ئه‌ڤرۆ نیۆز،ناجی به‌ده‌ل:

ئه‌و زوریا په‌نابه‌رین ل قه‌زا زاخو و پرانیا وان ل قوتابخانه‌ و ده‌زگه‌هێن میریڤه‌ هاتبونه‌ حه‌واندن و نها كار دهێته‌كرن بو ڤالاكرنا قوتابخانه‌یان داكو قوتابی ژ خواندنا ئه‌ڤ ساله‌ بێ بار نه‌بن .

خه‌لیل مه‌حمود قائیمقامێ زاخو بو ئه‌ڤرۆ نیوز راگه‌هاند: ئه‌ڤرۆ دێ كه‌مپا چه‌مشكو پێنج هه‌زار جادرن و ل دیڤ ستانده‌ردێن یوئێنێ دڤێت حه‌فت كه‌س ل بن ئیك جادری ڤه‌ بن.

قائیمقامێ قه‌زا زاخو دیاكر ئه‌و یێن به‌رهه‌ڤیان دكه‌ن بو ڤالاكرنا قوتابخانه‌ ئه‌ڤه‌ ژی پێنگاڤه‌كا دی یه‌ قوتابخانه‌‌ بهێنه‌ ڤالاكرن .

ناڤبری ئه‌و ئیكه‌ژی دیاركر كو ئه‌ڤه‌ دبیته‌ قوناغا دوێ یو ڤالاكرنا قوتابخانه‌یان كو ئاماده‌یێن په‌نابه‌ر تێدا دێ هێنه‌ڤالاكرن  داكو ب شیێن ئاماده‌یی ده‌ست ب ده‌واما خو بكه‌ن.

ئه‌ڤرۆ نیۆز، ناجی به‌ده‌ل:

 پاریزگه‌ها دهۆكێ هژماره‌كا زورا په‌نابه‌ران ری لێ تیكریه‌ و نها هژمارا وان ژ یا ئاكنجیان زێده‌تره‌ و شیانێن پارێزگه‌هێ زیده‌تره‌ لی هاتیه‌ .

فه‌یهیم عه‌بدولا سه‌رۆكێ جڤاتا پاریزگه‌ها دهۆكێ بو ئه‌ڤرۆ نیوز راگه‌هاند:باندورا ل سه‌ر پاریزگه‌ها دهۆكێ به‌ری داعشی هه‌بویه‌ هه‌ر ژ توخیبێ شه‌نگالی هه‌تا دهێته‌ ده‌ورۆبه‌رێن موسلێ و هه‌تا ده‌ڤه‌را خازری هه‌مو ل سه‌ر خزمه‌تگوزاریێن پاریزگه‌ها دهۆكێ بون ب تایبه‌تی ژلایێ ساخله‌میێ ڤه‌ و جاران میزانیا گه‌شه‌پێدانێ و مسته‌حاقێن پارێزگه‌هێ 23 ژ سه‌دێ بون 6 ژ سه‌دێ بو مه‌ دهاتن ،ژنشكه‌كێڤه‌ ئه‌و ره‌وشا په‌نابه‌ران هاتینه‌ پاریزگه‌هێ.

سه‌رۆكێ جڤاتا پاریزگه‌ها دهۆكێ دیاركر ژی پشتی هه‌مو ئه‌گه‌ران كه‌توارێ پاریزگه‌هـ تێ كه‌تی كو 564384 كه‌س هاتینه‌ ناڤ پاریزگه‌هێ ژ‌ 63 سه‌دێ په‌نابه‌رێن هه‌رێمێ ل دهۆكێ نه و 130942 په‌نابه‌رێن رۆژئاڤا كو 20614خێزان بخوڤه‌گرتینه‌ و  كوچبه‌رێن قه‌ستا دهۆكێ كرینه‌ رۆژ ب رۆژی زێده‌بوینه‌ ل قوتابخانه‌ و هه‌یكه‌لێن مالا و جهین میری هه‌مو هاتینه‌ دانان و خه‌لكێ دهۆكێ و مه‌ردینی و هاریكاریا وه‌لاتیان بو په‌نابه‌ران كریه‌‌ كو 673قوتابخانه‌ هاتنه‌ تژیكرن  ئه‌ڤه‌ژی ئه‌گه‌رێ گیرۆكرنا سالا خواندنێ كو ل ڤێ هه‌فتیی دێ هێنه‌ ڤالاكرن .

فه‌هیم عه‌بدولا گوت ژی سالا خواندنێ ل بن گه‌فێن نه‌بونێ دا یه‌ ئه‌گه‌ر زو چاره‌سری بۆ نه‌هێته‌كرن خه‌لكێ پاریزگه‌هێ ب هه‌مو ته‌خ و چینێن خوڤه‌ ته‌خسیرینه‌كر و ئه‌گه‌ر هاریكاریا مله‌تێ مه‌ نه‌بایه‌ دا كاره‌ساتێن مه‌زن رۆده‌ن چونكو نه‌ دشیانێن حكومه‌تی دا ‌بون ب هژمارا زور ژنشكه‌كێڤه‌ ،له‌ورا دڤێت سه‌رێ ریزێ بو خه‌لكێ پاریگه‌ها دهۆكێ بكه‌ین به‌ری حكومه‌تێ د چه‌مینین ئه‌و هاریكاریا زور كری.

