ئەڤرۆ نیوز:
محەمەد میر محەمەدی ئەندامێ جڤاتا دەستنیشانکرنا بەرژەوەندیێن ئیرانێ ئەڤرۆ ژ بەر نەخوەشیا کۆرۆنایێ جانێ خوە ژ دەست دا.
ئاژانسا مێهر یا ئیرانی دیار کر کو محەمەد میر محەمەدی چەند رۆژان د نەخوەشخانێ دا بوو و ئەڤرۆ ژ بەر کۆرۆنایێ جانێ خوە ژ دەست دایە.
بەری نها ژی ئەندامەکێ پەرلەمانێ ئیرانێ ژ بەر کۆرۆنایێ جانێ خوە ژ دەست دابوو.
ئەڤرۆ نیۆز، قائید میرۆ:
راگرێ کۆلیژا قانوونێ ل زانکۆیا سەلاحەدین ئاشکراکر، محەمەد عەلاوی شکەستن ئینایە د پێک ئینانا حوکمەتێ دا و ھەگەر بھێت و شیانێن پێک ئینانا کابینا حوکمەتێ ھەبانە ئەڤە نیەتێن خراپ ھەبوون بۆ تەپەسەرکرنا کوردان.
دکتۆر کاوان ئیسماعیل، راگرێ کۆلیژا قانوونێ ل زانکۆیا سەلاحەدین بۆ رۆژناما ئەڤرۆ دیارکر” ژلایێ قانوونی ڤە شیان ھەبوون حوکمەتا نوویا عێراق بھێتە پێک ئینان، بەلێ ھەگەر حوکمەت بێی کورد و سونەیان ھاتبا پێک ئینان ئەڤە بێگومان چو دەستھەلات نەبوون، چونکە شەرعیەتا دو پێک ھاتێن سەرەکیێن عێراقێ نەبو.
ئەڤی بسپۆرێ قانوونی خویاژیکر” دستوورێ عێراقێ ئاماژە ب بەلافکرنا پۆستێن سەرەکیێن عێراقێ نەکریە، بەلێ چەندین سالە ھەرسێ سەرۆکایەتی بسەر ھەرسێ پێک ھاتێن عێراقێ ھاتینە بەلافکرن و بوویە عورفەک ل عێراقێ.
دکتۆر کاوان ئیسماعیل گۆتژی” محەمەد تەوفیق عەلاوی نیەتێن خراپ ھەبوون و دخواست بۆ پشتی ھەلبژارتنێن داھاتی ژی ھەر ببیتە سەرۆک وەزیرێن عێراقێ، لەوڕا کارەکێ باشبو شکەستن ئینای ل پێک ئینانا حوکمەتێ، چونکە ئەگەر نوکە بڤی شێوەی سەرەدەریێ دگەل کوردان بکەت ھەگەر دوبارە ببیتە سەرۆک وەزیرێ عێراقێ ئەڤە دژایەتیا کوردان دکر.
ئه‌ڤرۆ نیوز:
په‌یڤدارێ وهزارهتا دارایی و ئابووری یا حكومه‌تا هه‌رێما كوردستانی د راگه‌هاندنه‌كێ دا به‌لاڤكریه كو تێدا هاتیه پشتی بزاڤه‌كا زۆرا یا سه‌رۆكێ حكومه‌تا هه‌رێما كوردستانێ ئاریشه‌یا پاش كه‌تنا موچه‌یێ فه‌رمانبه‌رێن هه‌رێمێ ل به‌غدا هاته چاره‌كرن.
ئه‌ڤرۆ ئه‌حمه‌د عه‌بدلره‌حمان په‌یڤدارێ وهزارهتا دارای و ئابووری یا حكومه‌تا هه‌رێما كوردستانێ د وێ راگه‌هاندنێ دا روون كریه پشتی بزاڤه‌كا زۆرا سه‌رۆكێ حكومه‌تا هه‌رێما كوردستانێ تیما كورد ل به‌غدا و وه‌زیرێ دارایی و ئابووری، شیان ئاریشه‌یا موچه‌یێ فه‌رمانبه‌رێن هه‌رێمێ ل به‌غدا چاره‌سه‌ر بكه‌ن.
