ئەڤرۆ:
رێڤەبەرێ گشتی یێ ئاڤ و سولینان ل ھەرێما کوردستانێ راگەھاند کو پرۆژێ دانانا پیڤەرێن میکانیکی یێن ئاڤێ بۆ ملیۆن مالان ل سەر ئاستێ ھەرێما کوردستانێ جێبەجێ دکەن، گۆت ژی ھەر مالەکا ڤی پیڤەری نەدانیت دێ ھەر دێ ھەیڤێ ب 100 ھزار دیناران ھێتە غرامەکرن.
سەھەند سیروان رێڤەبەرێ گشتی یێ ئاڤ و سولینان ل ھەرێما کوردستانێ ئەو ژی دیارکر کو د ماوێ 40 رۆژان دا دێ ئەو پیڤەرێن میکانیکی ھێنە دانان کو د تایبەتن ب قەبارێ وێ ئاڤا دھێتە ب کارئینان بۆ ملیۆن مالان ل سەر ئاستێ ھەرێما کوردستانێ، گۆت ژی سێ مۆدێلێن پیڤەران یێن ھەین و ھەر ئێک ب بھایەکێ جودایە و وەلاتی د ئازادن کیژی ب دانن، ل بەرامبەری وێ وەلاتی دێ ھێنە بەخشین ژ پێدانا کریا بکارئینانا ئاڤێ بۆ ماوێ چار ھەیڤان ب مەرجەکی رێژا ب کارئینانێ ژ 160 مترێن سێجا بۆ ھەیڤەکی پتر نەبیت.
رێڤەبەرێ گشتی یێ ئاڤ و سولینان ل ھەرێما کوردستانێ گۆت ژی ھەکە ھەر مالەک وان پیڤەران نەدانیت ل وی دەمی بۆ ھەر ھەیڤەکێ دێ سەد ھزار دیناران وەکو سزا دەت.
ئەڤرۆ نیوز:
رێڤەبەریا گشتیا کەشناسی و بیڤەلەرزێ ل ھەرێما کوردستانآ رەوشا کەشوھەوایێ سوبەھی رێکەفتی 7\11 راگەھاند و ئاشکەرا کر کو پێشبینی دھێتە کرن، ئەسمان ساھی بیت.
رێڤەبەریا گشتیا کەشناسی و بیڤەلەرزێ ل ھەرێما کوردستانآ دا زانین ژی کو پلا بەرز دێ پیچەکێ چیتە سەری، ئانکو بلند بیت و نزمترین پلە ژی دێ وەکو ئەڤرۆ و رۆژێن بەری وێ بیت.
دەربارەی ئاراستەیێ بای و لەزاتیا وێ ژی ئاشکەرا کریە کو دێ بایێ باکوورێ رۆژھەلات بیت و دێ یێ ل سەر خۆ بیت ب رەنگەکی کو ژ پێنج ھەتا 20 کلیۆمەتران د دەمژمێرەکێ دا.
دەربارەی پلێن گەرمێ ژی بەلاڤ کریە کو بلندترین پلە دێ 15 بیت و نزمەترین پلە ژی دێ پێنج بیت.
ئه‌ڤرۆ نيوز:
پشتى دروستبوونا په‌يچه‌كێ ب ناڤێ دلنيا قه‌ره‌داغى
، سترانيێژا شوخا كورد رۆهنكرنه‌ك به‌لاڤ كر و تێدا ئاشكه‌را كر كو ئه‌و په‌يچ يێ وێ ب خوه يه و ژبلى وى په‌يچى چو په‌يچێن دى نينن.
ده‌رباره‌ى كار و به‌رهه‌مێن وێ ژى دياركر كو تشتێ گه‌له‌ك باش ئاماده كريه، به‌لێ هندى شه‌ر هه‌بيت وه‌كو رێزگرتن ل پێشمه‌رگه‌ى وى به‌رهه‌مى خوه به‌لاڤ ناكه‌ت.
ئەڤرۆ نیوز: ھەیفا دۆسکی:
دەمێ روودانەک پەیدا دبیت ھندەک جاران ژ ئەگەرێ کرین و فرۆتنا زێدە ب سیم کارتی، ھەتا 15 کەسان ژی دھێنە دەستەسەرکرن ھەتا بگەھنە تاوانبارێن سەرەکی.