سه‌رۆكێ جڤاتا پارێزگه‌ها دهۆكێ دا زانین بزاڤكرینه‌ كونفرانسه‌كی ل پارێزگه‌ها دهۆكێ بكه‌ن بو چاره‌نڤیسێ پاریزگه‌هێ به‌ره‌ڤ كیڤه‌ چونكو شه‌رت نینه‌ بتنێ بریار بو حكومه‌تێ بیت یان جڤاتا پاریزگه‌هێ بیت به‌لكو دڤێت هه‌مو سازی و ته‌خ و چین بنه‌ شریكێن بریارێ.

سه‌رۆكێ جڤاتێ زێده‌تر دا زانین نمونا دهۆكی وه‌كێ كه‌سه‌كێ تازی هه‌ی هه‌ر كه‌سه‌ك سه‌رخوشیی و ئاخفتنه‌كا خوش بو دكه‌ت به‌لێ كه‌توار ئه‌ڤه‌ نینه‌ ،ئه‌ڤا نها دی مینیته‌ دستویی مه‌ دا و گه‌رماتیا خه‌لكی ب هه‌وارا مه‌ دهێت ئه‌و نامینیت ئاریشه‌ ل سه‌ر ملین مه‌ مینیت و 16 كه‌مپ  44 سه‌دی یا په‌نابه‌ران بخوڤه‌گریت 56 سه‌دێ یا دی دێ چلی بكه‌ین،ئێكه‌م جار یێن ل قوتابخانانڤه‌ سه‌ر 16 كه‌مپا هێنه‌ دابه‌شكرن كو ئه‌وان كه‌مپان ‌ 3067 دونه‌مێن عه‌ردێ چاندنێ داعیراینه‌ دێ 40102 خیزانا ڤه‌حه‌وینیت .

ده‌ربارێ پاشه‌رۆژا پارێزگه‌هێ فه‌هیم عه‌بدولا گوت كاریگه‌ری یا په‌نابه‌ران ل سه‌ر ژیانا دهۆكێ هه‌یه‌ و ل هه‌مو بیاڤه‌كی و هه‌تا قوتابیێن په‌نابه‌ران ژی 3000 قوتابی ‌نه‌ و پرسێن ئه‌منی و بیكاریێ و ساخله‌میێ و جڤاكی و ئه‌ڤه‌ هه‌مو بخو دێ بارگراینی ئێخنه‌ سه‌ر پارێزگه‌هێ هه‌تا مسته‌حقاتێن مه‌ نه‌دایه‌ هاتنا ئه‌ڤان په‌نابه‌ران ژی پتر فشار درۆست كریه‌ و باشترین چاره‌سه‌ری و ڤه‌گه‌ریانه‌ و ڤه‌گه‌ریانێ ژی ده‌مه‌كێ درێژ دڤێت و  كار بێته‌كرن و ئه‌گه‌ر نه‌هێنه‌ كرن دێ سوبه‌هـ ری مه‌ترسیه‌كا مرۆڤایه‌تێ بین.

ئه‌ڤرۆ، سالار دۆسكى:
وه‌زاره‌تا ره‌وشه‌نبیرى و لاوان، رێڤه‌به‌ریا گشتى یا ره‌وشه‌نبیرى و هونه‌رى/دهۆك، رێڤه‌به‌ریا هونه‌رێ شێوه‌كارى، ب هه‌فكارى دگه‌ل فاكولیتا زانستێن په‌روه‌رده‌یى بژڤانه‌ سۆباهى 9/11/2014 پیشانگه‌هه‌كێ ل فه‌كولیتا زانستێن مرۆایه‌تى ل زانكۆیا دهۆكێ ڤه‌كه‌ت.
حه‌سه‌ن عارف به‌رپه‌رسێ راگه‌هاندنێ رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ بۆ مالپه‌رێ ئه‌ڤرۆ نیوز دیاركر كو ل ژێر دروشمێ ئاواره‌ خه‌لكێ مه‌یه‌ و پێشمه‌رگه‌ ناسناما مه‌یه‌، رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ ، رێڤه‌به‌ریا هونه‌رێ شێ,ه‌كارى ب هه‌فكارى دگه‌ل دگه‌ل فاكولیتا زانستێن په‌روه‌رده‌یى بژڤانه‌ سۆباهى 9/11/2014 ده‌مژمێر 10 سپێدێ، پیشانگه‌هه‌كه‌كا پوسته‌رێن رامیارى و مرۆڤایه‌تى ل فه‌كولیتا زانستێن مرۆایه‌تى ل زانكۆیا دهۆكێ ڤه‌كه‌ت.