گه‌له‌ك جاران ژ به‌ر مژولیا ژنێ ب كاروبارێن مالێ ڤه نینوكێن وێ تووشی شكه‌ستنێ دبن و ره‌نگێ وان زه‌ر دبیت بۆ چاره‌سه‌ر كرنا ڤێ كێشێ ڤی تێكه‌له‌ی بكار بیته:
دو كه‌چكێت ئاڤا میموكان د گه‌ل دو كه‌چكێن ئاڤا گولان تێكه‌ل بكه و ب پارچه‌كا پامبی ل نینوكێن خوه بده رۆژانه و بۆ ماوێ پێنج خوله‌كان بهێله پێڤه و پاشی بشوو دێ بینی كو نینوكێن ته سپی و بهێز كه‌تن.
رۆژناما یێنی شه‌فه‌ق یا توركیا د راپۆرته‌كا خوه دا به‌حسێ ڤێ یه‌كێ دكه‌ت كو هه‌فتیا بۆری ل باژارێ به‌غدا شانده‌كێ پایه‌بلند یێ ئه‌مریكا ل گه‌ل به‌رپرسێن ئیرانێ كۆمبوونه‌ك دروست كرینه و به‌حسێ شه‌رێ دژی داعشێ و رۆلێ كوردان ژی هاتیه كرن و ئه‌مریكا دیار كریه ئه‌و دێ هاریكاریا كوردان كه‌ن و ژ ئیرانێ ژی هاتیه خواستن كو رۆله‌كێ سه‌ره‌كی بۆ ژناڤبرنا داعشێ ب گێریت و ئیرانێ ژی هنده‌ك مه‌رجێن خوه دیار كرینه.
ئه‌ڤرۆ، هۆشه‌نگ:
رۆژناما یێنی شه‌فه‌ق یا توركیا د راپۆرته‌كێ دا دیار دكه‌ت كو به‌رپرسێن ئه‌مریكا د هه‌فتیا بۆری دا ل باژارێ به‌غدا جودا جودا ل گه‌ل شاندێن رژێما سووریێ و به‌رپرسێن ئیرانێ كۆمبوون دروست كرینه كو د كۆمبوونێ دا قاسم سلێمانی نوونه‌راتیا شاندێ ئیرانێ كریه و د كۆمبوونێ دا به‌حسێ شه‌رێ دژی داعشێ هاتیه كرن و ئه‌مریكا ژ ئیرانێ خواستیه كو رۆله‌كێ سه‌ره‌كی بۆ ژناڤبرنا داعشێ ب گێریت و به‌رپرسێ ئیرانی ژی داخواز كریه كو ئه‌مریكا سزایێن ئابووری ل سه‌ر ئیرانێ سڤك بكه‌ن و د به‌رنامێ ئه‌تۆمی دا ژی هاریكاریا ئیرانێ بكه‌ن.
ل گۆر راپۆرتا هه‌مان رۆژنامێ ل كۆمبوونا د گه‌ل شاندێ رژێما سووریێ ژی ئه‌مریكا بۆ وان دیار كریه كو نها كورد ب ره‌نگه‌كێ ئه‌كتیڤ شه‌رێ داعشێ دكه‌ن و ئه‌مریكا دێ به‌رده‌وام هاریكاریا كوردان بكه‌ت و دڤێت سووریه ژی مافێ كوردان بده‌ته وان و شاندێ رژێما سووریێ ژی دیار كریه كو وان پرۆژه‌ك بۆ چاره‌كرنا پرسا كوردی ل وه‌لاتێ خوه ئاماده كرینه لێ ئه‌و ب چو ره‌نگه‌كێ رازی نابن كو كورد ژ سووریێ جودا ببن و وان دڤێت پرسا كوردی د چارچۆڤێ سووریایه‌ك نوو دا بهێته چاره‌كرن.
د به‌رده‌وامیا راپۆرتێ دا هاتیه دیار كرن كو هه‌ر سێ وه‌لات رێككه‌ڤتنه‌ك د ناڤبه‌را خوه دا دروست كرینه و ل گۆر وێ رێككه‌ڤتنێ دێ هه‌ر سێ وه‌لات پێكڤه شه‌رێ داعشێ بكه‌ن و ئه‌مریكا ژی نها چو تشته‌كێ ل دژی رژێما سووریێ ناكه‌ت و هنده‌ك داخوازیێن ئیرانێ ژی دێ هێنه بجه ئینان، چونكو ئارمانجا سه‌ره‌كی یا ئۆباما ژناڤبرنا داعشێ یه و ژ بۆ وێ یه‌كێ ژی ئه‌مریكی ب هه‌موو ره‌نگه‌كێ بزاڤێ دكه‌ن كو ئیران رازی بیت هاریكاریا وان بكه‌ت.
د پشكه‌كا دی یا راپۆرتێ دا هاتیه دیار كرن كو شاندێ ئه‌مریكی ل گه‌ل به‌رپرسێن كوردێن سووریێ ژی هه‌ڤدیتن كرینه و بۆ وان دیار كرینه كو هه‌كه ئه‌و د ناڤا خوه دا ئێكگرتی بن ئه‌مریكا دێ ب هه‌موو ره‌نگه‌كێ بۆ شه‌رێ دژی داعشێ هاریكاریا وان بكه‌ت.