دوکانەکا فرۆتنا سیم کارتان دیار دکەت کو ئەوان گەلەک سیمکارت یێن ھەین بێ وەرگرتنا فورما و ناسنامانە، ئانکو بازرگانی نە، دەمێ خەلک دکرن ئەو نوزانن بۆچی ھاتینە کرین چونکو ئێک د فرۆشیتە ئێکی.
عەلی ئەحمەد خودانێ دوکانا سیم کارتان پتر گۆت: “گەلەک جاران جھێن پەیوەندیدار ب پۆلیسان ڤە ھاتینە و پسیارا ھژمارێن تەلەفونا ژ مە کرینە و ب وان سیم کارتان تاوان پێ ھاتینە کرن و پاشی ھاتیە فرۆتن، لەورا ژی ھندەک جاران کێشە و ئالوزی بۆ مە ژی چێبووینە”.
(م، ن) ئەفسەرەکێ ڤەکۆلینێ یە بۆ ئەڤرۆ نیوز گۆت: “ئەڤە بوویە دیاردە، گەلەک جاران مە 10 ھەتا 15 کەسان دەستەسەرکرینە چونکو پشتی تاوان ھاتیە کرن دووڤچوونا ھژمارا تەلەفونا وی کەسێ تاوان کری ھاتیە کرن ئەو سیم کارت ھاتیە فرۆتن و پاشی ئێکی فرۆتیە یێ دی و ھەتا تاوانبارێ سەرەکی پێ دھێتە گرتن”.
ئەفسەرێ ڤەکۆلینێ ئەو ژی نەڤەشارت کو ئەڤە ل گەلەک بنگەھێن پۆلیسان روودایە و گۆت: “دەمێ ئێکی دگرین ئەو پێزانینا ل سەر یێ دی ژی یێ کری و ھەتا دگەھیتە یێ ئێکی ب ناڤێ خوە کری”.
ئەڤ ئەڤسەرێ ڤەکۆلینێ دبێژیتژی: “ھندەک جاران دەمێ سیم کارت دھێنە کرین پێدڤی یە بێ فورمە نەبیت چونکو دبیت ئەو سیم کارتە یێ کەسەکێ تاوانبار بیت، لەورا پێدڤی یە کرینا سیم کارتی ھندا ب سانەھی نەبیت، ژ بەر کو رۆژا تاوانێ کا سیم کارت ل دەڤ کێ یە ئەو دێ کەڤیتە بەر دادگەھێ ڤێجا باشترە ب ھوشیاری ئەڤ بابەتە بھێتە بەرچاڤکرن”.
ئەڤرۆ:
سەرۆکی لژنا دارایی ل پەرلەمانی کورستانێ گۆت بھایێ پانزینێ ل ھەرێما کوردستانێ دێ ھێتە خوارێ ب رەنگەکی کو ژ 800 دیناران کێمتر لێ بھێت.
د. عزەت سابر سەرۆکی لژنا دارایی ل پەرلەمانی کورستانێ دیارکر کو پشتی جڤاتا وەزیران و جڤاتا بلند یا نەفت و غازێ ل ھەرێمێ بھایێ پانزینێ زێدە کری و کریە 800 دینار نوکە حەز ل سەر پانزینێ وەکو جاران ژ لایێ شوفێران کێم بوویە.
د. عزەت سابر گۆت ژی دەمێ حەز ل سەر ھەر تشتەکی کێم ببیت دێ بھایێ وی ھێتە خوارێ، لەورا ژ بەر کێم بوونا حەزا خەلکی ل سەر پانزینێ و دابەزینا بھایێ نەفتێ ل جیھانێ ب رەنگەکێ گشتی دھێتە چاڤەرێ کرن بھایێ پانزینێ ل ھەرێما کوردستانێ بۆ بن 800 دیناران کێم ببیت.
ئه‌ڤرۆ نيوز، ناجی به‌ده‌ل:
موزه‌حم سه‌عدون رێڤه‌به‌رێ ناحیا زومار بۆ ئه‌ڤرۆ نیوز گۆت: “هێشتا چ دام و ده‌زگه‌هێن فه‌رمی ل ناحیا زومار ده‌ست ب كار نه‌بوویه و كته‌كا كێم یا خه‌لكی ڤه‌گه‌ریاینه، ئه‌وێن ڤه‌گه‌ریان ژی مه‌ترسیا ته‌قینا تێنتیان ل سه‌ره دڤێت هشیار بن”.
