دھۆک، مەنار ئەکرەم:

بەنجکرن نەھێلانا ئێشانێ یە، ژلایێ نوشدارێ بەنجکرنێ دگەل ھاریکارێ بەنجکرنێ ڤە دھێتەدانان، ل ڤی سەردەمی ریکەکا سەرەکی و کاریگەرە بۆ نەھێلانا ئێشانێ د دەمێ نشتەرگەریکرنێ یان ھەر کارەکێ دی یێ نوشداری و ب دو رێکا دھێتە دانان بەنجکرنا گشتی و نیڤ بەنجکرنێ.

د. دلسوز مەل شێرو، تایبەتمەندا بێھوشکرنێ ل نەخوشخانا ژنان و زارۆبوونێ دیارکر کو دو جورێن بەنجکرنێ یێن ھەین بەنجکرنا گشتی و بەنجکرنا نیڤ لەشی و  نیڤبەنجکرن ژی دبیتە دو جور ئێک ب رێیا دەرزیکێ و ئیک ب رێیا سوندەر د پشتێ را دھێنە دانان و گۆت: بەنجکرنا گشتی دەمێ دھێتە دان فشارا نەخوشی و نەخشەیێ دلی ئەم بو دگرین کا لێدانا دلێ وێ و ھەناسا وێ یا چەوایە و پاشی دھێتە بەنجکرن و نەخۆشی ئاگەە ژ خوە نامینیت.

د. دلسوزێ دیارکر ژی پشتی نشتەرگەریێ ھێدی ھێدی ھەولا ھشیارکرنا نەساخی دھێتە کرن، برێکا ھندەک دەرمانێن تایبەت و ھەکە نەخۆش ھشیاربوو دێ سوندێ ھەوای راکەن و گۆت: ل نیڤبەنجکرنێ نەخوشی ھای ژ خوە ھەیە و د نشتەرگەریێدا ئەم دگەل د ئاخڤین و نەخۆش بو ماوێ چار تا شەش دەمژمێرا پێدڤی دەرمانێن ئێشکێمکرنێ نابیت.

دیارکر ژی دو جورێن نیڤبەنجکرنێ ھەنە، جورێ ئێکێ (ئسپاینەل)، د پشتێرا دھێتەدان، برێیا دەرزیکەکێ دێ بربرا L٣ L٤ دا پیچەک بەنە خوارتر و کا چ جە دڤێت دێ دەستنیشانکەن و دەرمانی برێیا دەرزیکێ پالدەینە پشتا نەخوشی و نەخوش دبن ناڤکێ دا ھای ژ خوە نامینت و دێ دەست ب نشتەرگەریێ ھێتە کرن بێی نەخوش ھەست ب ئێشانێ بکەت و یێ ھشیارە.

جورێ دوێ (ئیپیدیورەل)، ئەوژی برێیا سوندەی کو دپشتا نەخوشی را دبەن و دێ مادێ بەنجێ پالدەن و گۆت: ئەڤ بەنجە بو وان نشتورگەریان دھێتە ب کارئینان، ئەوێن درێژخایەن کو سەرێ ھەر سەعەتەکێ مادە بو دھێتە پالدان وەک نشتەرگەریێن ھەستی و شکەستنێ و راکرنا مالبچووکی، ھەروەسا بو ژنێن دوگیان ژی دھێتەدان ئەوێن نەڤێن ژان بھێنێ.

د. دلسوز مەل شێرو گۆت: گەلەک نەخوش ژ بەنجکرنێ دترسن، چونکی د بەرا د ئاخڤن، بەلێ نوکە ئەو مادە گەلەک کێم دھێتە بکار ئینان ئەگەر ھاتە ب کارئینان ژی رێژەکا کێم دھێتە دانان نەساخ د بەرا نەئاخڤیت، دیسان جورەکێ دی یی ھەی بو نەساخی دھێتە دان ھاش خونامینت نا ئاخفیت تا ھشیار دبیت.