د دووماهیا راپۆرتێ دا هاتیه دیار كرن كو به‌رپرسێن توركیا ژ وێ رێككه‌ڤتنێ گه‌له‌ك دلگرانن و هه‌كه ئه‌و رێككه‌ڤتن بگه‌هیته ئه‌نجامه‌كا باش ئێدی توركیا نه‌شێت وه‌ك جاران ل ده‌ڤه‌رێ ببیته خوه‌دان رۆله‌ك مه‌زن و دێ ئیران ل گه‌ل سووریێ و ب هاریكاریا عیراقێ رۆله‌ك سه‌ره‌كی ب گێرن و ره‌نگه د رۆژێن داهاتی دا شانده‌كێ توركیا سه‌ره‌دانا ئه‌مریكا بكه‌ن و سه‌باره‌ت ب وێ به‌رنامێ هه‌ڤدیتنان ل گه‌ل به‌رپرسێن ئه‌مریكا ساز بكه‌ن، لێ هه‌تا نها ژی سه‌باره‌ت ب ڤێ رێككه‌ڤتنێ چو به‌رپرسه‌كێ ئیرانێ داخۆیانیێن فه‌رمی نه‌داینه و به‌رپرسێن توركیا ژی هه‌روه‌سا چو هه‌لویسته‌ك فه‌رمی دیار نه‌كرینه و بزاڤه‌كا مه‌زن ل پشت په‌رده‌ی دا دهێته كرن.
ئه‌ڤرۆ:
ژ بۆ دووڤچۆنا ره‌وشا ساخله‌میا ئاواران بریكارێ وه‌زاره‌تا ساخله‌میا عیراقا فیدرال د. خه‌میس ئه‌لسه‌عه‌د سه‌ره‌دانا رێڤه‌به‌ریا گشتیا ساخله‌میا پارێزگه‌ها دهۆكێ كر و گه‌نگه‌شه ل دۆر ساخله‌میا ئاواران هاته كرن.
رێڤه‌به‌رێ گشتیێ ساخله‌میا پارێزگه‌ها دهۆكێ د. نزار عسمه‌ت دیاركر كو ده‌مێ ئاواره ژ قوتابخانان بۆ كه‌مپان د هێنه ڤه‌گوهاستن ره‌نگه بنگه‌هێن ساخله‌میێ ل ده‌مێ خوه ب دووماهی نه‌هێن، له‌ورا ساخله‌میا دهۆكێ پێدڤی ب ده‌ه كلینیكێن گه‌رۆك هه‌یه ژ بۆ ساخله‌میا ئاواران و گۆت یا گرنگه وه‌زاره‌تا ساخله‌میێ ل عیراقا فیدرال ره‌وشا ساخله‌میێ و مرۆڤایه‌تی ل به‌ر چاڤ وه‌ربگریت و ده‌رمان و پێدڤیێن نوشداری ل دووڤ پێدڤیێن ئاواران دابین بكه‌ت، نه‌خاسمه نوكه وه‌رزێ زڤشتانێ یه و دێ پێدڤی ب گه‌له‌ك جۆرێن ده‌رمانان بین.
خواست ژی ئه‌و نوشدار و كارمه‌ندێن ساخله‌میێ یێن ئاواره‌ی دهۆكێ بووین ب رێیا ساخله‌میا دهۆكێ سه‌ره‌ده‌ری ل گه‌ل بهێته كرن و بكه‌ڤنه كاری داكو بشێن به‌رده‌وامیێ ب كارێ خوه بده‌ن و مفا ژ شیانێن وان بهێته وه‌رگرتن و گۆت هه‌ر ژ نوكه پێدڤیه ئه‌م خوه ئاماده بكه‌ین بۆ دابین كرنا پێدڤیێن ساخله‌میێ یێن ل ده‌ڤه‌رێن ل ژێر ده‌ستێ داعش دهێنه رزگار كرن، چونكو گه‌له‌ك كارتێكرن ل ده‌زگه‌هێن ساخله‌میێ هاتیه كرن و دێ پێدڤی ب ده‌رمان و كه‌رستێن نوشداری بن.
بریكارێ وه‌زاره‌تا ساخله‌میا عیراقێ دیاركر كو هه‌لویستێن ساخله‌میێ یێن دیرۆكی بووینه ل گه‌ل ئاوارن و گۆت پشته‌ڤانیا مه نه ل ئاستێ پێدڤی بوویه و ئه‌گه‌ر ژی بۆ رێك و هنده‌ك جارا هه‌لویستێن سیاسی ڤه‌دگه‌رن و پێدڤیه وان كێماسیان قه‌ره‌بوو بكه‌ین، كو پێدڤیه ده‌رمانێن تایبه‌ت بۆ ئاواران بهێنه دابین كرن و جودا ژ یێن دی داكو پاراستنا ساخله‌میا وان بهێته كرن و چاڤدێریه‌كا دروست بۆ هه‌بیت.
هه‌ڤدیتن: قائید میرۆ
فه‌رید ئه‌سه‌سه‌رد ئه‌ندامێ جڤاتا سه‌ركردایه‌تیا ئێكه‌تی نیشتیمانی كوردستان د هه‌ڤدیتنه‌كا رۆژناما ئه‌ڤرۆ دا،به‌حسێ ره‌وشا نوكه یا ئیكه‌تیێ و بوچوونا ئێكه‌تیێ ل دۆر پرسێن گرنگ مینا راستڤه‌كرنا پرۆژێ قانوونا دستوورێ هه‌رێمێ و ئاریشێن دناڤ حزبا خوه دا دكه‌ت و دبێژیت، ژ به‌ری هه‌لبژارتنان دكتۆر به‌رهه‌م سالح پشكداریێ د چالاكیێن ئێكه‌تیێ دا ناكه‌ت و یا خوه ته‌جمید كری.
