نها شه‌رۆپێكدادانێن دژوار و گران ل نه‌وارن ده‌ستپێكرن
نووترين نووچه
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
سهرهكى Twitter
خولا سيێ دێ ژ كێ گريت و چه‌ند قوتابى ل دهۆك ژ خواندنێ بێ بار بووينه؟
ئه‌ڤرۆ نيوز، ناجی به‌ده‌ل:
ئه‌ڤرۆ په‌رله‌مانێ كوردستانێ ل سه‌ر چه‌ندين پرسێن گرنگ يێن گرێداى هه‌رێما كوردستانێ و پرۆسا خواندنێ روونشت و تێدا مێڤانداريا وه‌زيرێ په‌روه‌ردێ يێ حوكمه‌تا هه‌رێما كوردستانێ كر و وى ژى ژ لايێ خوه ڤه په‌يڤه‌ك پێشكێشكر و تێدا دياركر كو دێ خولا سيێ ژى بۆ هنده‌ك قوتابيان هێته ئه‌نجام دان.
پشتوان سادق وه‌زیرێ په‌روه‌رده‌یێ یێ حوكمه‌تا هه‌رێما كوردستانێ ل روونشتنا ئه‌ڤرۆ يا په‌رله‌مانى دياركر كو دێ كۆمه‌كا گوهۆڕینان د سیسته‌مێ خواندنێ دا هێنه كرن ب تایبه‌تی ل ئه‌زمۆنێن دووماهیا ئه‌ڤ ساله یێن 2014 – 2015 یێن پولا 12 ئاماده‌یی.
وه‌زیرێ ناڤبری دیاركر ئه‌زمۆنێن گشتیی یێن قووناغا 12 هه‌موو دێ بنه هه‌لبژارتن، ئانكو %100 پرسیار دێ ب رێيا هه‌لبژارتنان بيت.
پشتوان سادق ئه‌و چه‌نده ژی دیار كر د بزاڤا ئه‌وێ ئێكێ دانه كو قوتابیێن توخیبێ شنگال و ئه‌و قوتابیێن خۆبه‌خش يێن ل شه‌رى خولا سیێ یا ئه‌زمۆنان بۆ بهێته ڤه‌كرن، دا كو ب شێن پشكداريێ تێدا بكه‌ن.
وه‌زیری په‌روه‌ردێ دا زانین خواندن ل پارێزگه‌ها دهۆكێ ده‌ستپێنه‌كریه ژ به‌ر پرانیا خواندنگه‌هێن ئه‌وێ پارێزگه‌هی ئاواره تێدانه كو ل دهۆكێ 164 خواندنگه‌هـ و ل قه‌زا سێمێل 99 و زاخۆ 137 و نێزیكی 245 هه‌زار قوتابی بێ بار بووینه ژ خواندنێ و دڤێت رێيه‌كا ب له‌ز و قانوونى بۆ ئه‌وان بهێته دیتن.
داخوازا ڤەکۆلینێ ل بۆیەرا پەروەردا مێرگەسۆرێ تێتەکرن
ھەولێر، قائید میرۆ
دکتۆر شێرکۆ حەمە ئەمین، ئەندامێ لیژنا پەروەردێ یا پەرلەمانێ کوردستانێ ب ئەڤرۆ نیۆز راگەھاند، داخوازێ ل وەزیرێ پەروەردێ دکەین، لیژنەیەکا ڤەکۆلینێ ل دۆر بۆیەرا پەروەردا مێرگەسۆرێ بھێتە پێک ئینان و ئەگەر ھات و راست دەرکەفت رێڤەبەرێ پەروەردێ داخوازکربیت، ترۆمبێل بسەر قوتابیێن خۆنیشاندەر بکەڤیت بھێتە سزادان.
شێرکۆی خویاژیکر، پێدڤیە ئەندامەکێ لیژنا پەروەردێ د لیژنا ڤەکۆلینێ دا ئەندامبیت و ئەڤا ھاتیە بەلافکرن ئەگەر وەسابیت، ئەڤە گورەی قانوونێ بھێتە سزادان و ل کەرتێ پەروەردێ بھێتە دۆرخستن.
بەری چەند رۆژان ل تۆڕێن کۆمەلایەتی ھاتە بەلافکرن، ددەمێ خۆنیشاندانا ھژمارەک قوتابیێن گوندێ ھوستان یێ سەرب قەزا مێرگەسۆرێ، رێڤەبەرێ پەروەدێ فەرمان ب شوفێرێ خوە کریە بسەر قوتابیان بکەڤیت و د ئەنجامدا ھژمارەک قوتابی برینداربووینە.
