ئه‌ڤرۆ نیۆز:
سه‌رۆكێ لژنا ئێمناهیا جڤاتا پارێزگه‌ها نه‌ینه‌وا محه‌مه‌د ئه‌لبه‌یاتى راگه‌هاند، حوكمه‌تا عیراقا فیدرال و حوكمه‌تا هه‌رێما كوردستانێ ل دۆر ڤه‌كرنا بنگه‌هێن مه‌شق و راهێنان و پێكئینانا هێزه‌كا له‌شكرى یا سه‌رب له‌شكرێ عیراقێ ڤه‌ كو هژمارا وان نێزیكى 10 هه‌زار كه‌سان بیت رێككه‌فتن.
محه‌مه‌د ئه‌لبه‌یاتى هه‌روه‌سا گۆت: سه‌ره‌دانا وه‌زیرێ وه‌زاره‌تا به‌ره‌ڤانیا عیراقێ خالد ئه‌لعوبه‌یدى، ئه‌و رێككه‌فتن ل گه‌ل هه‌رێما كوردستانێ ئه‌نجامدایه‌، كو هه‌یكه‌لێ وێ هێزی ژ 19 فریقا پێكدهێت.
ئه‌لبه‌یاتى خوه‌یاكر، ئه‌ركێ وان 19 فرقێن له‌شكرى دێ بكراێ پرۆسا ئازادكرنا باژێرێ مووسل ژ چه‌كدارێن داعشێ یێن تیرۆرى رابن.
ئه‌ندامێ جڤاتا نه‌ینه‌وا ئاشكراكر هه‌تا نها ل بنگه‌هێ مه‌شق و راهێنان 4500 كه‌سان ناڤێن خوه‌ تۆماركرینه‌ بۆ پشكداریا دپرۆسا ئازادیا مووسل دا.

ئه‌ڤرۆ نیۆز:
بۆ جارا ئێگێ یه‌ وێنێ ئه‌بو درع كوژه‌كێ ده‌ڤه‌ر رسافه‌ یا به‌غدا ل گه‌ل سه‌رۆك وه‌زیرێن عیراقێ حه‌یده‌ر عه‌بادى ده‌ركه‌فت، ده‌مێ رێوره‌سمێ جه‌نازه‌یێ سه‌ركرده‌كێ ملیتانێن له‌شكرێ مه‌هدى و لیوایێ فه‌یله‌قا به‌در فه‌یسل مه‌لك ئه‌لزاملى كو روودانا په‌قینا ترۆمبێله‌كا (TNT ) ل پانزینخانا بێجى هاتیه‌ كوشتن.
ئه‌بو درع ناڤێ وى یێ دورست (ئیسماعیل حافز ئه‌للامى) ژدایكبویێ سالا 1970 یه‌، ژ به‌ر كارێن وى یێن توندڕه‌و و دوڕندانه‌ ل ده‌ڤه‌را رسافه‌ دژى سونیان ئه‌نجامداین ب ناڤێ ئه‌بو درع هاتیه‌ نیاسین.

ئه‌ڤرۆ نیۆز، قائید میرۆ
ژێده‌ره‌كێ ئاگه‌هدار لباژێڕێ مووسڵ ب ئه‌ڤرۆ نیۆز راگه‌هاند، كو ئه‌ڤرۆ رۆژا شه‌مبی هژماره‌ك چه‌كدارێن نه‌نیاس ل باشورێ باژێرێ مووسڵ ته‌قه‌ ل چه‌كدارێن داعشكریه‌ و د ئه‌نجامدا چوار تیرۆرستێن داعش هاتینه‌ كوشتن.
ژێده‌ری گۆتژی: بۆیه‌ر ل نێزیك ده‌ڤه‌را حه‌مام عه‌لیل بوویه‌ و گه‌ڕیه‌كا چه‌كدارێن داعش كریه‌ ئارمانج و ئه‌ڤه‌ بۆ جارا چه‌ندێ یه‌، چه‌كدارێن نه‌نیاس بڤی شێوه‌ی چه‌كدارێن دكه‌نه‌ ئارمانج و هه‌تا نوكه‌ ب ده‌هان چه‌كدارێن داعش ب گولله‌یێن چه‌كدارێن نه‌نیاس هاتینه‌ كوشتن.

شێخان، بارزان سلێمان مزوورى
به‌رپرسێ نڤیسینگه‌ها ره‌وشه‌نبیرى و راگه‌هاندن لقا 14 مووسل، سه‌عید مه‌موزینى، بۆ ئه‌ڤرۆ نیۆز دیار كر كۆ ل شه‌ڤا بورى چه‌كدارێن نه‌نیاس ل ناڤ باژێرێ مووسل ل تاخێ ئیسلاح زراعى هێرش كره‌ سه‌ر باره‌گایه‌كێ داعش 5 داعش كوشتن .

ناڤبرى دیار كر كو دهه‌مان شه‌ڤدا فروكه‌یێن هه‌ڤپه‌یمانان باره‌گایێن داعش ل ناحیا گه‌یاره‌ سه‌ر ب پارێزگه‌ها مووسل ڤه‌ بوردومان كرن 14 داعش هاتن كوشتن زیانێن مه‌زن ب ترومبێل و باره‌گایێن وان كه‌فتینه‌ ، فروكه‌یێن جه‌نگى یێن هه‌ڤپه‌یمانا باره‌گایێن داعش ل پارێزگه‌ها مووسل گه‌له‌ك زیانێن گیانى و مادى گه‌هاندینێ .