ئه‌ڤرۆ: بۆچی پاشه‌رۆژا ئێكه‌تیێ گه‌هشته ڤێ چه‌ندێ كو هه‌ر كه‌سه‌ك ب خوه بڕیارێ بده‌ت و بوچوونێن جودا هه‌بن؟
فه‌رید ئه‌سه‌سه‌رد: دیارده‌یه‌كێ ل ناڤ ئێكه‌تیێ سه‌رێ خوه هه‌لدایه ئه‌وژی دیاردا به‌رفره‌هبوونا سه‌نته‌رێ بڕیاردانێ، مخابن ئه‌ڤه ئێكه ژ ئاریشێن دناڤا ئێكه‌تیا نیشتیمانی دا و ئه‌م نه‌شیاینه چاره‌سه‌ربكه‌ین، ئه‌ڤه ژی بۆ وێ چه‌ندێ ڤه‌دگه‌ڕیت ژلایێ دیرۆكی ڤه ئێكه‌تی وه‌كی به‌ره‌یه‌كی به‌رفه‌ره پێكهاتبوو و پێدڤی بوو ببنه ئێك بوچوون، به‌لێ به‌رۆڤاژی لێهات، فره جه‌مسه‌ری ل ناڤ حزبێن سوسیال هه‌بوویه و نوكه ژی هه‌یه.
ئه‌ڤرۆ : به‌لێ ئێكه‌تیێ رێككه‌فتن دگه‌ل پارتی هه‌یه و دڤێت پێگریێ پێ بكه‌ت؟
فه‌رید ئه‌سه‌سه‌رد: ئه‌ڤه راسته، گه‌له‌ك جاران هه‌بوویه جڤاتا سه‌ركردایه‌تیێ بۆچوونه‌ك هه‌بیت ل دۆر پرسه‌كێ، به‌لێ جڤاتا ناڤه‌ندی بۆچوونه‌كا جودا هه‌بوویه و هه‌ردو لایه‌نان ب ئاشكرا نێڕینا خوه گۆتیه.
ئه‌ڤرۆ : تو نابینی نوكه ئێكه‌تی وه‌كی ئۆپۆزسیۆنێ یا كار دكه‌ت؟
فه‌رید ئه‌سه‌سه‌رد: نه‌خێر ئه‌م پشكه‌كین ژ حوكمه‌تێ و مه پۆستێن گرنگ هه‌نه دناڤا حوكمه‌تا هه‌رێما كوردستانێ دا، لێ په‌رله‌مانتارێن ئێكه‌تیێ ئازادن ژ ده‌ربڕینا هه‌لویستێ خوه دناڤا په‌رله‌مانی دا، به‌لێ وه‌زیرێن ئێكه‌تیێ به‌رنامه‌یه‌ك نینه ژ ده‌رڤه‌ی به‌رنامێ جڤاتا وه‌زیران بیت.
ئه‌ڤرۆ : كی ده‌ربڕینێ ژ سیاسه‌تا راسته‌قینه‌یا ئێكه‌تیێ دكه‌ت؟
فه‌رید ئه‌سه‌سه‌رد: ب تنێ مه‌كته‌با سیاسی یا ئێكه‌تیا نیشتیمانیا كوردستانێ نوونه‌رایه‌تیا ئێكه‌تیێ دكه‌ت.
ئه‌ڤرۆ : درێژكرنا ده‌مێ سه‌رۆكایه‌تیا سه‌رۆكێ هه‌رێما كوردستانێ به‌ر ب دووماهیێ ڤه دچیت، هه‌لویستێ ئێكه‌تیێ چیه ل دۆر ڤێ چه‌ندێ؟
فه‌رید ئه‌سه‌سه‌رد: نوكه ئه‌ڤ پرسه ل به‌ر ده‌ستێ په‌رله‌مانێ كوردستانێ یه و په‌رله‌مانی ده‌مێ ویلایه‌تا سه‌رۆكێ هه‌رێما كوردستانی درێژكریه و نامه‌كا سه‌رۆكێ هه‌رێمێ ژی هه‌یه و داخوازێ ژ په‌رله‌مانی دكه‌ت، ده‌ست ب راستڤه‌كرنا دستوورێ هه‌رێما كوردستانێ بكه‌ت.
ئه‌ڤرۆ : ئێكه‌تیێ ب خوه پرۆژێ قانوونا دستوورێ هه‌رێما كوردستانێ په‌سه‌ندكریه و بۆچی نوكه دوباره داخوازا راستڤه‌كرنێ دكه‌ت؟
فه‌رید ئه‌سه‌سه‌رد: ئه‌م ل گه‌ل پارتی رێككه‌فتینه ل دۆر پرسا دستووری، مه دستوور په‌سه‌ندكریه ، به‌لێ ئه‌م وه‌سا دگه‌ل پارتی رێككه‌فتینه كو دستوور بهێته ڤه‌گه‌ڕاندن بۆ په‌رله‌مانی و ل هه‌مبه‌ردا مه دو سال ویلایه‌تا سه‌رۆكێ هه‌رێما كوردستانێ درێژكریه، ئه‌ڤا ل سه‌ر مه بوو، مه ده‌مێ سه‌رۆكێ هه‌رێمێ درێژكر، یا مای ڤه‌گه‌ڕاندنا پرۆژێ قانوونا دستووری یه و پارتی ژی یا رازیه ب ڤێ چه‌ندێ.
ئه‌ڤرۆ : ئه‌رێ راسته ئێكه‌تیێ ته‌كتیكا كاركرنا خوه یا گوهۆڕی ؟
فه‌رید ئه‌سه‌سه‌رد: به‌لێ، مه هه‌موو ته‌كتیكێن خوه یێن گوهۆڕین، گه‌له‌ك یا ب زه‌حمه‌ته بشێین ل سه‌ر میكانزمێن به‌ری هه‌لبژارتنان كار بكه‌ین، مه بزاڤ كرینه شێوازێ كاركرنامه ب شێوه‌كی بیت ل گه‌ل ره‌وشا نوكه بهێته گونجاندن.
