ئه‌ڤرۆ نیۆز:
ژێده‌ره‌كێ راگه‌هاندنا فه‌رمانده‌یا دهوكێ بۆ ئه‌ڤرۆ نیۆز ئاشكراكر، پشتى ئازادكرنا ناحیا زومار ژ چه‌كدارێن داعشێ و ڤه‌گه‌ریانا خه‌لكێ ده‌ڤه‌رێ بۆ سه‌ر جه و مالێن خوه ژیان هێشتا یا ب مه‌ترسیه ل وێ ده‌ڤه‌رێ.
عه‌قید شیرزاد نایف هه‌روه‌سا ئاشكراكر، ئه‌ڤرۆ ل گۆندێ كانى شرین ب سه‌ده‌ما په‌قینا بۆمبه‌كێ چاندى ب شڤانه‌كى ڤه په‌قى و ئه‌نجامدا وى شڤانى گیانێ خوه ژده‌ستدا.
ئه‌ڤرۆ نیۆز:
سه‌رۆكێ ده‌سته‌یا هه‌لبژارتنا یا هه‌رێما كوردستانێ راگه‌هاند، قووناغا هوربینیا لیستا ناڤێن كارمه‌ندێن ل سه‌ر سندوقێن هه‌لبژارتنان ب دووماهى هات و پێشبینى دهێته كرن ل 10 رۆژێن بهێت چه‌كا پاره‌ى ل گه‌ل پاداشتێن كارمه‌ندان بگه‌هیته هه‌موو پارێزگه‌هێن عیراقێ.
مازن عه‌بدولقادر سه‌رۆكێ ده‌سته‌یا ناڤبرى دداخویانیه‌كێ دا بۆ SNN راگه‌هاند، د كۆمبوونا ل گه‌ل به‌غدا به‌رپرسێن كومسیۆنا بلندا به‌غدا ئێك ژ ته‌وه‌رێن سه‌ره‌كى یێن كۆمبوونێ موچێ هه‌موو كارمه‌ندان بوو یێن هه‌لبژاتنێن 30 ێ نیسانێ ل سه‌ر سندوقێن هه‌لبژارتنان بوون.
مازن عه‌بدولقادر هه‌روه‌سا گۆت: قوونا هوربینیا لیستا ناڤێن كارمه‌ندان ب دووماهى هاتیه، دیسان دیاركر،سه‌رۆكێ كارگێریێ هه‌لبژارتنا دوپاتكر كو ئه‌و نها مژوولى دورستكرنا چه‌كانه و ئاشكرا كر پشتى گه‌هشتنا چه‌كان بۆ هه‌رێما كوردستانێ راسته‌وخوه بۆ نڤیسینگه‌هێن پارێزگه‌هان دێ هێنه كرن.
ئه‌ڤرۆ نیوز، هه‌ژار مه‌عروف:
پشتى یاریكه‌رێ كورد و یانا گه‌نجلیبه‌رى یا توركى ل سه‌ر پروڤایلێ خوه ل مالپه‌رێ خوه یێ كومه‌لاتى به‌لاڤه‌كرى ل كوبانى و ل هه‌رێما كوردستانێ سه‌ركه‌فتن بوو كوردستانێ یه و داعش ل سه‌ر ده‌ستێ كوردستانێ دهێته ژناڤبرن و ئه‌و چه‌نده ژێ دیاركر بوو گه‌لى جیهانى كچێن كورد ژ ده‌ستێ داعش رزگار بكه‌ن كو ئه‌ڤ چه‌نده ببو جهێ نه رازیبوونا چه‌ند كه‌سان ل توركیا تایبه‌ت پشته‌ڤانێن ڤێ یانێ ل باژێرێ ئه‌نقره.
