به‌رسینگرتنا گه‌فێن ناڤخوه و ده‌رڤه و ئه‌و پیلانێن دهێنه دارشتن بۆ نه‌هێلانا ڤی ملله‌تی و شادبوون ب مافێن خوه تایبه‌ت كو هه‌رێما كوردستانێ ب ئارامترین ده‌ڤه‌ر ل رۆژهه‌لاتا ناڤه‌راست دهێته نیاسین زێده‌باری گه‌فێن گرۆپێن تیرۆری، به‌لێ ئه‌ڤ چه‌نده خه‌ونه و د ڤێ قووناغێ دا ژێده‌رێن گه‌ف و مه‌ترسیێ ل سه‌ر ئاسایشا هه‌رێمێ زێده‌بووینه ژ ده‌مێن بووری تایبه‌ت پشتی هه‌رێما كوردستانێ ب حوكمه‌ت و گه‌لێ خوه‌ڤه ل جهێ هه‌می جیهانا دیموكراتخواز شه‌ڕێ تیرۆرێ كری ب زه‌ندێن پێشمه‌رگه‌ی و پشته‌ڤانیا هه‌می خه‌لكێ كوردستانێ، ئه‌ڤجا ژ بۆ پاراستنا ئاسایشا هه‌رێما كوردستانێ هه‌می چین و ته‌خ و ده‌زگه‌هێن حوكومی و نه حوكومی و پارتێن سیاسی پێدڤیه ئێكرێز بن ل به‌ر سیبه‌را په‌رله‌مان و سه‌رۆكاتیا هه‌رێما كوردستانێ بۆ پاراستنا گیان و سامانێ خه‌لكی و به‌رژه‌وه‌ندیا گشتی و ده‌ست به‌رده‌ن ژ هه‌می ئارمانجێن پارتاتی یێن به‌رته‌نگ و كه‌سۆكی ژبه‌ركو ئێكرێزیا نشتیمانی ئه‌ڤرۆ بوویه داخوازیه‌كا پێویست بۆ پاراستنا ئه‌زمۆنا كوردستانێ و ئه‌ڤه رێكا ئێكانه و گرنگه و هه‌ر ده‌رزه‌ك یان ئالوزیه‌ك د ڤێ ئێكرێزیێ دا دێ كارتێكرنێن خراب ل سه‌ر هه‌رێمێ هه‌بن ب گشتی و تایبه‌ت بارێ ئێمناهیێ و دوژمن دێ سودمه‌ندبیت، به‌لێ ل رابردوو هاتیه چه‌سپاندن كو ئێكرێزی ئارمانجا خه‌لكێ هه‌رێما كوردستانێ یه ب هه‌می ته‌خ و چین و ئاین و ده‌زگه‌ه ڤه و هه‌می شیان مه‌زاختینه بۆ پاراستنا ئیمناهیا هه‌رێمێ ژبه‌ركو ل ئه‌وێ باوه‌رێی نه كو ئاسایشا هه‌رێمێ بوویه ئارمانجا سه‌ره‌كی بۆ گرۆپێن تیرۆری و هێزێن ل پشت ئه‌وان.
ئه‌ڤ ئێكرێزیه به‌رپرساتیا سیسته‌مێ سیاسی یه ل هه‌رێمێ ب پشكداریا هه‌می خه‌لكێ هه‌رێما كوردستانێ، ب كورتی دیار دبیت كو پاراستنا ئێمناهیا هه‌رێمێ گرێدایه ب هێزا ئێكرێزیا نشتیمانی ڤه و هه‌ستكرنا خه‌لكی ب وه‌لاتیبوونێ بێ جوداهیا سیاسی و ئابووری و جڤاكی كو رۆله‌كێ مه‌زن هه‌یه بۆ ب هێزكرنا ڤی وه‌لاتی و ئه‌ڤ ئێكرێزیه هۆكاره‌كێ سه‌ره‌كی یه هه‌رێما كوردستانێ ببیته چرایه‌ك رێكا دیمۆكراتی و ئازادیێ رۆهن بكه‌ن ل رۆژهه‌لاتا ناڤه‌راست.