ئه‌ڤرۆ : ئه‌رێ راسته هه‌ر كه‌سه‌كێ دناڤ ئێكه‌تیێ دا مه‌یلا مالباتا جه‌لال تاله‌بانی ڤێ نه‌بیت، دژایه‌تیا وی كه‌سی دهێته‌كرن و ناهێلن چو پۆستان وه‌رگریت؟
فه‌رید ئه‌سه‌سه‌رد: ئه‌ڤه زێده‌گاڤیه‌كه دهێته گۆتن د وه‌سفكرنا ره‌وشا ناڤا ئێكه‌تیێ دا، ئه‌ڤه ژی ژ وێ چه‌ندێ هاتیه كو ره‌وشا ناڤا ئێكه‌تیێ شێواندنه‌ك پێڤه دیاره، ئه‌ڤ شێواندن دبیته ئه‌گه‌رێ هندێ خه‌لك وه‌سفێن خراپ بۆ ئێكه‌تیێ بكه‌ت، بێگومان وه‌كی خه‌لك تێگهه‌شتی ره‌وشا ناڤا ئێكه‌تیێ هه‌تا وی راده‌ی یا خراب نینه، ئه‌م ژی ناخوازین ئاریشێن ناڤ ئێكه‌تیێ ب ڤی شێوه‌یێ خراپ بمینیت و به‌رده‌وام بزاڤێن چاره‌سه‌ركرنێ دكه‌ین.
ئه‌ڤرۆ : سه‌رۆكێ جڤاتا ناڤه‌ندی د داخویانیه‌كێ دا دبێژیت به‌رهه‌م سالح دێ ژ ئێكه‌تیێ جودابیت، تو نابینی ئێكه‌تیێ ڤێ دوماهیێ به‌رهه‌م سالح پشتگوه هاڤێتیه؟
فه‌رید ئه‌سه‌سه‌رد: نه‌خێر، ئێكه‌تیێ به‌رهه‌م سالح پشتگوه نه‌هاڤێتیه، دكتۆر به‌رهه‌م هنده‌ك بوچوونێن تایبه‌ت هه‌بوون و په‌یوه‌ندی ب به‌ری هه‌لبژارتنان ڤه هه‌بوون، پشتی راگه‌هاندنا ئه‌نجامێن هه‌لبژارتنێن سالا 2013ێ كو ئه‌نجام بۆ ئێكه‌تیێ كاره‌سات بوون، پرسا كۆنگرێ هاته پێش، كۆنگره‌ژی هه‌ر ب خوه گیرۆببوو، بوچوونا به‌رهه‌م سالحی و هه‌ژماره‌كا كادران ئه‌و بوو ب هه‌ر حالێ هه‌بیت كۆنگرێ ئێكه‌تیێ گرێ ده‌ین، ده‌مێ كۆنگره نه‌هاتیه گرێدان و ئه‌ز ب خوه لگه‌ل ڤێ چه‌ندێ بوم كۆنگره نه‌هێته گرێدان و ده‌مێ كۆنگرێ نه‌بوو، وی ده‌می به‌رهه‌م سالح نامه‌ك هنارت و یا نێزیكبوو ژ ده‌ست كار ڤه‌كێشانێ و وی ده‌می و پێڤه به‌رهه‌م سالح پشكداریێ د چالاكیێن گشتی یێن ئێكه‌تیێ دا ناكه‌ت و یا خوه ته‌جمید كری، به‌لێ ئه‌ڤه رامانا وی َ چه‌ندێ نینه ده‌ست ژ كار به‌ردایه، دكتۆر به‌رهه‌م كه‌سه‌كه ئێكه‌تی دشێت مفای ژ شیانێن وی وه‌ربگریت و دخوازین ڤه‌گه‌ڕیت.
ئه‌ڤرۆ : كی یه پۆستێن ئێكه‌تیێ ئێكلا دكه‌ت و بڕیار د ده‌ستێ كێ دایه؟
فه‌رید ئه‌سه‌سه‌رد: ئه‌ڤه ل سه‌ر وی پۆستی رادوه‌ستیت و ب دیتنا من ئه‌ڤه پرسیاره‌كا گشتی یه و نه‌شێم وه‌كی خوه به‌رسڤێ بده‌م.
ئه‌ڤرۆ : ئایا مه‌رجه بۆ ئێكلاكرنا هه‌ر پۆسته‌كی هێرۆ خان یا رازیبیت؟
فه‌رید ئه‌سه‌سه‌رد: مه‌كته‌با سیاسی كۆم دبیت و بڕیارێ ل سه‌ر ئێكلاكرنا پۆستان دده‌ت و هێرۆ خان ئێك ده‌نگه دناڤ چه‌ند ده‌نگێن جڤاتا سه‌ركردایه‌تیی دا.
ئه‌ڤرۆ : بڕیاربوو ئێكه‌تی ده‌ست ب چاكسازیێ بكه‌ت، ئایا ڤێ پرۆسێ ده‌ستپێكریه؟
فه‌رید ئه‌سه‌سه‌رد: مه ده‌ست ب چاكسازیێ كریه و بێگومان دڤێت به‌رفره‌هترببیت، بۆ نموونه گرێدانا كۆنگره‌ی ب خوه چاكسازی بوو، چونكی بڕیار ل سه‌ر هه‌لوه‌شاندنا هژماره‌كا ده‌زگه‌هان هاته‌دان و هنده‌كێن نوو هاتنه دامه‌زراندن، كێمكرنا هژمارا مه‌لبه‌ندێن ئێكه‌تیێ، به‌لێ ئه‌ڤه به‌س نینه بۆ به‌ر ب پێشبرنا حزبه‌كێ، من دڤێت ئێكه‌تی ببیته حزبه‌كا مه‌ده‌نی، مه ل كوردستانێ حزبێن مه‌ده‌نی نینن، و بوچوونا ڤێ حزبا مه‌ده‌نی ره‌نگڤه‌دانێن سوسیال دیموكراتبن.