3088 ئاواره ل جهێن ئاينى يێن دهۆكێ هاتينه بنه‌جهكرن
ئه‌ڤرۆ نيوز، ناجی به‌ده‌ل:
پشتى هێرشێن داعش بۆ سه‌ر ده‌ڤه‌رێن كوردستانى يێن ده‌رڤه‌ى مادێ 140 ب تايبه‌ت يێن ده‌سپێكا هه‌يڤا هه‌شت، بۆ ئه‌گه‌رێ وێ چه‌ندێ هژماره‌كا زۆرا ئاواره‌يان رووى ل هه‌رێما كوردستانێ كر و پتريا وان ژى ل دهۆكێ بنه‌جهكرن، ئه‌ڤه ژى بۆ رێژه‌كا زێده‌تر ل سه‌ر يێن به‌رى نوكه هه‌ين ژ ئاوارێن ناڤه‌راست و باشوورێ عيراقێ و ڤێ دووماهێ يێن كۆبانێ ژى هاتنه سه‌ر كو بارگرانيه‌كا گه‌له‌ك مه‌زن ل سه‌ر پارێزگه‌هێ دروست كريه.
مالك ره‌مه‌زان ل راگه‌هاندنا رێڤه‌به‌ريا گشتيا ئه‌وقافا پارێزگه‌ها دهۆكێ بۆ ئه‌ڤرۆ نيوز دياركر كو هژماره‌كا زۆر يا مزگه‌فتان ل سه‌رانسه‌رى پارێزگه‌ها دهۆكێ بۆ ئاواران هاتينه ته‌رخانكرن و تێدا هاتينه بنه‌جهكرن.
ئه‌ڤ خشته‌يێ ل خارێ رێژه و هژمارا وان ديار دكه‌ت
| ذ | قه‌زا | هول | مزگه‌فت يان جهێن ئاينى | خێزان | |
| 1 | دهۆك | 2پشكا ناڤخۆيى | 19 | 140 | |
| 2 | زاخۆ | 3 | 3 | 60 | |
| 3 | ئاكرێ | 3 | 45 | ||
| 4 | شێخان | 1 | 1 خانيێ ئيمامى | 21 | |
| 5 | به‌رده‌ره‌ش | 3 | 8 | 165 | |
| 6 | سێمێل | 4 | 12 | ||
| 7 | ئامێدى | 2 | 1 | 9 | |
| 8 | كاروبارێن مه‌سيحيان | 70 | 2500 | ||
| 9 | كاروبارێن ئێزديان | 2 | 136 | ||
| سه‌رجه‌م | 90 | 32 | 3088 |
ژ لايێ خوه ڤه، سه‌دیق شه‌رۆ، به‌رپرسێ راگه‌هاندننا په‌روه‌ردا گشتی یا پارێزگه‌ها دهۆكێ راگه‌هاند: ئه‌و قوتابخانێن ل خانكێ و شاریا هاتینه ڤالاكرن بۆ كه‌مپان جاره‌كا دی هاتنه تژیكرن ژ به‌ر سه‌قایێ و نه‌شیاین ل ئه‌وان كه‌مپان بژین جاره‌كادی هاتنه ڤه‌گه‌راندنن بۆ قوتابخانه‌یان.
رۆما و بايرن ميونخ د گۆپيتكا ياريێن ئه‌ڤرۆ يێن شامپيۆن ليگ دا
ئه‌ڤرۆ نيوز:
یاریگەھا ئولومپی ل پایتەختێ ئیتالیا دێ جھێ یاریا گوپیتکا ئاگری بیت د ناڤبەرا ھەردو یانێن روما یا ئیتالی و بایرن میونخ یا ئەلمانی د یاریێن گەرا سیێ دا ژ کوما پێنجێ یا قارەمانیا یانێن ئوروپا قارەمانێن خولان د قوناغا ئێکێ دا و دیسان ئەف شەڤە دێ یارێن کومێن پێنچ ھەتا ھەشتێ ھێنە کرن.
د کوما پێنجێ دا یانا روما یا ئیتالی دێ مێڤانداریا بایرن میونخ یا ئەلمانی کەت و ھەردو یانە ب مورالەکا مەزن دێ چنە د ناڤا ڤێ یاریێ دا پشتی ھەردو یانا د خولێن وەلاتێن خوە دا سەرکەفتن تومارکرین و یانا روما دێ بزاڤێ کەت بەردەوامیێ ب دەتە دەستپێکا خوە یا ب ھێز ئەوا شیا د پرانیا یاریێن خودا ل سەر ئاستێ ناڤخو و ئوروپا ب سەرکەفتن ب دووماھی بینت ھەر چەندە راھێنەرێ وێ خویاکریە کو یاریا وان یا ب ساناھی نابیت ھەمبەر یانا ئەلمانی کو راھێنەرێ ئسپانی جوسێپ گواردیولا سەرپەرشتیێ لێ دکەت.
