ئه‌ڤرۆ نیۆز:
بنگه‌هێ راگه‌هندنا یه‌كینه‌یا پاراستنا گه‌ل د به‌یاننامه‌كێ دا دوپاتكر، هێزێن (YPG) و هێزا ڤۆلكانا فوراتى یا سه‌ر ب له‌شكرێ ئازادى سوریا ڤه‌ و هێزێن پێشمه‌رگێ هه‌رێما كوردستانێ هێرشه‌كا هه‌ڤپشك و دربێن دژوار داوه‌نشاندن چه‌كدارێن تیرۆرستێن داعشێ.
هه‌روه‌سا د به‌یاننامێ دا هاتیه‌، شه‌رۆپێكدادانێن دژوار ئه‌ڤرۆ په‌یدابوون ل كانیا كوردا و جادا باژێرڤانیێ، به‌لێ ئه‌و هێرشا تیرۆرستان هاته‌ ژناڤبرن و 15 چه‌كدارێن داعشێ و 3 ئه‌میرێن وان ژى هاتن كوشتن.
به‌یاننامێ حوه‌یاكر، به‌روكێن شه‌رى ل باشورێ كوبانێ ل شه‌ڤا دى هه‌تا سوحارێ ڤه‌كێشان و ئه‌نجامێ وى شه‌رى 5 ته‌رمێن تیرۆرستان بجه مان و ترۆمبێله‌كا وان ژى هاتیه‌ سۆتن و هه‌موو تیرورستێن تێدا ژى هاتن كوشتن.

ئه‌رڤرۆ نیۆز:
ب مه‌ره‌ما پشكداریكرنا د كونگرێ رۆژهه‌لاتا ناڤین، سه‌رۆكێ حوكمه‌تا كانتونا كوبانێ ئه‌نوه‌ر موسلم گه‌هشته‌ پایته‌ختێ هه‌رێما كوردستانێ، كو ب داخوازه‌كا فه‌رمى یا بنگه‌هێ ڤوكولینێن ستراتیجى یا كه‌نداڤى هاتیه‌ داخوازكرن.
ئێك ژ سه‌ركردێن پارتى دیموكراتى یا كوردێن سورى گێلو عیساى دوپاتكر، سه‌رۆكێ حوكمه‌تا كانتونا كوبانێ گه‌هشته‌ هه‌رێما كوردستانێ، وكونگرێ ناڤبرى ل رۆژا چار شه‌مبیا بهێت ب ئاماده‌بوونا كه‌سایه‌تیێن وه‌لاتێن ئه‌وروپى و كوردى و عه‌ره‌بى دێ هێته‌ ئه‌نجامدان.
دهێته‌ زانین بۆ جارا ئێكێ یه‌ سه‌رۆكێ حوكمه‌تا كانتونا كوبانێ ئه‌نوه‌ر موسلم پشتى وه‌رگرتنا پۆستێ ناڤبرى دهێته‌ سه‌ره‌دانا هه‌رێما كوردستانێ.

ئه‌ڤرۆ نیۆز:
ژێده‌ره‌كێ نوشدارى دناڤا باژێرێ كوبانێ دا راگه‌هاند، ئێكه‌مین پێشمه‌رگێ بریندار گه‌هشته‌ نه‌خۆسخانا مه‌یدانى، دشه‌ره‌كێ گران دا ل گه‌ل چه‌كدارێن داعشێ ل رۆئاڤایا كوبانێ بریندار بوو.
بوشدار محه‌مه‌د عارف بۆ گۆت: پێشمه‌رگه‌یێ ب ناڤێ جه‌واد هاتیه‌ ڤه‌گوهاستن بۆ نه‌خۆشخانا مه‌یدانى و ره‌وشا وى گه‌له‌ك باشه‌، كو توشى هنده‌ك سۆتنێن كێم ببوو و پشتى چاره‌كرنا برینێن وى جاره‌كا دى ڤه‌گه‌ریا به‌رۆكێن شه‌رى.

ئه‌ڤرۆ نیۆز، سالار دۆسكى:
گۆتارا به‌رێز مه‌سروور بارزانى راوێشكارێ ئه‌نجوومه‌نێ ئاسایشا هه‌رێما كوردستانێ، ئه‌وا ئه‌ڤرۆ 4/11/2014 ل په‌رله‌مانێ ئێكه‌تیا ئه‌ورۆپا، ل دۆر ره‌وشا هه‌رێما كودستانێ و شه‌رێ پێشمه‌رگێ كوردستانێ دگه‌ل تیرۆرستێن داعش و په‌یوه‌ندیێن هه‌رێمێ دگه‌ل عیراقێ وه‌لاتێن ده‌ر دور و تایبه‌ت پارچێن دیێن كوردستانێ پێشكێشكرى، كارڤه‌دانێن جودا پشت خوه‌ هێلان.

سامى ئه‌ترۆشى ئه‌ندامێ به‌رێ یێ په‌رله‌مانێ عیراقێ ژ فراكسیۆنا ئێكگرتوو، لدور گۆتارا راوێشكارێ ئه‌نجوومه‌نێ ئاسایشا هه‌رێما كوردستانێ ل په‌رله‌مانێ ئێكه‌تیا ئه‌ورۆپا پێشكێشكرى، دپه‌یچێ تایبه‌تێ خوه‌یێ فێسبووكى، سه‌ره‌رایى ده‌ست خوه‌شیێ، دیاركر كو دوور ژ حزباتیێ كو هه‌موو دزانن ئێكگرتوویه‌ه‌، دیاركر كو ماوێ ئێك ده‌مژمێر و نیڤان گوهدارى ل گۆتارێ كریه‌ و گۆت: مه‌سرۆر بارزانى نامه‌كا جوان و رون گه‌هاند ل په‌رله‌مانێ ئێكه‌تیا ئه‌ورۆپا ، چ بۆ داخاز و هاریكاریان، یان كارێ پیرۆزێ پێشمه‌رگێ كوردستانێ و شه‌هیدان، یان هه‌لویستێ به‌رامبه‌ر لایه‌نێن جودا جودا ده‌وله‌تێن هه‌رێمێ و به‌غدا و كوردستانێ یان لایه‌نێن جودا جودا ل عیراقێ دژین، ژ ئاین و مه‌زهه‌ب و نه‌ته‌وه‌، هه‌لویست به‌رامبه‌ر برایێن كورد ل هه‌رسێ پارچێن دیێن كوردستانێ pkk و ypk وئالیێن دى.
سامى ئه‌ترۆشى دیاركر ژى كو بۆ جارا ئێكێ یه‌ بۆ ماوه‌كێ درێژا ل به‌ر ئاخفتنا به‌رپرسه‌كێ كوردستانێ د روونیته‌ خوارێ، هه‌ر چوو تێبینى ل سه‌ر ئاخفتنا وى نه‌بیت و دێ بێژى ژ نیڤا دلێ من دئاخڤیت.