ڤيديۆ: نووترين به‌رهه‌مێ به‌همه‌ن قۆبادى ب دۆر كۆبانێ
نووترين نووچه
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
- دبیت سەرژمێریا گشتی ل كەركووكێ بۆ گوهۆڕینا رەوشا وێ پارێزگەهێ بهێتە بكارئینان
- هەلبژارتن تنێ بۆ ب دەستڤەئینانا كورسییان نینە، بەلكو پراكتیزەكرنا دیموكراسیەتێ یە
- ژ بۆ ئاشتیێ یا ژ دەستێ مە بهێت دێ ئەنجام دەین
- درووشمێ ئێك هەرێم، ئێك پەرلەمان، ئێك حوكمەت، ئێك هێزا پێشمەرگەی، كاك مەسعود بارزانی ئاماژە یا بۆ كری.
- بەرپرسەكێ پارتی: پارتی دێ سۆزێن خوە ب جهئینیت
- ب سەركەفتنا پارتی د هەلبژارتناندا دێ هەرێم زێدەتر ب هێز و ئارام و ئاڤەدان بیت
- تێکچوونا قۆناغا ئاشتیێ دێ بیتە ئەگەرێ شکەستنا ئاکپارتیێ
سهرهكى Twitter
ڤيديۆ: د 10 ده‌مژمێران دا تووشی 108 دیاردێن هه‌ڤشرووشیێ بوو
لیژنا جینوسايدا شنگال كه‌سێن بسپۆر نینن
ئه‌ڤرۆ نيوز، ناجی به‌ده‌ل:
پتشی ده‌ست ب سه‌رداگرتنا شنگال ژ لایێ داعش ڤه، تاوانێن دژی مرۆڤایه‌تی و جینوساید ژ لايێ وان ڤه هاتنه ئه‌نجامدان و ژ ئه‌نجامێ ئه‌وان كارێن دره‌نده‌يێن وان ب سه‌رێ كوردێن ئێزدی ئینا و دپێخه‌مه‌تا دانه نیاسینا ئه‌وێ تاوانێ، چه‌ند لژنه‌ك هاتينه دانان هه‌ر ئێك جودا ژ یادی كارێن خوه دكه‌ت.
پارێزه‌ر و شيره‌تكارێ قانوونى محه‌مه‌د سالح ئامێدی بۆ ئه‌ڤرۆ نیوز گۆت: “نها جڤاتا وه‌زیران و وه‌زاره‌تا شه‌هید و ئه‌نفالكريان و داد و په‌رله‌مانێ كوردستانێ هه‌ر ئێكێ لژنه‌ك دانایه و ئاگه‌هـ ژ ئیك نینن، ئه‌رێ دێ شیێن پێناسه‌یه‌كا نێڤده‌وله‌تی و بنكارێن قانوونى بۆ جینوسادیێ بۆ دیار بكه‌ین و ب ده‌ستڤه بینن ئه‌ز دوێ باوه‌ریێ دامه ب ڤی ره‌نگێ دێ يا ب زه‌حمه‌ت بيت”.
محه‌مه‌د سالح دیاركر ژی ئه‌و لژنێن هاتینه پێك هاتن نه بسپورن و كه‌سێن به‌شدار ژی نه پسپورن و پسپورێن كارگیرێ و دارایی و زمانێ ئینگلیزیێ نه و ئه‌ڤه ژی موسیبه‌ته‌كا مه‌زنه و هه‌روه‌سا ئه‌ڤا ژ خرێ حێبه‌تی تر ئه‌وه كو ئێك ژ ئه‌وان لیژنه‌یان چوو بوو په‌رله‌مانێ هوله‌ندا داخواز ژی كر ببۆكو بێژن ئه‌وا شه‌نگالێ جینوسایده.
