ئه‌ڤرۆ نیۆز:
فه‌رمانده‌یا پۆلیسێن پارێزگه‌ها دیالا دوپاتكر، 30 چه‌كدارێن تیرۆرستێن داعشێ و ئه‌میره‌ك و قازیێ ده‌ڤه‌را میقدادیێ یێ ب ناڤێ (ئه‌بو عایشا ) دهێته‌ نیاسین هاتن كوشتن.
فه‌ریقێ روكن جه‌میل ئه‌لشه‌مه‌رى فه‌رماندێ فه‌رمانده‌یا دیالا گۆت: هێزێن ئێمناهیا دیالا ب هه‌ڤكارى ل گه‌ل ملیتانێن مللى و ب پشته‌ڤانیا فرۆكێن شه‌رى هێرشه‌كا به‌رفره‌ه برنه‌ سه‌ر بنگه‌هێن داعشێ ل ده‌ڤه‌را (ئه‌لتایه‌) كو دكه‌ڤیته‌ باكورێ میقدادیێ دئه‌نجامدا 30 چه‌كدارێن داعشێ هاتن كوشتن و 5 ترۆمبێلێن وان هاتن ژناڤبرن.
جه‌میل ئه‌لشه‌مه‌رى هه‌روه‌سا دوپاتكر، چه‌كدارێن داعشێ وڕیه‌یێن شه‌ركرنێ نه‌ماینه‌ و پڕانیا وان ژ به‌روكێن شه‌رى دڕه‌ڤن ب تایبه‌تى پشتى ئه‌و دربێن ڤێ دووماهیێ ڤێكه‌فتین.

ئه‌ڤرۆ نیۆز:
ده‌سته‌یا نیشتیمانى یا لێپرسین و دادیا عیراقێ راگه‌هاند، ده‌سته‌یا وان هنده‌ك قانوونێن راستڤه‌كرى یێن پێشنیازكرى بۆ هه‌ر سێ سه‌رۆكاتیێن (سه‌رۆك كۆمار و وه‌زیران و په‌رله‌مانى ) هنارتى بۆ رێككه‌فتن و دیاركرنا بوچوونێن وان و ره‌ونه‌كرنا وێ بۆ جڤاتا نوونه‌ران داكو بڕیارێ ل سه‌ر بده‌ن.
جێگرێ سه‌رۆكێ ده‌سته‌یا ناڤبرى به‌ختیار قازى گۆت: ئه‌و راسته‌ڤه‌كرن ل سه‌ر شه‌ش خال و به‌ندێن قانوونا ده‌سته‌یا هاتینه‌ كرن كو گرێدایى ب فیدائیان و ئه‌ندامێن جڤاتا مللى یل حزبا به‌عس و ده‌سته‌ركرنا تایبه‌ت و سه‌ره‌ده‌ریا ده‌سته‌یا لێپرسێن و دادیێ ڤه‌ هه‌یه‌، ئاماژه‌دا ژى، ده‌سته‌یا وان ل گۆر به‌رپسیا خوه‌ یا قانوونى ئه‌و راستڤه‌كرن ره‌وانه‌ى ئالیێن په‌یوه‌ندیدار كرینه‌.
به‌ختیار قازى دیاركر، ده‌سته‌یا دادیێ چاڤه‌رێى هه‌لویستێ هه‌رسێ سه‌رۆكاتیایه‌ سه‌باره‌ت وان راستڤه‌كرنان یان ژى هنده‌ك گوهۆرێن ل گۆڕ ره‌وشا نها و ڤێ قووناغێ بهێنه‌ ئه‌نجامدان، پاشى جڤاتا نوونه‌ران دێ ده‌نگى ل سه‌ر وێ راستڤه‌كرنێ ده‌ن.

ئه‌ڤرۆ نیۆز:
هه‌موو وه‌زیرێن كوردان یێن هێزا هه‌ڤپه‌یمانیا كوردستانى د ناڤ حوكمه‌تا فیدارلى دا، ل جڤاتا نوونه‌رێن عیراقێ ب مه‌ره‌ما ده‌ست بكاربوونا پۆستێن بۆان هاتینه‌ دان سوندا قانوونى خوارن.
پشتى جڤاتا نوو نه‌رێن عیراقێ هه‌ردو وه‌زیرێن ناڤخوه‌یى و به‌رڤانیا عیراقێ ژ ئالیێن فراكسیۆنێن سیاسى ڤه‌ هاتینه‌ په‌سه‌ندكرن وه‌زیرێن كورادن ژى سونادا قاننونى خوارن، پۆستێن راده‌ستێ وه‌زیرێن كوردان هاتینه‌ كرن ب ڤى ره‌نگى بوون، جێگرێ سه‌رۆك وه‌زیران رۆژ نورى شاوه‌یس (پارتى دیموكراتى كوردستان) هشیار زێبارى وه‌زیرێ دارایى (پارتى دیموكراتى كوردستان) فریاد ره‌واندوزى وه‌زیرێ ره‌وشه‌نبیرى (ئێكه‌تى نیشتیمانى كوردستان) درباز محه‌مه‌د سالح وه‌زیرێ مشخت و مشه‌ختیان(بزاڤا گۆڕان) به‌یان نورى وه‌زیرا ئافره‌تان (یه‌كگرتوویا ئیسلامى كوردستانێ) سامان عه‌بدوللا وه‌زیرێ ده‌وله‌تێ ( كومه‌لا ئیسلامى یا كوردستانى).