د ڤێ یاریێ دا ھەردو یانا ئەو یاریکەرێن خودان شیان یێن ھەی کو یانێن خوە بەر ب سەرکەفتنێ بەن د ناڤا رێزێن روما دا ل پێشیا وان فرانشیسکو توتی و یێ کودیڤواری جرفینیو و دانی دی روسی ئەوێ ژ ھنگافتنێ ڤەگەریای و یێ ئەلمانی سیدو کیتا و چەند ناڤێن دی یێن بەرنیاس و خودان شیان و ل ناڤا بایرن میونخ ل پێشیا وان ئاریێن روبێن و توماس مولەر یێن ئەلمانی و روبرت لیڤاندوڤیسکی و ئەلونسو.
ھەر د ڤێ کومێ دا یانا مانچستەر سیتی یا ئنگلیزی دێ بیتە مێڤانا سیسکا موسکو یا روسی د یاریەکێ دا بێ جەماوەر ب ئەگەرا ھەبونا سزایان ل سەر یانا روسی ژبەر تێکدانا ژلایێ جەماوەرێ وێ ڤە دروست بووی و د ڤێ یاریێ دا یانا ئنگلیزی دێ پشتبەستا وێ یا سەرەکی ل سەر یاریکەرێن وێ ئەگوێرو و ئەدین دەزیکو و یێ ئسپانی داڤید سێلڤای بیت بو ب دەستڤە ئینانا خالێن تمام یێن یاریێ بەری یاریا وان یا دویێ پشتی حەفتیەکا دی.
د کوما شەشێ دا یانا بەرشەلونە یا ئسپانی بزاڤێن وێ بو قەرەبوکرنا خوسارەتیا یاریا بوری نە ھەمبەر پاریس سان جێرمان یا فرەنسی دەمێ مێڤانداریا یانا ئەیاکس ئەمستردام یا ھولەندی دکەت ل یاریگەھا خوە کامپ نوو
و زێدەتر ژ ڤێ ئارمانجێ یانا بەرشەلونە ب سەرکەفتنێ دێ شێت مورالا یاریکەرێن خوە بلندکەت بو یاریا کلاسیکو ل روژا شەمبیا بھێت ھەمبەر ریال مەدرید و پشتبەستا بەرشەلونە دێ ل سەر ستێرێن وی لیونێل میسی و نیماری بیت بو ب دەستڤە ئینانا سەرکەفتنێ و دوبارە یانا ھولەندی خوسارەت بکەت وەکو وەرزێ بوری.
ھەر د ڤێ کومێ دا یانا پاریس سان جێرمان یا فرەنسی دێ شیانا مەزێخیت بەردەوامیێ ب دەتە سەرکەفتنا پشتی د خولا نافخودا ل روژا شەمبیا بوری ب سەرکەفتی ل سەر نیس و دیسان سەرکەفتنا دویێ د ڤێ قارەمانیا ئوروپی دا تومار بکەت دەمێ دبیتە مێڤانا یانا ئەبویل یا قوبرسی.
د کوما حەفتێ دا یانا یانا چێلسی یا ئنگلیزی یا ب ھیڤی یە بەردەوامیێ ب دەتە ھەبونا خوە یا ب ھێز ل ناڤا یاریگەھا خوە دەمێ یانا ماریبور یا سلوڤینی مێڤان دکەت و ھەر د ڤێ کومێ دا یانا شالکە خودانا رێزا دویێ ب دو خالان ئومێدین ب دەستڤە ئینانا سەرکەفتنێ و گەشکرنا ھیڤیێن ب دەستڤەبرنا ئێک ژ پلێتێن دەربازبونێ دەمێ یاریا خوە د گەل یانا لشبونە یا پرتوگالی دکەت.
د کوما ھەشتێ و دووماھیێ دا یانا پورتو یا پرتوگالی دێ د گەل ئەتلەتیکو مەدرید یا ئسپانی کەت و باتی بوریشوف یا روسیا سپی د گەل شاختر دونیستک یا ئوکرانی.