به‌رپرسێ راگه‌هاندنا وێ یانێ بوو مالپه‌رێن توركى دیاركرى یه ل رۆژا ئێك شه‌مبیا بورى سێ كه‌سان هێرش كرى یه سه‌ر ڤى یاریكه‌رى ژبه‌ركو یاریكه‌رى ل مالپه‌رێ خوه چه‌ند په‌یڤێن سیاسى یێن ب ملله‌تێ وى ڤه گرێداى به‌لاڤه‌كر بوون و نوكه یاریكه‌ر ل ئه‌لمانیا داخوازیا ده‌ست به‌ردانا خوه كرى یه.
دهێته زانین ده‌نیز ناكى هه‌ر چوونا وى بوو خولا سوپر لیگا توركیا خوه ب یاریكه‌ره‌كێ كورد د زانى نه تورك ل سه‌ر ده‌ستێ خوه ناڤێ باژێرێ خوه دێرسم نفێسابوو و ل ده‌ستێ دێ نڤێسابوو ئازادى بوو كوردستانێ و به‌رده‌وام ل مالپه‌رێ خوه پشته‌ڤانى بوو پێشمه‌رگه‌ى و شه‌رڤانێن یه‌په‌گه كرن.
ده‌نیز ناكى ل سالا 1989 ل دێرسم دایكبووى یه پاش ل گه‌ل خێزانا خوه به‌ر ب وه‌لاتێ ئه‌لمانیا چوى یه ل وێرى بوو یانیێن بایرلفركوزن و بادروبون و سانت باولى كرى یه و ل گه‌ل هه‌لبژارتیێ ئه‌لمانیا 20 سالى و 23 سالى یارى كرى یه.
ئه‌ڤرۆ نیۆز:
بزاڤێن كێمكرنا بهایێ په‌رتۆلێ درێدایه و پرۆژێ قانوونا بودجا 2014 بۆ جڤاتا نوونه‌رێن عیراقێ ناهاێته ره‌وانه‌كرن.
ئه‌ندامێ لژنا دارایى یا جڤاتا نوونه‌رێن عیراقێ مه‌سعود حه‌یده‌ر، سه‌باره‌ت داخویانیا جێگرێ سه‌رۆك وه‌زیران بها ئه‌عره‌جى دیاركر بوو كو رێككه‌فتى 1/12/2013 پرۆژێ قانوونا بودجا سالا 2015 دێ هێته ره‌وانه‌كرن، مه‌سعودى هه‌روه‌سا گۆت: دروونشتنا بۆرى دا هشیار زێبارى وه‌زیرێ دارایى دوپاتكر كو ل هه‌یڤا (12) پرۆژێ قانوونا بودجا گشتى یا سالا (2015) دێ هێته ره‌وانكرن، هه‌مان داخوه‌یانى جێگرێ سه‌رۆك وه‌زیران ژى دوپاتكریه، هه‌ڤده‌م لژنا دارایى یا په‌رله‌مانى نڤیساره‌كا تایبه‌ت داخوزایا ره‌وانه‌كرنا پرۆژى قانوونا بۆدجا سالا 2015 هاتیه كرن.
سه‌باره‌ت ده‌نگویێ دبێژیت پرۆژێ بودجا سالا 2015 هه‌مان پرۆژێ قانوونیێ سالا 2014 ێ یه بتنێ سال دێ هێته گوهۆڕین، مه‌سعود حه‌یده‌ر گۆت: چو بنه‌ما بۆ نینه چونكى پێدڤیه پێداچوونا بۆدجا هه‌موو وه‌زاره‌تان بهێنه كرن، نه‌خاسمه پشتى داهاتێ په‌ترۆلێ هاتیه كێمكرن كو ئه‌م ژى وه‌ك لژنا دارایى مه دڤێت بهایێ ته‌رخانكریێ په‌ترۆلێ كێم بكه‌ین وه‌كى سالا 2014 نه‌بیت كو بهایێ هه‌ر به‌رمیله‌كێ (90) دۆلار بوون.