د وێ راگه‌هاندنێ دا هاتیه دیاركرن كۆ موچه‌خورێن هه‌رێما كوردستانێ ئاگه‌هدار دكه‌ن، كۆ هه‌موو بزاڤه‌كێ كه‌ین بۆ ئه‌وێ چه‌ندێ ئه‌وان ئاسته‌نگان بۆ هه‌یڤێن بهێت نه‌هێلین.
ئه‌و چه‌نده ژی ناڤبری دیاركر زێده‌باری رۆژا پێنجشه‌مبێ 5/3/2020 رۆژا شه‌مبی 7/3/2020 بهێنڤه‌دانا فه‌رمی یه لی به‌نكێن په‌یوه‌ندیدار دێ بكارێ پارڤه‌كرنا مووچه‌ی به‌رده‌وام بن.
ئەڤرۆ نیوز، زنار تۆڤی:
ئەڤرۆ دوشەمبی 2.3.2020 ب ئامادەبوونا خانم کوێستان محەمەد وەزیرا کار و کاروبارێن جڤاکی ل حوکمەتا هەرێما کوردستانێ، ب بەرهەڤبوونا شیرەتکار و رێڤەبەرێن گشتی ل دیوانا وەزارەتا كار و رێڤەبەرێن گشتی یێن چاڤدێری و گەشەپێدانا جڤاكی ل پارێزگەھێن ھەرێما كوردستانێ، رێو رەسمێن دەست بكاربوونا خانم زەكیا سەید سالح وەكو بریكارا وەزیرا كار و کاروبارێن جڤاکی ل هەولێرا پایتەخت برێڤەچوون.
ئه‌ڤرۆ نیوز:
پشتی هێرشا سوپایێ توركیا بۆ سه‌ر سوپایێ سوریا ل ئدلبێ و كوشتنا ده‌هان سه‌ربازێن سوریا و چه‌كدارێن حزبوللا لبنانێ، ئیرانێ هوشداری دا توركیا و راگه‌هاند: چ دی رازی نابین ل سه‌ر ده‌ست درێژیێن سوپایێ توركیا بو سه‌ر سوریا.
ناڤه‌ندا راوێژكاریی یا سه‌ربازییا ئیرانێ ل سوریا كۆ ژ هێزێن ئیرانی و لبنانی پێك دهێت و سه‌رپه‌رشتیا چالاكیێن چه‌كداری دكه‌ن به‌رسڤا هێرشێن توركیا بۆ سه‌ر ئدلبێ و ده‌وروبه‌رێ وێ دا و راگه‌هاند: هوشداریێ دده‌ینه توركیا و دشیان ل ئێك هه‌یڤ وه بكه‌ینه جهێ ئارمانجێن خۆ به‌لێ ژبه‌ر فه‌رمانێن سه‌رخودا مه ئه‌و كاره نه‌كر.
د پشكه‌كا دی یا راگه‌هاندنێ دا هاتیه كۆ توركیا هه‌ڤكاریا گرۆپێن چه‌كدارێن توندره‌و دكه‌ت كۆ سه‌روه‌ریا سوریا تێك دده‌ن.
ده‌مێ چه‌ند رۆژه‌كانه شه‌رۆ و په‌ڤچوونێن سه‌ربازی به‌رده‌وامن دناڤبه‌را سوپایێ سوریا و ب هه‌ڤكاریا روسیا ل گه‌ل توركیا و گرۆپێن چه‌كدارێن سه‌ر ب وێ ڤه ل باژێرێ ئدلبێ و ده‌وروبه‌ر تانوكه ب ده‌هان سه‌رباز و ئه‌فسه‌ر هاتینه كوشتن.