زێده‌تر گۆت: “هێشتا خه‌لك ب وی ره‌نگى نه‌ڤه‌گه‌ریایه، ل هه‌رگونده‌كی سه‌نته‌رێ ناحیێ چه‌ند ماله‌ك ڤه‌گه‌ریاینه ژ به‌ر مه‌ترسیا مینان و مه‌ترسی دێ ل سه‌ر ژیانا وان دروست بیت”.
ناڤبری دا زانین هێشتا تیمێن ئه‌ندازیاریا مینان ب ته‌مامی ناحیا زومار پاقژ نه‌كریه و به‌رده‌وامن ل سه‌ر كارێن خوه و گۆت: “ئه‌ڤه چه‌ندین شه‌هید ژی دان ب ئه‌گه‌رێ راكرنا مینان”.
موزه‌حم سه‌عدون ئاماژه ب وێ چه‌ندێ ژى كر كو هێشتا ئیدارا ناحیێ و جڤاتا ناحیێ ده‌ست ب كارێ خوه نه‌كریه وژ ئه‌گه‌رێ كێم و كاسی و نه‌مانا پیدڤێن ده‌وامێ و گۆت: “ل ده‌مه‌كێ نێزیك دێ ده‌ست ب كارین خوه كه‌ین، ئه‌گه‌ر نه ل جهی ناحیێ ژی بیت”.
گۆتژى: “دڤێت سۆپاسیا پارێزگه‌ها دهۆكێ و وه‌لاتیین وێ بكه‌ین بۆ ئه‌وێ هژمارا وه‌لاتیین ناحیا زومار و ده‌ڤه‌رێ ڤه‌حه‌واندین بۆ سڤكرنا بارێ پارێزگه‌هێ ژی دڤێت ب له‌ز كارێ ڤه‌گه‌راندنێ بهێته كرن”.
تیرۆر وه‌ك مه‌ترسیه‌كا مه‌زن ل سه‌ر هه‌می مرۆڤاتیێ و جیهانێ، ب تایبه‌تی ل ڤان سالێن دووماهیێ مه‌ترسیا وێ رۆژ ب رۆژ د به‌رفره‌هبوونێ دا یه، ب تایبه‌تی پشتی روودانێن 11 سیپته‌مبه‌رێ ل سالا 2001 كو مه‌زنترین گورزێ تیرۆرستی ویلایه‌تێن ئێكگرتیێن ئه‌مریكی هه‌ژاندی، ئه‌ڤه بوو سه‌ده‌ما وێ چه‌ندێ كو به‌رهنگاربوونا تیرۆرێ ژ چاچووڤێ خوه‌یێ كلاسیكی ده‌ربكه‌ڤیت ب تایبه‌ت ده‌مێ جڤاتا ئاسایشا نێڤده‌وله‌تی دان ب جه‌نگا ل گه‌ل تیرۆرێ كری وه‌ك مافێ به‌رگریێ ژ خوه و چه‌ند بریاره‌كێن گرنك د ڤی واری دا ده‌رخستین مینا 1368 و1373 كو ل سالا 2001 ده‌ركرن و ب توندی ئیدانا كریارێن تیرۆری كر، پاشی ویلایه‌تێن ئێكگرتێن ئه‌مریكی و هه‌ڤپه‌یمانان جه‌نگێ ل گه‌ل تیرۆرێ ده‌سپێكر كو ل وی ده‌می دژی رێكخراوا (القاعده) جه‌نگی ده‌سپێكربوو، لێ نها تیرۆر ژ چارچووڤێ رێكخراوه‌كا تیرۆرستی ده‌ركه‌فتیه و ده‌وله‌ته‌كا تیرۆرستی هاتیه راگه‌هاندن ژ لایێ تیرۆرستێن توندره‌و ب ناڤێ (داعش) و مه‌ترسیا وێ گه‌له‌ك پتره ژ رێكخراوێن تیرۆرستی یێن به‌ری نها ژبه‌ر كو چه‌كه‌كێ گران دده‌ست دایه و پارچه‌كا مه‌زن ژ هه‌ردو وه‌لاتێن عیراق و سووریا داگیركریه و گه‌له‌ك تیرۆرستێن توندره‌و ژ هه‌می دونیایێ په‌یوه‌ندی پێكریه و پشته‌ڤانیه‌كا مه‌زن لێ دهێته كرن، ژ ئالیه‌كێ دیڤه فه‌لسه‌فا كریارێن وان یێن تیرۆرستی گه‌له‌ك جوداتره ژ تاوانیێن تیرۆرستی یێن به‌ری نوكه ژ به‌ركو هه‌می بنه‌مایێن ئاینی و مرۆڤاتی ب