د ئه‌نجام دا هاتیه خۆیاكرن كو په‌یوه‌ندیه‌كا ب هێز هه‌یه د ناڤبه‌را ئێكرێزیا نشتیمانی و دابینكرنا ئێمناهیێ و ئه‌ڤ په‌یوه‌ندیه (گردیه) ئانكو چه‌ند ئێكرێزیا نشتیمانی یا ب هێز بیت بارێ ئێمناهیێ دێ یێ ئارام بیت و گیان و سامانێ خه‌لكێ دێ یێ پاراستی بیت و به‌روڤاژی یا دروسته.
ئه‌ڤ ئێمناهیا ل هه‌رێمێ ئه‌نجامێ ئێكرێزیا خه‌لكێ ئه‌ڤێ هه‌رێمێ یه ب گشتی و هیڤیدارین به‌رده‌وام بیت و پێشكه‌ڤیت.
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
دايكا سێ شه‌هيدان چ ژ حوكمه‌تێ داخواز كر؟
ئه‌ڤرۆ نيوز:
ل ده‌مێ ئازادكرنا باژێرێ زۆمار ژ ده‌ستێ تيرۆرستێن داعش، سێ برايێن ئێك ل سه‌نگه‌رێ شه‌رى گيانێ خوه ژ ده‌ست دا و دايكا وان ژى پشتى ژ ده‌ست دانا هه‌رسێ كوڕێن خوه داخوازيه‌ك ژ هه‌رێمێ كر.
رۆژناما پيرس به‌لاڤكريه كو ئه‌ڤێ دايكا خه‌لكا سيده‌كان ل دۆر شه‌هيد بوونا كوڕێن خوه گۆت: “سێ كوڕێن من ل سه‌نگه‌رى شه‌هيد بوون، كوڕه‌كێ من ژى ژ ئه‌گه‌رێ كێشه‌كا جڤاكى د زيندانێ ڤه‌يه”.
زێده‌تر گۆت: “هيڤى ژ لايه‌نێن شۆله‌ژێ دكه‌م كو خێزانا مه و يا مه خويندارى ل گه‌ل هه‌يى، پێك بينن و كوڕێ من ژى ئازاد كه‌ن”.
رۆژناما پيرس ئاشكه‌را ژى كريه كو ل سه‌ر داخوازا ڤێ ژنێ سيداد بارزانى ئه‌ڤ هه‌ردو خێزانه پێك ئينانه و پشتى ئازاكرنێ ژ لايێ وێ خێزانێ ڤه كوڕێ وێ هاتيه ئازاد كرن.
ژ ئه‌گه‌رێ كێشه‌كا خێزانى برايێ ڤان سێ شه‌هيدان كه‌سه‌ك كوشت بوو و ئه‌و ژى هاتبوو ده‌سته‌سه‌ركرن.
ئه‌ڤرۆ نيوز ل ناڤ ئاوارێن سه‌رێ چياێ شنگالێ
ئه‌ڤرۆ نيوز:
د فۆتۆستوريه‌كێ دا، وێنه‌گرێ چالاك، سه‌ربه‌ست باجلۆرى، جێگرێ سه‌رۆكێ كۆمه‌لا وێنه‌گرێن كوردستانێ لقا دهۆك ل سه‌ر چيايێ شنگالێ د چه‌ند وێنان دا، ژين و ژيارا خه‌لكێ ئاواره ل سه‌ر چيايێ شنگالێ به‌رچاڤ كريه.
وێنه‌گرێ كه‌نالێ كورد سات د ڤێ فۆتۆستوريێ دا پتر گرنگى دايه ژيانا زارۆيى ل سه‌ر چيايێ شنگال، به‌لێ ل گه‌ل هندێ ژى ديمه‌نێن ب هيڤى بوونێ ل سه‌ر دێمێ وان دهێنه ديتن.
