ئه‌ڤرۆ نیوز، هه‌یفا دوسكى:
ئه‌م دوور نابینین رێژه‌یا زیندانیان یێ پتر لێ دهێن چونكى ژمارا هاولاتیان زێده‌بوینه ل دهوكێ.
زه‌كى صالح موسا رێڤه‌به‌رێ چاكسازیا ژن و سنێلان ل دهوكێ بو سایتێ ئه‌ڤرو نیوز گۆت: مه دناڤ چاكسازیێ دا پترى 102 كه‌سان دناڤ چاكسازیێ دا هه‌نه و و هه‌مى ژى دكه‌ڤن به‌ر به‌رنامێ چاكسازیێ ژن و سنێلان دگه‌ل هه‌شت زارویێن دگه‌ل دایكێن خو ئه‌وێن بێ سه‌میان و كه‌س خو لێ نه‌كه‌ته خودان و ئه‌م سه‌ره‌ده‌ریێ بێ جوداهى دگه‌ل هه‌میان دكه‌ین.
زه‌كى صالح رێڤه‌به‌رێ چاكسازیێ زێده‌تر گۆت: ئه‌و ژنێن دناڤ چاكسازیێ دا پتر ژێ تاوانێن خازوكینیێ نه و پاشى ده‌همه‌ن پیسى دیڤدا دهێن، دیسا ئاواره ژى هه‌نه ئه‌وێن تاوان كرین. هه‌ر وه‌سا دزى و تیرۆستن ژى دناڤ چاكسازیێ دا هه‌نه دگه‌ل چوار حاله‌تێن خیانه‌تا هه‌ڤژینى، سه‌باره‌ت لایه‌نه‌كێ دى ژى ناڤبرى گوت( 21 ) ژ وان ژنێن دچاكسازیێ ڤه دادگه‌ه كرینه و 20 ژوان راگرتى نه ژیێن وان دسه‌ر 11 سالى دا.
به‌رۆڤاژى ژى مه هنده‌ك حاله‌تێن ژنا هه‌نه ل هه‌لكه‌فتا قه‌ستا مالێن خو دكه‌ن بو ماوێ حه‌فتیه‌كێ تایبه‌ت ئه‌وێن موئه‌به‌د.
ئه‌ڤرۆ نیۆز، قائید میرۆ
به‌رپرسه‌كێ پارتی دیموكراتی كوردستان ب ئه‌ڤرۆ نیۆز راگه‌هاند، كو پشتی پاقژكرنا ناحیا زوممار ژ چه‌كدارێن تیرۆرستێن داعش، هژماره‌كا زۆرا وه‌لاتیان ڤه‌گه‌ڕیانه سه‌ر مال و حالێن خوه ژیان ئاسایی بۆیه‌ڤه ل ده‌ڤه‌رێ، چونكو هێزا پێشمه‌رگه‌ی پارێزڤانیێ ل زممار دكه‌ت و نوكه ده‌ڤه‌ر یا ئارامه.
حه‌سه‌ن خه‌لو، به‌رپرسێ لیژنا ناوچا زوممار یا پارتی ئه‌ویه‌كژی بۆ ئه‌ڤرۆ نیۆز خویاكر، ده‌مێ چه‌ند رۆژانه ده‌ست ب ده‌واما قوتابخانا هاتیه‌كرن و نوكه قوتابی وه‌كی به‌رێ بشێوه‌یه‌كێ ئاسایی ده‌واما خوه دكه‌ت، له‌وڕا داخوازێ ژ وه‌لاتیێن ده‌ڤه‌رێ دكه‌ین یێن هه‌تا نوكه ڤه‌نه‌گه‌ڕیاینه سه‌ر گوند و مالێن خوه، ڤه‌گه‌ڕێن و چو مه‌ترسی نینه بۆ سه‌ر ژیانا وان.
ئه‌ڤرو نیوز: هه‌یفا دوسكى:
“عه‌یشا پترى 20 سالانه پشتى سنه‌تكرنا وێ دلێ وێ بو چ زه‌لامان نه‌چویه دوو جار شو كریه حه‌ژ كریارا سكسى ژى نه‌كریه.”