پارێزه‌رێ راوێژكار گۆتژی: “هنده‌ك په‌رله‌مانتاران داخواز ژ په‌رله‌مانی كریه ئه‌ڤا روودای ب جینوساید بزانیت، ئه‌و ئێكه پسپوریا په‌رله‌مانی نیه، به‌لكو به‌س دێ په‌سند كه‌ت، دڤێت دادگه‌هه‌كا تایبه‌ت و ده‌سه‌لاتا دادوه‌ریێ بریارێ بده‌ت نه‌ك په‌رله‌مان”.
پارێزه‌رێ راوێژكارێ یاسایی داخوازێ دكه‌ت ده‌سته‌یه‌كا گشتی و پسپوری بهێته دروست كرن و ل هه‌ر جهه‌كێ پێدڤیه تایێن خوه هه‌بن دا كو ئه‌و ئاریشه و كێشه‌یا نها یا شه‌نگالێ ب بیته نێڤده‌وله‌تی ئه‌گه‌ر نه دێ ده‌ست ڤالا زڤرن، چونكو د جینوسادیێ دا دڤێت جوداكرنه‌كێ د ناڤبه‌را قركرنا ب كۆم و مرۆڤایه‌تێ خه‌ته‌كا زراڤ هه‌یه و هه‌ر تاو‌انه‌كێ قانوونه‌ك هه‌یه چ د قانوونێن نێڤده‌وله‌تی و ناڤخۆی بيت كو دو ركنێن مادی و به‌رجه‌سته‌ی بهێته دیتن و دیاركرن.
ئەحلامێ چ داخوازی ژ عەمار کوفی کر؟
ئەڤرۆ نیۆز، سالار دۆسکی:
عەمار کوفی پشکداربوویێ کورد د پرۆگرامێ ئەرەب ئایدل دا، ب گۆتنا سترانەکا کوردی ب شێوێ مەوال و ل دووڤ دا پەستەک ژ کلتورێ عيراقی، بۆ ھۆکار ئەحلام سترانبێژا ئیماراتی بھێتە کوردستانێ.
ئەحلاما دادوەر د پرگۆرامی دا گۆتە عەمار، پشتی پرۆگرام ب دووماھی دهێت من دڤێت د گەل تە بھێمە کوردستانێ، دا ژ کوردان فێربم چونکو ھۆنەرێ کوردان ب تنێ قوتابخانەک نینە، بەلکو دەریایەکه و نوکە د ناڤ وێ دەریایێ داینە و دێ خوینین.
دیسا خواست ژی عەمار کوفی حەفتیا بھێت، سترانەکا کوردی پێشکێش بکەت.
مه‌واله‌كا كوردى گۆت
ڤێ حه‌فتيێ دێ ده‌ست ب به‌لاڤكرنا مووچێ ئيلۆنێ هێته كرن و ده‌سپێك بۆ پێشمه‌رگه‌يه
ئه‌ڤرۆ نيوز:
به‌رپرسه‌كێ پله بلند ل حوكمه‌تا هه‌رێما كوردستانێ ئاشكه‌را كر كو ڤێ حه‌فتيێ دێ مووچێ هه‌يڤا ئيلۆنێ يێ چه‌ند وه‌زاره‌تان هێته به‌لاڤكرن و ده‌سپێكێ ژى دێ مووچێ پێشمه‌رگه‌ى هێته به‌لاڤكرن.
جينه‌ر خه‌فاف، رێڤه‌به‌رێ گشتى يێ كارگێرى و دارايى ل سه‌رۆكاتيا جڤاتا وه‌زيرێن هه‌رێما كوردستانێ ب باسنيۆز راگه‌هاند كو ڤێ حه‌فتيێ دێ مووچێ چه‌ند وه‌زاره‌ته‌كان ژ هه‌يڤا ئيلۆنێ هێته به‌لاڤكرن و گۆت: “ب گۆره‌ى ئه‌و پلانا وه‌زاره‌تا ئابوورى دارێتى دێ ڤێ حه‌فتيێ ده‌ست ب به‌لاڤكرنا مووچێ هه‌يڤا ئيلۆنێ هێته كرن و دێ يێ به‌رده‌وام بيت هه‌تا هه‌موو وه‌زاره‌ت وه‌ردگرن”.