به‌رهه‌ڤكرن، پشكا وه‌رزشى ل رۆژناما ئه‌ڤرۆ:
سه‌رۆك بارزانى: دڤێت پێشمه‌رگه 48 ده‌مژمێرێن دى ل كۆبانێ بن
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كێ سه‌ركرداتيا پارتى ديموكراتى كوردستان راگه‌هانديه كو سه‌رۆك بارزانى ئه‌مر ده‌رخستيه كو پێدڤيه د 48 ده‌مژمێرێن بهێت دا، پێشمه‌رگه‌ى ل كۆبانێ بن و هێشتا PYD ژى چو هه‌لويست نه‌داينه، توركيا ژى يا ئاماده‌يه رێ ل به‌ر پێشمه‌رگه‌ى ڤه‌كه‌ت.
ب گۆره‌ى نووچه‌يه‌كێ ئاڤێستا كورد، ئه‌ندامه‌كێ سه‌ركرداتيا پارتى ديموكراتى كوردستان ب كه‌نالێ جه‌زيره يێ عه‌ره‌بى راگه‌هانديه كو سه‌رۆك بارزانى ئه‌مر ده‌رخستيه كو پێدڤيه د 48 ده‌مژمێرێن بهێت دا، پێشمه‌رگه‌ى ل كۆبانێ بن.
پێشتر وه‌زيرێ به‌ره‌ڤانيا توركيا، مه‌وليد جاويش ئۆغلۆ ژى راگه‌هاند بوو كو توركيا يا ئاماده‌يه ده‌رگه‌هێن خوه يێن سنورى ل هه‌مبه‌ر پێشمه‌رگه‌ى ڤه‌كه‌ت بۆ چوونا ناڤ كۆبانێ، به‌لێ دايه زانين ژى كو هێزێن پێشمه‌رگه‌ى چو چه‌كى ل گه‌ل خوه نابه‌نه توركيا و كۆبانێ ب تۆمه‌تا وێ چه‌ندێ نه‌كه مه‌ترسيێ ل سه‌ر ئه‌منا توركيا دروست بكه‌ن.
ئه‌مريكا ژى ژ لايێ خوه ڤه پێشوازى ل وێ پێنگاڤا حوكمه‌تا توركيا كر و ب پێنگاڤه‌كا باش به‌ر ب روو ب رووى بوونا تيرۆرێ ب ناڤ كر.
هه‌ر د ڤێ ده‌ربارێ دا، پێشتر ژێده‌ره‌كى ژ جڤاتا نشتيمانى يا كوردى ب ئه‌ڤرۆ نيوز راگه‌هاند بوو كو سه‌ره‌راى رازيبوونا توركيا ل سه‌ر چوونا له‌شكرى ب رێيا سنۆرێن وێ بۆ كۆبانێ، به‌لێ هێشتا PYD چو هه‌لويست د وێ ده‌ربارێ دا نه‌داينه و ب ڤێ چه‌ندێ ژى پێشمه‌رگه نه‌شێت بچيته ناڤا كۆبانێ.
نوكه كۆمبوونا هێزێن سياسى يێن ناڤا جڤاتا نشتيمانى و ته‌ڤده‌مێ يا به‌رده‌وامه و ل سه‌ر چه‌ندين خالێن هه‌ستيار وه‌كو چێكرنا ئێك كانتۆرن ل جهێ سێ كانتۆنان هاتيه دان و رێڤه‌به‌ريا وێ ژ لايێ هه‌ر ئێك ژ جڤاتا سياسى و ته‌ڤده‌مێ بيت، به‌لێ ژ لايێ له‌شكرى ڤه هه‌تا نوكه نه‌گه‌هشتيه چو ئه‌نجامێن باش.
محه‌مه‌د ئيسماعيل ئه‌ندامێ مه‌كته‌ب سياسيا پارتى ديموكراتى كوردستان- سوريا د داخۆيانيه‌كێ دا بۆ ئه‌ڤرۆ نيوز گۆت: “جارێ ل ڤان دانوستاندنا مه وه‌كو پارتى و جڤاتا نشتيمانى ب تنێ دڤێت رازيبوونا وان وه‌رگرين بشێن شه‌رى ل كۆبانێ بكه‌ين”.
نه‌رويژ ماچكرن قه‌ده‌غه‌كرن
ئه‌ڤرۆ نيوز:
قانوونا ماچكرنێ ل نه‌رۆيژ دێ كه‌ڤيته كارى و ب گۆره‌ى ڤێ قانوونێ، نابيت ماچكرن ل جهێن گشتى ژ دو چركان زێده‌تر ڤه‌كێشيت.
ژ 1\11 و پێڤه قانوونا ماچكرنێ ل نه‌رۆيژ دێ كه‌ڤيته كارى و ب گۆره‌ى ڤێ قانوونێ، نابيت ماچكرن ل جهێن گشتى ژ دو چركان زێده‌تر ڤه‌كێشيت و يێ سه‌رپێچيێ بكه‌ت دێ ب 1500 كرۆنێن نه‌رۆيژى هێته سزادان.