“شوكرنا مه ژنێن سونه‌تكرى بتنێ عه‌ده‌تى یه نه‌ك خوشى و حه‌زژێكرنه و هزاران كچ دهاتنه سنه‌تكرن”
“هیشتا سونه‌تكرن یا به‌رده‌وامه لێ په‌رله‌مان و جهێن په‌یوه‌ندیدار نه‌شێن گۆهرینێ بكه‌ن چونكى ڤه‌شارتى دهێته كرن و من ده‌لیل ژى هه‌نه”
عه‌یشا ئه‌و ژنا ئاكنجیا پارێزگه‌ها دهوكێ و پترى 20 سالانه ئه‌و یا بێ هه‌ڤژین و هێشتا دلێ وێ بو چ زه‌لامان نه‌چویه، دگه‌ل هندێ عه‌یشا خانێ گۆت ژى كو ئه‌و دگه‌ل هه‌ر دو خویشكێن خو دژیێ 4 سالى بو شه‌ش سالى دا هاتیه سنه‌ت كرن ب ده‌ستێ ژنه‌كا ناڤدارا وێ ده‌ڤه‌رێ و پاشى تا نوكه دبێژیت ئه‌م هزر دكه‌ین دلێ مه یێ مرى نه‌خاسمه ده‌مێ دبینن كو بابه‌تێن حه‌زا گیانێ خو ژن باس دكه‌ن دكه‌ن ل وى ده‌مێ عه‌یشا خانێ گۆت مه هه‌ست ب چ نه‌كریه و ئه‌م هه‌ست تشته‌كێ ژمه كێمه و ئه‌م نه‌دسرۆشتى نه، له‌ورا ژى ده‌مێ ئه‌م دبێژین دلێ مه بو چ زه‌لامان ناچیت كه‌س باوه‌ر ناكه‌ت، دگه‌ل هندێ ناڤهاتیێ گۆت ژى ئه‌گه‌ر دایك و بابێن من دساخ بان دوور نه‌بو مه ل سه‌ر وان كربا سكالا چونكى بتنێ شوكرنا مه بو زه‌لامى بتنێ تشته‌كێ عه‌ده‌تى بویه نه‌ك ڤیان و حه‌زژێكرن.
عه‌یشا خانێ گۆت گه‌له‌ك جاران زه‌لام دهێنه خازگینێن من لێ ئه‌ز دژیێ 48 سالى باوه‌ر ناكه‌م ژنوى هه‌ست پێ بكه‌م من مێیاتیه‌كا هه‌ى، ل وى ده‌مێ ئه‌م دهاتینه سنه‌تكرن ئه‌م ب هیجه‌تا شه‌كرۆك و شرینیا دهاتینه سنه‌تكرن، پاشى دگۆتن ئه‌و كچا نه‌هێته سنه‌تكرن ئاڤا ده‌ستێ وێ یا حه‌رامه.
ئه‌ڤرۆنیۆز، ئه‌میرئه‌ترووشى:
ئه‌ندامه‌كێ په‌رله‌مانێ كوردستانێ راگه‌هاند، ل ڤێ حه‌فتیێ دێ مووچێ فه‌رمانبه‌ران هێته به‌لاڤكرن و پشكا هه‌ره مه‌زن یا مووچێن مه‌ها نه‌ه ژ داهاتێ پترۆلێ هاتیه دابینكرن و گۆت: پشكه‌كا وى پاره‌ى ژى ژ داهاتێ ناڤخۆیه.
دلشاد شه‌عبان غه‌فار، جێگرێ سه‌رۆكێ لیژنا سامانێن سرۆشتى ل په‌رله‌مانێ كوردستانێ بۆ ئه‌ڤرۆ نیۆز دیاركر، د ماوه‌یه‌كێ كێم دا هه‌موو وه‌زاره‌ت دێ مووچێن مه‌ها ئه‌یلوولێ وه‌رگرن و 850 ملیار دینار بۆ مووچێن فه‌رمانبه‌ران هاتینه دابینكرن و پشكا هه‌ره مه‌زن ژ داهاتێ نه‌فتێ یه و گۆت: نها پارێ نه‌فتێ ب شێوه‌یه‌كێ باشتر دگه‌هیته ده‌ستێ حوكمه‌تێ و هه‌كه مووچێ هه‌یڤا نه‌ه بهێته دان، ب تنێ دێ حوكمه‌ت ئێك هه‌یڤ قه‌ردارا فه‌رمانبه‌ران بیت.
دلشاد شه‌عبان نه‌ڤه‌شارت ژى كو دره‌نگ گه‌هشتنا پارێ گازێ ژ به‌ر چه‌ند رۆتینیێن بانكى یى ژ بانكا هالك بانك.
ئه‌ڤرۆ نیۆز:
وه‌زیرێ ده‌رڤه‌یێ ئه‌لمانى فرانك شتانمایر جاره‌كا دى رژدیا وه‌لاتێ خوه بۆ پشتڤانى كرنا كوردستانێ دشه‌رێ دژى تیرۆرى دا دوپاتكر.