ئه‌ڤرۆ نیۆز:
ئێكه‌تی نیشتیمتنی كوردستان پۆستێ سه‌رۆكێ فراكسیۆنا جڤاتا نوونه‌رێن عیراقێ ئێكلاكر و ئالا تاله‌بانی وه‌ك سه‌رۆكا فراكسیوَنا ئێكه‌تیێ د جڤاتا نوونه‌رێن عیراقێ دا هاته ده‌ستنیشانكرن.
ئالا تاله‌بانی ئه‌نداما جڤاتا نوونه‌رێن عیراقێ دداخوه‌یانیه‌كێ دا بۆ مالپه‌رێ SNN راگه‌هاند، مه‌كته‌با سیاسی یا ئێكه‌تی نیشتیمانی كوردستان و ددو كۆمبوونان دا وه‌ك سه‌رۆك فراكسیۆنا ئێكه‌تی هاتیمه دیاركرن.
ئالا تاله‌بانی هه‌روه‌سا گۆت: بڕیاره ل چه‌ند رۆژێن بهێت ژی په‌یڤدارێ فه‌رمیێ فراكسیۆنا ئێكه‌تیێ و بڕیارده‌رێ وێ ژی بهێنه ئێكلاكرن.
ئه‌ڤرۆ نیۆز، قائید میرۆ
پشتی كو ڤێ حه‌فتیێ شانده‌كێ ئێكه‌تیێ سه‌ره‌دانا به‌غداكری بۆ دانوستانان ل دۆر پرسێن هه‌لاویستیێن نێڤبه‌را هه‌ولێر و به‌غدا، كارڤه‌دانێن جۆدا لێ په‌یدابوون و په‌رله‌مانتاره‌ك دبێژیت، چوونا شاندێ ئێكه‌تیێ موزایه‌ده‌یا سیاسیه تێته‌كرن.
بهار عه‌بدولڕه‌حمان، په‌رله‌مانتارا ئێكگرتوویا ئیسلامی بۆ ئه‌ڤرۆ نیۆز دیاركر، چوونا شاندێ ئێكه‌تیێ بۆ به‌غدا تنێ موزایه‌ده‌یه تێته‌كرن، ئێك ژ ئاریشه‌یێن كورددا ئه‌ڤه هه‌تا نوكه ئێك رێزیا نیشتیمانی ناهێته پاراستن و بۆیه ئه‌گه‌رێ په‌یدابوونا قه‌یرانان، ئه‌م دگه‌ل ڤێ چه‌ندێ نینه چو شانده‌كێ حزبی سه‌ره‌دانا به‌غدا بكه‌ت، به‌لكۆ دڤێت شاندێ هه‌رێمێ ب نوونه‌رایه‌تیا هه‌موو لایه‌نان بچیته به‌غدا.
ژلایێ خۆڤه‌ژی ره‌هێل جاف، كادرێ پێشكه‌فتیێ پارتی دیموكراتی كوردستان بۆ ئه‌ڤرۆ نیۆز گۆت: هه‌ر شانده‌كێ حزبی سه‌ره‌دانا به‌غدا بكه‌ت بۆ دانوستانان ده‌ربڕینێ ژ سیاسه‌تا هه‌رێما كوردستانێ ناكه‌ت و تنێ حوكمه‌تا هه‌رێما كوردستانێ نوونه‌رایه‌تیا هه‌رێمێ دكه‌ت و هه‌موو پارتێن سیاسی تێدا پشكدارن، چوونا شاندێ ئێكه‌تیێ ژی چو بهایه‌ك نینه، چونكو دێ سه‌نگا كورددان لهه‌مبه‌ر عه‌ره‌بان لاوازكه‌ت و بڕیاره ئه‌ف شاندا هه‌رێمێ كو بچیته به‌غدا دێ سه‌نگا وێژی ئێنیت خوار.
