ئەڤرۆنیوز، ئەمیر ئەترووشی:
٦٣ گوندێن دەڤەرا زێباریان نھا ژیان ب شێوەکێ ئاسایی ژیان تێدا دھێتە کرن، بەلێ خەلکێ ٢٤ گوندان ژی داخواز ژ جھێن پەیوەندیدار دکەن گوندێن وان بھێنە ئاڤاکرن و رێیا ھاتن و چوونا ترومبێلان بۆ وان بھێتە ڤەکرن.
مەھران لوقمان ئوسمان رێڤەبەرێ ناحیا دینارتێ بۆ ئەڤرۆنیوز دیار کر، ل سنوورێ دەڤەرا زێباریان دۆرێن ٨٧ گوندان ھەنە، ژ ڤی سەرجەمی ٦٣ د ئاڤەدانکری نە و ٢٤ گوند د بەردای و چوولکرینە و رەنگە ھندەک ژ وان مالەک یان دو لێ ھەبن، یان ژی ھندەک ژ بۆ ئاڤاکرنا مولکێ خوە ماوەیەکی بچنە سەر گوندی یان ژی ل ھاڤین و بھارا دچنە گوندی و گۆت: ئەم وەکو حوکمەت پشتەڤانێن وانین بھێنە سەر گوندێن خوە و دێ ھەموو رێیا بۆ وان خۆش کەین، بەلێ ئەو ژی ل دووڤ شیانان.
مەھران دیار کر کو پتریا گوندێن دەڤەرا زێباریان ل جھێن چیایی و بەرزن و خۆشکرنا رێیا وان گوندان تشتەکێ ئاسان نینە، ب تایبەت ڤەکرنا رێیا ترومبێلێ بۆ گوندی و گۆت: ل گۆرەی شیانێن خوە دێ بزاڤێ کەین پتریا گوندان رێیا ترومبێلێ بۆ دروست بکەین و ببینە پالدەرەک کو خەلکێ مە ب ڤەگەریتە سەر گوندێن خوە.
نيشاندان