توندی پێشێلكرینه و ته‌كتیكا وێ یا جه‌نگێ هاتیه گوهۆرین كو دشیانیێن وێ دایه هێرشان بكه‌ته سه‌ر به‌ره‌یێن له‌شكری و باژێر و باژێركان دررپێچ و داگیر بكه‌ت ب چه‌كه‌كی گران، ئه‌ڤه پشتی داگیركرنا پارچه‌كا مه‌زن ژ خاكا عیراقێ و سووریێ و ده‌ست و ب سه‌رداگرتنا چه‌كه‌كێ پێشكه‌فتی ژ چه‌كێ له‌شكرێ عیراقێ كو بجه هێلابوو د داگیركرنا مووسلێ و تكریتێ دا، ئه‌ڤێ ده‌وله‌تا تیرۆرستی كوردستان كره ئارمانجا خوه و ل هه‌می سنۆرێ كوردستانێ ده‌ست ب هێرشان كر و ب هاریكاریا چه‌ندین خاین و خۆفرۆشان كو چه‌ندین ساله ب زۆری هاتیه سه‌رئاخا كوردستانێ ب سامانێ دژین، لێ سه‌ره‌رای ئه‌ڤێ چه‌ندێ خه‌لكێ كوردستانێ ب هه‌می چین و ته‌خێن خوه‌ڤه و ب هه‌بوونا پێشمه‌رگه‌هێ قه‌هره‌مان و چاڤنه‌ترس و شه‌ڕڤانێن كورد به‌رهنگاری ئه‌ڤێ ده‌وله‌تا تیرۆرستی بوون، رۆژ بۆ رۆژێ داستانێن مه‌زن توماركرن و بوو تاكه ملله‌ت ل سه‌ر رویێ جیهانێ بكاریت به‌رهنگاری ئه‌ڤێ ترسا مه‌زن ببیت و پاشی و ژ به‌ر خۆراگریا خه‌لكێ كوردستانێ و سیاسه‌تا حه‌كیمانه یا سه‌ركردایه‌تیا كوردستانی و بتایبه‌ت یا سه‌رۆكێ هه‌رێمێ هێزێن هه‌ڤپه‌یمانان هێرشێن ئه‌سمانی كرنه سه‌ر چه‌كدارێن تیرۆرستی و پالپشتیا خوه بۆ هه‌رێما كوردستانێ راگه‌هاند و هه‌رێم ب هێلا سۆر بناڤكر و دان ب وێ چه‌ندێ كر كو هه‌رێم تاكه وه‌لاته هه‌می ئۆل و نه‌ته‌وه پێكڤه تێدا دژین و پێشمه‌گێ كوردستانێ هێزا ئێكانه‌یه كو دكاری به‌رهنگاری مه‌ترسیا ڤان درندره‌و د ره‌وان ببیت، ئه‌ڤه رۆژ ب رۆژ وه‌لاتێن جیهانێ پالپشتیا خوه بۆ خه‌لكێ كوردستانێ راگه‌هاند و هه‌ولێر بوو پایته‌ختێ به‌رهنگابوونا تیرۆرێ، زێده‌باری به‌رفره‌هبوونا به‌ره‌یێ به‌رهنگاریا تیرۆرێ لێ كوردستان ب تنێ ل سه‌ر روویێ ئه‌ردی به‌رهنگاری تیرۆرێ بوو و هێزێن هه‌ڤپه‌یمانان ل ئه‌سمانی هێرشێن خوه ئه‌نجام دان، ئه‌ڤه ژ ی جهێ شانازی و سه‌ربلندیێ یه كو گه‌لێ كوردستانێ ل باكۆر و رۆژئاڤا رووبه‌روی ڤێ ده‌وله‌تا تیۆرستی بوو و ب دلێرانه ب هه‌بوونا پێشمه‌رگه‌هێ قه‌هره‌مان و شه‌رڤانێن كورد ل هه‌می به‌ره‌یێن جه‌نگێ به‌رگری ژ ئاخا كوردستانێ كر، بۆ جیهانێ هه‌میێ دوپات دكر كو كوردستان تاكه وه‌لاته وارگه‌هێ پێكڤه ژیانێ یه و پێشمه‌رگه‌هێ چاڤنه‌ترس تاكه هێزه دكاریت ب خوین و گیانێ خوه به‌رهنگاری تیرۆرستان ببیت، له‌ورا دبێژین ب تنێ كوردستان ل ئه‌ردی و جیهان هه‌می ل ئه‌سمانی رووبه‌روی تیرۆرێ دبن.