د.دلسوزێ خویاکر کو د جڤاکێ مەدا رێژەکا زورا زارویا دئینن ئەگەر دو نشتەرگەریێن زارۆبووونێ کرن دێ بو زارویێن بێت ژی پێدڤی نشتەرگەریێ بیت و دێ بەنجا گشتی بو ھێتە دان، ئەڤەژی مەترسیەکا مەزنە ل سەر ژیانا وی، َچونکی گەلەک ژن دوگیان دکەڤن بێی کو ھزرا وان ئێشا بکەن ئەوێن ھەین وەکی فشارا خوینێ و شەکرێ و ئیشادلی ئەگەر بەنجا گشتی بو ھاتە دان دبیت ھشیار نەبیت و گیانێ خوە ژ دەست بدەت و دیسان (خمول) ل دەڤ بچووکی پەیدا بیت و پشتی بەنج بەردەت نەخوش زوو نەشێت رابیتەڤە، ھەروەسا گۆت : نیڤبەنجکرن گەلەک ئارامترە بو ژنا دوگیان و کارتیکرناوێ گەلەک کێمترە، دیسا ئەو بچووکێن ب نیڤبەنجکرنێ ژ دایک دبن لڤینا وی و ساخلەمیا وی وەکی بوونا ئاسایی یە، زارۆ یێ ئەکتیڤە و رێژامرنێ کێمترە، ھەروەسا ئێک ژ باشیێن دی یێن نیڤبەنجکرنێ ئەوە دایکێ گوە ل دەنگێ زارۆ یێ خوە دبیت و ئەڤە خوشترین ھەستە ل دەف دایکێ پەیدادبیت د ژوورا زارۆبوونێ ڤە، ھەروەسا بو دەمێ چار تا شەش سعەتا  پێدڤی دەرمانێن ئێشکێمکرنێ نابیت و زووتر دێ ھاتن و چوونێ کەت.

دیارکر ژی، پشتی نەخوش ھشیار دبیت، ھندەک سەربارک ل دەڤ پەیدا دبن، ھزردکەن ژ بەنجێ یە و گۆت: بەنج ب تنێ مادێ بێھوشکرنێ یە و نەساخی دنڤینیت و دەمێ دلەشیدا نەمینیت کارتیکرن ژی نامینت، لەورا دڤێت نەخوش خوە نەترسینن دەمێ بەنج وان بەردەت، ب تنێ بلا ھاتنوچوونێ نەکەن و د ژوورەکا تاری ڤەبن و مسەکن و قەھوێ ژی ڤەخوون پشتی دو سێ سەعەتا ژ بەردانا بەنجێ.

د.دلسوز مەل شیرو گۆت: گەلەک ژن ژ نیڤ بەنجکرنێ د ترسن و ترسا وان ژ ژ دیتنا نشتەرگەریێ و فالنجیبوونێ یە و ھزر دکەن دێ مینن کو ئاگەە ژ خوە نەبیت، لەورا ئەم رابووینە ب دانانا پروگرامەکی ل ٢٣ بنگەھێن ساخلەمیێ ب ھەڤکاریا رێڤەبەریا کارۆبارێن خوپاراستنا ساخلەمیێ ل دھوکێ بۆ ژنێن دوگیان ئەوێن پتر ژ دو زارویان ھەین و ئەم بۆ وان دیاردکەین کا خرابی و باشیێن بەنجکرنێ چنە و ھشیاربوونەکێ ل دەف پەیدا دکەین داکو ترس ددلیدا نەمینت بەری بچیتە د ژورا نشتەرگەریێ و بو دیارکەین کەس تووشی فالنجێ نەبوویە و نەخوشێ ژ ھەمیا پتر بمینیتە نڤستی دو تا سێ سعەتایە و ئەم دبەینە د ژورا ڤەژاندنێ ھەتا ھشیاردبیت.