سه‌ره‌رايى ديمه‌نێن زارۆيان ژى، جێگرێ كۆمه‌لا وێنه‌گرێن كوردستانێ لقا دهۆك ديمه‌نێ هه‌بوونا شه‌رڤانان ژى ل سه‌ر چيايى دايه زانين كو د ناڤ وان دانن زێده‌بارى ژيارا دايكان ل سه‌رێ چيايێ شنگالێ.
ئه‌ز نزانم…
ئه‌ڤرۆ نيوز:
ديداره‌كێ دا، رۆژنامه‌ڤانێ چه‌له‌نگ خه‌ليل كه‌مال، بۆ كه‌نالێ DUHOK TV چه‌ند پرسياران ژ ئێك ژ وه‌لاتيێن ئێزدى ل پارێزگه‌ها دهۆك دكه‌ت و ئه‌و ژى به‌رسڤا پرسيارێن وى دده‌ت.
هه‌ر چه‌نده هنده‌ك كه‌سان وه‌سان ڤه‌گوهاستيه كو خه‌ليل كه‌مال وه‌كو سڤكاتيپێكرن ئه‌ڤ ديداره كريه، به‌لێ د رۆهنكرنه‌كێ دا، ئاماژه ب وێ چه‌ندێ دكه‌ت كو ئه‌وى وه‌كو كاره‌كێ رۆژنامه‌ڤانى ئه‌ڤ ديداره كريه و ده‌ستوورى ژى ژێ وه‌رگرتيه و پاشان ئه‌و ديداره كريه.
بۆچى هه‌لكه‌وت زاهر و لۆكا ژێكڤه‌بوون؟
ئەڤرۆ نیوز:
ماڵپەرێ گەل پرێس بەلاڤکریە کو ھەلکەوت زاھر د بەرنامەیەکێ رادیۆیا میلودی دا راگەھاندیە کو یێ پەشیمانە ل وێ بڕیارا دای کو د گەل ھونەرمەندا سترانبێژ لۆکا ژیانا ھەڤژینیێ پێک بینیت.
ھەروەسا وی ماڵپەری راگەھاندیە کو ھەلکەوت زاھیر داخواز ژ لۆکایێ کریە کارێ ھۆنەری بھێلیت و تەنێ وەکو ئافرەتەکا ئاسایی ژیانێ ببەتە سەر ، لێ خانما سترانبێژ لۆکا ئەو داخوازی رەتکریە، ئەڤە ژی بوویە ئەگەرێ شەرەدەڤەکێ د ناڤەبەرا ڤان ھەردو ھونەرمەندان دا و جودا بوون ل سەر ڤێ داخوازیێ پەیدا بوویە.
بەری نھا د بەرنامەیەکێ دا ھەلکەوت زاھر ئاشکرا کربوو کو لۆکا خۆشتڤیترین کەسە د ژیانا وی دا و دێ ل گەل وێ ژیانا ھەڤژینیێ پێک ئینیت. ئەڤان ھەردوو ھونەرمەندان دەمەکێ زورە کارێن ھونەری پێکڤە کرینە.
به‌رهه‌ڤكرن: ئومێد وەلاتی
سه‌رۆكاتيا په‌رله‌مانى و سه‌رۆكێن فراكسيۆنان دێ كۆم بن
ئه‌ڤرۆ نيوز، نيوار:
ئاخفتنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو بڕياره رۆژا سێشه‌مبى سه‌رۆكاتيا په‌رله‌مانى ل گه‌ل سه‌رۆكێن فراكسيۆنێن ناڤا په‌رله‌مانێ كوردستانێ كۆم ببن.
محه‌مه‌د عه‌لى ياسين، ئاخفتنكه‌رێ ب ناڤێ فراكسيۆنا پارتى ديموكراتى كوردستان ل په‌رله‌مانێ كوردستانێ، بۆ ئه‌ڤرۆ نيوز گۆت: “بڕياره رۆژا سێشه‌مبى سه‌رۆكاتيا په‌رله‌مانێ كوردستانێ و سه‌رۆكێن فراكسيۆنێن ناڤا په‌رله‌مانێ كوردستانێ روونشتنه‌كا راوێژكارى ل دۆر دستوورێ هه‌رێما كوردستانێ ئه‌نجام بده‌ن”.