پشتی ل دووڤ فه‌رمانا سه‌رۆك بارزانی په‌رله‌مانێ كوردستانێ رازیبووی هێزێن پێشمه‌رگه‌ی بچنه كۆبانێ، د رۆژێن بۆری دا پتر ژ 150 پێشمه‌رگان، ل گه‌ل چه‌كه‌كێ گران به‌ر ب كۆبانێ ڤه چوون و مه هه‌موویان دیت كا چاوا خه‌لكه‌كێ زۆر (پیر، ژن، زارۆ،گه‌نج) ڕژیابوونه سه‌ر جادان و ب كه‌نی و گرنژینڤه ل گه‌ل قه‌فتێن گولان پێشوازی ل هێزێن پێشمه‌رگه‌ی دكرن، هه‌روه‌سا یا ژ ڤێ خۆشتر ئه‌و بوو ده‌مێ ل باكۆرێ كوردستانێ ئه‌و پێشوازیا گه‌رم ل پێشمه‌رگه‌ی هاتیه كرن و بێگۆمان ب ئه‌ڤێ چه‌ندێ ئێكرێزیا مالا كوردان پتر خورت بوو، هه‌روه‌سا ترسه‌كا مه‌زن ئێخسته دلێ دوژمنی ب تایبه‌ت ژی گرۆپێ تیرۆرستیێ داعش كو مه هه‌موویان دیت چه‌ند دربێن گران ل سه‌ر ده‌ستێن پێشمه‌رگه‌ی خواران و ئه‌ڤه بۆ وان بۆ وانه‌ك كوئێدی زوو ب زوو نه‌شێن هه‌ڤرۆشی هێزێن پێشمه‌رگه‌ی ببن، ژبه‌ر كو پێشمه‌رگه‌ی دێ ل كۆبانێ ژی داستانان تۆمار كه‌ت، لێ ئه‌و ژی ناهێته ڤه‌شارتن كو ئه‌ڤا ل كۆبانێ هاتیه كرن شه‌ڕڤان و هێزێن كوردی یێن دی ژی رۆل تێدا هه‌بوویه و ئه‌وان ژی قه‌هره‌مانی تۆماردكرن، لێ ب گۆڕه‌ی دیتنا من هه‌ر چاوابیت چوونا پێشمه‌رگێ كوردستانێ بۆ كۆبانێ گۆرزه‌كێ دی یێ گران داوه‌شانده داعش و له‌رزك خسته سه‌ر لێڤێن وان.
ئه‌ڤجا هه‌كه ئه‌م ب هووری هزرێن خوه بكه‌ین بریارا هنارتنا پێشمه‌رگه‌ی ژلایێ سه‌رۆك بارزانی ڤه بریاره‌كا وێره‌كانه بوو، هه‌ره‌وسا هه‌ستا به‌رپرسایه‌تیێ ژی گه‌له‌كا مه‌زن بوو و ئه‌ڤه وێ چه‌ندێ دگه‌هینیت كو كوردستان هه‌موو ئێكه و سنۆرێن هه‌ین ژلایێ دوژمن و داگیركه‌ران ڤه هاتینه دانان، له‌ورا دێ ب هه‌موو باوه‌ری ڤه بێژم چوونا پێشمه‌رگه‌ی بۆ رۆژئاڤایێ كوردستانێ دێ ب تیپێن زێڕین د دیرۆكێ دا هێته نڤیسین و ئێدی ڕڤشت بۆ ڕڤشتی دێ ڤه گوهێزیت.