جڤاتا نوونه‌رێن عيراقێ ب ئاماده‌بوونا سه‌رۆكێ په‌رله‌مانى، سه‌ليم جبۆرى و سه‌رۆكێ جڤاتا وه‌زيران، حه‌يده‌ عه‌بادى  و 261 په‌رله‌مانتاران كۆمبوو.

كه‌نالێ عيراقيه‌ يێ حوكمه‌تا عيراقێ راگه‌هاند كو هه‌ر ئێك ژ  محه‌مه‌د غوبان بۆ وه‌زيرێ ناڤخۆ ب 197 ده‌نگان و خالد عوبه‌يدى بۆ وه‌زيرێ به‌ره‌ڤانيێ ب 173 ده‌نگان هاتنه‌ هه‌لبژارتن.

 ديسا دكتۆر رۆژ وه‌كو جێگرێ سه‌رۆكێ وه‌زيران و جاسم محه‌مه‌د جان وه‌كو وه‌زيرێ كۆچبه‌ران و عادل شه‌رشاب وه‌زيرێ گه‌شتيارى و به‌يان نورى وه‌زيرا كاروبارێن ژنێ هاتنه‌ هه‌لبژارتن.

ئه‌ڤرۆ نيوز:

وه‌زيرێ ده‌رڤه‌ يێ عيراقێ راگه‌هاند كو ئه‌و پارێ هه‌ڤپه‌يمانان هه‌مبه‌ر دربێن وان يێن ئه‌سمانى ل دژى داعش ناده‌نێ و دڤێت هه‌پڤه‌يمان هه‌موو وى پاره‌ى بده‌ن.

جه‌عفه‌رى د كۆنگره‌كێ رۆژنامه‌ڤانى دا ل جڤاتا نوونه‌رێن عيراقێ گۆت: “پارێ هێرشێن ئه‌سمانى دێ ل سه‌ر وه‌لاتێن هێزێن ئه‌سمانى بكار دئينن بيت و عيراق نه‌يا ئاماده‌يه‌ چو پاره‌ى بده‌ت”.

هه‌ر وه‌كو تۆرا ميديا عيراقێ به‌لاڤكرى: “نابيت بێى ره‌زامه‌نديا عيراقێ هه‌پڤه‌يمان دربان ب وه‌شينن و چو لايه‌نان داخوازا هێزێن سه‌ر ئه‌ردى ژ عيراقێ نه‌خواستينه‌”.

ئاشكه‌را ژى كر كو نوكه‌ وه‌لاتێ وى يێ روو ب رووى هێرشێن دژوارێن تيرۆرستى دبيت و يێ د ره‌وشه‌كا نه‌باش دا د بۆريت ل سه‌ر گه‌له‌ك ئاوايان و كارێ رژد بۆ ئاڤاكرنا هێزێن ئه‌منى دێ گرێداى وێ چه‌ندێ بيت كو ئێدێ عيراقێ پێدڤى ب هێزێن بيانى نه‌بيت و گۆت: “رێ دانا هێزێن بيانى دێ ب رێيا جڤاتا نوونه‌ران بيت و وێ ژى رێ نه‌دايه‌ چو هێزان بهێنه‌ ناڤا عيراقێ”.

گۆتژى: “مه‌ بزاڤ كر ئيرانێ پشكدار كه‌ين ل ناڤ هێزێن هه‌رێمى و نێڤده‌وله‌تى بۆ دژايه‌تيكرنا تيرۆرێ، به‌لێ سه‌رنه‌گرت، سه‌ره‌راى وێ چه‌ندێ كو رۆله‌كێ مه‌زنێ ل سه‌ر ئه‌ردى هه‌يى”.

وه‌زيرێ ژ ده‌رڤه‌ ل هه‌مبه‌ر جڤاتا نوونه‌ران گۆت: “عيراق نه‌يا به‌رپرسه‌ ژ چێكرنا چو هه‌ڤپه‌يمانيێن نێڤده‌وله‌تى بۆ روو ب رووى بوونا مه‌ترسيا داعش، سه‌ره‌راى كو حكومه‌تا عيراقێ ب هه‌موو ره‌نگه‌كى هێزێن سه‌ر ئه‌ردى بۆ ناڤا عيراقێ ره‌تدكه‌ت، ب تنێ وه‌كو رێكخۆشكه‌ره‌ك ل سه‌ر ئه‌سمانێ عيراقێ بۆ هێزێن چه‌كدار”.

جه‌عفه‌رى پێدڤيا عيراقێ ب چه‌كى بۆ روو ب رووى بوونا مه‌ترسيا داعش دا زانين و گۆت: “مه‌ داخواز ژ چ وه‌لاتان نه‌كريه‌، پێدڤيێن سه‌ربازى بهنێريته‌ سه‌ر عيراقێ و سه‌ره‌ده‌ريا ل گه‌ل وه‌لاتێن بيانى ژ لايێ سه‌ربازى ڤه‌ دێ ب گۆره‌ى مه‌رجان بيت و ژ وان ژى ته‌نسيق ل گه‌ل هێزێن عيراقى و هاريكاريا ئه‌سمانى و نه‌دانانا دربان ب ئارمانجێن ناڤ باژێران و وه‌لاتيان نه‌كه‌نه‌ ئارمانج و پاراستنا سه‌روه‌رى يا نشتيمانى و پشت به‌ستن ل سه‌ر هاريكاريا مرۆڤايه‌تى يا په‌نابه‌ران”.