ئەڤرۆنیۆز:
رائید رەمزی حسێن ژ ھێزێن پێشمەرگەی ل کوبانێ دیار کر کو ژ ئەنجامێ توپارانکرنا پێشمەرگەی بۆ سەر بنگەھێن داعش و ھێرشێن YPG ئەڤرۆ نێزیکی ٣٠ چەکدارێن داعش ھاتینە کوشتن و فەرماندەکێ وان ب ناڤێ ئەبۆ حەمزە ھاتیە دەستەسەرکرن.
رائید رەمزی بۆ پەیجێ ئەفسەرانی کوردستان گۆت: (دەبابەکا داعش ژی ئەڤرۆ ژلایێ پێشمەگەی ڤە ھاتیە ژناڤ برن).
ژلایێ خو ڤە رائید عزەدین تەمو د ئەکاونتێ خو دا بەلاڤکریە کو شڤێدی پێشمەرگەی شەرەکێ گەلەک سەخت ل گەل داعش ئەنجامدایە و شیاینە چەند ھێرشەکێن داعش تێک ب شکێنن.
شێخان،بارزان سلێمان مزوورى:
به‌رپرسێ لقا 20 شێخان یێ پارتى دیموكراتى كوردستان ،عه‌لى عه‌ونى ، بۆ ئه‌ڤرۆ نیوز دیاركر، كو كوردان پرسا سه‌ربخۆبون و ده‌وله‌ت بونێ ژبیر نه‌كریه.
هه‌روه‌سا عه‌لى عونى دوپاتكر، ب راستى هێرشێن تیرورستێن داعش بۆ سه‌ر كوردان ئێكه‌تى و ئێكگرتیا كوردان و به‌رخودان و ئیراده‌یا كوردان زێده‌تر كر.
به‌رپرسێ لقا شێخان گۆت: ئه‌م فێرى هندێ كرین كو دێ چاوا به‌رسینگا وان هه‌موو ئاسته‌نگێن بهێنه ریا مه‌دا بۆ ئازادیا كوردستانێ جانترو باشتر شه‌رى بكه‌ین گه‌لێ كوردستانێ چ جارا خه‌ونا خۆ ئازادیا سه‌رخوبونا خو ژبیرناكه‌ن .
ئه‌ڤرو نیوز، ناجی به‌ده‌ل:
به‌رى چه‌ند رۆژان وه‌زیرێ به‌ره‌ڤانیا عیراقێ هاتبو هه‌رێما كوردستانێ و ل گه‌ل وه‌زیرێ پێشمه‌رگه‌ی كومبو ل سه‌ر ره‌وشا نهایا یا عیراق تێدا و هه‌رێما كوردستانێ و چه‌وانیا هه‌ماهه‌نگیكرنا هه‌ر دوو وه‌زاره‌تان.
ئاری هه‌رسین سه‌رۆكێ لیژنه‌یا پێشمه‌رگه‌ی ل په‌رله‌مانێ كوردستانێ بو ئه‌ڤرۆ نیوز راگه‌هاند:به‌شداریكرنا هێزا پێشمه‌رگه‌ی ل رزگاركرنا باژێرێ موسل د به‌رژوه‌ندا وه‌زاره‌تا به‌ره‌ڤانیا عیراقێ دایه و نه‌شیانێن وان و به‌ر ئێك چونا له‌شكه‌رێ عیراقێ له‌ورا داخازا هاریكاریێ دكه‌ن چونكو شه‌ش هه‌یڤه هێز پێشمه‌رگه‌ی سه‌ربوره‌كا باش و شیایه ب شێوه‌یه‌كێ سه‌ركه‌فتیانه به‌رهه‌نگاریا داعشێ بكه‌ت.
ناڤبری گوت ژی وه‌زاره‌تا به‌ره‌ڤانیا عیراقێ ژی پێدڤی ب هێزا پێشمه‌رگه‌ی هه‌یه به‌لێ ئه‌م وه‌ك لێژنه‌یا پێشمه‌رگه‌ی و په‌رله‌مانێ كوردستانێ ئه‌گه‌ر بهێته كرن ئه‌ڤ هاریكاریه ل گوری بنكاره‌كی زه‌لال بیت.