شتانمایر د په‌یوه‌ندیه‌كا تێله‌فونى دا ل گه‌ل سه‌رۆكێ هه‌رێما كوردستانێ مه‌سعود بارزانى ئێڤارا رۆژا پێچشه‌مبى دوپاتكر، ئه‌لمانیا یا به‌رهه‌ڤه بۆ هاریكارى و پشته‌ڤانیا هه‌رێما كوردستانێ دشه‌رێ دژى تیرۆرێ دا.
ژئالیێ خوه ڤه سه‌رۆك بارزانى سوپاسیا حوكمه‌ت و ملله‌تێ ئه‌لمانیا سه‌باره‌ت پشته‌ڤانیا هه‌رێمێ د شه‌رێ دژێ چكدارێن داعشێ كر، داكوكى كرنه سه‌ر ژناڤبرنا تیرۆرى پێدڤى ب پشته‌ڤانى و هاریكاریا نێڤده‌ولى هه‌یه.
هه‌روه‌سا هه‌ردو ئالیان به‌حسێ سه‌ركه‌فتنێن پێشمه‌رگه‌ى ل سه‌ر تیرۆستان ل به‌رۆكێن شه‌رى دۆ په‌یوه‌ندیا تێله‌فونى دا كرن.
ئه‌ڤرۆ نیۆز:
ژێده‌ره‌كێ له‌شكرى ل ده‌ڤه‌را مه‌خمور راگه‌هاند، پشتى شه‌رۆپێكدادانێن دژوار ل گه‌ل چه‌كدارێن داعشێ، پێشمه‌رگێ هه‌رێما كوردستانێ دو گوندێن سه‌ر ب قه‌زا مه‌مخور رزگار كرن.
به‌رپرسێ هێزێن پێشمه‌رگه‌ى ل میحوه‌رێ مه‌خمور سیروان بارزانى گۆت:ئه‌ڤرۆ پشتى نیڤرۆ هێزێن پێشمه‌رگێ هه‌رێما كوردستانێ د پێشڤه‌چوونه‌كا دیدا ل سه‌ر چه‌كدارێن داعشا تیرۆرست هه‌ردو گوندێن (برایم باول، ولاسرویان ) یێن سه‌ر ب قه‌زا مه‌خمورێ ڤه كنترۆلكرن و ژ ده‌ستێن چه‌كدارێن داعشێ ده‌رخستن.
سیروان بارزانى هه‌روه‌سا خوه‌یاكر، سوپاس بۆ خودێ هێزێن پێشمه‌رگه‌ى هه‌موو ب سلامه‌تن دڤێ شه‌رێ ئه‌ڤرۆ دا هایته كرن، به‌لێ زیان و زه‌ره‌كا مه‌زن ب چه‌كدارێن تیرۆرى یێن داعشێ كه‌فتیه چو یێن گیانى و یێن مادى ژى .
ئه‌ڤرۆ نیۆز:
سه‌ركرده‌كێ چه‌كدارێن داعش یا تیرۆرى رێككه‌فتنا دناڤبه‌را ئه‌نقره و چه‌كدارێن داعشێ ل دۆر پێگوهوڕینا دبلوماتكارێن هاتینه ده‌سته‌سه‌ركرن یا بویه جهێ گۆمان گه‌نگه‌شه‌كرنێ ئاشكرا دكه‌ت.
رۆژناما تایمز یا به‌ریتانى ل سه‌ر زارێ میقداد ئه‌لشرورى كو ئێك ژ چكدارێن داعشێ یێن ناڤداره و خه‌لكێ وه‌لاتێ یه‌مه‌نێ یه كو ڤه‌گه‌ریایه دناڤ رێزێن داعشێ دا، ئه‌و كه‌س ئێك بوو ژ 180 چه‌كدارێن تیرورى یێن ره‌گه‌زنامێن به‌ریتانى و ئه‌ورۆپى ل زیندانا ریحا ل وه‌لاتێ توركیا زیندانكرى بوون، ب رێككه‌فتنه‌كێ ل گه‌ل وه‌لاتێ توركیا هه‌مبه‌رى 46 فه‌رمانبه‌رێن قونسلخانا توركیا ل مووسل هاتنه ئازادكرن.
شرورى هه‌وه‌سا دبێژیت سه‌ره‌ده‌ریا وه‌لاتێ توركیا گه‌له‌كا باشبوو ل گه‌ل مه دزیندانێ دا، میقداد ئه‌لشرورى د شه‌ره‌كى دا ل باژێرێ حه‌له‌با سورى ب ده‌ستێن له‌شكرێ ئازادێ سورى ل هه‌یڤا تیرمه‌ها بۆرى هاتیه گرتن، پاشى هاتنه ڤه‌گوهاستن بۆ زیندانا ریحا ل ژێریا وه‌لاتێ توركیا.
