ئەڤرۆ نیوز:

وەزارەتا دەرڤە یا چینێ راگەهاند کو پشتی بەلاڤبوونا ڤایرۆسێ کۆرۆنا ل ئیرانێ ئەو نەچارن وەلاتیێن خوە یێن کو ل ئیرانێ نە ڤەگەرینن و ژ بۆ پاراستنا وان کارێن پێدڤی بکەن.

بەرپرسەکێ چینێ ژی دیار کریە کو ئەو دێ هاریکاریا وان وەلاتیان کەن دا بشێن ڤەگەرنە ڤە چینێ، چونکو ل ئیرانێ مەترسی ل سەر ژیانا وان یا هەی.

ئەڤرۆ نیوز:

وەزارەتا بەرەڤانیێ یا روسیا راگەهاند کو تورکیا دەست ب گوهۆرینا دیموگرافیا دەڤەرێن کوردی ل سووریێ کریە و تورکمانان ل جهێن کوردان بجه دکەت و ئەو یەک ژی دهێتە رامانا گوهۆرینا دیموگرافیا دەڤەرێن کوردی.

پشتی کو پەیوەندیێن تورکیا و روسیا ئالۆز بووینە هەر دو ئالی هەڤدو تومەتبار دکەن و بەری دەمەکێ ژی روسیا راگەهاند کو تورکیا ئامارێن شاش ل دۆر کۆچبەران بەلاڤ دکەت.

ئەڤرۆ نیوز:

سیرگێی لاڤرۆڤ وەزیرێ دەرڤە یێ روسیا راگەهاند کو ئامارێن تورکیا ل دۆر کۆچبەران بەلاڤکرین راست نینن، پشتی دەستپێکرنا ئۆپەراسیۆنا ئدلبێ هەتا نها چەند کەس تنێ دەربازی ناڤ ئاخا تورکیا بووینە و ئامارێن تورکیا بەلاڤ دکەت راست نینن.

ناڤهاتی ئەو یەک ژی دیار کر کو دڤێت ئاخا سووریێ ژ تیرۆرستان بهێتە پاقژکرن و راگەهاند کو ژ بەر بابەتێ کۆچبەران و چوونا وان بۆ ئورۆپا روسیا نەشێت دەستان ژ شەرێ تیرۆرستان بەردەت.

ئەڤرۆ نیوز:

غولام حسێن ئیسماعیلی پەیڤدارێ دەزگەهێ داد ل ئیرانێ راگەهاند کو ژ بۆ رێگریکرن ژ بەلاڤبوونا ڤایرۆسێ کۆرۆنا گەلەک رێنمایی هاتینە دەرخستن و ب تایبەتی ژی بۆ پاراستنا گرتیان وان بریارەکا بلەز یا دای.

ناڤهاتی راگەهاند وان بریار داینە ٥٤ هزار گرتی بچنە مالێن خوە، لێ ب مەرجەکێ کو ل مال بن و مەرەما وان ژی ئەوە دا گرتی ل زیندانان تووشی ڤایرۆسێ کۆرۆنایێ نەبن.