جينه‌ر خه‌فاف ناڤێ وان وه‌زاره‌تان ژى ئاشكه‌را كر يێن دێ ڤێ حه‌فتيێ مووچه‌ى وه‌رگرن و گۆت: “ب گۆره‌ى رێنمايێن وه‌زاره‌تێ پێشمه‌رگه دێ وه‌زاره‌تا ئێكێ بيت مووچه‌ى وه‌رگريت و پاشان ژى وه‌زاره‌تێن دى دێ مووچه‌ى وه‌رگرن يێن هه‌يڤا دى ل ده‌سپێكێ وه‌رگرتين”.
رێڤه‌به‌رێ گشتى و كارگێرى ئه‌و ژى ئاشكه‌را كر كو هه‌كه وه‌زاره‌تا دارايى پاره ل به‌ر ده‌ست بيت، دێ هوسان مووچه‌ى به‌لاڤ كه‌ت و گۆت: “به‌لاڤكرنا مووچه‌ى دێ ل دووڤ پاره‌ى بيت و نه ل دووڤ رێزبه‌نديا وه‌زاره‌تان، ب گۆره‌ى ئه‌و پارێ ل به‌ر ده‌ست دێ هێته به‌لاڤكرن”.
ئه‌و چه‌نده ژى ئاشكه‌را كر كو ب ماوه‌كێ كێم ئه‌ڤ كێشا فه‌رمانبه‌ران دێ ب دووماهى هێت و چاره‌يێن باش يێن بۆ هاتينه ديتين.
ڤيديۆ: كوڕێ مودريچ چ ب سه‌رێ رۆنالدۆى ئينا؟
ئه‌ڤرۆ نيوز:
د ئاهه‌نگه‌كێ دا، پشتى كرستيانۆ رۆنالدۆى كورێ مودريچ يێ بچووك ديتى، بزاڤ كرن خوه نێزێكى وى بكه‌ت و ياريان پێ بكه‌ت، به‌لێ ئه‌وى خوه ب موبايلا خوه ڤه مژوول كر و گوهێ خۆ نه‌دا رۆنالدۆى و هه‌ر وه‌كو چ چێنه‌بووى، رۆنالدۆى ژى هه‌ست ب كاردانه‌ڤه‌كا شه‌رمينيانه كر و كره كه‌نى و ديمه‌نێن شه‌رمێ ل سه‌ر ديمێ وى ديار بوون.
رێژا باران بارينى د 24 ده‌مژمێرێن بۆرى دا
ئه‌ڤرۆ نيوز:
رێڤه‌به‌ريا گشتيا كه‌شناسيێ و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل هه‌رێما كوردستانێ ژ ئه‌نجامێ كه‌فتنه به‌ر شه‌پۆلێن بلند و نزم يێن باران بارينێ رێژه‌كا زێده يا بارانێ ل هنده‌ك ده‌ڤه‌ران باريه، ب ڤى ره‌نگێ ل خوارێ زێده‌تر رۆهن دبيت:
رێژێن باران بارينێ ل هه‌رێمێ ب ڤى ره‌نگى نه:
دهۆك 4.1 ملم، رێژا گشتى 114.4 ملم.
زاخۆ 8:2 ملم، رێژا گشتى 121.1 ملم.
ئاكرێ 6 ملم، رێژا گشتى 163.2 ملم.
مانگێشك 8.2 ملم، رێژا گشتى 134.2 ملم.
بامه‌رنێ 10.6 ملم، رێژا گشتى 175.6 ملم.
هه‌ولێر 5 ملم، رێژا گشتى 68.7 ملم.
پيرمام 4.5 ملم، رێژا گشتى 176.1 ملم.
سۆران 3.8 ملم، رێژا گشتى 163.8 ملم.
