ئه‌ڤرۆ نيوز، نيوار محه‌مه‌د سه‌ليم:
پشتى پشكداريكرنا ئه‌نداما په‌رله‌مانێ كوردستانێ ل سه‌ر فراكسيۆنا زه‌ر، د به‌رنامێ عه‌ره‌ب ئايدل كو يا هه‌ڤده‌م بوو ل گه‌ل ڤان كاودانێن نه‌خۆشێن كوردستانێ و به‌حسكرنا چوونا پێشمه‌رگه‌ى بۆ كۆبانێ نه‌رازيبوونه‌كا جه‌ماوه‌رى ل سه‌ر ئاستێ كوردستانێ ب خوه ڤه ديتى، ڤيان عه‌باس گۆت: “به‌رى نڤيسينا هه‌ر ره‌خته و كۆمێنته‌كێ لێگه‌ريانێ ل راستيێ بكه‌ن”.
ڤيان عه‌باس ئه‌نداما په‌رله‌مانێ كوردستانێ ل سه‌ر فراكسيۆنا زه‌ر ل تۆرا جڤاكيا فه‌يسبۆكێ ئه‌گه‌رێ چوونا خوه بۆ به‌رنامێ ئه‌ره‌ب ئايدل كر و گۆت: “ئه‌ز بۆ به‌رنامێ (هن) كو ل كه‌نالێ حره يێ ئه‌مريكى ب زمانێ عه‌ره‌بى دهێته به‌خشكرن ل دۆر بابه‌تێ ئاواران ب گشتى و ژنێن ئاواره ب تايبه‌تى هاتبوومه داخوازكرن، ل وێرێ ده‌ليڤه چێبوو ل به‌رمانێ ئه‌ره‌ب ئايدل ئاماده بم”.
زێده‌تر دبێژيت: “وه‌كو ئه‌ركه‌ك و پشته‌ڤانى ل كوڕێ كوردستانێ عه‌مار كۆفى كو ب ناڤێ كوردستانێ پشكداريێ دكه‌ت ل وێرێ ئاماده بووم”.
دا زانين ژى كو هۆنه‌ر و وه‌زرش و ئه‌ده‌ب كارتێكرنه‌كا زۆر ل سه‌ر گه‌هاندنا مه‌ساجا ملله‌تان هه‌يه و گۆت: “سۆپاسيا وان دكه‌م يێن بۆچوون و ره‌خنه‌يێن ئاڤاكه‌ر گرتين، دخوازم ژ كه‌سێن راستيێ نه‌زانن، به‌رى هه‌ر نڤيسينه‌كێ يان كۆمێنته‌كێ لێگه‌ريانێ ل راستيێ بكه‌ن”.
ل دووماهيێ ژى دبێژيت: “بۆ زانين به‌رنامێ (هن) دێ ل رۆژا 15\11\2014 ل ده‌مژمێر 6ى ئێڤارى ب ده‌مێ گرنيج هێته په‌خشكرن”.
به‌رى نوكه ئه‌ڤرۆ نيوز د ڤێ ده‌ربارێ دا بابه‌ته‌ك به‌لاڤكربوو ڤێره كليك كه بۆ ديتنا بابه‌تى:
نيشاندان