ئه‌ڤرۆ نيوز،هه‌ژار مه‌عروف:
تیما ته‌پا پێ‌ یا دهۆك سه‌ركه‌فتنا خوه‌ یا دوێ‌ ل دوڤ ئێك توماركر پشتی دوهی شیای ب سه‌ركه‌فیت ل سه‌ر یانا سلێمانیێ‌ ل یاریگه‌ها وێ‌ ب گوله‌كێ‌ بێ‌ به‌رامبه‌ر ژ چارچوڤێ‌ یاریێن گه‌را سێ‌ ژ خولا پلا نایاب یا عیراقێ‌.
دڤێ‌ یاریێ‌ دا تیما ته‌پا پێ‌ یا دهۆك ل نیڤا ئێكێ‌ دا نه‌ ل ئاستێ‌ پێدڤی بوو تایبه‌ت ل هێلا ناڤین كو تیما سلێمانیێ‌ شیابوو كونترول سه‌ر یاریگه‌هێ‌ بكه‌ت و گه‌له‌ك هه‌لكه‌فتا دا تیما سلێمانیێ‌ خوه‌ نێزیكی گولا دهۆكێ‌ كر، ل نیڤا دوێ‌ تیما دهۆك باشتر هاته‌ دناڤ یاریێ‌ دا تایبه‌ت پشتی راهێنه‌رێ‌ تیمێ‌ چه‌ند گوهورین د پێكهاتیێ‌ تیمێ‌ دا كرین و ئه‌و بوو ل دقیقا 63 یاریكه‌رێ‌ پیشه‌كارێ‌ كامیرونی ئه‌نیست ئینگا گولا ئێكێ‌ و سه‌ركه‌فتنێ‌ بوو تیما دهۆك توماركر و پشتی ڤێ‌ گولێ‌ تیما دهۆك گڤاشتنێن مه‌زنتر ل سه‌ر گولا سلێمانیێ‌ كرن لێ‌ د بێ‌ مفابوون و ل ده‌ه دقیقه‌یێن دووماهیێ‌ ژ یاریێ‌ تیما سلێمانیێ‌ كونترول ب تمامی ل سه‌ر یاریێ‌ كر و چه‌ندین هێرشێن مه‌ترسی كرنه‌ سه‌ر گولا دهۆك و ل دقیقا 87 گولچیێ‌ تیما دهۆك عوده‌ی تالب تیما خوه‌ ژ گوله‌كا مسوگه‌ر قورتالكر ده‌مێ‌ ته‌پا یاریكه‌رێ‌ یانا سلێمانیێ‌ هه‌رێم بورهان ڤه‌گه‌راندی و ب ڤێ‌ سه‌ركه‌فتنێ‌ تیما دهۆك خالێن خوه‌ گه‌هاندنه‌ شه‌ش خالان ژ دو یاریان.
ل دۆر ڤێ‌ یاریێ‌ راهێنه‌رێ‌ یانا دهۆك باسم قاسم گوت: سه‌راری ڤێ‌ سه‌ركه‌فتنێ‌ ئه‌ز ژ ئاستێ‌ هونه‌ری یێ‌ تیمێ‌ نه‌ یێ‌ رازی مه‌ ژبه‌ركو ئه‌وا مه‌ دڤیا هه‌تانوكه‌ ل ده‌ڤ یاریكه‌ران نه‌هاتیه‌ كرن لێ‌ یا گرنگ ئه‌وه‌ مه‌ سێ‌ خالێن یاریێ‌ ژ ده‌رڤه‌ی یاریگه‌ها خوه‌ ب ده‌ستخوڤه‌ ئینان و ب ئومێدم یاریێ‌ بوو یاریێ‌ ئاستێ‌ تیمێ‌ دێ‌ پێشكه‌ڤیت هه‌ر چه‌نده‌ گه‌له‌ك كێماسی ل تیمێ‌ هه‌نه‌ كو هه‌تانوكه‌ چو یاریكه‌ران پشكا خوه‌ یا ئێكێ‌ ژ هه‌ڤبه‌ستێ‌ نه‌ وه‌رگرتی یه‌.

ئه‌ڤرۆ نيوز:

سه‌رۆكێ يانا ئه‌ى سى ميلان، سێڤيۆ به‌رلسكۆنى، دوورنه‌خست كو باربارا ببيته‌ سه‌رۆكا پاشه‌رۆژێ يا رۆسونيرى.

به‌رلسكۆنى ل د دياره‌كێ دا ل گه‌ لاگه‌زێتا دێلا سپۆرت ئه‌ڤرۆ راگه‌هاند كو باربارا يا پابه‌نده‌ ب يانێ ڤه‌ و چو رێگرى ژى نينن كو رۆژه‌كێ ببيته‌ سه‌رۆك يانا ميلان.

ل دۆر پاشه‌رۆژا تيمێ ژى گۆت: “ميلان سالێن پڕى سه‌ركه‌فتن و ده‌مێن خۆش يێن و ده‌مه‌ ژى يا ژ خه‌لاتكرنێ و سه‌ركه‌فتنێ ب قاره‌مانيان دوور كه‌فتى، رۆژانێن سه‌ركرداتيكرنا ئه‌ورۆپا د نێزيكن و ب ده‌مه‌كێ نێزيك دێ ڤه‌گه‌ريته‌ ڤه‌”.

سه‌ركێ يانێ خه‌ون ژى ب وێ چه‌ندێ ڤه‌ ديت كو ل سالا 2016 دووماهيا شامپيۆن ليگ دێ ل ميلان بيت، گۆت: “بۆچى ب ناسناێ ڤێ نه‌هێينه‌ خه‌لاتكرن”.

به‌رلسكونى ره‌تكر كو ب خرابى به‌حس ل ماسيميليانۆ ئه‌لگرينى راهێنه‌رێ به‌رێ يێ تيمێ و نوكه‌ يێ يۆڤانتوس بكه‌ت و داخازا سه‌ركه‌فتنێ د كارێ وى دا بۆ كر و گۆت: “ئه‌و پيشه‌كاره‌”.

سه‌رۆكێ به‌رێ يێ ئيتاليا ره‌تكر كو ئه‌و هزر د فرۆتنا يانێ ب سه‌رمايه‌داره‌كێ بيانى بكه‌ت يان هه‌تا ئێكێ ئيتالى ژى و گۆت: “نيشانه‌ك ب ناڤێ ميلان ل سه‌ر دلێ من يا قه‌وراندى يه‌ و من چ هزر د چاندنا پارچێن نوو د له‌شێ خوه‌ دا نه‌كريه‌”.