خه‌بات 4.2 ملم، رێژا گشتى 67.6 ملم.
سلێمانيێ 7.6 پله، رێژا گشتى 64.4 پله.
هه‌له‌بچه 8.6 پله، رێژا گشتى 80.6 پله.
كه‌ركووك 5.8 پله، رێژا گشتى 37.8 پله.
ئه‌مريكا دێ دووباره شاره‌زايێن سه‌ربازى هنێريته ئه‌نبار
ئه‌ڤرۆ نيوز:
وه‌زاره‌تا به‌ره‌ڤانيا ئه‌مريكا، په‌نتاگۆن، راگه‌هاند كو ئه‌و مژوولى دارێتنا پلانه‌كێ نه دا كو دووباره شاره‌زايێن خوه يێن سه‌ربازى بهنێرنه ئه‌نبار ژ بوو مه‌شقكرنا له‌شكرێ عيراقێ و ئاماژێ ب وێ چه‌ندێ دكه‌ن كو ئه‌ڤه كارتێكرنێ ل پلانا ئه‌مريكا بۆ هنارتنا له‌شكرى بۆ عيراقێ ناكه‌ت.
عه‌قيد ئيدوارد تۆماس، ئاخفتنكه‌رێ ب ناڤێ يه‌كا ئه‌ركانێن ئه‌مريكى يا هه‌ڤپشك بۆ CNN گۆت: “دا د راستگۆ بين.. ئه‌ڤه نه گوهۆڕينه د پلانێ دا، يان رۆله‌كێ كوشتنێ، ئه‌ڤه دێ هه‌مان رۆل گێرن يێن شاره‌زايێن دى ل هنده‌ك جهێن دى د گێرن”.
ب گۆره‌ى ڤێ پلانێ ئه‌مريكا دێ هنده‌ك شاره‌زايێن سه‌ربازى هنێريته ئه‌نبار دا كو ب كارێ مه‌شقكرنا له‌شكرێ عيراقێ رابن هه‌ر وه‌كو ل هنده‌ك باژێرێن دى يێن وه‌كو به‌غدا و هه‌ولێر هه‌ين.
په‌نتاگۆن ژڤانێ هنارتنا ڤان شاره‌زايێن سه‌ربازى بۆ ئه‌نبار ديار نه‌كريه، ئه‌وا تێدا نێزيكى 400 كه‌سێن سونى ل ڤێ دووماهيێ لێ هاتينه كوشتن ژ ئه‌گه‌رێ شه‌ر و ب هه‌ڤداچوونێن وان و داعش.
ئه‌ڤ ساله كى دێ بيته شاهجوانا كوردستانێ؟
ئه‌ڤرۆ نيوز:
پشتى سالا بۆرى بۆ جارا دويێ رێ و ره‌سمێن هه‌لبژارتنا شاهجوانا برێڤه‌چووين، فێنك محه‌مه‌د وه‌كو شاهجوانا كوردستانێ هاتيه هه‌لبژارتن بۆ سالا 2013، بڕياره ماوێ شاهجوانيا وێ بهێته درێژكرن.
ژ ئه‌گه‌رێ ڤان كاودانێن نه‌خواستى يێن سه‌ر هه‌رێما كوردستانێ دا هاتى، ده‌سته‌يا گه‌شتوگۆزارێ ل هه‌رێما كوردستانێ ب به‌لاڤكريه‌كێ دا راگه‌هاند كو ژ ئه‌گه‌رێ ئه‌و كاودانێن نوكه ب سه‌ر هه‌رێما كوردستانێ دا هاتى، بۆ سالا 2014 ناهێته ئه‌نجام دان.
ب گۆره‌ى قانوونێن وێ به‌ريكانێ، فێنك محه‌مه‌د شاهجوانا 2013 دێ وه‌كو شاهجوانا 2014 مينيت.
نيشاندان
WP Facebook Auto Publish Powered By : XYZScripts.com