ئەڤرۆ نیوز:
ئەڤرۆ دوشەمبی 2/3/2020 ئەندرپاسا بەرامبەر فەرماندێ هاتە ڤەكرن، ئەندازیار ( سەعدوللا محەمەد ) گۆت: (ئەڤرۆ ئەندرپاس ژبۆ وەلاتیان هاتە ڤەکرن، داكو ئاسانكاری بكەڤیتە هاتنوچوونا وەلاتیان تایبەت د وەرزێ بهارێ دا و بیرەوەریێن ئادار و جەژنا نەوروزێ، هەروەسا رێژا ئەنجامدانا پروژەی 94% هاتیە ئەنجامدان.
ئه‌ڤرۆ نیۆز، عه‌زیز هه‌ورامی:
هه‌ڵه‌بجه پرسه و بۆنه ئاینییه‌كان تاكاتێكی نادیرا ڕاگیرا و داوا له منداڵان و به‌ساڵاچوان ده‌كرێت ڕوو له مزگه‌وته‌كان نه‌كه‌ن بۆنوێژ، داوا له‌و هاوڵاتیانه ده‌كرێت له ئێرانه‌وه گه‌ڕاونه‌‌ته‌وه سه‌ردانی كه‌ره‌نتینه بكه‌ن بۆ پاراستنی ته‌ندروستی خۆیان وخێزانه‌كه‌یان.
ئارام شێخ جه‌مال به‌ڕێوه‌به‌ری گشتی ئه‌وقافی پارێزگای هه‌ڵه‌بجه به ئه‌ڤرۆ نیۆزی ڕاگه‌یاند:” ئه‌مڕۆ 3ی ئازار كۆبونه‌وه‌یه‌ك له نێوان به‌ڕێوه‌به‌رایه‌تی گشتی ئه‌وقاف و قایمقامییه‌ت و نوێنه‌ری به‌ڕێوه‌به‌رایه‌تی گشتی ته‌ندروستی هه‌ڵه‌بجه ولێپرسراوی تیمی كۆرۆنا لیژنه‌ی فتوای هه‌ڵه‌بجه، لێپرسراوی لقی هه‌ڵه‌بجه‌ی یه‌كێتی زانایان و چه‌ندین ماموسای ئاینی،و نوێنه‌ری دادگا، بۆ خۆپارێزی له ڤایرۆسی كۆرۆنا كۆبوینه‌وه چه‌ند بڕیارێكدرا.
ئارام شێخ محه‌ممه‌د ده‌ڵێ، پرسه و بۆنه ئاینییه‌كان تاكاتێكی نادیار ڕاگیران، كه‌سانی به‌ساڵاچوو منداڵان سه‌ردانی مزگه‌وت نه‌كه‌ن له ماڵه‌وه نوێژه‌كانیان بكه‌ن، داواشكراوه له‌وكه‌سانه‌ی له به‌رواری 19/2 مانگی ڕابردووه‌وه له ئێرانه‌وه گه‌ڕوانه‌ته‌وه سه‌رتانی كه‌ره‌نتینه بكه‌ن بۆ پاراستنی ته‌ندروستی خۆیان و ماڵ منداڵانیان، ئه‌گینا له‌ڕوی ئاینییه‌وه تاوان بارده‌بن، داواش كراوه له‌ماموستایانی ئاینی پابه‌ندی ڕێنماییه‌كانی وه‌زاره‌تی ئه‌وقاف و وه‌زاره‌تی ته‌ندروستی بن.
