ئەڤرۆ، سالار دۆسکی:

سترانبێژ، دەرھێنەر و ئەکتەرێ تورکێ بناڤ و دەنگ (مه‌عسوم  قورمز گول) مژوولی چێکرنا فلمەکێ کومێدی یە و ئەڤە دبیتە ئێکەم ئەزموون دگەل فلمەکێ کومێدی دژیانا وی دا دھێتەکرن.

لدووڤ نووچێن مالپەرێن ھونەریێن جیھانی کو بەلاڤ کرینە، پشتی فلمێ(موعجیزە) بدووماھی ئینای کو ژڤانە سەرێ ھەیڤێ بھێتە پەخشکرن، ئەزموونا وی یا ئەڤ جارە دگەل فلمەکێ کومێدی یە.

چاپەمەنیێ جیھانی وێ چەندێ دەنەزانین کو دژیانا خوە ھەموویێ دا ئەڤە دبیتە ئێکەم فلمێ کومێدی کو مەعسوم کار ل سەر بکەت، دیسا ھاتیە زانین کو دەسپێکێ(شنر شنی) ئەکتەرێ کومێدیێ بناڤ و دەنگێ تورکی پێشنیارکریە کو ب رولەکێ ھەرەگرنگ دفلمی دا رابیت، دیسا مفا شیانێن گەنجان ژی بھێتە وەرگرتن.

ئه‌ڤرۆ نيوز:

سترانبێژا گەنج (ئالا) یێ بەری چەند رۆژان ئێکەم سترانا خوە ب ناڤێ (کی دزانیت) بەلاڤکر و ل بەرە داھاتێ وێ بۆ زارۆیێن ئاوارە فرێکەت.

ناڤھاتی کو ناڤێ وێ ( ئالا رەیانی ) یە، ل باژێرێ مھابادێ ل  رۆژھەلاتا کوردستانێ ژدایکبوویە، لێ دووڤدا ل گەل خێزانێ بەر ب وەلاتێ سوید ڤە چوویە و ل وێرێ مەزن بوویە، ھەر ل وی وەلاتی حەزا ھونەری ل دەف پەیدا بوویە، و ژبۆ بجە ئینانا وێ حەزێ بەری دوسالان ھاتیە باژێرێ ھەولێرێ و نھۆ ئاکنجیا وی باژێرێ یە و ل گەل گرۆپێ ھونەرمەندێ بەرنیاس ماموستا (وریا ئەحمەد) کار دکەت.

ئالا دبێژیت: ئەڤ سترانا من گۆتی د بنەرەتدا سترانەکا سویدی یە، ب دەنگێ ھونەرمەندێ سویدی (لیسا ئێکدال) ھاتیە گۆتن و ئەو ب وێ سترانێ گەلەک ناڤدار بوویە، ژبەر ھندێ مە وەرگێرا زمانێ کوردی و دیمەنێن وێ ل سەر جادە و پارکێن  ھەولێرێ  ب کامیرا (ماشا ئۆسیۆڤا ) ھاتیە وێنەکرن، و دێ داھاتێ وێ درێیا رێکخراوا ( کوردیش دپاسپۆر) دا بۆ زارۆیێن ئاوارە فرێکەمە باشۆرێ کوردستانێ. د ھێتە زانین کو بەری نھۆ ناڤبریێ وەکو زارڤەکەر ژی د فلمێ سینەمایێ ( بیرەوەریێن سەر بەری) یێ دەرھێنەر شەوکەت ئەمین کۆڕکی کارکریە و رۆلێ وێ دوی فلمی دا ھەڤژینا نەزمی بوویە.