ئه‌ڤرۆ نیۆز، ناجی به‌ده‌ل:
هه‌ر ژ ده‌ست پێكا پرۆسیسا ئازادیا عیراقێ و ده‌ست نیشانكرنا توخیبێ هه‌ریمێ بكو رێرێكێن یاسای بهێنه دیاركرن لی تا نها نه هاتینه‌دیاركرن.
د.محه‌مه‌د ئه‌حسان به‌رپرسێ گشتی یێ ده‌ڤه‌رێن كوردستانى یێن ده‌رڤه‌ى هه‌رێما كوردستانێ ژ هه‌رێمێ بو ئه‌ڤرۆ نیوز راگه‌هاند:ل رۆژهه‌لاتا ناڤین ئاریشه‌یه‌كا سیاسی ب رێكه‌كا یاسایی چاره بكه‌ی ب مێشكێ رۆژهه‌لاتی ناهێته‌كرن به‌س ب هیزێ دهێته چاره‌كرن.
د. محه‌مه‌د ئه‌حسانی دیاركر ژی درۆست بون هاتنا داعشێ ژ ئه‌گه‌رێ ململانیا شیعه‌ی و سنی ژ تونسێ هه‌تا ئه‌ندونیزیا نه‌رازیبونا سونه‌یان ژ ده‌سلاتێ بو داعشی بو ده‌لیڤه بهێته عیراقێ ب هێز و پرانیا ده‌ڤه‌رێن كوردستانى یێن ده‌رڤه‌ى هه‌رێما كوردستانێ ژی كه‌فتنه بن ده‌ستێ وێ هیزێ و ئه‌م توشی شه‌ره‌كی بوین شه‌ره‌كێ دوم درێژه و ب سه‌ربازی ژی ب دوماهیك ناهێت و هیزێن ئاسمانی ژی كاریگه‌ریا خو نا بیت به‌عسیان ده‌ست پێكر داعشێ كونترۆل ل سه‌ر كر ده‌ڤه‌رێ كر كو 437509 هزار كیلمه‌تر چوار گوشه یه رۆبه‌رێ عیراقێ و رۆبه‌رێ هه‌رێما كوردستانێ یێ 19/3/2013 دستوریێ دانپێدانكری 50328 هزاركیلومه‌تر چوارگوشه ده‌ڤه‌رێن كوردستانى یێن ده‌رڤه‌ێ هه‌رێما كوردستانێ ژ هه‌رێما كوردستانێ 45050 هزار كیلومه‌تر چوار گوشه‌یه كو 48 ژ سه‌ردێ ئاخا كوردستانێ ناكوكی ل سه‌ره .
به‌رپرسێ گشتی یێ ده‌ڤه‌رێن كوردستانى یێن ده‌رڤه‌ى هه‌رێما كوردستان گوت: پیدڤی ب هێزه‌كا سه‌ربازی و هزری و جڤاكی و ئابۆری و دونیایی بو هه‌ی بو ڤه‌گه‌راندنێ و ئه‌و جهێ مرۆڤی خوین بودای نه‌ڤه‌گه‌ریته ده‌ستپێكێ ڤه و ل سه‌ر عه‌ردی هنده‌ك تشتان بكه‌ین و ماده‌م بو زمانێ هیزێ دڤێت خو ب لاواز نه زوانین و ئیكرێزیا خو بهێتر و موكم بكه‌ین داكو ب شیێن هه‌مبه‌ری ئه‌ڤان ئاریشان زال بین.
ئه‌ڤرۆ نیۆز، ناجى به‌دل
ل گوری ژێده‌ره‌كێ له‌شكرى ل ده‌ڤه‌را زومار بو ئه‌ڤرۆ نیوز راگه‌هاند، ل درێژیا شه‌رۆ په‌ڤچونێن به‌رده‌وامێن گرۆپا تیرۆریستیا داعشێ و هێزێن پێشمه‌رگه‌یێ كوردستانێ و رامالینا وان ل سه‌ر ئاخا كوردستانێ.
ئه‌وی ژێده‌ری دیار كر كو ئه‌ڤرۆ ئیڤاری ده‌مژمێر 7 ل ده‌ڤه‌را ل گوندێ عوینات ل نێزیكێ ده‌ڤه‌را زومار ئه‌میره‌كێ داعشی هاته كوشتن.
ئه‌میرێ هایته كوشتن بناڤێ ئه‌بو عمار ته‌له‌عفه‌ری بوو كو ژ لایێ هێزێن پێشمه‌رگه‌ی ڤه هاتیه كوشتن.
نيشاندان