هه‌روه‌ها ئاماژه‌ی بۆ ئه‌وه‌كرد، له جێبه‌جێ كردنی بڕیار و ڕێنماییه‌كانی كۆبوونه‌وه هاوبه‌شه‌كه‌ی ئه‌مڕۆ پێوه‌ندی به‌ته‌واوی لایه‌نه پێوه‌ندیداره‌كانه‌وه‌هه‌یه بۆ جێبه‌جێ كردنی، بڕیاره‌كان بۆ پاراستنی ته‌ندروستی هاوڵاتیانه. ئاماژه‌ی به‌وه‌شكرد، به‌یانی 4ی ئازار لیژنه‌ی فتوای هه‌رێمی كوردستان كۆده‌بێته‌وه ئه‌وان ده‌سه‌ڵاتی ئه‌وه‌یان هه‌یه بڕیار له‌سه‌ر ڕاگرتنی نوێژی هه‌ینی و نوێژه‌كانی تری جه‌ماعه‌ت بده‌ن.
ئه‌ڤرۆ نیوز، مه‌حمود نهێلى:
ژ بو خوه پاراستن ژ ڤایروسێ كورونایێ و چاوانیا سه‌ره‌ده‌رى كرن دگه‌ل كه‌سه‌كێ توشبووى هه‌كه خودێ نه‌كه‌ت هه‌بیت راهێنان ب چه‌ندین كارمه‌ند و نوژدارێن ساخله‌میا قه‌زا ئامێدیێ دهێنه كرن.
دكتور شاكر عه‌بدولعه‌زیز رێڤه‌به‌رێ ساخله‌میا قه‌زا ئامێدیێ بۆ ئه‌ڤرۆ نیوز دیاركر، كو ئه‌وان ئه‌ڤ به‌رهه‌ڤى ئه‌نجامداینه ژ بۆ رێگرى كرن ژ ڤایروسێ كورونایێ و گۆت: دڤێ خولێ دا چاوانیا خوه پاراستن و سه‌ره‌ده‌رى كرنێ ژ ڤایروسى و كه‌سانێن توشبووى هاتنه شروڤه‌كرن و ۲۰ كه‌س به‌شدارى ببوون كو هه‌موو نوژدار و كارمه‌ندێن ساخله‌میێ بووینه ب ره‌نگه‌كى باش راهێنان پێ هاتینه كرن.
ئه‌ڤرۆ نیوز:
پشتى خوساره‌تیا شه‌ڤا بورى یا یانا به‌رشه‌لۆنا ل یاریا كلاسیكو به‌رامبه‌ر ریال مه‌درید ب دو گولان بێ به‌رامبه‌ر ستێرا هێلا ناڤنیا یانا به‌رشه‌لۆنا بوسكیتس دیاركر ئه‌و یارى باشترین ده‌رفه‌ت بوو ئه‌و بشێن جوداهیێ دناڤبه‌را خوه ریال مه‌درید دا زێده‌بكه‌ن و بۆ به‌رده‌وامى دانێ ل سه‌رێ لیستێ لێ ئه‌و چه‌ند نه هاته جه .
زێده‌تر وى یاریزانى بۆ مالپه‌رێ ماركا ئیسپانى دیاركر تیما ئه‌وان ل نیڤا ئێكێ د ره‌وشه‌كا باش دا بوو شیان چه‌ندین مه‌ترسیا ل سه‌ر گولا ریال توماربكه‌ن لێ ل نیڤا دوێ به‌روڤاژى نیڤا ئێكێ بۆ تیما ئه‌وان پاشڤه‌زفرى و ئه‌و پاشڤه‌زفرین بۆ ئه‌گه‌رێ وێ چه‌ندێ خوساره‌ت بن .هه‌ردیسان ناڤبرى ئاماژه ب وێ چه‌ندێ ژى كر ل هنده‌ك ده‌مێن یاریێ ل نیڤا دوێ ئه‌و شیان كونترولا یاریێ بكه‌ن لێ ئه‌و چه‌نده تێرا وێ چه‌ندێ نه‌كر بشێن گوله‌كێ توماربكه‌ن و تایبه‌ت پشتى گولا ئێكێ یا ریال ئه‌و نه‌شیان چ رێكا بۆ وێ گڤاشتنا مه‌زن یا ریال مه‌درید ل سه‌ر ئه‌وان په‌یدا بكه‌ن
نيشاندان