ئه‌ڤرۆ : به‌لێ ئێكه‌تی پتر حزبه‌كا سه‌ربازیه و چه‌ندین ده‌زگه‌هێن ئه‌منی و سه‌ربازی هه‌نه؟
فه‌رید ئه‌سه‌سه‌رد: ئه‌ڤا ته مه‌ره‌م پێ هه‌ی ئه‌ڤه حوكمه‌ته و په‌یوه‌ندی ب حزبا مه‌ده‌نی ڤه نینه.
ئه‌ڤرۆ : ئێكه‌تیێ ل به‌ر نینه كه‌سه‌كێ دی ل شوونا كوسره‌ت ره‌سول بكه‌ته جێگرێ سه‌رۆكێ هه‌رێمێ؟
فه‌رید ئه‌سه‌سه‌رد: گوهۆڕین نه، به‌لێ مه د كۆمبوونه‌كا ل گه‌ل مه‌سعودبارزانی سه‌رۆكێ هه‌رێما كوردستانێ دا ئه‌ڤ چه‌نده به‌حسكریه، كو پێدڤیه پۆستێ جێگرێ سه‌رۆكێ هه‌رێما كوردستانێ بهێته كاراكرن، مه‌رج نینه بهێته گوهۆڕین، هه‌ر بلا كۆسره‌ت ره‌سول بیت، به‌لێ پتر كارێ خوه بكه‌ت و وه‌كی به‌رێ نه‌بیت.
ئه‌ڤرۆ : ژبه‌ر كو ره‌وشا ساخله‌میا كوسره‌ت ره‌سول وه‌كو پێدڤی نینه و وی ب خوه ژی ته‌كه‌زكریه ساخله‌میا وی رێ ناده‌ت یێ كارابیت، ئایا مه‌كته‌با سیاسی به‌حسێ گۆهۆڕینا وی نه‌كریه؟
فه‌رید ئه‌سه‌سه‌رد: نه‌خێر، به‌حسێ گوهۆِرینا كوسره‌ت ره‌سولی ل مه‌كته‌با سیاسی نه‌هاتیه‌كرن.
ئه‌ڤرۆ، حه‌مۆ محه‌مه‌د:
په‌یڤدارێ وه‌زاره‌تا په‌روه‌ردێ یێ حوكمه‌تا هه‌رێما كوردستانێ بۆ ئه‌ڤرۆ دیار كر كو حوكمه‌تا هه‌رێمێ بڕیار ل سه‌ر دامه‌زراندنا چار هزار مامۆستایان ب شێوێ گرێبه‌ست دایه و د حه‌فتیا بهێت دا دێ فۆرمه هێنه به‌لاڤكرن.
فاتیح مه‌وله‌وی زاده، په‌یڤدارێ وه‌زاره‌تا په‌روه‌ردێ ئاشكرا كر، پشتی حوكمه‌تا هه‌رێما كوردستانێ د چه‌ند رۆژێن بۆری دا بڕیارا دامه‌زراندنا 4000 مامۆستایان ب شێوێ گرێبه‌ست ده‌رخستی، وه‌زاره‌تا په‌روه‌ردێ ده‌ست ب به‌رهه‌ڤیا كریه بۆ دامه‌زراندنا وان و گۆت “بڕیار ئه‌وه، د حه‌فتیا بهێت دا فۆرمێن دامه‌زراندنێ ب رێیا رێڤه‌به‌ریێن په‌روه‌ردان بهێنه به‌لاڤكرن و رێنمایی یێن د ناڤ فۆرمێ دا”.
خویا ژی كر، هه‌ر چه‌نده وان وه‌كو وه‌زاره‌تا په‌روه‌ردێ د ده‌مێ بۆری دا داخوازا دامه‌زراندنا شه‌ش هزار مامۆستایان كربوو، لێ ژ ئه‌گه‌رێ وێ كێشا دارایی یا ب سه‌ر هه‌رێما كوردستانێ دا هاتی د پێنگاڤا ئێكێ دا دێ چار هزار مامۆستا ب شێوێ گرێبه‌ست هێنه دامه‌زراندن و دو هزار ژی د پێنگاڤا دویێ دا، لێ جارێ دیار نینه كه‌نگی ئه‌و دو هزاره دێ هێنه دامه‌زراندن.
ناڤهاتی ئاماژه دا وێ چه‌ندێ ژی كو دامازراندنا وان مامۆستایان وه‌كو سالێن به‌ری نوكه ب گوتره نابیت، به‌لكو دێ ل دووڤ پێدڤیا په‌روه‌ردان بیت، ئانكو هه‌ر په‌روه‌رده‌كێ پێدڤی ب چ بسپۆری هه‌بیت، ئه‌و دێ بۆ هێنه دامه‌زراندن و گۆت “دامه‌زراندن دێ ب ره‌نگه‌كی بیت، ل هه‌ر ده‌ڤه‌ر و په‌روه‌رده‌كێ كێشا میلاكێ بسپۆر بۆ بابه‌تان هه‌بیت دێ ئه‌و بسپۆریه هێنه دامه‌زراندن”.
په‌یڤدارێ وه‌زاره‌تا په‌روه‌ردێ یێ حوكمه‌تا هه‌رێمێ دوپاتكر كو بڕیاره د ده‌مه‌كێ نێزیك دا ژ لایێ وه‌زاره‌تا دارایی و ئابووریا حوكمه‌تا هه‌رێما كوردستانێ ڤه بودجه بۆ وان مامۆستایێن بڕیاره بهێنه دامه‌زراندن بهێته دابینكرن.
