ئه‌ڤرۆ نیۆز:
ژێده‌ره‌ێن ئاگه‌هدار یێن ئێمناهیا نیشتیمانى ل به‌غداى راگه‌هاند، سێ په‌قینێن بهێز دناڤا تاخێن شیعه‌ ئاكنجى ل نیڤا به‌غدا هاتن ئه‌نجامدان كو 25 كه‌س بوینه‌ قوربان د نووترین هێرشێن دژى شیعان دا ل پایته‌ختێ عیراقێ.
ژێده‌رێن هایدار گۆتن: دو ژوان په‌قینان ل باژێره‌كێ سه‌در كو دبیته‌ مه‌زنه‌ تاخێن شیعى ل به‌غدا، یا ئێكێ په‌قینا بومبه‌كێ پشتى نیڤرۆ 3 كه‌س بونه‌ قوربان نێزیكى سیكا فرۆشتنێ یا دوێ په‌قینا ترۆمبێله‌كا تى ئێن تى كرى بوو نێزیكى خاه‌كا پشكنیا پۆلیسان دئه‌نجامدا 16 كه‌س هاتن كوشتن و 30 دى بریندار بوون.
ل تاخێ كازیمه‌ ترۆمبێله‌كا هات په‌قاندن 21 كه‌س دئ نجامێ وێ په‌قینێ دا هات بریندار كرن.

ئه‌ڤرۆ نیۆز:
حوكمه‌تا عیراقێ ده‌نگۆباسێ كونترۆلكرنا باژێركێ ئه‌بو غه‌رێب یێ نیزیكى به‌غدا ژ ئالیێ چه‌كدارێن تیرۆرستیێن داعشێ ڤه‌ ره‌تكرن، هه‌ڤده‌م ژێده‌ره‌كێ ئێمناهیێ ل پارێزگه‌ها ئه‌نبار دیاركر، بنگه‌هێ له‌شكرى یێ هێت و بنگه‌هێ پۆلیسان ل رۆژئاڤایا ئه‌نبار پشتى ره‌ڤینا هه‌موو ئه‌فسه‌ر و له‌شكرى كه‌فته‌ دده‌ستێن چه‌كدارێن داعشێ دا.
ئه‌فسه‌ره‌كێ پۆلیسێن عیراقێ بۆ ده‌زگه‌هێن راگه‌هاندنا عیراقێ خوه‌یاكر، ئه‌و ده‌نگوباس هه‌موو دوورن ژ راستیێ و بتنێ بۆ ترساندنا خه‌لكێ یه‌ و ئارمانجا وێ یا ئاشكرایه‌.
سۆپا سالارێ له‌شكرێ ئه‌مریكى مارتن دیمسى گۆت: چو نه‌ما بوو چه‌كدارێن ده‌وله‌تا ئیسلامى یا تیرورى داعشى ب گه‌هنه‌ فرۆكخانا ده‌ولى یا به‌غدا هه‌كه‌ ب فرۆكێن ئه‌پاتچى یێن ئه‌مریكى نه‌ هاتبانه‌ توپبارانكرن.
مارتن دیمسى هه‌روه‌سا بۆ كه‌نالێ بى بى سى راگه‌هاند، چه‌كدارێن داعشێ بتنێ 25 كیلومه‌تران ژ فرۆخانا به‌غدا دوور بوون، ئامتژه‌دا هندێ ژى ویلایه‌تێن ئێكگرتیا ئه‌مریكى نه‌چار بوویه‌ فرۆكێن ئه‌پاتچى دوێ پرۆسا له‌شكرى دا بكاربینیت وى مه‌ترسیێ نه‌هێلیت.

ئەڤرۆ نیوز، سالار دۆسکی:
رێڤەبەرێ رێڤەبەریا ئاڤاھیان رێڤەبەریا گشتی یا پەروەردا پارێزگەھا دھۆکێ بۆ مالپەرێ ئەڤرۆ نیوز دیارکر کو بڕیار ھاتیە دان سێ قوتابخانێن 12 رێزی بۆ ئاواران بھێنەدانان.
ئەندازیار فەرسەت سەعید، رێڤەبەرێ رێڤەبەریا ئاڤاھیان رێڤەبەریا گشتی یا پەروەردا پارێزگەھا دھۆکێ، گۆت: “ل سەر پارێ عیراقێ بۆ ئاواران تەرخانکری کو ب ھاتنا سالح موتلەک بۆ دھۆکێ کو سێ قوتابخانێن 12 رێزی بھێنە دروستکرن و ئاڤاکرنا قوتابخانە ژی ل قووناغا (ئیحالێ) دەربازبوویە”.
رێڤەبەرێ رێڤەبەریا ئاڤاھیان دیارکر ژی کو ئەڤ کارە ب رێیا پەروەردێ نەھاتیە راگەھاندن، زێدەباری ئاڤاکرنا نەخۆشخانەکێ، ناڤبری گۆتژی: “ئەڤ قوتابخانە ب شێوێ کابینان دێ ھێنە دروستکرن و دێ د ناڤ کەمپان دا ھێنە دروستکرن و ئەڤ کارە ب لەز یێ دھێتە کرن”.