ئەڤرۆ نیوز، سالار دۆسکی:
جێگرێ سەرۆکێ لیژنا سامانێن سرۆشتی ل پەرلەمانێ کوردستانێ دیارکر کو ھزر لدابینکرنا گازا سپی بۆ وەرزێ زڤستانێ بۆ خەلکێ ھەرێما کوردستانێ و ئاوارێن دناڤ ھەرێمێ دا دژین ھاتیەکرن و ئەڤ سالە ھەموو بەرڤی ھاتینەکرن.
دلشاد شەعبان غەفار جێگرێ سەرۆکێ لیژنا سامانێن سرۆشتی ل پەرلەمانێ کوردستانێ زێدەتر بۆ مالپەرێ ئەڤرۆ نیوز گۆت: حوکمەتێ ھەموو بەرڤەھی بۆ دابینکرنا گازا سپی بۆ وەلاتیێن ھەرێما کوردستانێ و دیسا بۆ خەلکێ ئاوارە ژی دناڤ ھەرێمێ کرینە.
شەعبانی گۆتژی: پلێتنێن وەرگرتنا گازا سپی خەلکی ھەنە و ھەر دەمێ بەلاڤەکرنا گازێ ھات دێ دەمێن خوە دا ھێتە پارڤەکرن و دیسا ئاوارە ژی ل بەرچاڤ ھاتینە وەرگرتن و دانا گازێ بۆ ئاوارا دێ لدووڤ سەرۆک خێزانان بیت.
جێگرێ سەرۆکێ لیژنا سامانێن سرۆشتی ل پەرلەمانێ کوردستانێ، گۆتژی: ھەتا نوکە نەھاتیە دیارکرن کو دەمێ بەلاڤەکرنێ کەنگی یە.

ناجی به‌ده‌ل

حكومه‌تا هه‌ریما كوردستانێ ئه‌ڤرۆ سێشه‌مبی كره‌ رۆژا شینیێ وه‌ك هه‌ڤخه‌میه‌ك بو كه‌س و كارێن شه‌هیدێن ته‌قینا قه‌ره‌ته‌په‌.

رۆژا ئێك شه‌مبێ د ته‌قینه‌كا خوكوژیێ دا ل قه‌ره‌ته‌په‌ نێزیكی 40 پێشمه‌رگه‌ و ئاسایش و وه‌لاتی شه‌هید بون و زێده‌تر ژ 100 كه‌سێن دن ژی بریندار بون.

ئه‌نجومه‌نێ وه‌زیرێن حكومه‌تا هه‌ریما كوردستانێ زور ب توندی ئه‌و كریاره‌یا تیروری شه‌رمزار كر سه‌رخوشی ئاراسته‌ی كه‌س و كارێن شه‌هیدان یێن ئه‌وێ كاره‌ساتێ كر و هیڤیا باشبونا بله‌زا بیرنداران خوسات.

حكومه‌تا هه‌ریما كوردستانێ د راگه‌هاندنه‌كێ دا پابه‌ندبونا هێزێن پێشمه‌رگه‌ی و ئاسایشا هه‌ریما كوردستانێ بو ریب ریب بونا توندوتیژیێ دوبات دكه‌ت.

د ئه‌وێ به‌یاننامه‌یێ دا هاتیه‌ رێزگرتن ل گیانێ پاكێ شه‌هیدان و حكومه‌تا هه‌رێما كوردستانێ ئه‌ڤرۆ رۆژا سێ شه‌مبێ 14\10\2014 كره‌ رۆژا شینیێ ل هه‌رێما كوردستانێ .

بەردەرەش, رەزوان رۆژبەیانی:

پشتی خێزانێن ئاوارێن قەزا بەردەرەش بووینە گەلەک بریار ھاتە دان کەمپەکا نوو بۆ وان بھێتە چێکرن.

بەرپرسێ راگەھاندنا قایمقامیا قەزا بەردەرەش حکمەت مەولود بۆ ئەڤرۆ گۆت کەمپەکا نوو ب ناڤێ کانیلان ل بەردەرەش دھێتە دروست کرن، کەمپ ل سەر سیستەمێ جیھانی یێ مودرن دھێتە دروست کرن و نوکە ٣٠% کار تێدا ھاتیە کرن،  دیار ژی کر کو کەمپا کانیلان ل سەر ئەرکێ حوکمەتا ھەرێما کوردستانێ یە و ژ لایێ پارێزگەھا دھۆکێ ڤە دھێتە دروست کرن و جھێ ٣٠٠٠ خێزانێن ئاوارە تێدا ھەیە، ھەر دەمێ دروستکرنا وێ ب دووماھی دھێت دێ ئاوارێن سەنتەرێ پارێزگەھا مووسل و قەزا و ناحیێن دەور و بەرێ مووسل تێدا ھێنە نشتەجێ کرن.