ئه‌ڤرۆ نیۆز:
سه‌رۆكێ جڤاتا ده‌ستنیشانكرنا به‌رژه‌وه‌ندیا سیسته‌مێ وه‌لاتێ ئیرانێ ئایتوللا هاشمى ره‌فسنجانى ره‌خنه‌یێن توند ل كریارێن نه‌دجهێ خوه‌دا و گۆتنا ئاخفتنێن كه‌شه‌فرێت ده‌رهه‌قا سه‌حابیان دا و ئاهنگێرانا د رۆژا كوشتنا خه‌لیفێ موسلمانان (عومه‌رێ كوڕ خه‌تابى) دا ژئالیێ شیعه‌ان ڤه، ئه‌م گه‌هاندینه په‌یدابوون و پێكئینانا رێكخستنێن وه‌كى قاعیده و داعشێ .
ئاژانسا ده‌نگۆباسێن ئیرانێ یا فه‌رمى(ئێرنا) ژ زارێ ره‌فسنجانى ڤه‌كۆهاست، دده‌مێ هه‌ڤدیتنه‌كێ دا ل گه‌ل به‌رپرسێن وه‌زاره‌تا وه‌رزشێ سه‌ره‌راى كو قورئانا پیرۆز ئه‌م ئاگه‌هدار كرینه به‌لێ مه چوو گوهدارى نه‌كریه، بتنێ ئه‌م مژوولى ناكوكیێن دناڤبه‌را سونى و شیعان بووین و ئاخفتێن كه‌شه‌فرێت ل دۆر سه‌حابیان، ئاهنگا كوشتنا عومه‌ر، هه‌تا گه‌هشته وى راده‌یى لنیك هنده كه‌سان بوویه رۆژه‌كا ئاینى و پارچه‌ك ژ په‌رستنێ.
زێده‌بارى ره‌فسنجانى گۆت: ئه‌نجامێ دوبه‌ره‌كیا د ناڤبه‌را موسلمانان دا، گه‌هشتنا قاعیده و داعش و تالیبان و هنده‌ك وه‌كى وان گۆرپان جێكرن.
هاشمى ره‌فسنجانى هه‌روه‌سا خوه‌یاكر، ملله‌تێ موسلمان پتر ژ 700 ملیۆن كه‌سایه و 60 وه‌لاتێن سه‌ربخوه هه‌نه و دشیانێن واندایه مه‌زنترین هێز ل جیهانێ پێكبینن، به‌لێ ڤان كریارێن بێ مفا به‌رانبه‌رى وه‌لاتێن جیهانێ لاواز كرینه.
هه‌روه‌سا ره‌فسنجانى ئاماژه‌دا هندێ، كو هنده‌ك ژ دیرۆك نڤیسێن شیعى بوچونه‌كا دیرۆكى ل سه‌ر عومه‌رێ كورێ خه‌تابى نڤیسیه، ئه‌و سه‌ده‌ما كوشتنا فاتما كچا پێغه‌مبه‌رى بوویه، ده‌مێ هاتیه دمال دا و پالدایه ده‌رگه‌هى و په‌راسیێن شنكاندن، به‌لێ مه‌رجه‌عیه‌تا شیعى ل وه‌لاتێ لوبنانێ محه‌مه‌د حسێن فه‌زلللا ئه‌و گۆتن ره‌تكریه و ب ڤه‌گێرانه‌كا لاواز ل قه‌له‌مدایه، و كه‌لك ئه‌كادیمیێن دى ژى یێن شیعان ل گه‌ل بوچوونا وینه.
ئه‌ڤرۆ نیۆز:
ژێده‌رێن نێزیكى رێكخستنا تیرۆرى یا سورى به‌ره‌یێ نوسره و چه‌كدارێن داعشێ دیاركر، به‌رپرسێ شه‌رعیێ به‌رێ یێ رێكخستنا قاعیده ل عیراقێ ئێك ژ ئه‌ندامێن فیدائیێن دكتاتورێ عیراقێ (سه‌دام حسێن) بوو، كو ئێك ژ پێكهاتێن له‌شكرى یێن هه‌ره‌نێزیكى و پڕ ده‌ستهه‌لات بۆ پاراستنا ئێمناهیا رژێما گۆر بگۆڕا عیراقێ یا به‌عسیان بوویه.
ئه‌بو ماریا ئه‌لقه‌حتانى دڤێ دووماهیێ دا هێرشه‌كا دژوار كره سه‌ر هه‌ڤالێن خوه یێن به‌رێ چه‌كدارێن داعشێ توومه‌تبار كرن كو ئه‌و (به‌عسى یێن سه‌دامى نه) نه‌خاسمه پشتى په‌یدابوونا شه‌رێن خویناوى د ناڤبه‌را هه‌ردو ئالیان دا ل سوریا.
به‌لێ ئه‌و پێزانینێن كه‌سه‌كێ نێزیكى خێزانا قه‌حتانى ل مووسل دوپاتكر، سه‌ره‌راى شه‌رۆپێكدادانێن دناڤبه‌را به‌ره‌یێ نوسره و چكدارێن داعشێ دا، به‌لێ برا ماكێ قه‌حتانى كو ناڤێ وى سالمه نها به‌رپرسێ چه‌كدارێن داعشێ یه ل مووسل ل پشكا ئێمناهیا ئابۆرى یا داعشێ كار دكه‌ت.