ده‌ربارێ دابه‌شكرنا چه‌كان ل سه‌ر به‌رۆكێن شه‌ری سه‌رۆكێ لیژنه‌یا پێشمه‌رگه‌ی ل په‌رله‌مانێ كوردستانێ دیاركر ل گه‌ل وه‌زیرێ پێشمه‌رگه دانوستاندن كریه ل سه‌ر ئه‌وێ خالێ به‌لێ چه‌كێن ب هێزا پێشمه‌رگه‌ی گه‌هشتین دكێمن و نه دئاستێ پیدڤی دانه و دشه‌ره‌كێ هوسا مه‌زن دا مه پێدڤی ب چه‌كه‌كێ زێده‌تره و پشته‌ڤانیا زێده‌تره چه‌كی هه‌یه و دابه‌شكرن لسه‌ر ئالیتێ محوه‌ر و یه‌كه‌یێن سه‌ربازی بویه ده‌نگویێ ئه‌وێ چه‌ندێ كو چه‌ك بو هنده‌ك جهان دچیت و بو هنده‌كان ناچیت ل كومبونا مه ل گه‌ل وه‌زیری جه‌نابی وی بو مه دیاركر كو ل كیرێ شه‌ر گه‌‌رم هه‌یه دێ بو وێرێ به‌ین ل گوری ئه‌ڤی پێڤه‌ری یان ل كیش محوه‌ری هێرشێن داعشێ زورترن بو ئه‌وێ ده‌ڤه‌ری دهێنه ره‌وانه‌كرن .
ئه‌ڤرو نیوز: هه‌یفا دوسكى:
ئه‌ڤرو رێكه‌فتى 6/11/2014 رێكخراوا ئێكه‌تیا ئافره‌تان و ئێكه‌تیا ژنان و یه‌كگرتویى خویشكا پێكڤه رۆنشتن و دڤێَ رۆنشتنێ دا ل سه‌ر راپرسیا به‌رنامێ سێ سالى یێ پارێزگه‌ها دهوكێ دێ به‌شدار بن و ئه‌و ژى دێ دكونفرانسێ داهاتى یێ نه چاڤه‌رێكرى دا هاریكار بن.
ئاواز ئه‌حمه‌د به‌رپرسا رێكخستنێ ل ئێكه‌تیا ئافره‌تان بو سایتێ ئه‌ڤرو نیوز گۆت: ئه‌ف رۆنشتنه یا نه ئاسایى بو ژبه‌ر هه‌رسێ رێكخراوێن لایه‌نێن سیاسى ژى دێ به‌شدار بن د كورنفراسێ داهاتى ئه‌وێ دى ل رۆژا 9/11/2014 دێ هێته كرن، ژبه‌ر هندێ ژى ژى ئه‌م ژى رێكخراوێن ناڤبرى ب هه‌ڤرا دێ پێشنیارێن خو دانین و لرۆژا كونفرانسى پێشكێشى لژنێ كه‌ین ژبو ئه‌و پلانا سێ سالى یا به‌رنامێن سێ سالا یێن بو دهوكێ دێ هێنه دانان.
پاشى ئاواز خانێ گۆت ژى ئه‌ڤه ئێكه‌م جاره دێ ئه‌م رێكخراوێن ئافره‌تان یێن هه‌مى لایه‌نا دێ به‌شدارى بین و دێ ب رژدى كار ل سه‌ر ژى كه‌ین داكو ئه‌م بشێن گازندێن هاولاتیان كێم بكه‌ین سه‌باره‌ت وان برۆژێن گرێدایى ژیانا خه‌لكێ دهوكێ و ئه‌ڤ كونفرانسه ب سه‌رپه‌رشتیا پارێزگارێ دهوكێ (فه‌رهاد ئه‌مین) دێ هێته كرن.
نيشاندان