زێده‌تر گۆت: “ئه‌ڤ روونشتنه دێ يا گرێدايى بيت ب سه‌رۆكێن فراكسيۆنان و سه‌رۆكاتيا په‌رله‌مانى ڤه و دێ يا راوێژكارى بيت ژ بوو دانانا ميزانيزمه‌كێ ژ بوو راستڤه‌كرنا دستوورێ هه‌رێما كوردستانێ”.
ئه‌ڤرۆ نيوز پێزانينێن نوو ل سه‌ر دامه‌زراندنا مامۆستايێن گرێبه‌ست به‌لاڤ دكه‌ت
ئه‌ڤرۆ نيوز، نيوار محه‌مه‌د سه‌ليم:
ئاخفتنكه‌رێ ب ناڤێ وه‌زاره‌تا په‌روه‌ردێ ل حوكمه‌تا هه‌رێما كوردستانێ راگه‌هاند كو ئه‌و فۆرمێن دێ هێنه به‌لاڤكرن ژ خه‌لكێ پارێزگه‌هان ناگريت و ب تنێ دێ بۆ يێن ژ ده‌رڤه‌ى پارێزگه‌هان بيت و ل ڤێ حه‌فتيێ ژى دێ فورم هێنه به‌لاڤكرن.
فاتح مه‌وله‌وى زاده، ئاخفتنكه‌رێ ب ناڤێ وه‌زاره‌تا په‌روه‌ردێ ل حوكمه‌تا هه‌رێما كوردستانێ، بۆ ئه‌ڤرۆ نيوز دياركر كو لژنه‌كا بلند ل سه‌ر بابه‌تێ فورمێن گرێبه‌ستێن مامۆستايان هاتيه پێكئينان و گه‌له‌ك ژ كارێن خوه ئه‌نجام داينه و هه‌تا راده‌كێ باش كارێ وان ب دووماهى هاتيه”.
فاتح مه‌وله‌وى گۆت: “پشت به‌ستن دێ ل سه‌ر سنورێ په‌روه‌ردان هێته كرن و ل گۆره‌ى بسپۆريێ ئه‌و كه‌سه هێنه دامه‌زراندن”. زێده‌تر گۆت: “ل ناڤ پارێزگه‌هان چو كه‌س ناهێنه دامه‌زراندن”.
ل دۆر ئه‌گه‌رێ دانه‌مه‌زراندنا چو كه‌سان ل پارێزگه‌هان گۆت: “قه‌ره‌بالغه‌كا مه‌زن يا ل سه‌ر ميلاكێ پارێزگه‌هان هه‌ى، ب ڤێ چه‌ندێ دێ شێين مامۆستايێن خزمه‌تا وان ژ چار سالان بۆرى و نه‌هاتينه ڤه‌گوهاستن بۆ ناڤ باژێرى ڤه‌گوهێزين”.
دا زانين ژى كو هه‌موو ئه‌و كه‌سێن دێ هێنه دامه‌زراندن ئه‌ون يێن ل ژ ده‌رڤه‌ى پارێزگه‌هان و كه‌س ل ناڤ پارێزگه‌هێ ناهێته دامه‌زراندن، ب تنێ دێ يێن گۆند و قه‌زا و ناحى و كۆمه‌لگه‌هان بن.
ل دۆر ده‌مێ به‌لاڤكرنا فورمان ژى گۆت: “بڕياره د ڤێ حه‌فتيێ دا، فۆرمه بهێنه به‌لاڤكرن و بۆ ڤێ مه‌ره‌مێ ژى لژنا بلند يا هاتيه دامه‌زراندن و كارێن خوه دكه‌ت، رۆژ هێشتا نه‌هاتيه دياركرن”.