ئه‌بو ماریا ئه‌لقه‌حتانى ده‌رچوویێ په‌یمانگه‌ها چاندنێ یه به‌رێ سالا 2003 و پشتى كه‌فتنا به‌غدا بۆ پۆلیسَ، به‌لێ وى چو جاره‌كێ به‌حسێ ئه‌ندامه‌تیا خوه یا دناڤ رێزێن فیدائیێن سه‌دامى دا نه‌كریه یان ژى به‌حسێ برایێن خوه یێن دناڤ رێزێن چه‌كدارێن داعشێ دا.
ناڤێ وى یێ دورست، مویسه‌ر عه‌لى موسا عه‌بدوللا ئه‌لجبورى یه و ب ناڤێ ئه‌بو ماریا ئه‌لقه‌حتانى هاتیه نیاسین، ئێك ژ ئه‌ندامێن فیدائیێن سه‌دام حسێن بوو، ب نهێنى هه‌تا سالا 2003 یێ دناڤ رێزێن واندا مایه، هه‌موو بزاڤ كرینه كو ل كولیژا له‌شكریا عیراقێ ل مووسل بهێته وه‌رگرتن ل سالا 1999 به‌لێ د ئه‌زمونان دا ب سه‌رنه‌كه‌فت.
( خ / 1) ….. و یا دژى چاڤه‌رێ بن
ئه‌ڤرۆ نیۆز:
ئه‌ندامێ جڤاتا نوونه‌رێن عیراقا فیدرال سالم شه‌به‌ك بۆ ئاژانسا ئه‌نازۆل راگه‌هاند، حوكمه‌تا هه‌رێما كوردستانێ رازیبوونا خوه ل سه‌ر پێكئینانا فه‌وجه‌كا نوویا هێز شه‌بكه‌ان دیاركر، كۆ دێ راسته خوه سه‌ر ب وه‌زاره‌تا پێمشه‌رگێ هه‌رێما كوردستانێ ڤه بن.
سالم شه‌بك هه‌روه‌سا راگه‌هاند ئێدى وان باوه‌رى ب هێز و له‌شكرێ عیراقێ نه‌مایه له‌وما وان بڕیارا چوونا دناڤ رێزێن هێزێن پێشمه‌رگه‌ى دا دایه، هه‌وره‌سا خوه‌یاكر هێزا فه‌وجا شه‌به‌كان ژ 650 پێشمه‌رگه‌ى پێكدهێت و بڕیاره سوبه‌هێ ده‌ست ب مه‌شق و راهێنان بكه‌ن.
ئه‌ڤرۆ نیۆز، بارزان مزوورى:
رێڤه‌به‌رێ پشكا هاتنوچونا قه‌زا شێخان بۆ روژناما ئه‌ڤرۆ نیۆز دیار كر، كو دماوێ دوو ده‌مژمێرادا سێ روودان ل سنورێ پشكا هاتنوچونا قه‌زا شێخان دروست بوینه 4 وه‌لاتى برینداربوینه .
پێشه‌نگ به‌درخان محه‌مه‌د سه‌لیم ، رێڤه‌به‌رێ پشكا هاتنوچونا قه‌زا شێخان بۆ ئه‌ڤرۆ نیۆز دیار كر كود وهى ده‌مژمێر 6:7 خوله‌ك 9/11 ل سه‌ر رێكا سه‌ره‌كیا دهوك بۆ شێخان ل نێزیك دوو ریانا شێخان رویدانه‌ك ژ جورێ لێكدان دناڤبه‌را ترومبێله‌كا بارهه‌لگر ژ جورێ قه‌لاب و ترومبێله‌كا ره‌ف ژ جورێ هوندا په‌یدابو ، د ئه‌نجام د اسێ وه‌لاتى ژ نه‌فه‌رێن ترومبێلا ره‌ڤ ب دژوارى برینداربون بۆ نه‌خوشخانا شێخان هاتن ڤه‌گوهاستن پاشان ژ به‌ر برینێن وان ب سه‌خت بون بو نه‌خوشخانا ته‌نگاڤیا دهوك هاتن ڤه‌گوهاستن ،
به‌درخان محه‌مه‌د سلیم لدور ئه‌گه‌رێن رویدانێ دیاركر كۆ ترومبێلا ره‌ف خراب ببو ل سه‌ر رێكا سه‌ره‌كى ب دروستى راوه‌ستیا بۆ ترومبێلا بارهه‌لگر خو لێده‌ت توشى لێكدانێ دبن.
رێڤه‌به‌رێ پشكا هاتنوچوونێ ل قه‌زا شێخان خوه‌یاكر كۆ دهه‌مان روژدا ده‌مژمێر 6:20 خوله‌ك ل سه‌ر رێكا سه‌ره‌كیا شێخان بۆ كومه‌لگه‌ها مه‌هه‌ت ل نێزیك دوو ریانا شێخان رویدانه‌ك ژ جورێ لێكدان دناڤبه‌را ترومبێله‌كا بارهه‌لگر ژ جورێ قه‌لاب و ترومبێله‌كا ته‌كسى كوردستان ژ جورێ صه‌نى رویدا ، د ئه‌نجام دا به‌س زیانێن مه‌زن ب هه‌ردوو ترومبێلا كه‌فتن گیان سلامه‌ت بون.
ل دۆر ئه‌گه‌رێن رویدانێ دیار كر كۆ ئێك ژوان ترومبێلا له‌زاتى بكار ئینابو نه شیایه كونترولێ ل سه‌ر ترومبێلا خوبكه‌ت توشى لێدانێ بوین.