ب گۆره‌ى ڤێ قانوونێ ماچيكرن ب رێيا ده‌ڤ بۆ ده‌ڤى پشكه‌كه ژ كريارا خۆشتڤيێ و ژ به‌ر ڤێ چه‌ندێ ژى نابيت ژ دو چركان زێده‌تر ڤه‌كێشيت.
پۆليسێن مه‌ده‌نى ل دهۆكێ خوين به‌خشى
داهاتێ Apple ژ i phone 6 ل دووڤ دلێ وێ يه
ئه‌ڤرۆ نيوز:
كۆمپانيا Apple راگه‌هاند كو داهاتێ وێ يێ دارايى يێ ڤێ دووماهيێ زێده‌ترى وان پێشبينيايه ئه‌وێن وان كرين، ب تايبه‌ت پشتى وان ئه‌نجامێن نه‌باش يێن ل سه‌ر i phone 6 ده‌ركه‌فتين.
Apple راگه‌هاند كو داهاتێ وێ زێده‌ترى 8.5 مليار دۆلارێن ئه‌مريكى يه ب ره‌نگه‌كى هه‌ر سه‌همه‌كى 1.42 دولا، داهاتێ وێ ژى بوويه 42.1 مليار دولارێن ئه‌مريكى، بۆچوونا ئه‌وان ئه‌و بوو كو 40 مليار دۆلار داهاتێ وێ بوون، به‌لێ هاتنا i phone 6 رۆله‌كێ مه‌زن د ڤێ ده‌ربارێ دا هه‌بوو.
ده‌رباره‌ى وان ئاميرێن كۆمپانيێ ژى فرۆتين گه‌هشتينه 39.2 مليۆن تله‌فۆنێن i phone، هه‌ڤبه‌ركى ب 33.8 ميلۆن i phone ل سالا بۆرى د هه‌مان ده‌م دا، ده‌رباره‌ى كۆمپيۆته‌ران ژى داهاتێ وان گه‌هشتيه 39.2 مليۆن كۆمپيۆته‌ران هه‌ڤبه‌ركى ل گه‌ل 14.1 مليۆن پارچان ل سالا بۆرى.
كۆمپانيێ گۆت: “فرۆتنا كۆمپۆته‌رێن Mac يێن تايبه‌ت د راده‌كێ ده‌ستنيشانكرى دا بوون كو گه‌هشتينه 5.52 ميلۆن كۆمپيۆته‌ر ئه‌وێن كو پێبينى دكر بگه‌هنه 4.85 مليۆن كۆمپيۆته‌ر، به‌لێ i pad ب رێژا 24% هاتيه خوار، كۆمپانيێ 2.6 مليۆن پارچه يێن فرۆتين هه‌ڤبه‌ركى ل گه‌ل 3.5 پارچان ل سالا بۆرى”.
ره‌وشا شه‌رڤانێن ئێزدى ل چيايێ شنگال يا چاوايه؟
ئەڤرۆ نیوز، لەزگین جۆقی:
فەرماندێ پێشمەرگێن ئێزدێ ل چیایێ شنگالێ و کارگێری لقێ 17 يێ پارتی ديموكراتى كوردستان ل شنگال قاسم شەشۆ بۆ ئەڤرۆ نیوز دیارکرکو ب ھەموو شیانێن خوە داعش بزاڤان دكه‌ن خوە بگەھیننە مەزارگەھێ شەرفەدین، لێ ھێزێن پێشمەرگێ کوردستانێ و شەرڤانێن ئێزدی ب تۆندی بەرسڤا تۆندرەوێن داعش دان ژ مه‌زارى دوورکرن، نوکە دووراتیا دو کلیومەتر و نیڤان داعش دووری مەزارگەھێ شەفەدینن.
ناڤبری ئەو ژی خویا کر کو ھەتا نوکە فروكان ھێرش نەکرینە سەر چەکدارێن داعش ل شنگال و گۆت: “ئەڤە ژ دوھى وەرە شەر یێ بەردەوامه، ھەتا نوکە ژی ئەم د شەری داینە د گەل تیرۆرستان دا و پشتی ھێزێن پێشمەرگه‌يێ کوردستانێ گەھشتينە مە، ب شێوەکێ تۆندتر مە شیا بەرسڤا تیرۆرستان بدەين و داخوازێ دکەين بارەگایێن داعش بھێنە تۆپبارانکرن”.
نيشاندان
WP Facebook Auto Publish Powered By : XYZScripts.com