گۆتژى: “هه‌ر په‌روه‌رده‌ك دێ ل سنورێ خوه فورمان به‌لاڤ كه‌ت و پێدڤيه د ماوێ 10 رۆژان دا ب به‌رده‌وامى ئه‌و فورمه بهێته به‌لاڤكرن”.
ده‌رباره‌ى پێدڤيا وان ب فورمان ئاخفتنكه‌رێ ب ناڤێ وه‌زاره‌تا په‌روه‌ردێ ل حوكمه‌تا هه‌رێمێ گۆت: “مه پێدڤى ب چار هزار مامۆستايان هه‌يه و هه‌كه 20 هزار كه‌س ژى فورمان داگرن دێ ب رێيا هه‌ڤركيێ بيت ل سه‌ر ئاستێ خالان كو هه‌ر پێدڤيه‌كێ هنده‌ك خال بۆ هاتينه دانان و دێ ب رێيا كۆمپيۆته‌رى هێنه هه‌لبژارتن”.
هاتيه نووكرن: سالح موتله‌گ گه‌هشته دهۆكێ
ئه‌ڤرۆ نيوز، ناجى به‌ده‌ل:
جێگرێ سه‌رۆك وه‌زيران سالح موتله‌گ گه‌هشته دهۆك و بڕياره ل هه‌ر ئێك ژ باژێرێن دهۆكێ و زاخۆ ل گه‌ل پارێزگارێ دهۆكێ ل سه‌ر كه‌مپان بگه‌ريێن ژ بوو زانينا ئاريشێن وان.
هه‌ر ئه‌ڤرۆ بڕياره جێگرێ سه‌رۆك وه‌زيران سالح موتله‌گ يێ تايبه‌ت ب كاروبارێن ئاواران هاتيه راسپاردن، هنده‌ك پێدڤيێن زڤستانێ ب سه‌ر ئاواران دا به‌لاڤ كه‌ت.
پشتى ژ سه‌ره‌دانا كه‌مپان ژى ب دووماهى دهێت دێ كۆنگره‌كێ رۆژنامه‌ڤانى ل زاخۆ گێريت و تێدا ئه‌گه‌رێ هاتنێ و كۆژمێ هاريكاريێ بۆ ده‌زگه‌هێن راگه‌هاندنێ دياركه‌ت.
ڤيديۆ: به‌رى شه‌هيد بيت فاخر به‌روارى ئه‌ڤ هيڤيه هه‌بوو
دووماهى ئامارا قوربانيێن ئيبۆلايێ
ئه‌ڤرۆ نيوز:
ب گۆره‌ى دووماهى راپۆرتا رێكخراوا نێڤده‌وله‌تيا ساخله‌ميا جيهانى پێنج هزار و 177 كه‌س ژ هه‌شت وه‌لاتان گيانێ خوه ژ ده‌ست دايه ژ سه‌رجه‌مێ 14 هزار و 413 كه‌سان.
ئه‌ڤ نه‌خۆشه ل كينيا ل 2013 ده‌ركه‌فت بوو و ژ هنگى وه‌ره ل ڤى وه‌لاتى 1166 كه‌س مرينه ژ سه‌رجه‌مێ 1919 كه‌سان.
ل ليبريا ژى 2812 كه‌س ژ سه‌رجه‌مێ 6878 تووشبوويان، ل سيراليۆن ژى 1187 كه‌س ژ سه‌رجه‌مێ 5586 تووشبوويان مرينه و ل مالى ژى ژ چار حاله‌تان سێ مرينه.
ل نێچيريا ژى هه‌شت كه‌س ژ سه‌رجه‌مێ 20 تووشبوويان مرينه و 324 كه‌س ژى ژ سه‌رجه‌مێ 570 كارمه‌ندێن ساخله‌ميێ مرينه و ل وه‌لاتێن ئێكگرتى يێن ئه‌مريكى ژى چار كه‌س تووشبووينه و ژ وان ژى مێڤانه‌كێ ليبيرى يه.
نيشاندان
WP Facebook Auto Publish Powered By : XYZScripts.com