به‌ردخان محه‌مه‌د سلیم گۆت: دهه‌مان روژدا ده‌مژمێر 7:30 خوله‌ك ل ناڤ سه‌نته‌رێ باژێرێ شێخان به‌رامبه‌رى نه‌خوشخانا شێخان ترومبێله‌كا ژ جورێ شوفرلێت ئاڤیو خو ل كارمه‌نده‌كێ شاره‌وانیا شێخان دا ده‌مێ كارمه‌ند دكارێ خودا ، د ئه‌نجام دا ئه‌و كارمه‌ند ب دژوارى برینداربو بو نه‌خوشخانا شێخان هاته ڤه‌گوهاستن بو چاره‌سه‌ركرنا برینێ نوى نوكه لبن چاڤدێریا نوژدارانه ،
ناڤبرى دیار كر كۆ پشتى گرتنا رێكا شێخان بو باشیك بو هه‌ڤلێر كه‌فتیه لبن كونترولا داعش ترومبێلێن بارهه‌لگر رێكا وان كه‌فتیه سه‌ر رێكا شێخان بو به‌رده‌ره‌ش روژانه رویدان په‌یدا دبن
شێخان،بارزان مزوورى
به‌رپرسێ لقا 9 ئاكرێ ل میحوه‌رێ ناوه‌ران، سه‌ربه‌ست تروانشى ، بۆ ئه‌ڤرۆ نیۆز دیاركر، دوهى ده‌مژمێر 11: 30 خوله‌ك سپێدێ 9/11 مه چاڤدێرى ل كاروانه‌كێ داعش كر ل نێزیك ل ناڤ گوندێ چونه دناڤ ئاڤاهیه‌كێ به‌رچاڤ دا ئه‌و ئاڤاهى باره‌گایێ وان بۆ بۆ مه‌ره‌ما كومبونه‌كێ بۆ دانانا پلانه‌كێ پێشمه‌رگه‌ى ب هه‌مى جورێن چه‌كى ڤه هێرش كره سه‌ر وى ئاڤاهى ئه‌و كاروانێ وان هه‌مى ئێك كه‌س لێ قورتال بو ترومبێله‌كێ سیاربو ره‌ڤى بو باژێرێ مووسل ماوێ نیڤ ده‌مژمێره‌كێ گوله‌باران ژلایێ پێشمه‌رگه‌ى به‌رده‌وام بو ب چه‌كێ گران لدوڤ پێزانێن گه‌هشتینه‌مه ل ناڤا گوندى كو ئه‌و داعش هه‌موو قه‌ت قه‌ت كرینه ته‌رم كه‌فتینه لبن دیوارێن ئاڤاهى دا شه‌ش داعش یێن كوشتى كه‌فتینه ده‌رڤه‌ى ئاڤاهى و ژماره‌كا زور یا كوشتیا لبن دیوارى ماینه حه‌تا نوكه نه‌هاتینه ده‌ر داعش نه‌شێن بهێنه وى جهى.
ناڤبرى دیار كر كۆ به‌رى دوو روژانه پێشمه‌رگه‌ى جهێن هاتنوچونا ترومبێلێن داعش ل میحوه‌رێ ناوه‌ران توب باران كرن دوو سه‌ركرده‌ێن مه‌زن یێن پلانێن داعش تێدا بون پێزانین ل نه‌خوشخانا كومارى مووسل گه‌هشتنه‌مه كو سه‌ركرده‌ك ژوان هاته كوشتن ئێك ژوان برینداربو ره‌وشا وى گه‌له‌ك یا خراب بو ، هات بون بو دانانا پلانه‌كا نوى ل میحوه‌رێ ناوه‌ران پێشمه‌رگه‌ى نه‌هیلا پلانا خو دروست بكه‌ن پلان ب سه‌ر شورى زڤرى ڤه.
ناڤبرى دیار كر كو هێرشێن پێشمه‌رگه‌ى یێن میحوه‌رێ ناوه‌ران دماوێ ڤان سێ هه‌یڤا دا گوره‌ى پێزانین دروست پتر ژ 250 داعش میحوه‌رێ ناوه‌ران هاتینه كوشتن د ئێك روژا ل به‌ر ده‌رگه‌هێ مزگه‌فتا خورسه‌بات 40 داعش هاتن كوشتن ، داعش گوره‌كێ ب كومه‌ل ل گونده‌كێ شه‌به‌ك نشین دروست كریه 70 داعش تێدا ڤه‌شارتینه لدوڤ پێزانین دروست كو ب شه‌ڤه‌ل و حه‌فارێ بن ئاخ كرن ، ئه‌و خه‌لكێ وان گوندێن داعش تێدا دبێژن مه مالێن خو هێلاینه و ده‌ركه‌فتینه ژبه‌ر ته‌رمێن داعش ل ناڤ گوندا كه‌ڤتینه و جهێن خودا هێلاینه گه‌له‌ك ته‌رمێن داعش ل ناڤ گوندا به‌س هسكێن وان ماینه سه‌یا خارینه خه‌لكێ وان گوندا گه‌له‌ك بێزاربویه مالێ نخو هێلاینه ژبه‌ر بێنا وان.
ناڤبرى دیار كر كۆ ره‌وشا داعش ل ده‌ڤه‌را ناوه‌ران به‌ره‌ڤ نه‌مانێ چوینه به‌س خوكوژ ماینه هه‌ولێن خو كوشتنێ دكه‌ن به‌س هێزێن پێشمه‌رگه‌ى ناهێلن خو ل نێزیك سه‌نگه‌رى بكه‌ن دكوژن هه‌ر خوكوژه‌ك بهێ تخو ل نێزیك پێشمه‌رگه‌ى دكه‌ت ب سه‌ر شورى دزڤرنه‌ڤه روژ نابوریت میحوه‌رێ ناوه‌ران پێشمه‌رگه داعش گوله‌باران نه‌كه‌ت .
نيشاندان