ژلایه‌كێ دیڤه هه‌كه ئه‌م هزرێن خوه بكه‌ین كو دانا ڤێ بریارێ ژلایێ سه‌رۆك مه‌سعود بارزانی ڤه نه ژ ڤالاهیه‌كێ هاتیه، به‌لكو ژ ئه‌نجامێ په‌روه‌رده و رێبازه‌كا راست و دروست بوویه، كو ئه‌و ژی رێبازا بارزانیێ نه‌مره و سه‌رۆك ب خوه ژی په‌روه‌رده كریێ وێ رێبازا راست و حه‌كیمانه یه.
ل دووماهیێ حه‌ز دكه‌م بێژم ئه‌ڤا ل كۆبانێ روودای نه‌تشته‌كێ كێم بوویه، به‌لكو ل پێش ده‌م ژلایێ دوژمنێن ملله‌تێ كورد ڤه پلان بۆ هاتینه دانان و مه‌ره‌م ژێ ئه‌و بوویه دا سه‌نگا ملله‌تێ كورد ل جڤاكێن نێڤ ده‌وله‌تی كێم بكه‌ن، لێ سوپاس بۆ خودێ و ب خه‌مخوریا سه‌رۆك بارزانی و پێشمه‌رگێن كوردستانێ، هه‌روه‌سا شه‌رڤان و هێزێن دی یێن رۆژئاڤا پلانا وان دسه‌رێ واندا شكه‌ست و هیڤی خوازین ل نێزیك ئاهه‌نگێن سه‌ركه‌فتنێ ل كۆبانێ و شنگالێ و ده‌ڤه‌رێن دی بهێنه گێران، بژی ئێكرێزیا گه‌لێ كورد ل هه‌ر چار پارچێن كوردستانێ، بژی پێشمه‌رگه و شه‌رڤانێن كورد، سه‌رفه‌رازی هه‌ر بۆ ملله‌تێ كورد بیت و مرن و سه‌ر شوری ژی بۆ تیرۆستێن داعش و هه‌موو دوژمنێن گه‌لێ كورد بن.
ئه‌ڤرۆ نیۆز:
ئه‌ندامێ جڤاتا نوونه‌ران زاهد محه‌مه‌د سۆلتان عه‌باس ئه‌لخاتونى ئاشكراكر، هێزێن ئێمناهى و له‌شكرى یێن هاتیه پێكئینان بۆ شه‌رێ ئازادكرنا باژێرێ مووسل ژ خه‌لكێ ناڤه‌ندا باژێرێ مووسلن، شه‌رى ناڤه‌ندا باژێرێ دێ ب سه‌رپه‌رشتیا پارێزگه‌هێ مووسل ئه‌سیل نوجێفى و ئه‌فسه‌ر و به‌رپرسێن نه‌ینه‌وا هێته برێڤه‌برن.
عه‌باس خاتونى گۆت: نێزیكى 5 هه‌زار چه‌كدارێن خوه‌به‌خش و ئه‌فسه‌رێن له‌شكرى ژى ژ خه‌لكێ مووسل هاتینه به‌رهه‌ڤكرن و مه‌شق و راهێنان ل دۆر ئازادكرنا موسلى كرینه، زێده‌بارى وێ دیاركر، ژۆره‌كا تایبه‌ت بۆ پشته‌ڤانیا هێرشێن ئه‌سمانیا فرۆكێن هه‌ڤپه‌یمانان هاتیه به‌رهه‌ڤكرن.
خاتونى هه‌روه‌سا ئاشكراكر، هه‌ماهنگیه‌كا مه‌زن ل گه‌ل هه‌رێما كوردستانێ هه‌یه، بۆ پشكداریا هێزا پێشمه‌رگه‌ى وه‌كى هێزه‌كا پشته‌ڤانى بۆ هه‌ر ده‌مه‌كێ پێدڤى.
سۆلتان عه‌باس خاتونى سه‌باره‌ت پشكداریا ملیتانێن مللى یێن شیعى دوپاتكر، هێزێن ملیتانێن مللى یێن شیعان پشكداریا د شه‌رێ ئازادیا باژێرێ مووسلێ دا ناكه‌ن، و گۆت: بهیچ ره‌نگه‌كى پشكداریا ملیتانێن مللى یێن شیعان دوى ئازدایێ دا ل ژێر چو ناڤى بیت یان ب چو ئه‌گه‌رێن هه‌بن ئه‌م قه‌بوول ناكه‌ین.
نيشاندان