ئه‌ڤرۆ نیوز، سالار دۆسكى
وه‌زیره‌كا كورد دحوكمه‌تا عیراقێ دا تایبه‌ت بۆ ئه‌ڤرۆ نیوز دیاركر كو وه‌زیرێن كورد هه‌تان نوكه‌ پشكدارى ئێك كومبوونا حه‌یده‌ر عه‌بادى بووینه‌ و ل گور زانیاریان كێشا مووچان نه‌مایه‌ و بتنێ پاره‌ نینه‌، ده‌مه‌كى دا ئه‌ندامه‌كێ ئه‌نجوومه‌نێ نوونه‌رێن عیراقێ دیاركر كو پتر ژ 76 ملیار دۆلاران د به‌نكا ناڤه‌ندى دا هه‌نه‌ وه‌ك یه‌ده‌ك، مامۆستایه‌كێ زانكۆیێ ژى ئاماژه‌ ده‌ته‌ وێ چه‌ندێ كو هه‌تا بۆدجه‌ و مووچێن هه‌رێما كوردستانێ بهێن ژى، شینوارێن قه‌یرانا دارایى هه‌رێمێ پێدڤى نه‌كێمتر ب شه‌ش هه‌یڤانه‌.
بیان نورى وه‌زیرا ژنان ل عیراقێ بۆ ئه‌ڤرۆ نیۆز دیاركر، كو هه‌تا نوكه‌ كوردان پشكدارى د كومبوونه‌كا وه‌زیرین عیراقێ داكریه‌ و سه‌رۆك وه‌زیرێن عیراقێ دیاركریه‌ كو چوو كێشه‌نینه‌ بۆ مه‌زاختنا مووچێن فه‌رمانبه‌رێن هه‌رێما كوردستانێ و بتنێ سیوله‌ ئانكۆ پاره‌ نینه‌ و هه‌كه‌ كێشا مووچێن هه‌رێمێ نه‌مایه‌.
بیان نورى تاكه‌ ژنا كورد دناڤا جڤاتا وه‌زیرێن عیراقێ دا هێشتا ژى گۆت: به‌رهه‌ڤیێن مه‌زاختنا مووچان حوكمه‌تا به‌غدا هه‌نه‌ و بتنێ لدووڤ گۆتنێن سه‌رۆك وه‌زیران كو پاره‌ نینه‌، بیانێ دیاركر كو چاڤدێریا پارێزگه‌هێن دیێن عیراقێ كریه‌ كو ئه‌وانژى هێشتا مووچێن خوه‌ وه‌رنه‌گرت بوون..
دیاركر كو د.حه‌یده‌ر عه‌بادى چوو ژڤان نه‌داینه‌ كو دێ كه‌نگى مووچێ فه‌رمانبه‌رێن كوردستانێ هنێریت، بیانێ دیاركر ژى كو ژڤانه‌ ئه‌ڤرۆ 26/10 وه‌زیرَن كورد ژ هه‌رێمێ به‌ر ب به‌غدا بچن ب مه‌ره‌ما پشكداریكرنێ دكومبوونا دوویێ یا جڤاتا وه‌زیران دا.
هه‌مبه‌ر چوونا شانده‌كێ بلند هه‌رێمێ بۆ به‌غدا، بیانخانێ دیاركر كو ئاگه‌ه ژ چوونا شاندى نینه‌، هه‌كه‌ پاره‌ هه‌بوو و حه‌یده‌ر عه‌بادى مووچه‌ نه‌هنارتن، دڤێت هه‌لویستى وه‌رگرین.
بیان نورى دیاركر ژى كو ماوێ چه‌ند رۆژانه‌ چووینه‌ به‌غدا و پشكدارى ئێك كومبوون بووینه‌ و هه‌لسنگاندنا حه‌یده‌ر عه‌بادى دگه‌ل مالكى ناهێته‌كرن ماوه‌ك دڤێت.
لدۆر مه‌ترسیا وه‌زیرێن كورد ژى ژبه‌ر بارێ ئه‌منیێ به‌غدا، بیان نورى گۆت: حه‌فتیا بورى به‌غدابووینه‌ و دێ به‌ر ب به‌غدا چینه‌ ڤه‌. ژلایه‌كێ دیڤه‌ ئه‌ندامه‌كێ لیژنا ئابوورى و به‌رهێنانێ جڤاتا نونه‌رێن عیراقێ دیاركر كو یه‌ده‌كێ گه‌نجینه‌یا ناڤه‌ندیا عیراقێ زێده‌تر ژ 76 ملیار دۆلاران
جه‌واد پلانى، ئه‌ندامێ جڤاتا نوونه‌رێن عیراقێ د كونگره‌كێ رۆژنامه‌ڤانى دا گۆت: پارێ یه‌ده‌ك د بانكا ناڤه‌ندییا عیراقێ دا 76 ملیار 300 ملیۆن دۆران، پارێ نوكه‌ بازارى دا و خه‌لك مامه‌لێ پێ دكه‌ت 40 تریلون دینارن.
ژلایه‌كێ دیڤه‌ شاره‌زایه‌كێ ئابوورى دیار دكه‌ت كو ڤه‌گه‌راندنا هه‌رێمێ بۆ پێش برینا بۆدجێ یا ب ساناهى نینه‌، د. خالد حه‌یده‌ر مامۆستایێ پشكا ئابوورى ل زانكۆیا سلێمانیێ ئاشكراكر ژى كو هه‌كه‌ حوكمه‌تا به‌غدا ده‌ست ب هنارتنا بۆدجه‌ و مووچێن هه‌رێما كوردستانێ بكه‌ت، هه‌رێما كوردستانێ ب ساناهى نازڤریته‌ سه‌ر پێن خوه‌ وه‌كى به‌رى بۆدجه‌ ژ كوردستانێ هاتیه‌برین.
د. خالد حه‌یده‌ر گۆت: قه‌یرانا ئابوورى ب جوره‌كى كاریگه‌رى ل سه‌ر هه‌رێما كوردستانێ و ژیانا وه‌لاتیان كریه‌ و هه‌كه‌ به‌غدا ده‌ست ب هنارتنا بۆدجێ ژى بكه‌ت ، نابینم ب ساناهى ئه‌ڤ كاریگه‌ری یه‌ و ب ساناهى شینوارێن قه‌یرانا دارایى و ئابوورى ل هه‌رێمێ بن برببن.
هه‌روه‌سا خوه‌یاكر، ژبه‌ر نه‌هاتنا بۆدجه‌ و مووچێن فه‌رمانبه‌رێن هه‌رێما كوردستانێ جوره‌ دلتنگیه‌ك و نه‌ ئارامیه‌ك لده‌ خه‌لكێ كوردستانێ دورست بوویه‌ و زڤراندنا ڤێ ئارامیێ و دل رحه‌تیێ هه‌تا مووچه‌ و بۆدجه‌ ڤه‌گرن پێدڤى نه‌ كێمتر ب شه‌ش هه‌یڤان هه‌یه‌.